১১. উপাদানগোচ্ছকং

৬৯. উপাদানদুকং

১. পটিচ্চৰারো

১. পচ্চযানুলোমং

১. ৰিভঙ্গৰারো

হেতুপচ্চযো

১. উপাদানং ধম্মং পটিচ্চ উপাদানো ধম্মো উপ্পজ্জতি হেতুপচ্চযা – দিট্ঠুপাদানং পটিচ্চ কামুপাদানং, কামুপাদানং পটিচ্চ দিট্ঠুপাদানং, সীলব্বতুপাদানং পটিচ্চ কামুপাদানং, কামুপাদানং পটিচ্চ সীলব্বতুপাদানং, অত্তৰাদুপাদানং পটিচ্চ কামুপাদানং, কামুপাদানং পটিচ্চ অত্তৰাদুপাদানং. (১)

উপাদানং ধম্মং পটিচ্চ নোউপাদানো ধম্মো উপ্পজ্জতি হেতুপচ্চযা – উপাদানে পটিচ্চ সম্পযুত্তকা খন্ধা চিত্তসমুট্ঠানঞ্চ রূপং. (২)

উপাদানং ধম্মং পটিচ্চ উপাদানো চ নোউপাদানো চ ধম্মা উপ্পজ্জন্তি হেতুপচ্চযা – দিট্ঠুপাদানং পটিচ্চ কামুপাদানং সম্পযুত্তকা চ খন্ধা চিত্তসমুট্ঠানঞ্চ রূপং, কামুপাদানং…পে… (সব্বং চক্কং কাতব্বং). (৩)

২. নোউপাদানং ধম্মং পটিচ্চ নোউপাদানো ধম্মো উপ্পজ্জতি হেতুপচ্চযা – নোউপাদানং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে নোউপাদানং একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে…পে… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. (১)

নোউপাদানং ধম্মং পটিচ্চ উপাদানো ধম্মো উপ্পজ্জতি হেতুপচ্চযা – নোউপাদানে খন্ধে পটিচ্চ উপাদানা. (২)

নোউপাদানং ধম্মং পটিচ্চ উপাদানো চ নোউপাদানো চ ধম্মা উপ্পজ্জন্তি হেতুপচ্চযা – নোউপাদানং একং খন্ধং পটিচ্চ তযো খন্ধা উপাদানা চ চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা উপাদানা চ চিত্তসমুট্ঠানঞ্চ রূপং. (৩)

৩. উপাদানঞ্চ নোউপাদানঞ্চ ধম্মং পটিচ্চ উপাদানো ধম্মো উপ্পজ্জতি হেতুপচ্চযা – দিট্ঠুপাদানঞ্চ সম্পযুত্তকে চ খন্ধে পটিচ্চ কামুপাদানং (সব্বে চক্কা কাতব্বা). (১)

উপাদানঞ্চ নোউপাদানঞ্চ ধম্মং পটিচ্চ নোউপাদানো ধম্মো উপ্পজ্জতি হেতুপচ্চযা – নোউপাদানং একং খন্ধঞ্চ উপাদানঞ্চ পটিচ্চ তযো খন্ধা চিত্তসমুট্ঠানঞ্চ রূপং, দ্ৰে খন্ধে চ…পে… উপাদানঞ্চ মহাভূতে চ পটিচ্চ চিত্তসমুট্ঠানং রূপং. (২)

উপাদানঞ্চ নোউপাদানঞ্চ ধম্মং পটিচ্চ উপাদানো চ নোউপাদানো চ ধম্মা উপ্পজ্জন্তি হেতুপচ্চযা – নোউপাদানং একং খন্ধঞ্চ দিট্ঠুপাদানঞ্চ পটিচ্চ তযো খন্ধা কামুপাদানঞ্চ চিত্তসমুট্ঠানং রূপং, দ্ৰে খন্ধে চ…পে… (চক্কং কাতব্বং). (৩)

আরম্মণপচ্চযো

৪. উপাদানং ধম্মং পটিচ্চ উপাদানো ধম্মো উপ্পজ্জতি আরম্মণপচ্চযা (নৰপি পঞ্হা কাতব্বা, রূপং ছড্ডেতব্বং).

১. পচ্চযানুলোমং

২. সঙ্খ্যাৰারো

৫. হেতুযা নৰ, আরম্মণে নৰ, অধিপতিযা নৰ (সব্বত্থ নৰ), ৰিপাকে একং…পে… অৰিগতে নৰ.

২. পচ্চযপচ্চনীযং

১. ৰিভঙ্গৰারো

নহেতুপচ্চযো

৬. নোউপাদানং ধম্মং পটিচ্চ নোউপাদানো ধম্মো উপ্পজ্জতি নহেতুপচ্চযা – অহেতুকং নোউপাদানং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে… ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

নআরম্মণপচ্চযাদি

৭. উপাদানং ধম্মং পটিচ্চ নোউপাদানো ধম্মো উপ্পজ্জতি নআরম্মণপচ্চযা – উপাদানে পটিচ্চ চিত্তসমুট্ঠানং রূপং. (১)

নোউপাদানং ধম্মং পটিচ্চ নোউপাদানো ধম্মো উপ্পজ্জতি নআরম্মণপচ্চযা – নোউপাদানে খন্ধে পটিচ্চ চিত্তসমুট্ঠানং রূপং; পটিসন্ধিক্খণে নোউপাদানে খন্ধে পটিচ্চ কটত্তারূপং, খন্ধে পটিচ্চ ৰত্থু, একং মহাভূতং…পে… (যাৰ অসঞ্ঞসত্তা). (১)

উপাদানঞ্চ নোউপাদানং চ ধম্মং পটিচ্চ নোউপাদানো ধম্মো উপ্পজ্জতি নআরম্মণপচ্চযা – উপাদানে চ সম্পযুত্তকে চ খন্ধে পটিচ্চ চিত্তসমুট্ঠানং রূপং, উপাদানে চ মহাভূতে চ পটিচ্চ চিত্তসমুট্ঠানং রূপং. (১)

নঅধিপতিপচ্চযা… নঅনন্তরপচ্চযা…পে… নউপনিস্সযপচ্চযা.

নপুরেজাতপচ্চযো

৮. উপাদানং ধম্মং পটিচ্চ উপাদানো ধম্মো উপ্পজ্জতি নপুরেজাতপচ্চযা – অরূপে অত্তৰাদুপাদানং পটিচ্চ কামুপাদানং, কামুপাদানং পটিচ্চ অত্তৰাদুপাদানং. (১)

উপাদানং ধম্মং পটিচ্চ নোউপাদানো ধম্মো উপ্পজ্জতি নপুরেজাতপচ্চযা – অরূপে উপাদানে পটিচ্চ সম্পযুত্তকা খন্ধা, উপাদানে পটিচ্চ চিত্তসমুট্ঠানং রূপং (সংখিত্তং, নৰপি পঞ্হা অরূপে দ্ৰে উপাদানা).

২. পচ্চযপচ্চনীযং

২. সঙ্খ্যাৰারো

সুদ্ধং

৯. নহেতুযা একং, নআরম্মণে তীণি, নঅধিপতিযা নৰ, নঅনন্তরে তীণি…পে… নউপনিস্সযে তীণি, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নআহারে একং, নইন্দ্রিযে একং, নঝানে একং, নমগ্গে একং, নসম্পযুত্তে তীণি, নৰিপ্পযুত্তে নৰ, নোনত্থিযা তীণি, নোৰিগতে তীণি.

৩. পচ্চযানুলোমপচ্চনীযং

১০. হেতুপচ্চযা নআরম্মণে তীণি, নঅধিপতিযা নৰ…পে… নউপনিস্সযে তীণি, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নসম্পযুত্তে তীণি, নৰিপ্পযুত্তে নৰ, নোনত্থিযা তীণি, নোৰিগতে তীণি.

৪. পচ্চযপচ্চনীযানুলোমং

১১. নহেতুপচ্চযা আরম্মণে একং (সব্বত্থ একং), মগ্গে একং…পে… অৰিগতে একং.

২. সহজাতৰারো

(সহজাতৰারো পটিচ্চৰারসদিসো ৰিভজন্তেন দিট্ঠুপাদানং ‘‘সহজাতং কামুপাদান’’ন্তি কাতব্বং.)

৩. পচ্চযৰারো

১-৪. পচ্চযানুলোমাদি

হেতুপচ্চযো

১২. উপাদানং ধম্মং পচ্চযা উপাদানো ধম্মো উপ্পজ্জতি হেতুপচ্চযা – দিট্ঠুপাদানং পচ্চযা কামুপাদানং… তীণি (পটিচ্চসদিসা).

