১. ৰিভঙ্গৰারো

হেতুপচ্চযো

৩৪. অনিদস্সনো ধম্মো অনিদস্সনস্স ধম্মস্স হেতুপচ্চযেন পচ্চযো – অনিদস্সনা হেতূ সম্পযুত্তকানং খন্ধানং অনিদস্সনানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (১)

অনিদস্সনো ধম্মো সনিদস্সনস্স ধম্মস্স হেতুপচ্চযেন পচ্চযো – অনিদস্সনা হেতূ সনিদস্সনানং চিত্তসমুট্ঠানানং রূপানং হেতুপচ্চযেন পচ্চযো; পটিসন্ধিক্খণে…পে…. (২)

অনিদস্সনো ধম্মো সনিদস্সনস্স চ অনিদস্সনস্স চ ধম্মস্স হেতুপচ্চযেন পচ্চযো – অনিদস্সনা হেতূ সম্পযুত্তকানং খন্ধানং সনিদস্সনানঞ্চ অনিদস্সনানঞ্চ চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (৩)

আরম্মণপচ্চযো

৩৫. সনিদস্সনো ধম্মো অনিদস্সনস্স ধম্মস্স আরম্মণপচ্চযেন পচ্চযো – সনিদস্সনং রূপং অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, রূপাযতনং চক্খুৰিঞ্ঞাণস্স আরম্মণপচ্চযেন পচ্চযো; সনিদস্সনা খন্ধা ইদ্ধিৰিধঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অনিদস্সনো ধম্মো অনিদস্সনস্স ধম্মস্স আরম্মণপচ্চযেন পচ্চযো – দানং দত্ৰা সীলং…পে… উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা ৰুট্ঠহিত্ৰা…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, নিব্বানং পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো; অরিযা পহীনে কিলেসে পচ্চৰেক্খন্তি, ৰিক্খম্ভিতে কিলেসে…পে… পুব্বে…পে… চক্খুং…পে… কাযং… সদ্দে…পে… ৰত্থুং অনিদস্সনে খন্ধে অনিচ্চতো…পে… দোমনস্সং উপ্পজ্জতি; দিব্বায সোতধাতুযা সদ্দং সুণাতি, চেতোপরিযঞাণেন অনিদস্সনচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… সদ্দাযতনং সোতৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… অনিদস্সনা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অধিপতিপচ্চযো

৩৬. সনিদস্সনো ধম্মো অনিদস্সনস্স ধম্মস্স অধিপতিপচ্চযেন পচ্চযো. আরম্মণাধিপতি – সনিদস্সনং রূপং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (১)

অনিদস্সনো ধম্মো অনিদস্সনস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি, পুব্বে সুচিণ্ণানি…পে… ঝানা ৰুট্ঠহিত্ৰা…পে… অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, ফলং গরুং কত্ৰা পচ্চৰেক্খন্তি, নিব্বানং গরুং কত্ৰা পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৰত্থুং অনিদস্সনে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – অনিদস্সনাধিপতি সম্পযুত্তকানং খন্ধানং অনিদস্সনানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

অনিদস্সনো ধম্মো সনিদস্সনস্স ধম্মস্স অধিপতিপচ্চযেন পচ্চযো. সহজাতাধিপতি – অনিদস্সনাধিপতি সনিদস্সনানং চিত্তসমুট্ঠানানং রূপানং অধিপতিপচ্চযেন পচ্চযো. (২)

অনিদস্সনো ধম্মো সনিদস্সনস্স চ অনিদস্সনস্স চ ধম্মস্স অধিপতিপচ্চযেন পচ্চযো. সহজাতাধিপতি – অনিদস্সনাধিপতি সম্পযুত্তকানং খন্ধানং সনিদস্সনানঞ্চ অনিদস্সনানঞ্চ চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

অনন্তরপচ্চযো

৩৭. অনিদস্সনো ধম্মো অনিদস্সনস্স ধম্মস্স অনন্তরপচ্চযেন পচ্চযো – পুরিমা পুরিমা অনিদস্সনা খন্ধা পচ্ছিমানং পচ্ছিমানং অনিদস্সনানং খন্ধানং অনন্তরপচ্চযেন পচ্চযো; অনুলোমং গোত্রভুস্স…পে… গোত্রভু মগ্গস্স…পে… নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো. (১)

সমনন্তরপচ্চযাদি

৩৮. অনিদস্সনো ধম্মো অনিদস্সনস্স ধম্মস্স সমনন্তরপচ্চযেন পচ্চযো… সহজাতপচ্চযেন পচ্চযো… তীণি… অঞ্ঞমঞ্ঞপচ্চযেন পচ্চযো… একং… নিস্সযপচ্চযেন পচ্চযো… তীণি.

