১. ৰিভঙ্গৰারো

হেতুপচ্চযো

১০২. উপাদানো চেৰ উপাদানসম্পযুত্তো চ ধম্মো উপাদানস্স চেৰ উপাদানসম্পযুত্তস্স চ ধম্মস্স হেতুপচ্চযেন পচ্চযো – উপাদানা চেৰ উপাদানসম্পযুত্তা চ হেতূ সম্পযুত্তকানং উপাদানানং হেতুপচ্চযেন পচ্চযো. (মূলং পুচ্ছিতব্বং) উপাদানা চেৰ উপাদানসম্পযুত্তা চ হেতূ সম্পযুত্তকানং খন্ধানং হেতুপচ্চযেন পচ্চযো. (মূলং পুচ্ছিতব্বং) উপাদানা চেৰ উপাদানসম্পযুত্তা চ হেতূ সম্পযুত্তকানং খন্ধানং উপাদানানঞ্চ হেতুপচ্চযেন পচ্চযো. (৩)

১০৩. উপাদানসম্পযুত্তো চেৰ নো চ উপাদানো ধম্মো উপাদানসম্পযুত্তস্স চেৰ নো চ উপাদানস্স ধম্মস্স হেতুপচ্চযেন পচ্চযো – উপাদানসম্পযুত্তা চেৰ নো চ উপাদানা হেতূ সম্পযুত্তকানং খন্ধানং হেতুপচ্চযেন পচ্চযো. (মূলং পুচ্ছিতব্বং) উপাদানসম্পযুত্তা চেৰ নো চ উপাদানা হেতূ সম্পযুত্তকানং উপাদানানং হেতুপচ্চযেন পচ্চযো. (মূলং পুচ্ছিতব্বং) উপাদানসম্পযুত্তা চেৰ নো চ উপাদানা হেতূ সম্পযুত্তকানং খন্ধানং উপাদানানঞ্চ হেতুপচ্চযেন পচ্চযো. (৩)

১০৪. উপাদানো চেৰ উপাদানসম্পযুত্তো চ উপাদানসম্পযুত্তো চেৰ নো চ উপাদানো চ ধম্মা উপাদানস্স চেৰ উপাদানসম্পযুত্তস্স চ ধম্মস্স হেতুপচ্চযেন পচ্চযো – উপাদানা চেৰ উপাদানসম্পযুত্তা চ উপাদানসম্পযুত্তা চেৰ নো চ উপাদানা চ হেতূ সম্পযুত্তকানং উপাদানানং হেতুপচ্চযেন পচ্চযো. (মূলং পুচ্ছিতব্বং) উপাদানা চেৰ উপাদানসম্পযুত্তা চ উপাদানসম্পযুত্তা চেৰ নো চ উপাদানা চ হেতূ সম্পযুত্তকানং খন্ধানং হেতুপচ্চযেন পচ্চযো. (মূলং পুচ্ছিতব্বং) উপাদানা চেৰ উপাদানসম্পযুত্তা চ উপাদানসম্পযুত্তা চেৰ নো চ উপাদানা চ হেতূ সম্পযুত্তকানং খন্ধানং উপাদানানঞ্চ হেতুপচ্চযেন পচ্চযো. (৩)

আরম্মণপচ্চযো

১০৫. উপাদানো চেৰ উপাদানসম্পযুত্তো চ ধম্মো উপাদানস্স চেৰ উপাদানসম্পযুত্তস্স চ ধম্মস্স আরম্মণপচ্চযেন পচ্চযো – উপাদানে আরব্ভ উপাদানা উপ্পজ্জন্তি. (মূলং পুচ্ছিতব্বং) উপাদানে আরব্ভ উপাদানসম্পযুত্তা চেৰ নো চ উপাদানা খন্ধা উপ্পজ্জন্তি. (মূলং পুচ্ছিতব্বং) উপাদানে আরব্ভ উপাদানা চ সম্পযুত্তকা চ খন্ধা উপ্পজ্জন্তি. (৩)

উপাদানসম্পযুত্তো চেৰ নো চ উপাদানো ধম্মো উপাদানসম্পযুত্তস্স চেৰ নো চ উপাদানস্স ধম্মস্স আরম্মণপচ্চযেন পচ্চযো – উপাদানসম্পযুত্তে চেৰ নো চ উপাদানে খন্ধে আরব্ভ উপাদানসম্পযুত্তা চেৰ নো চ উপাদানা খন্ধা উপ্পজ্জন্তি (তীণিপি কাতব্বা, ঘটনে তীণিপি কাতব্বা).

অধিপতিপচ্চযো

১০৬. উপাদানো চেৰ উপাদানসম্পযুত্তো চ ধম্মো উপাদানস্স চেৰ উপাদানসম্পযুত্তস্স চ ধম্মস্স অধিপতিপচ্চযেন পচ্চযো… তীণি. (৩)

উপাদানসম্পযুত্তো চেৰ নো চ উপাদানো ধম্মো উপাদানসম্পযুত্তস্স চেৰ নো চ উপাদানস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি (তীণিপি, তীসুপি দ্ৰেপি অধিপতি কাতব্বা, ঘটনাধিপতিপি তীণি).

অনন্তরপচ্চযো

১০৭. উপাদানো চেৰ উপাদানসম্পযুত্তো চ ধম্মো উপাদানস্স চেৰ উপাদানসম্পযুত্তস্স চ ধম্মস্স অনন্তরপচ্চযেন পচ্চযো – পুরিমা পুরিমা উপাদানা চেৰ উপাদানসম্পযুত্তা চ খন্ধা পচ্ছিমানং পচ্ছিমানং উপাদানানং অনন্তরপচ্চযেন পচ্চযো (এৰং নৰপি পঞ্হা কাতব্বা, আৰজ্জনাপি ৰুট্ঠানম্পি নত্থি).

সমনন্তরপচ্চযাদি

১০৮. উপাদানো চেৰ উপাদানসম্পযুত্তো চ ধম্মো উপাদানস্স চেৰ উপাদানসম্পযুত্তস্স চ ধম্মস্স সমনন্তরপচ্চযেন পচ্চযো… নৰ… সহজাতপচ্চযেন পচ্চযো… নৰ… অঞ্ঞমঞ্ঞপচ্চযেন পচ্চযো… নৰ… নিস্সযপচ্চযেন পচ্চযো… নৰ.

উপনিস্সযপচ্চযো

১০৯. উপাদানো চেৰ উপাদানসম্পযুত্তো চ ধম্মো উপাদানস্স চেৰ উপাদানসম্পযুত্তস্স চ ধম্মস্স উপনিস্সযপচ্চযেন পচ্চযো…পে… তীণি.

উপাদানসম্পযুত্তো চেৰ নো চ উপাদানো ধম্মো উপাদানসম্পযুত্তস্স চেৰ নো চ উপাদানস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – উপাদানসম্পযুত্তা চেৰ নো চ উপাদানা খন্ধা উপাদানসম্পযুত্তকানঞ্চেৰ নো চ উপাদানানং খন্ধানং উপনিস্সযপচ্চযেন পচ্চযো (তীণি ঘটনুপনিস্সযেপি তীণি)… আসেৰনপচ্চযেন পচ্চযো… নৰ.

কম্মপচ্চযাদি

১১০. উপাদানসম্পযুত্তো চেৰ নো চ উপাদানো ধম্মো উপাদানসম্পযুত্তস্স চেৰ নো চ উপাদানস্স ধম্মস্স কম্মপচ্চযেন পচ্চযো… তীণি… আহারপচ্চযেন পচ্চযো… তীণি… ইন্দ্রিযপচ্চযেন পচ্চযো… তীণি… ঝানপচ্চযেন পচ্চযো… তীণি… মগ্গপচ্চযেন পচ্চযো… নৰ… সম্পযুত্তপচ্চযেন পচ্চযো… নৰ… অত্থিপচ্চযেন পচ্চযো… নৰ… নত্থিপচ্চযেন পচ্চযো… নৰ… ৰিগতপচ্চযেন পচ্চযো… নৰ… অৰিগতপচ্চযেন পচ্চযো… নৰ.