নোউপাদানং ধম্মং পচ্চযা নোউপাদানো ধম্মো উপ্পজ্জতি হেতুপচ্চযা – নোউপাদানং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… খন্ধে পচ্চযা ৰত্থু…পে… (যাৰ অজ্ঝত্তিকা মহাভূতা) ৰত্থুং পচ্চযা নোউপাদানা খন্ধা. (১)

নোউপাদানং ধম্মং পচ্চযা উপাদানো ধম্মো উপ্পজ্জতি হেতুপচ্চযা – নোউপাদানে খন্ধে পচ্চযা উপাদানা, ৰত্থুং পচ্চযা উপাদানা. (২)

নোউপাদানং ধম্মং পচ্চযা উপাদানো চ নোউপাদানো চ ধম্মা উপ্পজ্জন্তি হেতুপচ্চযা – নোউপাদানং একং খন্ধং পচ্চযা তযো খন্ধা উপাদানা চ চিত্তসমুট্ঠানঞ্চ রূপং…পে… দ্ৰে খন্ধে…পে… ৰত্থুং পচ্চযা উপাদানা, মহাভূতে পচ্চযা চিত্তসমুট্ঠানং রূপং, ৰত্থুং পচ্চযা উপাদানা সম্পযুত্তকা চ খন্ধা. (৩)

১৩. উপাদানঞ্চ নোউপাদানঞ্চ ধম্মং পচ্চযা উপাদানো ধম্মো উপ্পজ্জতি হেতুপচ্চযা – দিট্ঠুপাদানঞ্চ সম্পযুত্তকে চ খন্ধে পচ্চযা কামুপাদানং, কামুপাদানঞ্চ সম্পযুত্তকে চ খন্ধে পচ্চযা দিট্ঠুপাদানং (চক্কং কাতব্বং). দিট্ঠুপাদানঞ্চ ৰত্থুঞ্চ পচ্চযা কামুপাদানং (চক্কং কাতব্বং). (১)

উপাদানঞ্চ নোউপাদানঞ্চ ধম্মং পচ্চযা নোউপাদানো ধম্মো উপ্পজ্জতি হেতুপচ্চযা – নোউপাদানং একং খন্ধঞ্চ উপাদানঞ্চ পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে চ…পে… (চক্কং কাতব্বং). উপাদানে চ মহাভূতে চ পচ্চযা চিত্তসমুট্ঠানং রূপং, উপাদানঞ্চ ৰত্থুঞ্চ পচ্চযা নোউপাদানা খন্ধা. (২)

উপাদানঞ্চ নোউপাদানঞ্চ ধম্মং পচ্চযা উপাদানো চ নোউপাদানো চ ধম্মা উপ্পজ্জন্তি হেতুপচ্চযা – নোউপাদানং একং খন্ধঞ্চ দিট্ঠুপাদানঞ্চ পচ্চযা তযো খন্ধা কামুপাদানং চিত্তসমুট্ঠানঞ্চ রূপং…পে… (চক্কং). দিট্ঠুপাদানঞ্চ ৰত্থুঞ্চ পচ্চযা কামুপাদানং সম্পযুত্তকা চ খন্ধা…পে… (চক্কং). (৩)

আরম্মণপচ্চযা… (আরম্মণে নোউপাদানমূলকে পঞ্চাযতনঞ্চ ৰত্থুঞ্চ কাতব্বা).

হেতুযা নৰ, আরম্মণে নৰ, অধিপতিযা নৰ (সব্বত্থ নৰ), ৰিপাকে একং…পে… অৰিগতে নৰ.

অনুলোমং.

১৪. নোউপাদানং ধম্মং পচ্চযা নোউপাদানো ধম্মো উপ্পজ্জতি নহেতুপচ্চযা – অহেতুকং নোউপাদানং একং খন্ধং পচ্চযা…পে… অহেতুকপটিসন্ধিক্খণে…পে… (যাৰ অসঞ্ঞসত্তা) চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা অহেতুকা নোউপাদানা খন্ধা, ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো.

নহেতুযা একং, নআরম্মণে তীণি, নঅধিপতিযা নৰ, নঅনন্তরে তীণি, নসমনন্তরে তীণি…পে… নপুরেজাতে নৰ…পে… নকম্মে তীণি, নৰিপাকে নৰ (পটিচ্চসদিসং)…পে… নোৰিগতে তীণি.

পচ্চনীযং.

৪. নিস্সযৰারো

(এৰং ইতরে দ্ৰে গণনাপি নিস্সযৰারোপি কাতব্বো.)

৫. সংসট্ঠৰারো

১-৪. পচ্চযানুলোমাদি

হেতুপচ্চযো

১৫. উপাদানং ধম্মং সংসট্ঠো উপাদানো ধম্মো উপ্পজ্জতি হেতুপচ্চযা – দিট্ঠুপাদানং সংসট্ঠং কামুপাদানং, কামুপাদানং সংসট্ঠং দিট্ঠুপাদানং (চক্কং. এৰং নৰপি পঞ্হা কাতব্বা).

হেতুযা নৰ, আরম্মণে নৰ, অধিপতিযা নৰ (সব্বত্থ নৰ), ৰিপাকে একং…পে… ৰিগতে নৰ, অৰিগতে নৰ.

অনুলোমং.

১৬. নোউপাদানং ধম্মং সংসট্ঠো নোউপাদানো ধম্মো উপ্পজ্জতি নহেতুপচ্চযা – অহেতুকং নোউপাদানং একং খন্ধং সংসট্ঠা তযো খন্ধা…পে… দ্ৰে খন্ধে…পে… অহেতুকপটিসন্ধিক্খণে…পে… ৰিচিকিচ্ছাসহগতে উদ্ধচ্চসহগতে খন্ধে সংসট্ঠো ৰিচিকিচ্ছাসহগতো উদ্ধচ্চসহগতো মোহো.

নহেতুযা একং, নঅধিপতিযা নৰ, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নঝানে একং, নমগ্গে একং, নৰিপ্পযুত্তে নৰ.

পচ্চনীযং.

৬. সম্পযুত্তৰারো

(এৰং ইতরে দ্ৰে গণনাপি সম্পযুত্তৰারোপি কাতব্বো.)

৭. পঞ্হাৰারো

১. পচ্চযানুলোমং

১. ৰিভঙ্গৰারো

হেতুপচ্চযো

১৭. উপাদানো ধম্মো উপাদানস্স ধম্মস্স হেতুপচ্চযেন পচ্চযো – উপাদানা হেতূ সম্পযুত্তকানং উপাদানানং হেতুপচ্চযেন পচ্চযো. (মূলং কাতব্বং) উপাদানা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (মূলং কাতব্বং) উপাদানা হেতূ সম্পযুত্তকানং খন্ধানং উপাদানানঞ্চ চিত্তসমুট্ঠানানং রূপানং হেতুপচ্চযেন পচ্চযো. (৩)

১৮. নোউপাদানো ধম্মো নোউপাদানস্স ধম্মস্স হেতুপচ্চযেন পচ্চযো – নোউপাদানা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (১)

নোউপাদানো ধম্মো উপাদানস্স ধম্মস্স হেতুপচ্চযেন পচ্চযো – নোউপাদানা হেতূ সম্পযুত্তকানং উপাদানানং হেতুপচ্চযেন পচ্চযো. (মূলং কাতব্বং) নোউপাদানা হেতূ সম্পযুত্তকানং খন্ধানং উপাদানানঞ্চ চিত্তসমুট্ঠানানং রূপানং হেতুপচ্চযেন পচ্চযো. (৩)

১৯. উপাদানো চ নোউপাদানো চ ধম্মা উপাদানস্স ধম্মস্স হেতুপচ্চযেন পচ্চযো – উপাদানা চ নোউপাদানা চ হেতূ সম্পযুত্তকানং উপাদানানং হেতুপচ্চযেন পচ্চযো. (মূলং কাতব্বং) উপাদানা চ নোউপাদানা চ হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (মূলং কাতব্বং) উপাদানা চ নোউপাদানা চ হেতূ সম্পযুত্তকানং খন্ধানং উপাদানানঞ্চ চিত্তসমুট্ঠানানং রূপানং হেতুপচ্চযেন পচ্চযো. (৩)

আরম্মণপচ্চযো

২০. উপাদানো ধম্মো উপাদানস্স ধম্মস্স আরম্মণপচ্চযেন পচ্চযো – উপাদানে আরব্ভ উপাদানা উপ্পজ্জন্তি… তীণি (আরব্ভ কাতব্বা).

নোউপাদানো ধম্মো নোউপাদানস্স ধম্মস্স আরম্মণপচ্চযেন পচ্চযো – দানং দত্ৰা সীলং…পে… উপোসথকম্মং কত্ৰা তং পচ্চৰেক্খতি অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি উপ্পজ্জতি; ৰিচিকিচ্ছা…পে… উদ্ধচ্চং…পে… দোমনস্সং উপ্পজ্জতি; পুব্বে সুচিণ্ণানি…পে… ঝানা ৰুট্ঠহিত্ৰা ঝানং পচ্চৰেক্খতি, অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং…পে… নিব্বানং পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো. অরিযা নোউপাদানে পহীনে কিলেসে …পে… ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে…পে… চক্খুং…পে… ৰত্থুং নোউপাদানে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. চেতোপরিযঞাণেন নোউপাদানচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… নোউপাদানা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