উপনিস্সযপচ্চযো

৩৯. সনিদস্সনো ধম্মো অনিদস্সনস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে…. পকতূপনিস্সযো – ৰণ্ণসম্পদং পত্থযমানো দানং…পে… সীলং…পে… উপোসথকম্মং করোতি, ৰণ্ণসম্পদা সদ্ধায…পে… পত্থনায… কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

অনিদস্সনো ধম্মো অনিদস্সনস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

পুরেজাতপচ্চযো

৪০. সনিদস্সনো ধম্মো অনিদস্সনস্স ধম্মস্স পুরেজাতপচ্চযেন পচ্চযো – সনিদস্সনং রূপং অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, রূপাযতনং চক্খুৰিঞ্ঞাণস্স পুরেজাতপচ্চযেন পচ্চযো. (১)

অনিদস্সনো ধম্মো অনিদস্সনস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি, দিব্বায সোতধাতুযা সদ্দং সুণাতি, সদ্দাযতনং সোতৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু অনিদস্সনানং খন্ধানং পুরেজাতপচ্চযেন পচ্চযো. (১)

সনিদস্সনো চ অনিদস্সনো চ ধম্মা অনিদস্সনস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. রূপাযতনঞ্চ ৰত্থু চ অনিদস্সনানং খন্ধানং পুরেজাতপচ্চযেন পচ্চযো; রূপাযতনঞ্চ চক্খাযতনঞ্চ চক্খুৰিঞ্ঞাণস্স পুরেজাতপচ্চযেন পচ্চযো. (১)

পচ্ছাজাতপচ্চযো

৪১. অনিদস্সনো ধম্মো অনিদস্সনস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনিদস্সনা খন্ধা পুরেজাতস্স ইমস্স অনিদস্সনস্স কাযস্স পচ্ছাজাতপচ্চযেন পচ্চযো. (১)

অনিদস্সনো ধম্মো সনিদস্সনস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনিদস্সনা খন্ধা পুরেজাতস্স ইমস্স সনিদস্সনস্স কাযস্স পচ্ছাজাতপচ্চযেন পচ্চযো. (২)

অনিদস্সনো ধম্মো সনিদস্সনস্স চ অনিদস্সনস্স চ ধম্মস্স পচ্ছাজাতপচ্চযেন পচ্চযো – পচ্ছাজাতা অনিদস্সনা খন্ধা পুরেজাতস্স ইমস্স সনিদস্সনস্স চ অনিদস্সনস্স চ কাযস্স পচ্ছাজাতপচ্চযেন পচ্চযো. (৩)

আসেৰনপচ্চযো

৪২. অনিদস্সনো ধম্মো অনিদস্সনস্স ধম্মস্স আসেৰনপচ্চযেন পচ্চযো – পুরিমা পুরিমা অনিদস্সনা খন্ধা পচ্ছিমানং পচ্ছিমানং অনিদস্সনানং খন্ধানং…পে… অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো. (১)

কম্মপচ্চযো

৪৩. অনিদস্সনো ধম্মো অনিদস্সনস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অনিদস্সনা চেতনা সম্পযুত্তকানং খন্ধানং অনিদস্সনানঞ্চ চিত্তসমুট্ঠানানং রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – অনিদস্সনা চেতনা ৰিপাকানং খন্ধানং অনিদস্সনানঞ্চ কটত্তারূপানং কম্মপচ্চযেন পচ্চযো. (১)

অনিদস্সনো ধম্মো সনিদস্সনস্স ধম্মস্স কম্মপচ্চযেন পচ্চযো – সহজাতা, নানাক্খণিকা (ৰিত্থারেতব্বং). (২)

অনিদস্সনো ধম্মো সনিদস্সনস্স চ অনিদস্সনস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা (ৰিত্থারেতব্বং). (৩)

ৰিপাকপচ্চযাদি

৪৪. অনিদস্সনো ধম্মো অনিদস্সনস্স ধম্মস্স ৰিপাকপচ্চযেন পচ্চযো… তীণি… আহারপচ্চযেন পচ্চযো… তীণি (তীসুপি কবল়ীকারো আহারো কাতব্বো)… ইন্দ্রিযপচ্চযেন পচ্চযো… তীণি (তীসুপি রূপজীৰিতিন্দ্রিযং)… ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… একং.

ৰিপ্পযুত্তপচ্চযো

৪৫. অনিদস্সনো ধম্মো অনিদস্সনস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – অনিদস্সনা খন্ধা অনিদস্সনানং চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে অনিদস্সনা খন্ধা অনিদস্সনানং কটত্তারূপানং ৰিপ্পযুত্তপচ্চযেন পচ্চযো; খন্ধা ৰত্থুস্স ৰিপ্পযুত্তপচ্চযেন পচ্চযো, ৰত্থু খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু অনিদস্সনানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – অনিদস্সনা খন্ধা পুরেজাতস্স ইমস্স অনিদস্সনস্স কাযস্স ৰিপ্পযুত্তপচ্চযেন পচ্চযো. (১)

অনিদস্সনো ধম্মো সনিদস্সনস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অনিদস্সনা খন্ধা সনিদস্সনানং চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে…পে…. পচ্ছাজাতা – অনিদস্সনা খন্ধা পুরেজাতস্স ইমস্স সনিদস্সনস্স কাযস্স ৰিপ্পযুত্তপচ্চযেন পচ্চযো. (২)

