১. ৰিভঙ্গৰারো

হেতুপচ্চযো

৬৮. অপ্পটিঘো ধম্মো অপ্পটিঘস্স ধম্মস্স হেতুপচ্চযেন পচ্চযো – অপ্পটিঘা হেতূ সম্পযুত্তকানং খন্ধানং অপ্পটিঘানঞ্চ চিত্তসমুট্ঠানানং রূপানং হেতুপচ্চযেন পচ্চযো; পটিসন্ধিক্খণে…পে…. (১)

অপ্পটিঘো ধম্মো সপ্পটিঘস্স ধম্মস্স হেতুপচ্চযেন পচ্চযো – অপ্পটিঘা হেতূ সপ্পটিঘানং চিত্তসমুট্ঠানানং রূপানং হেতুপচ্চযেন পচ্চযো; পটিসন্ধিক্খণে…পে…. (২)

অপ্পটিঘো ধম্মো সপ্পটিঘস্স চ অপ্পটিঘস্স চ ধম্মস্স হেতুপচ্চযেন পচ্চযো – অপ্পটিঘা হেতূ সম্পযুত্তকানং খন্ধানং সপ্পটিঘানঞ্চ অপ্পটিঘানঞ্চ চিত্তসমুট্ঠানানং রূপানং হেতুপচ্চযেন পচ্চযো; পটিসন্ধিক্খণে…পে…. (৩)

আরম্মণপচ্চযো

৬৯. সপ্পটিঘো ধম্মো অপ্পটিঘস্স ধম্মস্স আরম্মণপচ্চযেন পচ্চযো – চক্খুং…পে… ফোট্ঠব্বে অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… সপ্পটিঘা খন্ধা ইদ্ধিৰিধঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অপ্পটিঘো ধম্মো অপ্পটিঘস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা ৰুট্ঠহিত্ৰা ঝানং পচ্চৰেক্খতি, অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, নিব্বানং পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো; অরিযা পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি; ৰত্থুং…পে… ইত্থিন্দ্রিযং… পুরিসিন্দ্রিযং… জীৰিতিন্দ্রিযং… আপোধাতুং, কবল়ীকারং আহারং অনিচ্চতো…পে… দোমনস্সং উপ্পজ্জতি; চেতোপরিযঞাণেন অপ্পটিঘচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… অপ্পটিঘা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অধিপতিপচ্চযো

৭০. সপ্পটিঘো ধম্মো অপ্পটিঘস্স ধম্মস্স অধিপতিপচ্চযেন পচ্চযো. আরম্মণাধিপতি – চক্খুং…পে… ফোট্ঠব্বে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (১)

অপ্পটিঘো ধম্মো অপ্পটিঘস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি, পুব্বে সুচিণ্ণানি গরুং কত্ৰা পচ্চৰেক্খতি, ঝানা ৰুট্ঠহিত্ৰা ঝানং গরুং কত্ৰা পচ্চৰেক্খতি, অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, ফলং গরুং কত্ৰা পচ্চৰেক্খন্তি, নিব্বানং গরুং কত্ৰা পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো; ৰত্থুং…পে… ইত্থিন্দ্রিযং… পুরিসিন্দ্রিযং… জীৰিতিন্দ্রিযং… আপোধাতুং, কবল়ীকারং আহারং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – অপ্পটিঘাধিপতি সম্পযুত্তকানং খন্ধানং অপ্পটিঘানঞ্চ চিত্তসমুট্ঠানানং রূপানং অধিপতিপচ্চযেন পচ্চযো. (১)

অপ্পটিঘো ধম্মো সপ্পটিঘস্স ধম্মস্স অধিপতিপচ্চযেন পচ্চযো. সহজাতাধিপতি – অপ্পটিঘাধিপতি সপ্পটিঘানং চিত্তসমুট্ঠানানং রূপানং অধিপতিপচ্চযেন পচ্চযো. (১)

