১. ৰিভঙ্গৰারো

হেতুপচ্চযো

৯৫. উপাদানঞ্চেৰ উপাদানিযঞ্চ ধম্মং পটিচ্চ উপাদানো চেৰ উপাদানিযো চ ধম্মো উপ্পজ্জতি হেতুপচ্চযা – দিট্ঠুপাদানং পটিচ্চ কামুপাদানং, কামুপাদানং পটিচ্চ দিট্ঠুপাদানং (চক্কং). (১)

উপাদানঞ্চেৰ উপাদানিযঞ্চ ধম্মং পটিচ্চ উপাদানিযো চেৰ নো চ উপাদানো ধম্মো উপ্পজ্জতি হেতুপচ্চযা – উপাদানে পটিচ্চ সম্পযুত্তকা খন্ধা চিত্তসমুট্ঠানঞ্চ রূপং. (১)

উপাদানঞ্চেৰ উপাদানিযঞ্চ ধম্মং পটিচ্চ উপাদানো চেৰ উপাদানিযো চ উপাদানিযো চেৰ নো চ উপাদানো চ ধম্মা উপ্পজ্জন্তি হেতুপচ্চযা – দিট্ঠুপাদানং পটিচ্চ কামুপাদানং সম্পযুত্তকা চ খন্ধা চিত্তসমুট্ঠানানঞ্চ রূপং (চক্কং). (৩)

৯৬. উপাদানিযঞ্চেৰ নো চ উপাদানং ধম্মং পটিচ্চ উপাদানিযো চেৰ নো চ উপাদানো ধম্মো উপ্পজ্জতি হেতুপচ্চযা – উপাদানিযঞ্চেৰ নো চ উপাদানং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… (যাৰ অজ্ঝত্তিকা মহাভূতা). (১)

উপাদানিযঞ্চেৰ নো চ উপাদানং ধম্মং পটিচ্চ উপাদানো চেৰ উপাদানিযো চ ধম্মো উপ্পজ্জতি হেতুপচ্চযা – উপাদানিযে চেৰ নো চ উপাদানে খন্ধে পটিচ্চ উপাদানা. (২)

উপাদানিযঞ্চেৰ নো চ উপাদানং ধম্মং পটিচ্চ উপাদানো চেৰ উপাদানিযো চ উপাদানিযো চেৰ নো চ উপাদানো চ ধম্মা উপ্পজ্জন্তি হেতুপচ্চযা – উপাদানিযঞ্চেৰ নো চ উপাদানং একং খন্ধং পটিচ্চ তযো খন্ধা উপাদানা চ চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

৯৭. উপাদানঞ্চেৰ উপাদানিযঞ্চ উপাদানিযঞ্চেৰ নো চ উপাদানঞ্চ ধম্মং পটিচ্চ উপাদানো চেৰ উপাদানিযো চ ধম্মো উপ্পজ্জতি হেতুপচ্চযা – দিট্ঠুপাদানঞ্চ সম্পযুত্তকে চ খন্ধে পটিচ্চ কামুপাদানং (চক্কং). (১)

উপাদানঞ্চেৰ উপাদানিযঞ্চ উপাদানিযঞ্চেৰ নো চ উপাদানঞ্চ ধম্মং পটিচ্চ উপাদানিযো চেৰ নো চ উপাদানো ধম্মো উপ্পজ্জতি হেতুপচ্চযা – উপাদানিযঞ্চেৰ নো চ উপাদানং একং খন্ধঞ্চ উপাদানে চ পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে চ…পে… উপাদানে চ মহাভূতে চ পটিচ্চ চিত্তসমুট্ঠানং রূপং. (২)

উপাদানঞ্চেৰ উপাদানিযঞ্চ উপাদানিযঞ্চেৰ নো চ উপাদানঞ্চ ধম্মং পটিচ্চ উপাদানো চেৰ উপাদানিযো চ উপাদানিযো চেৰ নো চ উপাদানো চ ধম্মা উপ্পজ্জন্তি হেতুপচ্চযা – উপাদানিযঞ্চেৰ নো চ উপাদানং একং খন্ধঞ্চ দিট্ঠুপাদানঞ্চ পটিচ্চ তযো খন্ধা কামুপাদানঞ্চ চিত্তসমুট্ঠানঞ্চ রূপং…পে… দ্ৰে খন্ধে চ…পে… (চক্কং). (৩)