২. চূল়ন্তরদুকং
৭. সপ্পচ্চযদুকং
১. পটিচ্চৰারো
১-৪. পচ্চযানুলোমাদি
১. সপ্পচ্চযং ধম্মং পটিচ্চ সপ্পচ্চযো ধম্মো উপ্পজ্জতি হেতুপচ্চযা – সপ্পচ্চযং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং.
সপ্পচ্চযং ধম্মং পটিচ্চ সপ্পচ্চযো ধম্মো উপ্পজ্জতি আরম্মণপচ্চযা…পে… অৰিগতপচ্চযা.
২. হেতুযা একং, আরম্মণে একং…পে… অৰিগতে একং.
অনুলোমং.
৩. সপ্পচ্চযং ধম্মং পটিচ্চ সপ্পচ্চযো ধম্মো উপ্পজ্জতি নহেতুপচ্চযা – অহেতুকং সপ্পচ্চযং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, দ্ৰে খন্ধে…পে… অহেতুকপটিসন্ধিক্খণে …পে… (যাৰ অসঞ্ঞসত্তা) ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো (সংখিত্তং).
৪. নহেতুযা একং, নআরম্মণে একং, নঅধিপতিযা একং…পে… নোৰিগতে একং.
পচ্চনীযং.
৫. হেতুপচ্চযা নআরম্মণে একং, নঅধিপতিযা একং…পে… নোৰিগতে একং.
অনুলোমপচ্চনীযং.
৬. নহেতুপচ্চযা আরম্মণে একং অনন্তরে একং…পে… অৰিগতে একং.
পচ্চনীযানুলোমং.
২. সহজাতৰারো
(সহজাতৰারো পটিচ্চৰারসদিসো.)
৩. পচ্চযৰারো
১. পচ্চযানুলোমং
১. ৰিভঙ্গৰারো
৭. সপ্পচ্চযং ধম্মং পচ্চযা সপ্পচ্চযো ধম্মো উপ্পজ্জতি হেতুপচ্চযা – সপ্পচ্চযং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… পটিসন্ধিক্খণে…পে… খন্ধে পচ্চযা ৰত্থু, ৰত্থুং পচ্চযা খন্ধা, একং মহাভূতং…পে… ৰত্থুং পচ্চযা সপ্পচ্চযা খন্ধা.
সপ্পচ্চযং ধম্মং পচ্চযা সপ্পচ্চযো ধম্মো উপ্পজ্জতি আরম্মণপচ্চযা (সংখিত্তং).
৪-৬. নিস্সয-সংসট্ঠ-সম্পযুত্তৰারো
(এৰং পচ্চযৰারোপি নিস্সযৰারোপি সংসট্ঠৰারোপি সম্পযুত্তৰারোপি ৰিত্থারেতব্বো, সব্বত্থ একাযেৰ পঞ্হা.)
৭. পঞ্হাৰারো
১. পচ্চযানুলোমং
১. ৰিভঙ্গৰারো
হেতুপচ্চযো
৮. সপ্পচ্চযো ধম্মো সপ্পচ্চযস্স ধম্মস্স হেতুপচ্চযেন পচ্চযো – সপ্পচ্চযা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে….
আরম্মণপচ্চযো
৯. সপ্পচ্চযো ধম্মো সপ্পচ্চযস্স ধম্মস্স আরম্মণপচ্চযেন পচ্চযো – দানং দত্ৰা, সীলং সমাদিযিত্ৰা, উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি…পে… ঝানা ৰুট্ঠহিত্ৰা…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি; পহীনে কিলেসে…পে… ৰিক্খম্ভিতে কিলেসে…পে… পুব্বে সমুদাচিণ্ণে কিলেসে জানন্তি, চক্খুং…পে… ৰত্থুং… সপ্পচ্চযে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. চেতোপরিযঞাণেন সপ্পচ্চযচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… সপ্পচ্চযা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)
অপ্পচ্চযো ধম্মো সপ্পচ্চযস্স ধম্মস্স আরম্মণপচ্চযেন পচ্চযো – অরিযা নিব্বানং পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো. (১)
অধিপতিপচ্চযো
১০. সপ্পচ্চযো ধম্মো সপ্পচ্চযস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি, পুব্বে…পে… ঝানা…পে… অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, ফলং গরুং কত্ৰা…পে… চক্খুং…পে… ৰত্থুং… সপ্পচ্চযে খন্ধে গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – সপ্পচ্চযাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)
অপ্পচ্চযো ধম্মো সপ্পচ্চযস্স ধম্মস্স অধিপতিপচ্চযেন পচ্চযো. আরম্মণাধিপতি – অরিযা নিব্বানং গরুং কত্ৰা পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো. (১)
অনন্তরপচ্চযাদি
১১. সপ্পচ্চযো ধম্মো সপ্পচ্চযস্স ধম্মস্স অনন্তরপচ্চযেন পচ্চযো…পে… উপনিস্সযপচ্চযেন পচ্চযো…পে… (দ্ৰে পঞ্হা উপনিস্সযমূলং) পুরেজাতপচ্চযেন পচ্চযো…পে… অৰিগতপচ্চযেন পচ্চযো (সব্বত্থ একাযেৰ পঞ্হা).