অনিদস্সনো ধম্মো সনিদস্সনস্স চ অনিদস্সনস্স চ ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অনিদস্সনা খন্ধা সনিদস্সনানঞ্চ অনিদস্সনানঞ্চ চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে…পে…. পচ্ছাজাতা – অনিদস্সনা খন্ধা পুরেজাতস্স ইমস্স সনিদস্সনস্স চ অনিদস্সনস্স চ কাযস্স ৰিপ্পযুত্তপচ্চযেন পচ্চযো. (৩)

অত্থিপচ্চযাদি

৪৬. সনিদস্সনো ধম্মো অনিদস্সনস্স ধম্মস্স অত্থিপচ্চযেন পচ্চযো – সনিদস্সনং রূপং অনিচ্চতো…পে… দোমনস্সং উপ্পজ্জতি, দিব্বেন চক্খুনা রূপং পস্সতি, রূপাযতনং চক্খুৰিঞ্ঞাণস্স অত্থিপচ্চযেন পচ্চযো. (১)

অনিদস্সনো ধম্মো অনিদস্সনস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – অনিদস্সনো একো খন্ধো তিণ্ণন্নং খন্ধানং অনিদস্সনানঞ্চ চিত্তসমুট্ঠানানং রূপানং অত্থিপচ্চযেন পচ্চযো…পে… দ্ৰে খন্ধে…পে… (সংখিত্তং. যাৰ অসঞ্ঞসত্তা). পুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি, দিব্বায সোতধাতুযা সদ্দং সুণাতি, সদ্দাযতনং সোতৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু অনিদস্সনানং খন্ধানং অত্থিপচ্চযেন পচ্চযো. পচ্ছাজাতা – অনিদস্সনা খন্ধা পুরেজাতস্স ইমস্স অনিদস্সনস্স কাযস্স অত্থিপচ্চযেন পচ্চযো; কবল়ীকারো আহারো ইমস্স অনিদস্সনস্স কাযস্স অত্থিপচ্চযেন পচ্চযো; রূপজীৰিতিন্দ্রিযং অনিদস্সনানং কটত্তারূপানং অত্থিপচ্চযেন পচ্চযো. (১)

অনিদস্সনো ধম্মো সনিদস্সনস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতা – অনিদস্সনা খন্ধা সনিদস্সনানং চিত্তসমুট্ঠানানং রূপানং অত্থিপচ্চযেন পচ্চযো; পটিসন্ধিক্খণে…পে… মহাভূতা সনিদস্সনানং চিত্তসমুট্ঠানানং রূপানং কটত্তারূপানং উপাদারূপানং অত্থিপচ্চযেন পচ্চযো…পে… বাহিরা… আহারসমুট্ঠানা… উতুসমুট্ঠানা… অসঞ্ঞসত্তানং মহাভূতা সনিদস্সনানং কটত্তারূপানং, উপাদারূপানং অত্থিপচ্চযেন পচ্চযো. পচ্ছাজাতা – অনিদস্সনা খন্ধা পুরেজাতস্স ইমস্স সনিদস্সনস্স কাযস্স অত্থিপচ্চযেন পচ্চযো; কবল়ীকারো আহারো ইমস্স সনিদস্সনস্স কাযস্স অত্থিপচ্চযেন পচ্চযো; রূপজীৰিতিন্দ্রিযং সনিদস্সনানং কটত্তারূপানং অত্থিপচ্চযেন পচ্চযো. (২)

অনিদস্সনো ধম্মো সনিদস্সনস্স চ অনিদস্সনস্স চ ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতো – অনিদস্সনো একো খন্ধো তিণ্ণন্নং খন্ধানং সনিদস্সনানঞ্চ অনিদস্সনানঞ্চ চিত্তসমুট্ঠানানং রূপানং অত্থিপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে…পে… মহাভূতা সনিদস্সনানঞ্চ অনিদস্সনানঞ্চ চিত্তসমুট্ঠানানং রূপানং, কটত্তারূপানং, উপাদারূপানং অত্থিপচ্চযেন পচ্চযো; বাহিরা… আহারসমুট্ঠানা… উতুসমুট্ঠানা… অসঞ্ঞসত্তানং মহাভূতা সনিদস্সনানঞ্চ অনিদস্সনানঞ্চ কটত্তারূপানং উপাদারূপানং অত্থিপচ্চযেন পচ্চযো. (৩)

৪৭. সনিদস্সনো চ অনিদস্সনো চ ধম্মা অনিদস্সনস্স ধম্মস্স অত্থিপচ্চযেন পচ্চযো. পুরেজাতং – রূপাযতনঞ্চ ৰত্থু চ অনিদস্সনানং খন্ধানং অত্থিপচ্চযেন পচ্চযো; রূপাযতনঞ্চ চক্খাযতনঞ্চ চক্খুৰিঞ্ঞাণস্স অত্থিপচ্চযেন পচ্চযো.

নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো.