১. ৰিভঙ্গৰারো

হেতুপচ্চযো

১৪৮. লোকিযো ধম্মো লোকিযস্স ধম্মস্স হেতুপচ্চযেন পচ্চযো – লোকিযা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (১)

লোকুত্তরো ধম্মো লোকুত্তরস্স ধম্মস্স হেতুপচ্চযেন পচ্চযো… তীণি.

আরম্মণপচ্চযো

১৪৯. লোকিযো ধম্মো লোকিযস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা…পে… অরিযা গোত্রভুং পচ্চৰেক্খন্তি, ৰোদানং পচ্চৰেক্খন্তি, পহীনে কিলেসে পচ্চৰেক্খন্তি, ৰিক্খম্ভিতে কিলেসে…পে… পুব্বে সমুদাচিণ্ণে কিলেসে জানন্তি; চক্খুং…পে… ৰত্থুং লোকিযে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. চেতোপরিযঞাণেন লোকিযচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স, লোকিযা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

১৫০. লোকুত্তরো ধম্মো লোকুত্তরস্স ধম্মস্স আরম্মণপচ্চযেন পচ্চযো – নিব্বানং মগ্গস্স, ফলস্স আরম্মণপচ্চযেন পচ্চযো. (১)

লোকুত্তরো ধম্মো লোকিযস্স ধম্মস্স আরম্মণপচ্চযেন পচ্চযো – অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, নিব্বানং পচ্চৰেক্খন্তি; নিব্বানং গোত্রভুস্স, ৰোদানস্স, আৰজ্জনায আরম্মণপচ্চযেন পচ্চযো; অরিযা চেতোপরিযঞাণেন লোকুত্তরচিত্তসমঙ্গিস্স চিত্তং জানন্তি, লোকুত্তরা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (২)

অধিপতিপচ্চযো

১৫১. লোকিযো ধম্মো লোকিযস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং…পে… উপোসথকম্মং …পে… পুব্বে…পে… ঝানা…পে… সেক্খা গোত্রভুং গরুং কত্ৰা পচ্চৰেক্খন্তি, ৰোদানং গরুং কত্ৰা পচ্চৰেক্খন্তি; চক্খুং…পে… ৰত্থুং লোকিযে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – লোকিযাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

১৫২. লোকুত্তরো ধম্মো লোকুত্তরস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – নিব্বানং মগ্গস্স, ফলস্স অধিপতিপচ্চযেন পচ্চযো. সহজাতাধিপতি – লোকুত্তরাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

লোকুত্তরো ধম্মো লোকিযস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, ফলং গরুং কত্ৰা পচ্চৰেক্খন্তি, নিব্বানং গরুং কত্ৰা পচ্চৰেক্খন্তি; নিব্বানং গোত্রভুস্স, ৰোদানস্স অধিপতিপচ্চযেন পচ্চযো. সহজাতাধিপতি – লোকুত্তরাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)

লোকুত্তরো ধম্মো লোকিযস্স চ লোকুত্তরস্স চ ধম্মস্স অধিপতিপচ্চযেন পচ্চযো. সহজাতাধিপতি – লোকুত্তরাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

অনন্তরপচ্চযো

১৫৩. লোকিযো ধম্মো লোকিযস্স ধম্মস্স অনন্তরপচ্চযেন পচ্চযো – পুরিমা পুরিমা লোকিযা খন্ধা পচ্ছিমানং পচ্ছিমানং লোকিযানং খন্ধানং…পে… অনুলোমং গোত্রভুস্স… অনুলোমং ৰোদানস্স অনন্তরপচ্চযেন পচ্চযো. (১)

লোকিযো ধম্মো লোকুত্তরস্স ধম্মস্স অনন্তরপচ্চযেন পচ্চযো – গোত্রভু মগ্গস্স… ৰোদানং মগ্গস্স… অনুলোমং ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো. (২)

১৫৪. লোকুত্তরো ধম্মো লোকুত্তরস্স ধম্মস্স অনন্তরপচ্চযেন পচ্চযো – পুরিমা পুরিমা লোকুত্তরা খন্ধা পচ্ছিমানং পচ্ছিমানং লোকুত্তরানং খন্ধানং অনন্তরপচ্চযেন পচ্চযো; মগ্গো ফলস্স, ফলং ফলস্স অনন্তরপচ্চযেন পচ্চযো. (১)

লোকুত্তরো ধম্মো লোকিযস্স ধম্মস্স অনন্তরপচ্চযেন পচ্চযো – ফলং ৰুট্ঠানস্স অনন্তরপচ্চযেন পচ্চযো. (২)

সমনন্তরপচ্চযাদি

১৫৫. লোকিযো ধম্মো লোকিযস্স ধম্মস্স সমনন্তরপচ্চযেন পচ্চযো… সহজাতপচ্চযেন পচ্চযো (পঞ্চ পঞ্হা, ঘটনা নত্থি) অঞ্ঞমঞ্ঞপচ্চযেন পচ্চযো… দ্ৰে… নিস্সযপচ্চযেন পচ্চযো.