অপ্পটিঘো ধম্মো সপ্পটিঘস্স চ অপ্পটিঘস্স চ ধম্মস্স অধিপতিপচ্চযেন পচ্চযো. সহজাতাধিপতি – অপ্পটিঘাধিপতি সম্পযুত্তকানং খন্ধানং সপ্পটিঘানঞ্চ অপ্পটিঘানঞ্চ চিত্তসমুট্ঠানানং রূপানং অধিপতিপচ্চযেন পচ্চযো. (৩)

অনন্তরপচ্চযো

৭১. অপ্পটিঘো ধম্মো অপ্পটিঘস্স ধম্মস্স অনন্তরপচ্চযেন পচ্চযো – পুরিমা পুরিমা অপ্পটিঘা খন্ধা…পে… ফলসমাপত্তিযা অনন্তরপচ্চযেন পচ্চযো.

সমনন্তরপচ্চযো

৭২. অপ্পটিঘো ধম্মো অপ্পটিঘস্স ধম্মস্স সমনন্তরপচ্চযেন পচ্চযো…পে….

সহজাতপচ্চযাদি

৭৩. সপ্পটিঘো ধম্মো সপ্পটিঘস্স ধম্মস্স সহজাতপচ্চযেন পচ্চযো… নৰ… অঞ্ঞমঞ্ঞপচ্চযেন পচ্চযো… ছ… নিস্সযপচ্চযেন পচ্চযো… নৰ.

উপনিস্সযপচ্চযো

৭৪. সপ্পটিঘো ধম্মো অপ্পটিঘস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে…. পকতূপনিস্সযো – উতুং, সেনাসনং উপনিস্সায দানং দেতি…পে… সঙ্ঘং ভিন্দতি; উতু, সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

অপ্পটিঘো ধম্মো অপ্পটিঘস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… দিট্ঠিং গণ্হাতি; সীলং…পে… কাযিকং সুখং, কাযিকং দুক্খং, ভোজনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… ভোজনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

পুরেজাতপচ্চযো

৭৫. সপ্পটিঘো ধম্মো অপ্পটিঘস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ফোট্ঠব্বে অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স পুরেজাতপচ্চযেন পচ্চযো. (১)

অপ্পটিঘো ধম্মো অপ্পটিঘস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – ৰত্থুং…পে… ইত্থিন্দ্রিযং, পুরিসিন্দ্রিযং, জীৰিতিন্দ্রিযং, আপোধাতুং, কবল়ীকারং আহারং অনিচ্চতো …পে… দোমনস্সং উপ্পজ্জতি. ৰত্থুপুরেজাতং – ৰত্থু অপ্পটিঘানং খন্ধানং পুরেজাতপচ্চযেন পচ্চযো. (১)

সপ্পটিঘো চ অপ্পটিঘো চ ধম্মা অপ্পটিঘস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. চক্খাযতনঞ্চ ৰত্থু চ…পে… ফোট্ঠব্বাযতনঞ্চ ৰত্থু চ অপ্পটিঘানং খন্ধানং পুরেজাতপচ্চযেন পচ্চযো. (১)

পচ্ছাজাতপচ্চযো

৭৬. অপ্পটিঘো ধম্মো অপ্পটিঘস্স ধম্মস্স পচ্ছাজাতপচ্চযেন পচ্চযো – পচ্ছাজাতা অপ্পটিঘা খন্ধা পুরেজাতস্স ইমস্স অপ্পটিঘস্স কাযস্স পচ্ছাজাতপচ্চযেন পচ্চযো. (মূলং কাতব্বং) পচ্ছাজাতা অপ্পটিঘা খন্ধা পুরেজাতস্স ইমস্স সপ্পটিঘস্স কাযস্স পচ্ছাজাতপচ্চযেন পচ্চযো. (মূলং কাতব্বং) পচ্ছাজাতা অপ্পটিঘা খন্ধা পুরেজাতস্স ইমস্স সপ্পটিঘস্স চ অপ্পটিঘস্স চ কাযস্স পচ্ছাজাতপচ্চযেন পচ্চযো (দ্ৰিন্নম্পি মূলা কাতব্বা). (৩)

আসেৰনপচ্চযো

৭৭. অপ্পটিঘো ধম্মো অপ্পটিঘস্স ধম্মস্স আসেৰনপচ্চযেন পচ্চযো – পুরিমা পুরিমা অপ্পটিঘা খন্ধা…পে… ৰোদানং মগ্গস্স আসেৰনপচ্চযেন পচ্চযো. (১)

