১. ৰিভঙ্গৰারো

হেতুপচ্চযো

৯৮. উপাদানো চেৰ উপাদানিযো চ ধম্মো উপাদানস্স চেৰ উপাদানিযস্স চ ধম্মস্স হেতুপচ্চযেন পচ্চযো – উপাদানা চেৰ উপাদানিযা চ হেতূ সম্পযুত্তকানং উপাদানানং হেতুপচ্চযেন পচ্চযো. (১)

উপাদানো চেৰ উপাদানিযো চ ধম্মো উপাদানিযস্স চেৰ নো চ উপাদানস্স ধম্মস্স হেতুপচ্চযেন পচ্চযো – উপাদানা চেৰ উপাদানিযা চ হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো (উপাদানদুকসদিসা নিন্নানা, নৰ পঞ্হা).

আরম্মণপচ্চযো

৯৯. উপাদানো চেৰ উপাদানিযো চ ধম্মো উপাদানস্স চেৰ উপাদানিযস্স চ ধম্মস্স আরম্মণপচ্চযেন পচ্চযো – উপাদানে আরব্ভ উপাদানা উপ্পজ্জন্তি… তীণি.

উপাদানিযো চেৰ নো চ উপাদানো ধম্মো উপাদানিযস্স চেৰ নো চ উপাদানস্স ধম্মস্স আরম্মণপচ্চযেন পচ্চযো – দানং…পে… ঝানা ৰুট্ঠহিত্ৰা ঝানং পচ্চৰেক্খতি, অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উদ্ধচ্চং দোমনস্সং উপ্পজ্জতি; অরিযা গোত্রভুং পচ্চৰেক্খন্তি, ৰোদানং পচ্চৰেক্খন্তি, পহীনে কিলেসে…পে… ৰিক্খম্ভিতে কিলেসে…পে… পুব্বে সমুদাচিণ্ণে…পে… চক্খুং…পে… ৰত্থুং…পে… (সংখিত্তং) অনাগতংসঞাণস্স আৰজ্জনায আরম্মণপচ্চযেন পচ্চযো. (১)

উপাদানিযো চেৰ নো চ উপাদানো ধম্মো উপাদানস্স চেৰ উপাদানিযস্স চ ধম্মস্স আরম্মণপচ্চযেন পচ্চযো (সংখিত্তং, ইতরে দ্ৰে উপাদানদুকসদিসা). (৩)

উপাদানো চেৰ উপাদানিযো চ উপাদানিযো চেৰ নো চ উপাদানো চ ধম্মা উপাদানস্স চেৰ উপাদানিযস্স চ ধম্মস্স আরম্মণপচ্চযেন পচ্চযো… তীণি (হেট্ঠা অধিপতি তীণি, উপাদানদুকসদিসা).

অধিপতিপচ্চযো

১০০. উপাদানিযো চেৰ নো চ উপাদানো ধম্মো উপাদানিযস্স চেৰ নো চ উপাদানস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… ঝানা ৰুট্ঠহিত্ৰা ঝানং গরুং কত্ৰা পচ্চৰেক্খতি, অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি; সেক্খা গোত্রভুং গরুং কত্ৰা…পে… ৰোদানং…পে… চক্খুং…পে… ৰত্থুং উপাদানিযে চেৰ নো চ উপাদানে খন্ধে গরুং কত্ৰা উপাদানিযা চেৰ নো চ উপাদানা খন্ধা উপ্পজ্জন্তি. সহজাতাধিপতি – উপাদানিযা চেৰ নো চ উপাদানাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো (অৰসেসা দ্ৰেপি আরম্মণাধিপতি সহজাতাধিপতিপি উপাদানদুকসদিসা). (৩)

(ঘটনা অধিপতি তীণি, উপাদানদুকসদিসা. সব্বে পচ্চযা উপাদানদুকসদিসা. উপাদানিযে লোকুত্তরং নত্থি, পচ্চনীযম্পি ইতরে দ্ৰে গণনাপি উপাদানদুকসদিসং.)

উপাদানউপাদানিযদুকং নিট্ঠিতং.