১. পচ্চযানুলোমং
২. সঙ্খ্যাৰারো
সুদ্ধং
১২. হেতুযা একং, আরম্মণে দ্ৰে, অধিপতিযা দ্ৰে, অনন্তরে একং, সমনন্তরে একং, সহজাতে একং, অঞ্ঞমঞ্ঞে একং, নিস্সযে একং, উপনিস্সযে দ্ৰে, পুরেজাতে একং (সব্বত্থ একং), অৰিগতে একং (এৰং গণেতব্বং).
অনুলোমং.
পচ্চনীযুদ্ধারো
১৩. সপ্পচ্চযো ধম্মো সপ্পচ্চযস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো. (১)
অপ্পচ্চযো ধম্মো সপ্পচ্চযস্স ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো. (১)
২. পচ্চযপচ্চনীযং
২. সঙ্খ্যাৰারো
১৪. নহেতুযা দ্ৰে, নআরম্মণে একং, নঅধিপতিযা দ্ৰে, নঅনন্তরে দ্ৰে, নসমনন্তরে দ্ৰে…পে… নউপনিস্সযে দ্ৰে, নপুরেজাতে দ্ৰে…পে… নোৰিগতে দ্ৰে, নোঅৰিগতে দ্ৰে (এৰং গণেতব্বং).
পচ্চনীযং.
৩. পচ্চযানুলোমপচ্চনীযং
হেতুদুকং
১৫. হেতুপচ্চযা নআরম্মণে একং, নঅধিপতিযা একং, নঅনন্তরে একং, নসমনন্তরে একং, নঅঞ্ঞমঞ্ঞে একং, নউপনিস্সযে একং…পে… নসম্পযুত্তে একং, নৰিপ্পযুত্তে একং, নোনত্থিযা একং, নোৰিগতে একং (এৰং গণেতব্বং).
অনুলোমপচ্চনীযং.
৪. পচ্চযপচ্চনীযানুলোমং
নহেতুদুকং
১৬. নহেতুপচ্চযা আরম্মণে দ্ৰে, অধিপতিযা দ্ৰে, অনন্তরে একং…পে… উপনিস্সযে দ্ৰে, পুরেজাতে একং…পে… অৰিগতে একং (এৰং গণেতব্বং).
পচ্চনীযানুলোমং.
সপ্পচ্চযদুকং নিট্ঠিতং.
৮. সঙ্খতদুকং
১. পটিচ্চৰারো
হেতুপচ্চযো
১৭. সঙ্খতং ধম্মং পটিচ্চ সঙ্খতো ধম্মো উপ্পজ্জতি হেতুপচ্চযা – সঙ্খতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… পটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং.
(ইমং দুকং যথা সপ্পচ্চযদুকং, এৰং গণেতব্বং, নিন্নানাকরণং.)
সঙ্খতদুকং নিট্ঠিতং.