কম্মপচ্চযো

৭৮. অপ্পটিঘো ধম্মো অপ্পটিঘস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অপ্পটিঘা চেতনা সম্পযুত্তকানং খন্ধানং অপ্পটিঘানঞ্চ চিত্তসমুট্ঠানানং রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – অপ্পটিঘা চেতনা ৰিপাকানং খন্ধানং অপ্পটিঘানঞ্চ কটত্তারূপানং কম্মপচ্চযেন পচ্চযো. (১)

অপ্পটিঘো ধম্মো সপ্পটিঘস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অপ্পটিঘা চেতনা সপ্পটিঘানং চিত্তসমুট্ঠানানং রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – অপ্পটিঘা চেতনা সপ্পটিঘানং কটত্তারূপানং কম্মপচ্চযেন পচ্চযো. (২)

অপ্পটিঘো ধম্মো সপ্পটিঘস্স চ অপ্পটিঘস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অপ্পটিঘা চেতনা সম্পযুত্তকানং খন্ধানং সপ্পটিঘানঞ্চ অপ্পটিঘানঞ্চ চিত্তসমুট্ঠানানং রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – অপ্পটিঘা চেতনা ৰিপাকানং খন্ধানং সপ্পটিঘানঞ্চ অপ্পটিঘানঞ্চ কটত্তারূপানং কম্মপচ্চযেন পচ্চযো. (৩)

ৰিপাকপচ্চযো

৭৯. অপ্পটিঘো ধম্মো অপ্পটিঘস্স ধম্মস্স ৰিপাকপচ্চযেন পচ্চযো – ৰিপাকো অপ্পটিঘো…পে… তীণি.

আহারপচ্চযো

৮০. অপ্পটিঘো ধম্মো অপ্পটিঘস্স ধম্মস্স আহারপচ্চযেন পচ্চযো – অপ্পটিঘা আহারা সম্পযুত্তকানং খন্ধানং অপ্পটিঘানঞ্চ চিত্তসমুট্ঠানানং রূপানং আহারপচ্চযেন পচ্চযো; পটিসন্ধিক্খণে…পে… কবল়ীকারো আহারো ইমস্স অপ্পটিঘস্স কাযস্স আহারপচ্চযেন পচ্চযো (অৰসেসা দ্ৰেপি পঞ্হা কাতব্বা, পটিসন্ধি কবল়ীকারো আহারো দ্ৰীসুপি কাতব্বো অগ্গে). (৩)

ইন্দ্রিযপচ্চযাদি

৮১. সপ্পটিঘো ধম্মো অপ্পটিঘস্স ধম্মস্স ইন্দ্রিযপচ্চযেন পচ্চযো – চক্খুন্দ্রিযং চক্খুৰিঞ্ঞাণস্স…পে… কাযিন্দ্রিযং কাযৰিঞ্ঞাণস্স ইন্দ্রিযপচ্চযেন পচ্চযো. (১)

অপ্পটিঘো ধম্মো অপ্পটিঘস্স ধম্মস্স ইন্দ্রিযপচ্চযেন পচ্চযো… তীণি (তীসুপি জীৰিতিন্দ্রিযং অগ্গে কাতব্বং). (৩)

সপ্পটিঘো চ অপ্পটিঘো চ ধম্মা অপ্পটিঘস্স ধম্মস্স ইন্দ্রিযপচ্চযেন পচ্চযো – চক্খুন্দ্রিযঞ্চ চক্খুৰিঞ্ঞাণঞ্চ চক্খুৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো…পে… কাযিন্দ্রিযঞ্চ কাযৰিঞ্ঞাণঞ্চ কাযৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো… ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… একং.

