১. ৰিভঙ্গৰারো

হেতুপচ্চযো

৯৩. রূপিং ধম্মং পটিচ্চ রূপী ধম্মো উপ্পজ্জতি হেতুপচ্চযা – একং মহাভূতং পটিচ্চ তযো মহাভূতা…পে… দ্ৰে মহাভূতে…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. (১)

রূপিং ধম্মং পটিচ্চ অরূপী ধম্মো উপ্পজ্জতি হেতুপচ্চযা – পটিসন্ধিক্খণে ৰত্থুং পটিচ্চ অরূপিনো খন্ধা. (২)

রূপিং ধম্মং পটিচ্চ রূপী চ অরূপী চ ধম্মা উপ্পজ্জন্তি হেতুপচ্চযা – পটিসন্ধিক্খণে ৰত্থুং পটিচ্চ অরূপিনো খন্ধা, মহাভূতে পটিচ্চ কটত্তারূপং. (৩)

৯৪. অরূপিং ধম্মং পটিচ্চ অরূপী ধম্মো উপ্পজ্জতি হেতুপচ্চযা – অরূপিং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (১)

অরূপিং ধম্মং পটিচ্চ রূপী ধম্মো উপ্পজ্জতি হেতুপচ্চযা – অরূপিনো খন্ধে পটিচ্চ চিত্তসমুট্ঠানং রূপং; পটিসন্ধিক্খণে…পে…. (২)

অরূপিং ধম্মং পটিচ্চ রূপী চ অরূপী চ ধম্মা উপ্পজ্জন্তি হেতুপচ্চযা – অরূপিং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে…. (৩)

৯৫. রূপিঞ্চ অরূপিঞ্চ ধম্মং পটিচ্চ রূপী ধম্মো উপ্পজ্জতি হেতুপচ্চযা – অরূপিনো খন্ধে চ মহাভূতে চ পটিচ্চ চিত্তসমুট্ঠানং রূপং; পটিসন্ধিক্খণে…পে…. (১)

রূপিঞ্চ অরূপিঞ্চ ধম্মং পটিচ্চ অরূপী ধম্মো উপ্পজ্জতি হেতুপচ্চযা – পটিসন্ধিক্খণে অরূপিং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে…পে…. (২)

রূপিঞ্চ অরূপিঞ্চ ধম্মং পটিচ্চ রূপী চ অরূপী চ ধম্মা উপ্পজ্জন্তি হেতুপচ্চযা – পটিসন্ধিক্খণে অরূপিং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে…পে… অরূপিনো খন্ধে চ মহাভূতে চ পটিচ্চ কটত্তারূপং (সংখিত্তং). (৩)