উপনিস্সযপচ্চযো

১৫৬. লোকিযো ধম্মো লোকিযস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – লোকিযং সদ্ধং উপনিস্সায দানং দেতি…পে… ৰিপস্সনং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; লোকিযং সীলং…পে… সেনাসনং উপনিস্সায দানং দেতি…পে… সঙ্ঘং ভিন্দতি; লোকিযা সদ্ধা…পে… সেনাসনং লোকিযায সদ্ধায…পে… কাযিকস্স দুক্খস্স উপনিস্সযপচ্চযেন পচ্চযো; কুসলাকুসলং কম্মং ৰিপাকস্স উপনিস্সযপচ্চযেন পচ্চযো. (১)

লোকিযো ধম্মো লোকুত্তরস ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – পঠমস্স মগ্গস্স পরিকম্মং পঠমস্স মগ্গস্স উপনিস্সযপচ্চযেন পচ্চযো…পে… চতুত্থস্স মগ্গস্স পরিকম্মং চতুত্থস্স মগ্গস্স উপনিস্সযপচ্চযেন পচ্চযো. (২)

১৫৭. লোকুত্তরো ধম্মো লোকুত্তরস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – পঠমো মগ্গো দুতিযস্স মগ্গস্স উপনিস্সযপচ্চযেন পচ্চযো…পে… ততিযো মগ্গো চতুত্থস্স মগ্গস্স উপনিস্সযপচ্চযেন পচ্চযো. (১)

লোকুত্তরো ধম্মো লোকিযস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – অরিযা মগ্গং উপনিস্সায অনুপ্পন্নং সমাপত্তিং উপ্পাদেন্তি, উপ্পন্নং সমাপজ্জন্তি, সঙ্খারে অনিচ্চতো দুক্খতো অনত্ততো ৰিপস্সন্তি, অরিযানং মগ্গো…পে… ঠানাঠানকোসল্লস্স উপনিস্সযপচ্চযেন পচ্চযো; ফলসমাপত্তি কাযিকস্স সুখস্স উপনিস্সযপচ্চযেন পচ্চযো. (২)

পুরেজাতপচ্চযো

১৫৮. লোকিযো ধম্মো লোকিযস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো দুক্খতো অনত্ততো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু লোকিযানং খন্ধানং পুরেজাতপচ্চযেন পচ্চযো. (১)

লোকিযো ধম্মো লোকুত্তরস্স ধম্মস্স পুরেজাতপচ্চযেন পচ্চযো. ৰত্থুপুরেজাতং – ৰত্থু লোকুত্তরানং খন্ধানং পুরেজাতপচ্চযেন পচ্চযো. (২)

পচ্ছাজাতপচ্চযো

১৫৯. লোকিযো ধম্মো লোকিযস্স ধম্মস্স পচ্ছাজাতপচ্চযেন পচ্চযো – পচ্ছাজাতা লোকিযা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

লোকুত্তরো ধম্মো লোকিযস্স ধম্মস্স পচ্ছাজাতপচ্চযেন পচ্চযো – পচ্ছাজাতা লোকুত্তরা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৰনপচ্চযো

১৬০. লোকিযো ধম্মো লোকিযস্স ধম্মস্স আসেৰনপচ্চযেন পচ্চযো – পুরিমা পুরিমা লোকিযা খন্ধা পচ্ছিমানং পচ্ছিমানং লোকিযানং খন্ধানং আসেৰনপচ্চযেন পচ্চযো; অনুলোমং গোত্রভুস্স… অনুলোমং ৰোদানস্স আসেৰনপচ্চযেন পচ্চযো. (১)

লোকিযো ধম্মো লোকুত্তরস্স ধম্মস্স আসেৰনপচ্চযেন পচ্চযো – গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো. (২)

কম্মপচ্চযো

১৬১. লোকিযো ধম্মো লোকিযস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – লোকিযা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – লোকিযা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (১)

লোকুত্তরো ধম্মো লোকুত্তরস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – লোকুত্তরা চেতনা সম্পযুত্তকানং খন্ধানং কম্মপচ্চযেন পচ্চযো. নানাক্খণিকা – লোকুত্তরা চেতনা ৰিপাকানং খন্ধানং কম্মপচ্চযেন পচ্চযো. (১)

লোকুত্তরো ধম্মো লোকিযস্স ধম্মস্স কম্মপচ্চযেন পচ্চযো – লোকুত্তরা চেতনা চিত্তসমুট্ঠানানং রূপানং কম্মপচ্চযেন পচ্চযো. (২)

লোকুত্তরো ধম্মো লোকিযস্স চ লোকুত্তরস্স চ ধম্মস্স কম্মপচ্চযেন পচ্চযো – লোকুত্তরা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

ৰিপাকপচ্চযো

১৬২. লোকিযো ধম্মো লোকিযস্স ধম্মস্স ৰিপাকপচ্চযেন পচ্চযো – ৰিপাকো লোকিযো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং ৰিপাকপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে…পে…. (১)

লোকুত্তরো ধম্মো লোকুত্তরস্স ধম্মস্স ৰিপাকপচ্চযেন পচ্চযো… তীণি.