ৰিপ্পযুত্তপচ্চযো

৮২. সপ্পটিঘো ধম্মো অপ্পটিঘস্স ধম্মস্স ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স ৰিপ্পযুত্তপচ্চযেন পচ্চযো. (১)

অপ্পটিঘো ধম্মো অপ্পটিঘস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – অপ্পটিঘা খন্ধা অপ্পটিঘানং চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে…পে… খন্ধা ৰত্থুস্স ৰিপ্পযুত্তপচ্চযেন পচ্চযো, ৰত্থু খন্ধানং ৰিপ্পযুত্তপচ্চযেন পচ্চযো. পুরেজাতং – ৰত্থু অপ্পটিঘানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – অপ্পটিঘা খন্ধা পুরেজাতস্স ইমস্স অপ্পটিঘস্স কাযস্স ৰিপ্পযুত্তপচ্চযেন পচ্চযো. (১)

অপ্পটিঘো ধম্মো সপ্পটিঘস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অপ্পটিঘা খন্ধা সপ্পটিঘানং চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে…পে…. পচ্ছাজাতা – অপ্পটিঘা খন্ধা পুরেজাতস্স ইমস্স সপ্পটিঘস্স কাযস্স ৰিপ্পযুত্তপচ্চযেন পচ্চযো. (২)

অপ্পটিঘো ধম্মো সপ্পটিঘস্স চ অপ্পটিঘস্স চ ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অপ্পটিঘা খন্ধা সপ্পটিঘানঞ্চ অপ্পটিঘানঞ্চ চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে …পে…. পচ্ছাজাতা – অপ্পটিঘা খন্ধা পুরেজাতস্স ইমস্স সপ্পটিঘস্স চ অপ্পটিঘস্স চ কাযস্স ৰিপ্পযুত্তপচ্চযেন পচ্চযো. (৩)

অত্থিপচ্চযো

৮৩. সপ্পটিঘো ধম্মো সপ্পটিঘস্স ধম্মস্স অত্থিপচ্চযেন পচ্চযো… একং (পটিচ্চসদিসা পঠমপঞ্হা). (১)

সপ্পটিঘো ধম্মো অপ্পটিঘস্স ধম্মস্স অত্থিপচ্চযেন পচ্চযো সহজাতং, পুরেজাতং. সহজাতা – সপ্পটিঘা মহাভূতা আপোধাতুযা অত্থিপচ্চযেন পচ্চযো, সপ্পটিঘা মহাভূতা অপ্পটিঘানং চিত্তসমুট্ঠানানং রূপানং কটত্তারূপানং উপাদারূপানং অত্থিপচ্চযেন পচ্চযো; ফোট্ঠব্বাযতনং ইত্থিন্দ্রিযস্স…পে… কবল়ীকারস্স আহারস্স অত্থিপচ্চযেন পচ্চযো; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে…. পুরেজাতং – চক্খুং…পে… ফোট্ঠব্বে অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনঞ্চ চক্খাযতনঞ্চ চক্খুৰিঞ্ঞাণস্স…পে… ফোট্ঠব্বাযতনঞ্চ কাযাযতনঞ্চ কাযৰিঞ্ঞাণস্স অত্থিপচ্চযেন পচ্চযো. (২)

সপ্পটিঘো ধম্মো সপ্পটিঘস্স চ অপ্পটিঘস্স চ ধম্মস্স অত্থিপচ্চযেন পচ্চযো – সপ্পটিঘং একং মহাভূতং দ্ৰিন্নং মহাভূতানং আপোধাতুযা চ অত্থিপচ্চযেন পচ্চযো…পে… (পটিচ্চসদিসং যাৰ অসঞ্ঞসত্তা). (৩)

৮৪. অপ্পটিঘো ধম্মো অপ্পটিঘস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – অপ্পটিঘো একো খন্ধো তিণ্ণন্নং খন্ধানং…পে… (যাৰ অসঞ্ঞসত্তা). পুরেজাতং – ৰত্থুং…পে… ইত্থিন্দ্রিযং… পুরিসিন্দ্রিযং… জীৰিতিন্দ্রিযং… আপোধাতুং… কবল়ীকারং আহারং অনিচ্চতো…পে… দোমনস্সং উপ্পজ্জতি; ৰত্থু অপ্পটিঘানং খন্ধানং অত্থিপচ্চযেন পচ্চযো. পচ্ছাজাতা – অপ্পটিঘা খন্ধা পুরেজাতস্স ইমস্স অপ্পটিঘস্স কাযস্স অত্থিপচ্চযেন পচ্চযো; কবল়ীকারো আহারো ইমস্স অপ্পটিঘস্স কাযস্স অত্থিপচ্চযেন পচ্চযো; রূপজীৰিতিন্দ্রিযং অপ্পটিঘানং কটত্তারূপানং অত্থিপচ্চযেন পচ্চযো. (১)