নোউপাদানো ধম্মো উপাদানস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি উপ্পজ্জতি; পুব্বে সুচিণ্ণানি…পে… ঝানা…পে… চক্খুং…পে… ৰত্থুং নোউপাদানে খন্ধে অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি উপ্পজ্জতি. (২)

নোউপাদানো ধম্মো উপাদানস্স চ নোউপাদানস্স চ ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা…পে… পুব্বে সুচিণ্ণানি …পে… ঝানা ৰুট্ঠহিত্ৰা ঝানং…পে… চক্খুং…পে… ৰত্থুং নোউপাদানে খন্ধে অস্সাদেতি অভিনন্দতি, তং আরব্ভ উপাদানা চ সম্পযুত্তকা চ খন্ধা উপ্পজ্জন্তি. (৩)

উপাদানো চ নোউপাদানো চ ধম্মা উপাদানস্স ধম্মস্স আরম্মণপচ্চযেন পচ্চযো… তীণি (আরব্ভ কাতব্বা).

অধিপতিপচ্চযো

২১. উপাদানো ধম্মো উপাদানস্স ধম্মস্স অধিপতিপচ্চযেন পচ্চযো. আরম্মণাধিপতি – উপাদানে গরুং কত্ৰা উপাদানা উপ্পজ্জন্তি… তীণি (আরম্মণাধিপতিযেৰ).

২২. নোউপাদানো ধম্মো নোউপাদানস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং…পে… উপোসথকম্মং…পে… পুব্বে…পে… ঝানা ৰুট্ঠহিত্ৰা ঝানং গরুং কত্ৰা পচ্চৰেক্খতি, অস্সাদেতি অভিনন্দতি, অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি…পে… ফলস্স অধিপতিপচ্চযেন পচ্চযো; চক্খুং…পে… ৰত্থুং নোউপাদানে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – নোউপাদানাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

নোউপাদানো ধম্মো উপাদানস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং কত্ৰা তং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি; পুব্বে…পে… ঝানা…পে… চক্খুং…পে… ৰত্থুং নোউপাদানে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – নোউপাদানাধিপতি সম্পযুত্তকানং উপাদানানং অধিপতিপচ্চযেন পচ্চযো. (২)

নোউপাদানো ধম্মো উপাদানস্স চ নোউপাদানস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং…পে… পুব্বে…পে… ঝানং…পে… চক্খুং…পে… ৰত্থুং নোউপাদানে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা উপাদানা চ সম্পযুত্তকা চ খন্ধা উপ্পজ্জন্তি. সহজাতাধিপতি – নোউপাদানাধিপতি সম্পযুত্তকানং খন্ধানং উপাদানানঞ্চ চিত্তসমুট্ঠানানং রূপানং অধিপতিপচ্চযেন পচ্চযো. (৩)

উপাদানো চ নোউপাদানো চ ধম্মা উপাদানস্স ধম্মস্স অধিপতিপচ্চযেন পচ্চযো… তীণি… আরম্মণাধিপতি… তীণি (আরব্ভ কাতব্বা, আরম্মণাধিপতিযেৰ).

অনন্তরপচ্চযাদি

২৩. উপাদানো ধম্মো উপাদানস্স ধম্মস্স অনন্তরপচ্চযেন পচ্চযো – পুরিমা পুরিমা উপাদানা পচ্ছিমানং পচ্ছিমানং উপাদানানং অনন্তরপচ্চযেন পচ্চযো. (মূলং কাতব্বং) পুরিমা পুরিমা উপাদানা পচ্ছিমানং পচ্ছিমানং নোউপাদানানং খন্ধানং অনন্তরপচ্চযেন পচ্চযো; উপাদানং ৰুট্ঠানস্স অনন্তরপচ্চযেন পচ্চযো. (মূলং কাতব্বং) পুরিমা পুরিমা উপাদানা পচ্ছিমানং পচ্ছিমানং উপাদানানং সম্পযুত্তকানঞ্চ খন্ধানং অনন্তরপচ্চযেন পচ্চযো. (৩)

২৪. নোউপাদানো ধম্মো নোউপাদানস্স ধম্মস্স অনন্তরপচ্চযেন পচ্চযো – পুরিমা পুরিমা নোউপাদানা খন্ধা পচ্ছিমানং পচ্ছিমানং নোউপাদানানং খন্ধানং অনন্তরপচ্চযেন পচ্চযো; অনুলোমং গোত্রভুস্স…পে… ফলসমাপত্তিযা অনন্তরপচ্চযেন পচ্চযো. (১)