৯. সনিদস্সনদুকং
১. পটিচ্চৰারো
১. পচ্চযানুলোমং
১. ৰিভঙ্গৰারো
হেতুপচ্চযো
১৮. অনিদস্সনং ধম্মং পটিচ্চ অনিদস্সনো ধম্মো উপ্পজ্জতি হেতুপচ্চযা – অনিদস্সনং একং খন্ধং পটিচ্চ তযো খন্ধা অনিদস্সনং চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে অনিদস্সনং একং খন্ধং পটিচ্চ তযো খন্ধা অনিদস্সনং কটত্তা চ রূপং…পে… দ্ৰে খন্ধে…পে… খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং…পে… মহাভূতে পটিচ্চ অনিদস্সনং চিত্তসমুট্ঠানং রূপং কটত্তারূপং উপাদারূপং. (১)
অনিদস্সনং ধম্মং পটিচ্চ সনিদস্সনো ধম্মো উপ্পজ্জতি হেতুপচ্চযা – অনিদস্সনে খন্ধে পটিচ্চ সনিদস্সনং চিত্তসমুট্ঠানং রূপং; পটিসন্ধিক্খণে…পে… মহাভূতে পটিচ্চ সনিদস্সনং চিত্তসমুট্ঠানং রূপং কটত্তারূপং উপাদারূপং. (২)
অনিদস্সনং ধম্মং পটিচ্চ সনিদস্সনো চ অনিদস্সনো চ ধম্মা উপ্পজ্জন্তি হেতুপচ্চযা – অনিদস্সনং একং খন্ধং পটিচ্চ তযো খন্ধা সনিদস্সনঞ্চ অনিদস্সনঞ্চ চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… মহাভূতে পটিচ্চ সনিদস্সনঞ্চ অনিদস্সনঞ্চ চিত্তসমুট্ঠানঞ্চ রূপং কটত্তারূপং উপাদারূপং. (৩)
আরম্মণপচ্চযো
১৯. অনিদস্সনং ধম্মং পটিচ্চ অনিদস্সনো ধম্মো উপ্পজ্জতি আরম্মণপচ্চযা – অনিদস্সনং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে… ৰত্থুং পটিচ্চ খন্ধা. (১)
অধিপতিপচ্চযো
২০. অনিদস্সনং ধম্মং পটিচ্চ অনিদস্সনো ধম্মো উপ্পজ্জতি অধিপতিপচ্চযা – অনিদস্সনং একং খন্ধং পটিচ্চ তযো খন্ধা অনিদস্সনং চিত্তসমুট্ঠানঞ্চ রূপং…পে… দ্ৰে খন্ধে…পে… একং মহাভূতং পটিচ্চ তযো মহাভূতা…পে… দ্ৰে মহাভূতে…পে… মহাভূতে পটিচ্চ অনিদস্সনং চিত্তসমুট্ঠানং রূপং উপাদারূপং. (১)
অনিদস্সনং ধম্মং পটিচ্চ সনিদস্সনো ধম্মো উপ্পজ্জতি অধিপতিপচ্চযা – অনিদস্সনে খন্ধে পটিচ্চ সনিদস্সনং চিত্তসমুট্ঠানং রূপং, মহাভূতে পটিচ্চ সনিদস্সনং চিত্তসমুট্ঠানং রূপং. (২)
অনিদস্সনং ধম্মং পটিচ্চ সনিদস্সনো চ অনিদস্সনো চ ধম্মা উপ্পজ্জন্তি অধিপতিপচ্চযা – অনিদস্সনং একং খন্ধং পটিচ্চ তযো খন্ধা সনিদস্সনঞ্চ অনিদস্সনঞ্চ চিত্তসমুট্ঠানং রূপং…পে… দ্ৰে খন্ধে…পে… মহাভূতে পটিচ্চ সনিদস্সনঞ্চ অনিদস্সনঞ্চ চিত্তসমুট্ঠানং রূপং উপাদারূপং. (৩) (সংখিত্তং, সব্বে কাতব্বা.)
১. পচ্চযানুলোমং
২. সঙ্খ্যাৰারো
সুদ্ধং
২১. হেতুযা তীণি, আরম্মণে একং, অধিপতিযা তীণি, অনন্তরে একং, সমনন্তরে একং, সহজাতে তীণি, অঞ্ঞমঞ্ঞে একং, নিস্সযে তীণি, উপনিস্সযে একং, পুরেজাতে একং, আসেৰনে একং, কম্মে তীণি, ৰিপাকে তীণি (সব্বত্থ তীণি), মগ্গে তীণি, সম্পযুত্তে একং, ৰিপ্পযুত্তে তীণি, অত্থিযা তীণি, নত্থিযা একং, ৰিগতে একং, অৰিগতে তীণি (এৰং গণেতব্বং).
অনুলোমং.
২. পচ্চযপচ্চনীযং
১. ৰিভঙ্গৰারো
নহেতুপচ্চযো
২২. অনিদস্সনং ধম্মং পটিচ্চ অনিদস্সনো ধম্মো উপ্পজ্জতি নহেতুপচ্চযা – অহেতুকং অনিদস্সনং একং খন্ধং পটিচ্চ তযো খন্ধা অনিদস্সনং চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং…পে… মহাভূতে পটিচ্চ অনিদস্সনং চিত্তসমুট্ঠানং রূপং কটত্তারূপং উপাদারূপং… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে… ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)
অনিদস্সনং ধম্মং পটিচ্চ সনিদস্সনো ধম্মো উপ্পজ্জতি নহেতুপচ্চযা – অহেতুকে অনিদস্সনে খন্ধে পটিচ্চ সনিদস্সনং চিত্তসমুট্ঠানং রূপং; পটিসন্ধিক্খণে…পে… মহাভূতে পটিচ্চ সনিদস্সনং চিত্তসমুট্ঠানং রূপং কটত্তারূপং উপাদারূপং… বাহিরে… আহারসমুট্ঠানে… উতুসমুট্ঠানে… অসঞ্ঞসত্তানং মহাভূতে পটিচ্চ সনিদস্সনং কটত্তারূপং উপাদারূপং. (২)
অনিদস্সনং ধম্মং পটিচ্চ সনিদস্সনো চ অনিদস্সনো চ ধম্মা উপ্পজ্জন্তি নহেতুপচ্চযা – অহেতুকং অনিদস্সনং একং খন্ধং পটিচ্চ তযো খন্ধা সনিদস্সনঞ্চ অনিদস্সনঞ্চ চিত্তসমুট্ঠানং রূপং…পে… দ্ৰে খন্ধে…পে… পটিসন্ধিক্খণে…পে… মহাভূতে পটিচ্চ…পে… বাহিরে… আহারসমুট্ঠানে… উতুসমুট্ঠানে… অসঞ্ঞসত্তানং মহাভূতে পটিচ্চ সনিদস্সনঞ্চ অনিদস্সনঞ্চ কটত্তারূপং, উপাদারূপং. (৩) (এৰং সব্বে কাতব্বা.)
২. পচ্চযপচ্চনীযং
২. সঙ্খ্যাৰারো
সুদ্ধং
২৩. নহেতুযা তীণি, নআরম্মণে তীণি, নঅধিপতিযা তীণি, নঅনন্তরে তীণি, নসমনন্তরে তীণি, নঅঞ্ঞমঞ্ঞে তীণি, নউপনিস্সযে তীণি, নপুরেজাতে তীণি, নপচ্ছাজাতে তীণি, নআসেৰনে তীণি, নকম্মে তীণি, নৰিপাকে তীণি, নআহারে তীণি, নইন্দ্রিযে তীণি, নঝানে তীণি, নমগ্গে তীণি, নসম্পযুত্তে তীণি, নৰিপ্পযুত্তে তীণি, নোনত্থিযা তীণি, নোৰিগতে তীণি (এৰং গণেতব্বং).
পচ্চনীযং.
৩. পচ্চযানুলোমপচ্চনীযং
হেতুদুকং
২৪. হেতুপচ্চযা নআরম্মণে তীণি, নঅধিপতিযা তীণি (সব্বত্থ তীণি), নকম্মে একং, নৰিপাকে তীণি, নসম্পযুত্তে তীণি, নৰিপ্পযুত্তে একং, নোনত্থিযা তীণি, নোৰিগতে তীণি.
অনুলোমপচ্চনীযং.
৪. পচ্চযপচ্চনীযানুলোমং
নহেতুদুকং
২৫. নহেতুপচ্চযা আরম্মণে একং, অনন্তরে একং, সমনন্তরে একং, সহজাতে তীণি, অঞ্ঞমঞ্ঞে একং, নিস্সযে তীণি, উপনিস্সযে একং, পুরেজাতে একং, আসেৰনে একং, কম্মে তীণি…পে… ঝানে তীণি, মগ্গে একং, সম্পযুত্তে একং, ৰিপ্পযুত্তে তীণি, অত্থিযা তীণি, নত্থিযা একং, ৰিগতে একং, অৰিগতে তীণি.
পচ্চনীযানুলোমং.
২. সহজাতৰারো
(সহজাতৰারোপি পটিচ্চৰারসদিসো.)
৩. পচ্চযৰারো
১. পচ্চযানুলোমং
হেতুপচ্চযো
২৬. অনিদস্সনং ধম্মং পচ্চযা অনিদস্সনো ধম্মো উপ্পজ্জতি হেতুপচ্চযা – অনিদস্সনং একং খন্ধং পচ্চযা তযো খন্ধা অনিদস্সনং চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… খন্ধে পচ্চযা ৰত্থু, ৰত্থুং পচ্চযা খন্ধা; একং মহাভূতং পচ্চযা…পে… মহাভূতে পচ্চযা অনিদস্সনং চিত্তসমুট্ঠানং রূপং কটত্তারূপং উপাদারূপং, ৰত্থুং পচ্চযা অনিদস্সনা খন্ধা (ইতরেপি দ্ৰে পঞ্হা কাতব্বা).
আরম্মণপচ্চযো
২৭. অনিদস্সনং ধম্মং পচ্চযা অনিদস্সনো ধম্মো উপ্পজ্জতি আরম্মণপচ্চযা – অনিদস্সনং একং খন্ধং…পে… দ্ৰে খন্ধে…পে… পটিসন্ধিক্খণে…পে… ৰত্থুং পচ্চযা খন্ধা, চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা অনিদস্সনা খন্ধা (সংখিত্তং).
২৮. হেতুযা তীণি, আরম্মণে একং, অধিপতিযা তীণি…পে… অৰিগতে তীণি.
অনুলোমং.
২. পচ্চযপচ্চনীযং
নহেতুপচ্চযো
২৯. অনিদস্সনং ধম্মং পচ্চযা অনিদস্সনো ধম্মো উপ্পজ্জতি নহেতুপচ্চযা – অহেতুকং অনিদস্সনং একং খন্ধং পচ্চযা তযো খন্ধা অনিদস্সনং চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে…পে… (যাৰ অসঞ্ঞসত্তা) চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা অহেতুকা অনিদস্সনা খন্ধা, ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো (ইতরেপি দ্ৰে কাতব্বা. সংখিত্তং).
৩০. নহেতুযা তীণি, নআরম্মণে তীণি…পে… নোৰিগতে তীণি.
পচ্চনীযং.
৩. পচ্চযানুলোমপচ্চনীযং
৩১. হেতুপচ্চযা নআরম্মণে তীণি…পে… নকম্মে একং…পে… নৰিপ্পযুত্তে একং, নোনত্থিযা তীণি, নোৰিগতে তীণি.
অনুলোমপচ্চনীযং.
৪. পচ্চযপচ্চনীযানুলোমং
৩২. নহেতুপচ্চযা আরম্মণে একং…পে… মগ্গে একং…পে… অৰিগতে তীণি.
পচ্চনীযানুলোমং.
৪. নিস্সযৰারো
(নিস্সযৰারোপি এৰং কাতব্বো.)
৫. সংসট্ঠৰারো
১. পচ্চযানুলোমং
৩৩. অনিদস্সনং ধম্মং সংসট্ঠো অনিদস্সনো ধম্মো উপ্পজ্জতি হেতুপচ্চযা – অনিদস্সনং একং খন্ধং সংসট্ঠা তযো খন্ধা…পে… দ্ৰে খন্ধে…পে… পটিসন্ধিক্খণে…পে….
অনিদস্সনং ধম্মং সংসট্ঠো অনিদস্সনো ধম্মো উপ্পজ্জতি আরম্মণপচ্চযা (এৰং সব্বং সপ্পচ্চযগণনাহি সদ্ধিং কাতব্বং).
৬. সম্পযুত্তৰারো
(সম্পযুত্তৰারোপি সংসট্ঠৰারসদিসো).
৭. পঞ্হাৰারো
১. পচ্চযানুলোমং
১. ৰিভঙ্গৰারো
হেতুপচ্চযো
৩৪. অনিদস্সনো ধম্মো অনিদস্সনস্স ধম্মস্স হেতুপচ্চযেন পচ্চযো – অনিদস্সনা হেতূ সম্পযুত্তকানং খন্ধানং অনিদস্সনানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (১)
অনিদস্সনো ধম্মো সনিদস্সনস্স ধম্মস্স হেতুপচ্চযেন পচ্চযো – অনিদস্সনা হেতূ সনিদস্সনানং চিত্তসমুট্ঠানানং রূপানং হেতুপচ্চযেন পচ্চযো; পটিসন্ধিক্খণে…পে…. (২)
অনিদস্সনো ধম্মো সনিদস্সনস্স চ অনিদস্সনস্স চ ধম্মস্স হেতুপচ্চযেন পচ্চযো – অনিদস্সনা হেতূ সম্পযুত্তকানং খন্ধানং সনিদস্সনানঞ্চ অনিদস্সনানঞ্চ চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (৩)
আরম্মণপচ্চযো
৩৫. সনিদস্সনো ধম্মো অনিদস্সনস্স ধম্মস্স আরম্মণপচ্চযেন পচ্চযো – সনিদস্সনং রূপং অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, রূপাযতনং চক্খুৰিঞ্ঞাণস্স আরম্মণপচ্চযেন পচ্চযো; সনিদস্সনা খন্ধা ইদ্ধিৰিধঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)
অনিদস্সনো ধম্মো অনিদস্সনস্স ধম্মস্স আরম্মণপচ্চযেন পচ্চযো – দানং দত্ৰা সীলং…পে… উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা ৰুট্ঠহিত্ৰা…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, নিব্বানং পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো; অরিযা পহীনে কিলেসে পচ্চৰেক্খন্তি, ৰিক্খম্ভিতে কিলেসে…পে… পুব্বে…পে… চক্খুং…পে… কাযং… সদ্দে…পে… ৰত্থুং অনিদস্সনে খন্ধে অনিচ্চতো…পে… দোমনস্সং উপ্পজ্জতি; দিব্বায সোতধাতুযা সদ্দং সুণাতি, চেতোপরিযঞাণেন অনিদস্সনচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… সদ্দাযতনং সোতৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… অনিদস্সনা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)
অধিপতিপচ্চযো
৩৬. সনিদস্সনো ধম্মো অনিদস্সনস্স ধম্মস্স অধিপতিপচ্চযেন পচ্চযো. আরম্মণাধিপতি – সনিদস্সনং রূপং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (১)
অনিদস্সনো ধম্মো অনিদস্সনস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি, পুব্বে সুচিণ্ণানি…পে… ঝানা ৰুট্ঠহিত্ৰা…পে… অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, ফলং গরুং কত্ৰা পচ্চৰেক্খন্তি, নিব্বানং গরুং কত্ৰা পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৰত্থুং অনিদস্সনে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – অনিদস্সনাধিপতি সম্পযুত্তকানং খন্ধানং অনিদস্সনানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)
অনিদস্সনো ধম্মো সনিদস্সনস্স ধম্মস্স অধিপতিপচ্চযেন পচ্চযো. সহজাতাধিপতি – অনিদস্সনাধিপতি সনিদস্সনানং চিত্তসমুট্ঠানানং রূপানং অধিপতিপচ্চযেন পচ্চযো. (২)
অনিদস্সনো ধম্মো সনিদস্সনস্স চ অনিদস্সনস্স চ ধম্মস্স অধিপতিপচ্চযেন পচ্চযো. সহজাতাধিপতি – অনিদস্সনাধিপতি সম্পযুত্তকানং খন্ধানং সনিদস্সনানঞ্চ অনিদস্সনানঞ্চ চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)
অনন্তরপচ্চযো
৩৭. অনিদস্সনো ধম্মো অনিদস্সনস্স ধম্মস্স অনন্তরপচ্চযেন পচ্চযো – পুরিমা পুরিমা অনিদস্সনা খন্ধা পচ্ছিমানং পচ্ছিমানং অনিদস্সনানং খন্ধানং অনন্তরপচ্চযেন পচ্চযো; অনুলোমং গোত্রভুস্স…পে… গোত্রভু মগ্গস্স…পে… নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো. (১)
সমনন্তরপচ্চযাদি
৩৮. অনিদস্সনো ধম্মো অনিদস্সনস্স ধম্মস্স সমনন্তরপচ্চযেন পচ্চযো… সহজাতপচ্চযেন পচ্চযো… তীণি… অঞ্ঞমঞ্ঞপচ্চযেন পচ্চযো… একং… নিস্সযপচ্চযেন পচ্চযো… তীণি.