অপ্পটিঘো ধম্মো সপ্পটিঘস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতা – অপ্পটিঘা খন্ধা সপ্পটিঘানং চিত্তসমুট্ঠানানং রূপানং অত্থিপচ্চযেন পচ্চযো; পটিসন্ধিক্খণে…পে… আপোধাতু সপ্পটিঘানং মহাভূতানং অত্থিপচ্চযেন পচ্চযো; আপোধাতু সপ্পটিঘানং চিত্তসমুট্ঠানানং রূপানং কটত্তারূপানং উপাদারূপানং অত্থিপচ্চযেন পচ্চযো; আপোধাতু চক্খাযতনস্স…পে… ফোট্ঠব্বাযতনস্স অত্থিপচ্চযেন পচ্চযো; বাহিরং, আহারসমুট্ঠানং, উতুসমুট্ঠানং, অসঞ্ঞসত্তানং…পে…. পচ্ছাজাতা – অপ্পটিঘা খন্ধা পুরেজাতস্স ইমস্স সপ্পটিঘস্স কাযস্স অত্থিপচ্চযেন পচ্চযো; কবল়ীকারো আহারো ইমস্স সপ্পটিঘস্স কাযস্স অত্থিপচ্চযেন পচ্চযো; রূপজীৰিতিন্দ্রিযং সপ্পটিঘানং কটত্তারূপানং অত্থিপচ্চযেন পচ্চযো. (২)

অপ্পটিঘো ধম্মো সপ্পটিঘস্স চ অপ্পটিঘস্স চ ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতো – অপ্পটিঘো একো খন্ধো তিণ্ণন্নং খন্ধানং সপ্পটিঘানঞ্চ অপ্পটিঘানঞ্চ…পে… (পটিচ্চসদিসং যাৰ অসঞ্ঞসত্তা). পচ্ছাজাতা – অপ্পটিঘা খন্ধা পুরেজাতস্স ইমস্স সপ্পটিঘস্স চ অপ্পটিঘস্স চ কাযস্স অত্থিপচ্চযেন পচ্চযো; কবল়ীকারো আহারো ইমস্স সপ্পটিঘস্স চ অপ্পটিঘস্স চ কাযস্স অত্থিপচ্চযেন পচ্চযো; রূপজীৰিতিন্দ্রিযং সপ্পটিঘানঞ্চ অপ্পটিঘানঞ্চ কটত্তারূপানং অত্থিপচ্চযেন পচ্চযো. (৩)

৮৫. সপ্পটিঘো চ অপ্পটিঘো চ ধম্মা সপ্পটিঘস্স ধম্মস্স অত্থিপচ্চযেন পচ্চযো (পটিচ্চসদিসং যাৰ অসঞ্ঞসত্তা). (১)

সপ্পটিঘো চ অপ্পটিঘো চ ধম্মা অপ্পটিঘস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতা – অপ্পটিঘা খন্ধা চ মহাভূতা চ অপ্পটিঘানং চিত্তসমুট্ঠানানং রূপানং…পে… (পটিচ্চসদিসং যাৰ অসঞ্ঞসত্তা). সহজাতো – চক্খুৰিঞ্ঞাণসহগতো একো খন্ধো চ চক্খাযতনঞ্চ তিণ্ণন্নং খন্ধানং…পে… দ্ৰে খন্ধা চ…পে… কাযৰিঞ্ঞাণসহগতো একো খন্ধো চ কাযাযতনঞ্চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে…. (২)

সপ্পটিঘো চ অপ্পটিঘো চ ধম্মা সপ্পটিঘস্স চ অপ্পটিঘস্স চ ধম্মস্স অত্থিপচ্চযেন পচ্চযো (পটিচ্চসদিসং). (৩)