নোউপাদানো ধম্মো উপাদানস্স ধম্মস্স অনন্তরপচ্চযেন পচ্চযো – পুরিমা পুরিমা নোউপাদানা খন্ধা পচ্ছিমানং পচ্ছিমানং উপাদানানং খন্ধানং অনন্তরপচ্চযেন পচ্চযো; আৰজ্জনা উপাদানানং অনন্তরপচ্চযেন পচ্চযো. (২)

নোউপাদানো ধম্মো উপাদানস্স চ নোউপাদানস্স চ ধম্মস্স অনন্তরপচ্চযেন পচ্চযো – পুরিমা পুরিমা নোউপাদানা খন্ধা পচ্ছিমানং পচ্ছিমানং উপাদানানং সম্পযুত্তকানঞ্চ খন্ধানং অনন্তরপচ্চযেন পচ্চযো; আৰজ্জনা উপাদানানং সম্পযুত্তকানঞ্চ খন্ধানং অনন্তরপচ্চযেন পচ্চযো. (৩)

২৫. উপাদানো চ নোউপাদানো চ ধম্মা উপাদানস্স ধম্মস্স অনন্তরপচ্চযেন পচ্চযো – পুরিমা পুরিমা উপাদানা চ সম্পযুত্তকা চ খন্ধা পচ্ছিমানং পচ্ছিমানং উপাদানানং অনন্তরপচ্চযেন পচ্চযো. (মূলং কাতব্বং) পুরিমা পুরিমা উপাদানা চ সম্পযুত্তকা চ খন্ধা পচ্ছিমানং পচ্ছিমানং নোউপাদানানং খন্ধানং অনন্তরপচ্চযেন পচ্চযো; উপাদানা চ সম্পযুত্তকা চ খন্ধা ৰুট্ঠানস্স অনন্তরপচ্চযেন পচ্চযো. (মূলং কাতব্বং) পুরিমা পুরিমা উপাদানা চ সম্পযুত্তকা চ খন্ধা পচ্ছিমানং পচ্ছিমানং উপাদানানং সম্পযুত্তকানঞ্চ খন্ধানং অনন্তরপচ্চযেন পচ্চযো. (৩)

সমনন্তরপচ্চযেন পচ্চযো… সহজাতপচ্চযেন পচ্চযো (পটিচ্চসদিসং)… অঞ্ঞমঞ্ঞপচ্চযেন পচ্চযো (পটিচ্চসদিসং)… নিস্সযপচ্চযেন পচ্চযো (পচ্চযসদিসং).

উপনিস্সযপচ্চযো

২৬. উপাদানো ধম্মো উপাদানস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো …পে…. পকতূপনিস্সযো – উপাদানা উপাদানানং উপনিস্সযপচ্চযেন পচ্চযো… তীণি.

২৭. নোউপাদানো ধম্মো নোউপাদানস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; সীলং…পে… পঞ্ঞং… রাগং…পে… পত্থনং… কাযিকং সুখং…পে… সেনাসনং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; পাণং হনতি…পে… সঙ্ঘং ভিন্দতি, সদ্ধা…পে… সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

নোউপাদানো ধম্মো উপাদানস্স ধম্মস্স উপনিস্সযপচ্চযেন পচ্চযো. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায অদিন্নং…পে… মুসা…পে… পিসুণং…পে… সম্ফং…পে… সন্ধিং…পে… নিল্লোপং…পে… একাগারিকং…পে… পরিপন্থে…পে… পরদারং…পে… গামঘাতং…পে… নিগমঘাতং করোতি; সদ্ধা…পে… সেনাসনং উপাদানানং উপনিস্সযপচ্চযেন পচ্চযো. (মূলং কাতব্বং) সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায অদিন্নং আদিযতি, মুসা…পে… পিসুণং…পে… সম্ফং…পে… সন্ধিং…পে… নিল্লোপং…পে… একাগারিকং…পে… পরিপন্থে…পে… পরদারং…পে… গামঘাতং…পে… নিগমঘাতং করোতি; সদ্ধা…পে… সেনাসনং উপাদানানং সম্পযুত্তকানঞ্চ খন্ধানং উপনিস্সযপচ্চযেন পচ্চযো. (৩)

উপাদানো চ নোউপাদানো চ ধম্মা উপাদানস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো… তীণি.

পুরেজাতপচ্চযো

২৮. নোউপাদানো ধম্মো নোউপাদানস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু নোউপাদানানং খন্ধানং পুরেজাতপচ্চযেন পচ্চযো. (১)

নোউপাদানো ধম্মো উপাদানস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি উপ্পজ্জতি. ৰত্থুপুরেজাতং – ৰত্থু উপাদানানং পুরেজাতপচ্চযেন পচ্চযো. (২)

নোউপাদানো ধম্মো উপাদানস্স চ নোউপাদানস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ উপাদানা চ সম্পযুত্তকা চ খন্ধা উপ্পজ্জন্তি. ৰত্থুপুরেজাতং – ৰত্থু উপাদানানং সম্পযুত্তকানঞ্চ খন্ধানং পুরেজাতপচ্চযেন পচ্চযো. (৩)

পচ্ছাজাতাসেৰনপচ্চযা

২৯. উপাদানো ধম্মো নোউপাদানস্স ধম্মস্স পচ্ছাজাতপচ্চযেন পচ্চযো (সংখিত্তং). (১)

নোউপাদানো ধম্মো নোউপাদানস্স ধম্মস্স পচ্ছাজাতপচ্চযেন পচ্চযো (সংখিত্তং). (১)

উপাদানো চ নোউপাদানো চ ধম্মা নোউপাদানস্স ধম্মস্স পচ্ছাজাতপচ্চযেন পচ্চযো (সংখিত্তং). (১) …আসেৰনপচ্চযেন পচ্চযো.

কম্মপচ্চযো

৩০. নোউপাদানো ধম্মো নোউপাদানস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নোউপাদানা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নোউপাদানা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (১)

নোউপাদানো ধম্মো উপাদানস্স ধম্মস্স কম্মপচ্চযেন পচ্চযো – নোউপাদানা চেতনা সম্পযুত্তকানং উপাদানানং কম্মপচ্চযেন পচ্চযো. (২)

নোউপাদানো ধম্মো উপাদানস্স চ নোউপাদানস্স চ ধম্মস্স কম্মপচ্চযেন পচ্চযো – নোউপাদানা চেতনা সম্পযুত্তকানং খন্ধানং উপাদানানঞ্চ চিত্তসমুট্ঠানানং রূপানং কম্মপচ্চযেন পচ্চযো. (৩)

ৰিপাকপচ্চযাদি

৩১. নোউপাদানো ধম্মো নোউপাদানস্স ধম্মস্স ৰিপাকপচ্চযেন পচ্চযো – ৰিপাকো নোউপাদানো একো খন্ধো…পে… একং.

নোউপাদানো ধম্মো নোউপাদানস্স ধম্মস্স আহারপচ্চযেন পচ্চযো… তীণি (একোযেৰ কবল়ীকারো আহারো)… ইন্দ্রিযপচ্চযেন পচ্চযো… তীণি (রূপজীৰিতিন্দ্রিযং একংযেৰ)… ঝানপচ্চযেন পচ্চযো… তীণি.

উপাদানো ধম্মো উপাদানস্স ধম্মস্স মগ্গপচ্চযেন পচ্চযো – উপাদানানি মগ্গঙ্গানি সম্পযুত্তকানং উপাদানানং মগ্গপচ্চযেন পচ্চযো (ইমিনা কারণেন নৰ পঞ্হা কাতব্বা)… সম্পযুত্তপচ্চযেন পচ্চযো… নৰ.

ৰিপ্পযুত্তপচ্চযো

৩২. উপাদানো ধম্মো নোউপাদানস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – উপাদানা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পচ্ছাজাতং – পচ্ছাজাতা উপাদানা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

নোউপাদানো ধম্মো নোউপাদানস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং). (১)

নোউপাদানো ধম্মো উপাদানস্স ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু উপাদানানং ৰিপ্পযুত্তপচ্চযেন পচ্চযো. (২)

নোউপাদানো ধম্মো উপাদানস্স চ নোউপাদানস্স চ ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু উপাদানানং সম্পযুত্তকানঞ্চ খন্ধানং ৰিপ্পযুত্তপচ্চযেন পচ্চযো. (৩)

৩৩. উপাদানো চ নোউপাদানো চ ধম্মা নোউপাদানস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – উপাদানা চ সম্পযুত্তকা চ খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পচ্ছাজাতা – উপাদানা চ সম্পযুত্তকা চ খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

অত্থিপচ্চযো

৩৪. উপাদানো ধম্মো উপাদানস্স ধম্মস্স অত্থিপচ্চযেন পচ্চযো – দিট্ঠুপাদানং কামুপাদানস্স অত্থিপচ্চযেন পচ্চযো (চক্কং). (১)

উপাদানো ধম্মো নোউপাদানস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – উপাদানা সম্পযুত্তকানং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো. পচ্ছাজাতা – উপাদানা পুরেজাতস্স ইমস্স কাযস্স অত্থিপচ্চযেন পচ্চযো. (২)

উপাদানো ধম্মো উপাদানস্স চ নোউপাদানস্স চ ধম্মস্স অত্থিপচ্চযেন পচ্চযো (সংখিত্তং, পটিচ্চসদিসং). (৩)

৩৫. নোউপাদানো ধম্মো নোউপাদানস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং, ৰিত্থারেতব্বং). (১)

নোউপাদানো ধম্মো উপাদানস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতং (সহজাতসদিসং). পুরেজাতং (পুরেজাতসদিসং). (২)

নোউপাদানো ধম্মো উপাদানস্স চ নোউপাদানস্স চ ধম্মস্স অত্থিপচ্চযেন পচ্চযো – সহজাতং, পুরেজাতং (সংখিত্তং, সহজাতসদিসং সহজাতং ৰিভজিতব্বং, পুরেজাতসদিসং পুরেজাতং). (৩)

৩৬. উপাদানো চ নোউপাদানো চ ধম্মা উপাদানস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতং – দিট্ঠুপাদানঞ্চ সম্পযুত্তকা চ খন্ধা কামুপাদানস্স অত্থিপচ্চযেন পচ্চযো (চক্কং). সহজাতং – দিট্ঠুপাদানঞ্চ ৰত্থু চ কামুপাদানস্স অত্থিপচ্চযেন পচ্চযো (চক্কং). (১)

উপাদানো চ নোউপাদানো চ ধম্মা নোউপাদানস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – নোউপাদানো একো খন্ধো চ উপাদানা চ তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা চ…পে…. সহজাতা – উপাদানা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো. সহজাতা – উপাদানা চ ৰত্থু চ নোউপাদানানং খন্ধানং অত্থিপচ্চযেন পচ্চযো. পচ্ছাজাতা – উপাদানা চ সম্পযুত্তকা চ খন্ধা পুরেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – উপাদানা চ সম্পযুত্তকা চ খন্ধা কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – উপাদানা চ সম্পযুত্তকা চ খন্ধা রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)

উপাদানো চ নোউপাদানো চ ধম্মা উপাদানস্স চ নোউপাদানস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – নোউপাদানো একো খন্ধো চ দিট্ঠুপাদানঞ্চ তিণ্ণন্নং খন্ধানং কামুপাদানস্স চ চিত্তসমুট্ঠানানং রূপানং অত্থিপচ্চযেন পচ্চযো…পে… দ্ৰে খন্ধা চ…পে… (চক্কং). সহজাতং – দিট্ঠুপাদানঞ্চ ৰত্থু চ কামুপাদানস্স সম্পযুত্তকানঞ্চ খন্ধানং অত্থিপচ্চযেন পচ্চযো (চক্কং). (৩)

১. পচ্চযানুলোমং

২. সঙ্খ্যাৰারো

সুদ্ধং

৩৭. হেতুযা নৰ, আরম্মণে নৰ, অধিপতিযা নৰ, অনন্তরে নৰ, সমনন্তরে নৰ, সহজাতে নৰ, অঞ্ঞমঞ্ঞে নৰ, নিস্সযে নৰ, উপনিস্সযে নৰ, পুরেজাতে তীণি, পচ্ছাজাতে তীণি, আসেৰনে নৰ, কম্মে তীণি, ৰিপাকে একং, আহারে তীণি, ইন্দ্রিযে তীণি, ঝানে তীণি, মগ্গে নৰ, সম্পযুত্তে নৰ, ৰিপ্পযুত্তে পঞ্চ, অত্থিযা নৰ, নত্থিযা নৰ, ৰিগতে নৰ, অৰিগতে নৰ.

অনুলোমং.

২. পচ্চনীযুদ্ধারো

৩৮. উপাদানো ধম্মো উপাদানস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

উপাদানো ধম্মো নোউপাদানস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো. (২)

উপাদানো ধম্মো উপাদানস্স চ নোউপাদানস্স চ ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (৩)

৩৯. নোউপাদানো ধম্মো নোউপাদানস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো. (১)

নোউপাদানো ধম্মো উপাদানস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো. (২)

নোউপাদানো ধম্মো উপাদানস্স চ নোউপাদানস্স চ ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো. (৩)

৪০. উপাদানো চ নোউপাদানো চ ধম্মা উপাদানস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

উপাদানো চ নোউপাদানো চ ধম্মা নোউপাদানস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো. (২)

উপাদানো চ নোউপাদানো চ ধম্মা উপাদানস্স চ নোউপাদানস্স চ ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (৩)