আহারপচ্চযো

১৬৩. লোকিযো ধম্মো লোকিযস্স ধম্মস্স আহারপচ্চযেন পচ্চযো – লোকিযা আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো; পটিসন্ধিক্খণে…পে… কবল়ীকারো আহারো ইমস্স কাযস্স আহারপচ্চযেন পচ্চযো. (১)

লোকুত্তরো ধম্মো লোকুত্তরস্স ধম্মস্স আহারপচ্চযেন পচ্চযো… তীণি.

ইন্দ্রিযপচ্চযো

১৬৪. লোকিযো ধম্মো লোকিযস্স ধম্মস্স ইন্দ্রিযপচ্চযেন পচ্চযো (পটিসন্ধি কাতব্বা); চক্খুন্দ্রিযং চক্খুৰিঞ্ঞাণস্স…পে… কাযিন্দ্রিযং কাযৰিঞ্ঞাণস্স ইন্দ্রিযপচ্চযেন পচ্চযো; রূপজীৰিতিন্দ্রিযং কটত্তারূপানং ইন্দ্রিযপচ্চযেন পচ্চযো. (১)

লোকুত্তরো ধম্মো লোকুত্তরস্স ধম্মস্স ইন্দ্রিযপচ্চযেন পচ্চযো… তীণি.

ঝানপচ্চযাদি

১৬৫. লোকিযো ধম্মো লোকিযস্স ধম্মস্স ঝানপচ্চযেন পচ্চযো… একং, লোকুত্তরো ধম্মো…পে… তীণি… মগ্গপচ্চযেন পচ্চযো, লোকিযে একং, লোকুত্তরে তীণি.

লোকিযো ধম্মো লোকিযস্স ধম্মস্স সম্পযুত্তপচ্চযেন পচ্চযো… একং, লোকুত্তরো ধম্মো…পে… একং.

ৰিপ্পযুত্তপচ্চযো

১৬৬. লোকিযো ধম্মো লোকিযস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – লোকিযা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে…পে… খন্ধা ৰত্থুস্স ৰিপ্পযুত্তপচ্চযেন পচ্চযো; ৰত্থু খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু লোকিযানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – লোকিযা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

লোকিযো ধম্মো লোকুত্তরস্স ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু লোকুত্তরানং খন্ধানং ৰিপ্পযুত্তপচ্চযেন পচ্চযো. (২)

লোকুত্তরো ধম্মো লোকিযস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – লোকুত্তরা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পচ্ছাজাতা – লোকুত্তরা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

অত্থিপচ্চযাদি

১৬৭. লোকিযো ধম্মো লোকিযস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – লোকিযো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং…পে… (যাৰ অসঞ্ঞসত্তা). পুরেজাতং – চক্খুং…পে… ৰত্থুং …পে… (পুরেজাতসদিসং). ৰত্থু লোকিযানং খন্ধানং অত্থিপচ্চযেন পচ্চযো. পচ্ছাজাতা – লোকিযা খন্ধা পুরেজাতস্স ইমস্স কাযস্স অত্থিপচ্চযেন পচ্চযো; কবল়ীকারো আহারো ইমস্স কাযস্স অত্থিপচ্চযেন পচ্চযো; রূপজীৰিতিন্দ্রিযং কটত্তারূপানং অত্থিপচ্চযেন পচ্চযো. (১)

লোকিযো ধম্মো লোকুত্তরস্স ধম্মস্স অত্থিপচ্চযেন পচ্চযো. পুরেজাতং – ৰত্থু লোকুত্তরানং খন্ধানং অত্থিপচ্চযেন পচ্চযো. (২)

১৬৮. লোকুত্তরো ধম্মো লোকুত্তরস্স ধম্মস্স অত্থিপচ্চযেন পচ্চযো – লোকুত্তরো একো খন্ধো তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা…পে…. (১)

লোকুত্তরো ধম্মো লোকিযস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – লোকুত্তরা খন্ধা চিত্তসমুট্ঠানানং রূপানং অত্থিপচ্চযেন পচ্চযো. পচ্ছাজাতা – লোকুত্তরা খন্ধা পুরেজাতস্স ইমস্স কাযস্স অত্থিপচ্চযেন পচ্চযো. (২)

লোকুত্তরো ধম্মো লোকিযস্স চ লোকুত্তরস্স চ ধম্মস্স অত্থিপচ্চযেন পচ্চযো – লোকুত্তরো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা…পে…. (৩)

১৬৯. লোকিযো চ লোকুত্তরো চ ধম্মা লোকিযস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতা – লোকুত্তরা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো. পচ্ছাজাতা – লোকুত্তরা খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – লোকুত্তরা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (১)

লোকিযো চ লোকুত্তরো চ ধম্মা লোকুত্তরস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – লোকুত্তরো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে…. (২)

নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো. (২)