১. ৰিভঙ্গৰারো

হেতুপচ্চযো

১১১. অরূপী ধম্মো অরূপিস্স ধম্মস্স হেতুপচ্চযেন পচ্চযো – অরূপী হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. (১)

অরূপী ধম্মো রূপিস্স ধম্মস্স হেতুপচ্চযেন পচ্চযো – অরূপী হেতূ চিত্তসমুট্ঠানানং রূপানং হেতুপচ্চযেন পচ্চযো; পটিসন্ধিক্খণে…পে…. (২)

অরূপী ধম্মো রূপিস্স চ অরূপিস্স চ ধম্মস্স হেতুপচ্চযেন পচ্চযো – অরূপী হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (৩)

আরম্মণপচ্চযো

১১২. রূপী ধম্মো অরূপিস্স ধম্মস্স আরম্মণপচ্চযেন পচ্চযো – চক্খুং…পে… ৰত্থুং… ইত্থিন্দ্রিযং… পুরিসিন্দ্রিযং… জীৰিতিন্দ্রিযং… আপোধাতুং… কবল়ীকারং আহারং অনিচ্চতো…পে… দোমনস্সং উপ্পজ্জতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স আরম্মণপচ্চযেন পচ্চযো…পে… ফোট্ঠব্বাযতনং কাযৰিঞ্ঞাণস্স আরম্মণপচ্চযেন পচ্চযো; রূপিনো খন্ধা ইদ্ধিৰিধঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

১১৩. অরূপী ধম্মো অরূপিস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, নিব্বানং পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো; অরিযা পহীনে কিলেসে…পে… ৰিক্খম্ভিতে কিলেসে…পে… পুব্বে…পে… অরূপিনো খন্ধে অনিচ্চতো…পে… দোমনস্সং উপ্পজ্জতি, চেতোপরিযঞাণেন অরূপিচিত্তসমঙ্গিস্স চিত্তং জানাতি, আকাসানঞ্চাযতনং…পে… নেৰসঞ্ঞানাসঞ্ঞাযতনস্স…পে… অরূপিনো খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অধিপতিপচ্চযো

১১৪. রূপী ধম্মো অরূপিস্স ধম্মস্স অধিপতিপচ্চযেন পচ্চযো. আরম্মণাধিপতি – চক্খুং…পে… কবল়ীকারং আহারং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (১)

অরূপী ধম্মো অরূপিস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… (সংখিত্তং) নিব্বানং মগ্গস্স, ফলস্স অধিপতিপচ্চযেন পচ্চযো; অরূপিনো খন্ধে গরুং কত্ৰা অস্সাদেতি…পে… রাগো উপ্পজ্জতি, দিট্ঠি উপ্পজ্জতি. সহজাতাধিপতি – অরূপী অধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অরূপী ধম্মো রূপিস্স ধম্মস্স অধিপতিপচ্চযেন পচ্চযো. সহজাতাধিপতি – অরূপী অধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)

অরূপী ধম্মো রূপিস্স চ অরূপিস্স চ ধম্মস্স অধিপতিপচ্চযেন পচ্চযো. সহজাতাধিপতি – অরূপী অধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

অনন্তরপচ্চযাদি

১১৫. অরূপী ধম্মো অরূপিস্স ধম্মস্স অনন্তরপচ্চযেন পচ্চযো – পুরিমা পুরিমা অরূপিনো খন্ধা পচ্ছিমানং পচ্ছিমানং অরূপীনং খন্ধানং…পে… ফলসমাপত্তিযা অনন্তরপচ্চযেন পচ্চযো, সমনন্তরপচ্চযেন পচ্চযো.

(সহজাতপচ্চযে সত্ত, ইহ ঘটনা নত্থি. অঞ্ঞমঞ্ঞপচ্চযে ছ, নিস্সযপচ্চযে সত্ত পঞ্হা, ইহ ঘটনা নত্থি).

উপনিস্সযপচ্চযো

১১৬. রূপী ধম্মো অরূপিস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে…. পকতূপনিস্সযো – উতুং… ভোজনং… সেনাসনং উপনিস্সায দানং দেতি…পে… সঙ্ঘং ভিন্দতি, উতু… ভোজনং… সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

অরূপী ধম্মো অরূপিস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি, সীলং…পে… কাযিকং দুক্খং উপনিস্সায দানং দেতি…পে… সঙ্ঘং ভিন্দতি, সদ্ধা…পে… কাযিকং দুক্খং… সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

পুরেজাতপচ্চযো

১১৭. রূপী ধম্মো অরূপিস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং…পে… কবল়ীকারং আহারং অনিচ্চতো …পে… দোমনস্সং উপ্পজ্জতি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু অরূপীনং খন্ধানং পুরেজাতপচ্চযেন পচ্চযো. (১)

পচ্ছাজাতপচ্চযো

১১৮. অরূপী ধম্মো রূপিস্স ধম্মস্স পচ্ছাজাতপচ্চযেন পচ্চযো – পচ্ছাজাতা অরূপিনো খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৰনপচ্চযো

১১৯. অরূপী ধম্মো অরূপিস্স ধম্মস্স আসেৰনপচ্চযেন পচ্চযো – পুরিমা পুরিমা অরূপিনো খন্ধা পচ্ছিমানং পচ্ছিমানং অরূপীনং খন্ধানং আসেৰনপচ্চযেন পচ্চযো.

কম্মপচ্চযো

১২০. অরূপী ধম্মো অরূপিস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অরূপী চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – অরূপী চেতনা ৰিপাকানং খন্ধানং কম্মপচ্চযেন পচ্চযো. (১)

অরূপী ধম্মো রূপিস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অরূপী চেতনা চিত্তসমুট্ঠানানং রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – অরূপী চেতনা কটত্তারূপানং কম্মপচ্চযেন পচ্চযো. (২)

অরূপী ধম্মো রূপিস্স চ অরূপিস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অরূপী চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – অরূপী চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (৩)

ৰিপাকাহারপচ্চযা

১২১. অরূপী ধম্মো অরূপিস্স ধম্মস্স ৰিপাকপচ্চযেন পচ্চযো… তীণি.

রূপী ধম্মো রূপিস্স ধম্মস্স আহারপচ্চযেন পচ্চযো – কবল়ীকারো আহারো ইমস্স কাযস্স আহারপচ্চযেন পচ্চযো. (১)

অরূপী ধম্মো অরূপিস্স ধম্মস্স আহারপচ্চযেন পচ্চযো… তীণি.

ইন্দ্রিযপচ্চযো

১২২. রূপী ধম্মো রূপিস্স ধম্মস্স ইন্দ্রিযপচ্চযেন পচ্চযো – রূপজীৰিতিন্দ্রিযং কটত্তারূপানং ইন্দ্রিযপচ্চযেন পচ্চযো. (১)

রূপী ধম্মো অরূপিস্স ধম্মস্স ইন্দ্রিযপচ্চযেন পচ্চযো – চক্খুন্দ্রিযং…পে… কাযিন্দ্রিযং কাযৰিঞ্ঞাণস্স ইন্দ্রিযপচ্চযেন পচ্চযো. (২)

অরূপী ধম্মো অরূপিস্স ধম্মস্স ইন্দ্রিযপচ্চযেন পচ্চযো… তীণি.

রূপী চ অরূপী চ ধম্মা অরূপিস্স ধম্মস্স ইন্দ্রিযপচ্চযেন পচ্চযো – চক্খুন্দ্রিযঞ্চ চক্খুৰিঞ্ঞাণঞ্চ চক্খুৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো…পে… কাযিন্দ্রিযঞ্চ…পে….

ঝানপচ্চযাদি

১২৩. অরূপী ধম্মো অরূপিস্স ধম্মস্স ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… একং.

ৰিপ্পযুত্তপচ্চযো

১২৪. রূপী ধম্মো অরূপিস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু অরূপীনং খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু অরূপীনং খন্ধানং ৰিপ্পযুত্তপচ্চযেন পচ্চযো. (১)

অরূপী ধম্মো রূপিস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অরূপিনো খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে অরূপিনো খন্ধা কটত্তারূপানং ৰিপ্পযুত্তপচ্চযেন পচ্চযো; অরূপিনো খন্ধা ৰত্থুস্স ৰিপ্পযুত্তপচ্চযেন পচ্চযো. পচ্ছাজাতা – অরূপিনো খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

অত্থিপচ্চযাদি

১২৫. রূপী ধম্মো রূপিস্স ধম্মস্স অত্থিপচ্চযেন পচ্চযো – সহজাতং, আহারং, ইন্দ্রিযং. সহজাতং – একং মহাভূতং…পে… (যাৰ অসঞ্ঞসত্তা), কবল়ীকারো আহারো ইমস্স কাযস্স অত্থিপচ্চযেন পচ্চযো; রূপজীৰিতিন্দ্রিযং কটত্তারূপানং অত্থিপচ্চযেন পচ্চযো. (১)

রূপী ধম্মো অরূপিস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু অরূপীনং খন্ধানং অত্থিপচ্চযেন পচ্চযো. পুরেজাতং – চক্খুং…পে… কবল়ীকারং আহারং অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… চক্খাযতনং চক্খুৰিঞ্ঞাণস্স …পে… কাযাযতনং কাযৰিঞ্ঞাণস্স…পে… ৰত্থু অরূপীনং খন্ধানং অত্থিপচ্চযেন পচ্চযো. (২)

১২৬. অরূপী ধম্মো অরূপিস্স ধম্মস্স অত্থিপচ্চযেন পচ্চযো – অরূপী একো খন্ধো তিণ্ণন্নং খন্ধানং…পে… দ্ৰে খন্ধা…পে… পটিসন্ধিক্খণে…পে…. (১)

অরূপী ধম্মো রূপিস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – অরূপিনো খন্ধা চিত্তসমুট্ঠানানং রূপানং অত্থিপচ্চযেন পচ্চযো; পটিসন্ধিক্খণে…পে… পচ্ছাজাতা – অরূপিনো খন্ধা পুরেজাতস্স ইমস্স কাযস্স অত্থিপচ্চযেন পচ্চযো. (২)

অরূপী ধম্মো রূপিস্স চ অরূপিস্স চ ধম্মস্স অত্থিপচ্চযেন পচ্চযো – অরূপী একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে…পে…. (৩)

১২৭. রূপী চ অরূপী চ ধম্মা রূপিস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতা – অরূপী খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো; পটিসন্ধিক্খণে…পে…. পচ্ছাজাতা – অরূপিনো খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – অরূপিনো খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (১)

রূপী চ অরূপী চ ধম্মা অরূপিস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – চক্খুৰিঞ্ঞাণসহগতো একো খন্ধো চ চক্খাযতনঞ্চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে… কাযৰিঞ্ঞাণসহগতো…পে… অরূপী একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে… পটিসন্ধিক্খণে অরূপী একো খন্ধো চ ৰত্থু চ তিণ্ণন্নং খন্ধানং…পে… দ্ৰে খন্ধা চ…পে…. (২)

নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো.