১. ৰিভঙ্গৰারো

হেতুপচ্চযো

৬৩. উপাদানসম্পযুত্তো ধম্মো উপাদানসম্পযুত্তস্স ধম্মস্স হেতুপচ্চযেন পচ্চযো – উপাদানসম্পযুত্তা হেতূ সম্পযুত্তকানং খন্ধানং হেতুপচ্চযেন পচ্চযো. (১)

উপাদানসম্পযুত্তো ধম্মো উপাদানৰিপ্পযুত্তস্স ধম্মস্স হেতুপচ্চযেন পচ্চযো – উপাদানসম্পযুত্তা হেতূ চিত্তসমুট্ঠানানং রূপানং হেতুপচ্চযেন পচ্চযো; দিট্ঠিগতৰিপ্পযুত্তলোভসহগতা হেতূ দিট্ঠিগতৰিপ্পযুত্তলোভস্স চিত্তসমুট্ঠানানঞ্চ রূপানং হেতুপচ্চযেন পচ্চযো. (মূলং কাতব্বং) উপাদানসম্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; দিট্ঠিগতৰিপ্পযুত্তলোভসহগতা হেতূ সম্পযুত্তকানং খন্ধানং লোভস্স চ চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

৬৪. উপাদানৰিপ্পযুত্তো ধম্মো উপাদানৰিপ্পযুত্তস্স ধম্মস্স হেতুপচ্চযেন পচ্চযো – উপাদানৰিপ্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; দিট্ঠিগতৰিপ্পযুত্তো লোভো চিত্তসমুট্ঠানানং রূপানং হেতুপচ্চযেন পচ্চযো; পটিসন্ধিক্খণে…পে…. (মূলং কাতব্বং) দিট্ঠিগতৰিপ্পযুত্তো লোভো সম্পযুত্তকানং খন্ধানং হেতুপচ্চযেন পচ্চযো. (মূলং কাতব্বং) দিট্ঠিগতৰিপ্পযুত্তো লোভো সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

৬৫. উপাদানসম্পযুত্তো চ উপাদানৰিপ্পযুত্তো চ ধম্মা উপাদানসম্পযুত্তস্স ধম্মস্স হেতুপচ্চযেন পচ্চযো – দিট্ঠিগতৰিপ্পযুত্তলোভসহগতো মোহো চ লোভো চ সম্পযুত্তকানং খন্ধানং হেতুপচ্চযেন পচ্চযো. (মূলং কাতব্বং) দিট্ঠিগতৰিপ্পযুত্তলোভসহগতো মোহো চ লোভো চ চিত্তসমুট্ঠানানং রূপানং হেতুপচ্চযেন পচ্চযো. (২)

উপাদানসম্পযুত্তো চ উপাদানৰিপ্পযুত্তো চ ধম্মা উপাদানসম্পযুত্তস্স চ উপাদানৰিপ্পযুত্তস্স চ ধম্মস্স হেতুপচ্চযেন পচ্চযো – দিট্ঠিগতৰিপ্পযুত্তলোভসহগতো মোহো চ লোভো চ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

আরম্মণপচ্চযো

৬৬. উপাদানসম্পযুত্তো ধম্মো উপাদানসম্পযুত্তস্স ধম্মস্স আরম্মণপচ্চযেন পচ্চযো – উপাদানসম্পযুত্তে খন্ধে আরব্ভ উপাদানসম্পযুত্তা খন্ধা উপ্পজ্জন্তি. (মূলং কাতব্বং) উপাদানসম্পযুত্তে খন্ধে আরব্ভ উপাদানৰিপ্পযুত্তা খন্ধা চ লোভো চ উপ্পজ্জন্তি. (মূলং কাতব্বং) উপাদানসম্পযুত্তে খন্ধে আরব্ভ দিট্ঠিগতৰিপ্পযুত্তলোভসহগতা খন্ধা চ লোভো চ উপ্পজ্জন্তি. (৩)

৬৭. উপাদানৰিপ্পযুত্তো ধম্মো উপাদানৰিপ্পযুত্তস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা ৰুট্ঠহিত্ৰা ঝানং পচ্চৰেক্খতি, অস্সাদেতি অভিনন্দতি, তং আরব্ভ দিট্ঠিগতৰিপ্পযুত্তো রাগো…পে… ৰিচিকিচ্ছা…পে… উদ্ধচ্চং উপ্পজ্জতি, ঝানে পরিহীনে ৰিপ্পটিসারিস্স দোমনস্সং উপ্পজ্জতি. অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং…পে… নিব্বানং পচ্চৰেক্খন্তি. নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো. অরিযা উপাদানৰিপ্পযুত্তে পহীনে কিলেসে…পে… ৰিক্খম্ভিতে কিলেসে…পে… পুব্বে সমুদাচিণ্ণে কিলেসে…পে… চক্খুং…পে… ৰত্থুং উপাদানৰিপ্পযুত্তে খন্ধে চ লোভঞ্চ অনিচ্চতো…পে… ৰিপস্সতি, অস্সাদেতি অভিনন্দতি, তং আরব্ভ দিট্ঠিগতৰিপ্পযুত্তো রাগো…পে… ৰিচিকিচ্ছা…পে… উদ্ধচ্চং…পে… দোমনস্সং উপ্পজ্জতি…পে… (সব্বং পরিপুণ্ণং), দিব্বেন চক্খুনা… (যাৰ কাযৰিঞ্ঞাণং), উপাদানৰিপ্পযুত্তা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

উপাদানৰিপ্পযুত্তো ধম্মো উপাদানসম্পযুত্তস্স ধম্মস্স আরম্মণপচ্চযেন পচ্চযো – দানং …পে… ঝানং…পে… চক্খুং…পে… ৰত্থুং উপাদানৰিপ্পযুত্তে খন্ধে চ লোভঞ্চ অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি উপ্পজ্জতি. (২)

উপাদানৰিপ্পযুত্তো ধম্মো উপাদানসম্পযুত্তস্স চ উপাদানৰিপ্পযুত্তস্স চ ধম্মস্স আরম্মণপচ্চযেন পচ্চযো – চক্খুং…পে… ৰত্থুং উপাদানৰিপ্পযুত্তে খন্ধে চ লোভঞ্চ আরব্ভ দিট্ঠিগতৰিপ্পযুত্তলোভসহগতা খন্ধা চ লোভো চ উপ্পজ্জন্তি. (৩)

৬৮. উপাদানসম্পযুত্তো চ উপাদানৰিপ্পযুত্তো চ ধম্মা উপাদানসম্পযুত্তস্স ধম্মস্স আরম্মণপচ্চযেন পচ্চযো – দিট্ঠিগতৰিপ্পযুত্তলোভসহগতে খন্ধে চ লোভঞ্চ আরব্ভ উপাদানসম্পযুত্তা খন্ধা উপ্পজ্জন্তি. (মূলং কাতব্বং) দিট্ঠিগতৰিপ্পযুত্তলোভসহগতে খন্ধে চ লোভঞ্চ আরব্ভ উপাদানৰিপ্পযুত্তা খন্ধা চ লোভো চ উপ্পজ্জন্তি. (মূলং কাতব্বং) দিট্ঠিগতৰিপ্পযুত্তলোভসহগতে খন্ধে চ লোভঞ্চ আরব্ভ দিট্ঠিগতৰিপ্পযুত্তলোভসহগতা খন্ধা চ লোভো চ উপ্পজ্জন্তি. (৩)

অধিপতিপচ্চযো

৬৯. উপাদানসম্পযুত্তো ধম্মো উপাদানসম্পযুত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – উপাদানসম্পযুত্তে খন্ধে গরুং কত্ৰা উপাদানসম্পযুত্তা খন্ধা উপ্পজ্জন্তি. সহজাতাধিপতি – উপাদানসম্পযুত্তাধিপতি সম্পযুত্তকানং খন্ধানং অধিপতিপচ্চযেন পচ্চযো. (মূলং কাতব্বং) আরম্মণাধিপতি, সহজাতাধিপতি. আরম্মণাধিপতি – উপাদানসম্পযুত্তে খন্ধে গরুং কত্ৰা দিট্ঠিগতৰিপ্পযুত্তো লোভো উপ্পজ্জতি. সহজাতাধিপতি – উপাদানসম্পযুত্তাধিপতি চিত্তসমুট্ঠানানং রূপানং অধিপতিপচ্চযেন পচ্চযো; দিট্ঠিগতৰিপ্পযুত্তলোভসহগতাধিপতি লোভস্স চ চিত্তসমুট্ঠানানঞ্চ রূপানং অধিপতিপচ্চযেন পচ্চযো. (মূলং কাতব্বং) আরম্মণাধিপতি, সহজাতাধিপতি. আরম্মণাধিপতি – উপাদানসম্পযুত্তে খন্ধে গরুং কত্ৰা দিট্ঠিগতৰিপ্পযুত্তলোভসহগতা খন্ধা চ লোভো চ উপ্পজ্জন্তি. সহজাতাধিপতি – উপাদানসম্পযুত্তাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো; দিট্ঠিগতৰিপ্পযুত্তলোভসহগতাধিপতি সম্পযুত্তকানং খন্ধানং লোভস্স চ চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

৭০. উপাদানৰিপ্পযুত্তো ধম্মো উপাদানৰিপ্পযুত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… ঝানা ৰুট্ঠহিত্ৰা ঝানং গরুং কত্ৰা পচ্চৰেক্খতি, অস্সাদেতি অভিনন্দতি, তং গরুং কত্ৰা দিট্ঠিগতৰিপ্পযুত্তো রাগো উপ্পজ্জতি…পে… অরিযা মগ্গা ৰুট্ঠহিত্ৰা…পে… ফলস্স অধিপতিপচ্চযেন পচ্চযো; চক্খুং…পে… ৰত্থুং উপাদানৰিপ্পযুত্তে খন্ধে চ লোভঞ্চ গরুং কত্ৰা অস্সাদেতি অভিনন্দতি, তং গরুং কত্ৰা দিট্ঠিগতৰিপ্পযুত্তো রাগো উপ্পজ্জতি. সহজাতাধিপতি – উপাদানৰিপ্পযুত্তাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

উপাদানৰিপ্পযুত্তো ধম্মো উপাদানসম্পযুত্তস্স ধম্মস্স অধিপতিপচ্চযেন পচ্চযো. আরম্মণাধিপতি – দানং…পে… ঝানং…পে… চক্খুং…পে… ৰত্থুং উপাদানৰিপ্পযুত্তে খন্ধে চ লোভঞ্চ গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (২)

উপাদানৰিপ্পযুত্তো ধম্মো উপাদানসম্পযুত্তস্স চ উপাদানৰিপ্পযুত্তস্স চ ধম্মস্স অধিপতিপচ্চযেন পচ্চযো. আরম্মণাধিপতি – চক্খুং…পে… ৰত্থুং উপাদানৰিপ্পযুত্তে খন্ধে চ লোভঞ্চ গরুং কত্ৰা দিট্ঠিগতৰিপ্পযুত্তলোভসহগতা খন্ধা চ লোভো চ উপ্পজ্জন্তি. (৩)

৭১. উপাদানসম্পযুত্তো চ উপাদানৰিপ্পযুত্তো চ ধম্মা উপাদানসম্পযুত্তস্স ধম্মস্স অধিপতিপচ্চযেন পচ্চযো. আরম্মণাধিপতি – দিট্ঠিগতৰিপ্পযুত্তলোভসহগতে খন্ধে চ লোভঞ্চ গরুং কত্ৰা উপাদানসম্পযুত্তা খন্ধা উপ্পজ্জন্তি. (মূলং কাতব্বং) দিট্ঠিগতৰিপ্পযুত্তলোভসহগতে খন্ধে চ লোভঞ্চ গরুং কত্ৰা দিট্ঠিগতৰিপ্পযুত্তো লোভো উপ্পজ্জতি. (মূলং কাতব্বং) দিট্ঠিগতৰিপ্পযুত্তলোভসহগতে খন্ধে চ লোভঞ্চ গরুং কত্ৰা দিট্ঠিগতৰিপ্পযুত্তলোভসহগতা খন্ধা চ লোভো চ উপ্পজ্জন্তি. (৩)

অনন্তরপচ্চযো

৭২. উপাদানসম্পযুত্তো ধম্মো উপাদানসম্পযুত্তস্স ধম্মস্স অনন্তরপচ্চযেন পচ্চযো – পুরিমা পুরিমা উপাদানসম্পযুত্তা খন্ধা পচ্ছিমানং পচ্ছিমানং উপাদানসম্পযুত্তকানং খন্ধানং অনন্তরপচ্চযেন পচ্চযো. (মূলং কাতব্বং) পুরিমা পুরিমা দিট্ঠিগতৰিপ্পযুত্তলোভসহগতা খন্ধা পচ্ছিমস্স পচ্ছিমস্স দিট্ঠিগতৰিপ্পযুত্তস্স লোভস্স অনন্তরপচ্চযেন পচ্চযো; উপাদানসম্পযুত্তা খন্ধা ৰুট্ঠানস্স অনন্তরপচ্চযেন পচ্চযো. (মূলং কাতব্বং) পুরিমা পুরিমা দিট্ঠিগতৰিপ্পযুত্তলোভসহগতা খন্ধা পচ্ছিমানং পচ্ছিমানং দিট্ঠিগতৰিপ্পযুত্তলোভসহগতানং খন্ধানং লোভস্স চ অনন্তরপচ্চযেন পচ্চযো. (৩)

৭৩. উপাদানৰিপ্পযুত্তো ধম্মো উপাদানৰিপ্পযুত্তস্স ধম্মস্স অনন্তরপচ্চযেন পচ্চযো – পুরিমো পুরিমো দিট্ঠিগতৰিপ্পযুত্তো লোভো পচ্ছিমস্স পচ্ছিমস্স দিট্ঠিগতৰিপ্পযুত্তস্স লোভস্স অনন্তরপচ্চযেন পচ্চযো; পুরিমা পুরিমা উপাদানৰিপ্পযুত্তা খন্ধা পচ্ছিমানং পচ্ছিমানং উপাদানৰিপ্পযুত্তানং খন্ধানং অনন্তরপচ্চযেন পচ্চযো; দিট্ঠিগতৰিপ্পযুত্তো লোভো ৰুট্ঠানস্স অনন্তরপচ্চযেন পচ্চযো; অনুলোমং গোত্রভুস্স…পে… ফলসমাপত্তিযা অনন্তরপচ্চযেন পচ্চযো. (মূলং কাতব্বং) পুরিমো পুরিমো দিট্ঠিগতৰিপ্পযুত্তো লোভো পচ্ছিমানং পচ্ছিমানং দিট্ঠিগতৰিপ্পযুত্তলোভসহগতানং খন্ধানং অনন্তরপচ্চযেন পচ্চযো. আৰজ্জনা উপাদানসম্পযুত্তকানং খন্ধানং অনন্তরপচ্চযেন পচ্চযো. (মূলং কাতব্বং) পুরিমো পুরিমো দিট্ঠিগতৰিপ্পযুত্তো লোভো পচ্ছিমানং পচ্ছিমানং দিট্ঠিগতৰিপ্পযুত্তলোভসহগতানং খন্ধানং লোভস্স চ অনন্তরপচ্চযেন পচ্চযো; আৰজ্জনা দিট্ঠিগতৰিপ্পযুত্তলোভসহগতানং খন্ধানং লোভস্স চ অনন্তরপচ্চযেন পচ্চযো. (৩)

৭৪. উপাদানসম্পযুত্তো চ উপাদানৰিপ্পযুত্তো চ ধম্মা উপাদানসম্পযুত্তস্স ধম্মস্স অনন্তরপচ্চযেন পচ্চযো – পুরিমা পুরিমা দিট্ঠিগতৰিপ্পযুত্তলোভসহগতা খন্ধা চ লোভো চ পচ্ছিমানং পচ্ছিমানং দিট্ঠিগতৰিপ্পযুত্তলোভসহগতানং খন্ধানং অনন্তরপচ্চযেন পচ্চযো. (মূলং কাতব্বং) পুরিমা পুরিমা দিট্ঠিগতৰিপ্পযুত্তলোভসহগতা খন্ধা চ লোভো চ পচ্ছিমস্স পচ্ছিমস্স দিট্ঠিগতৰিপ্পযুত্তস্স লোভস্স অনন্তরপচ্চযেন পচ্চযো; দিট্ঠিগতৰিপ্পযুত্তলোভসহগতা খন্ধা চ লোভো চ ৰুট্ঠানস্স অনন্তরপচ্চযেন পচ্চযো. (মূলং কাতব্বং) পুরিমা পুরিমা দিট্ঠিগতৰিপ্পযুত্তলোভসহগতা খন্ধা চ লোভো চ পচ্ছিমানং পচ্ছিমানং দিট্ঠিগতৰিপ্পযুত্তলোভসহগতানং খন্ধানং লোভস্স চ অনন্তরপচ্চযেন পচ্চযো. (৩)

সমনন্তরপচ্চযাদি

৭৫. উপাদানসম্পযুত্তো ধম্মো উপাদানসম্পযুত্তস্স ধম্মস্স সমনন্তরপচ্চযেন পচ্চযো… সহজাতপচ্চযেন পচ্চযো… (পটিচ্চসদিসং) নৰ… অঞ্ঞমঞ্ঞপচ্চযেন পচ্চযো… (পটিচ্চসদিসং) ছ… নিস্সযপচ্চযেন পচ্চযো… (পচ্চযৰারসদিসং) নৰ.

উপনিস্সযপচ্চযো

৭৬. উপাদানসম্পযুত্তো ধম্মো উপাদানসম্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – উপাদানসম্পযুত্তা খন্ধা উপাদানসম্পযুত্তকানং খন্ধানং উপনিস্সযপচ্চযেন পচ্চযো. (মূলং কাতব্বং) উপাদানসম্পযুত্তা খন্ধা উপাদানৰিপ্পযুত্তকানং খন্ধানং লোভস্স চ উপনিস্সযপচ্চযেন পচ্চযো. (মূলং কাতব্বং) উপাদানসম্পযুত্তা খন্ধা দিট্ঠিগতৰিপ্পযুত্তলোভসহগতানং খন্ধানং লোভস্স চ উপনিস্সযপচ্চযেন পচ্চযো. (৩)

৭৭. উপাদানৰিপ্পযুত্তো ধম্মো উপাদানৰিপ্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি, সীলং…পে… পঞ্ঞং… উপাদানৰিপ্পযুত্তং রাগং… মানং… পত্থনং…পে… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… সেনাসনং সদ্ধায…পে… পঞ্ঞায উপাদানৰিপ্পযুত্তস্স রাগস্স… মানস্স… পত্থনায… কাযিকস্স সুখস্স…পে… ফলসমাপত্তিযা উপনিস্সযপচ্চযেন পচ্চযো. (১)

উপাদানৰিপ্পযুত্তো ধম্মো উপাদানসম্পযুত্তস্স ধম্মস্স উপনিস্সযপচ্চযেন পচ্চযো – (তীণি উপনিস্সযা) সদ্ধং উপনিস্সায মানং জপ্পেতি, দিট্ঠিং গণ্হাতি, সীলং…পে… পঞ্ঞং… উপাদানৰিপ্পযুত্তং রাগং… মানং… পত্থনং… সেনাসনং উপনিস্সায অদিন্নং…পে… মুসা…পে… পিসুণং…পে… সম্ফং…পে… সন্ধিং…পে… নিল্লোপং…পে… একাগারিকং…পে… পরিপন্থে…পে… পরদারং…পে… গামঘাতং…পে… নিগমঘাতং করোতি. সদ্ধা…পে… সেনাসনং উপাদানসম্পযুত্তস্স রাগস্স… মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো. (২)

উপাদানৰিপ্পযুত্তো ধম্মো উপাদানসম্পযুত্তস্স চ উপাদানৰিপ্পযুত্তস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, সীলং…পে… পঞ্ঞং… উপাদানৰিপ্পযুত্তং রাগং…পে… সেনাসনং উপনিস্সায অদিন্নং আদিযতি…পে… গামঘাতং করোতি… নিগমঘাতং করোতি…. সদ্ধা…পে… সেনাসনং দিট্ঠিগতৰিপ্পযুত্তলোভসহগতানং খন্ধানং লোভস্স চ উপনিস্সযপচ্চযেন পচ্চযো. (৩)

৭৮. উপাদানসম্পযুত্তো চ উপাদানৰিপ্পযুত্তো চ ধম্মা উপাদানসম্পযুত্তস্স ধম্মস্স উপনিস্সযপচ্চযেন পচ্চযো – দিট্ঠিগতৰিপ্পযুত্তলোভসহগতা খন্ধা চ লোভো চ উপাদানসম্পযুত্তকানং খন্ধানং উপনিস্সযপচ্চযেন পচ্চযো. (মূলং কাতব্বং) দিট্ঠিগতৰিপ্পযুত্তলোভসহগতা খন্ধা চ লোভো চ উপাদানৰিপ্পযুত্তকানং খন্ধানং লোভস্স চ উপনিস্সযপচ্চযেন পচ্চযো. (মূলং কাতব্বং) দিট্ঠিগতৰিপ্পযুত্তলোভসহগতা খন্ধা চ লোভো চ দিট্ঠিগতৰিপ্পযুত্তলোভসহগতানং খন্ধানং লোভস্স চ উপনিস্সযপচ্চযেন পচ্চযো. (৩)

পুরেজাতপচ্চযো

৭৯. উপাদানৰিপ্পযুত্তো ধম্মো উপাদানৰিপ্পযুত্তস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং…পে… ৰত্থু উপাদানৰিপ্পযুত্তকানং খন্ধানং লোভস্স চ পুরেজাতপচ্চযেন পচ্চযো. (১)

উপাদানৰিপ্পযুত্তো ধম্মো উপাদানসম্পযুত্তস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি উপ্পজ্জতি. ৰত্থুপুরেজাতং – ৰত্থু উপাদানসম্পযুত্তকানং খন্ধানং পুরেজাতপচ্চযেন পচ্চযো. (২)

উপাদানৰিপ্পযুত্তো ধম্মো উপাদানসম্পযুত্তস্স চ উপাদানৰিপ্পযুত্তস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং আরব্ভ দিট্ঠিগতৰিপ্পযুত্তলোভসহগতা খন্ধা চ লোভো চ উপ্পজ্জন্তি. ৰত্থুপুরেজাতং – ৰত্থু দিট্ঠিগতৰিপ্পযুত্তলোভসহগতানং খন্ধানং লোভস্স চ পুরেজাতপচ্চযেন পচ্চযো. (৩)

পচ্ছাজাতাসেৰনপচ্চযা

৮০. উপাদানসম্পযুত্তো ধম্মো উপাদানৰিপ্পযুত্তস্স ধম্মস্স পচ্ছাজাতপচ্চযেন পচ্চযো (সংখিত্তং). (১)

উপাদানৰিপ্পযুত্তো ধম্মো উপাদানৰিপ্পযুত্তস্স ধম্মস্স পচ্ছাজাতপচ্চযেন পচ্চযো (সংখিত্তং). (১)

উপাদানসম্পযুত্তো চ উপাদানৰিপ্পযুত্তো চ ধম্মা উপাদানৰিপ্পযুত্তস্স ধম্মস্স পচ্ছাজাতপচ্চযেন পচ্চযো. (সংখিত্তং.) (১) …আসেৰনপচ্চযেন পচ্চযো.

কম্ম-ৰিপাকপচ্চযা

৮১. উপাদানসম্পযুত্তো ধম্মো উপাদানসম্পযুত্তস্স ধম্মস্স কম্মপচ্চযেন পচ্চযো – উপাদানসম্পযুত্তা চেতনা সম্পযুত্তকানং খন্ধানং কম্মপচ্চযেন পচ্চযো. (১)

উপাদানসম্পযুত্তো ধম্মো উপাদানৰিপ্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – উপাদানসম্পযুত্তা চেতনা চিত্তসমুট্ঠানানং রূপানং কম্মপচ্চযেন পচ্চযো; দিট্ঠিগতৰিপ্পযুত্তলোভসহগতা চেতনা লোভস্স চিত্তসমুট্ঠানানঞ্চ রূপানং কম্মপচ্চযেন পচ্চযো. নানাক্খণিকা – উপাদানসম্পযুত্তা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (২)

উপাদানসম্পযুত্তো ধম্মো উপাদানসম্পযুত্তস্স চ উপাদানৰিপ্পযুত্তস্স চ ধম্মস্স কম্মপচ্চযেন পচ্চযো – উপাদানসম্পযুত্তা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; দিট্ঠিগতৰিপ্পযুত্তলোভসহগতা চেতনা সম্পযুত্তকানং খন্ধানং লোভস্স চ চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

৮২. উপাদানৰিপ্পযুত্তো ধম্মো উপাদানৰিপ্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – উপাদানৰিপ্পযুত্তা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – উপাদানৰিপ্পযুত্তা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (১)

উপাদানৰিপ্পযুত্তো ধম্মো উপাদানৰিপ্পযুত্তস্স ধম্মস্স ৰিপাকপচ্চযেন পচ্চযো – ৰিপাকো উপাদানৰিপ্পযুত্তো একো…পে… একং.

আহারপচ্চযাদি

৮৩. উপাদানসম্পযুত্তো ধম্মো উপাদানসম্পযুত্তস্স ধম্মস্স আহারপচ্চযেন পচ্চযো… ইন্দ্রিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো (ইমেসু চতূসুপি যথা কম্মপচ্চযে দিট্ঠিগতৰিপ্পযুত্তো লোভো দস্সিতো এৰং দস্সেতব্বো. চত্তারি চত্তারি পঞ্হা)… সম্পযুত্তপচ্চযেন পচ্চযো… ছ.

ৰিপ্পযুত্তপচ্চযো

৮৪. উপাদানসম্পযুত্তো ধম্মো উপাদানৰিপ্পযুত্তস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

উপাদানৰিপ্পযুত্তো ধম্মো উপাদানৰিপ্পযুত্তস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং). (১)

উপাদানৰিপ্পযুত্তো ধম্মো উপাদানসম্পযুত্তস্স ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু উপাদানসম্পযুত্তকানং খন্ধানং ৰিপ্পযুত্তপচ্চযেন পচ্চযো. (২)

উপাদানৰিপ্পযুত্তো ধম্মো উপাদানসম্পযুত্তস্স চ উপাদানৰিপ্পযুত্তস্স চ ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু দিট্ঠিগতৰিপ্পযুত্তলোভসহগতানং খন্ধানং লোভস্স চ ৰিপ্পযুত্তপচ্চযেন পচ্চযো. (৩)

উপাদানসম্পযুত্তো চ উপাদানৰিপ্পযুত্তো চ ধম্মা উপাদানৰিপ্পযুত্তস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – দিট্ঠিগতৰিপ্পযুত্তলোভসহগতা খন্ধা চ লোভো চ চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পচ্ছাজাতা…পে….

অত্থিপচ্চযাদি

৮৫. উপাদানসম্পযুত্তো ধম্মো উপাদানসম্পযুত্তস্স ধম্মস্স অত্থিপচ্চযেন পচ্চযো… একং (পটিচ্চসদিসং). (১)

উপাদানসম্পযুত্তো ধম্মো উপাদানৰিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং). (২)

উপাদানসম্পযুত্তো ধম্মো উপাদানসম্পযুত্তস্স চ উপাদানৰিপ্পযুত্তস্স চ ধম্মস্স অত্থিপচ্চযেন পচ্চযো (পটিচ্চসদিসং). (৩)

৮৬. উপাদানৰিপ্পযুত্তো ধম্মো উপাদানৰিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং). (১)

উপাদানৰিপ্পযুত্তো ধম্মো উপাদানসম্পযুত্তস্স ধম্মস্স অত্থিপচ্চযেন পচ্চযো – সহজাতং, পুরেজাতং (সংখিত্তং). (২)

উপাদানৰিপ্পযুত্তো ধম্মো উপাদানসম্পযুত্তস্স চ উপাদানৰিপ্পযুত্তস্স চ ধম্মস্স অত্থিপচ্চযেন পচ্চযো – সহজাতং, পুরেজাতং (ইমেসু সহজাতং সহজাতসদিসং, পুরেজাতং পুরেজাতসদিসং). (৩)

৮৭. উপাদানসম্পযুত্তো চ উপাদানৰিপ্পযুত্তো চ ধম্মা উপাদানসম্পযুত্তস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – উপাদানসম্পযুত্তো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে…. সহজাতো – দিট্ঠিগতৰিপ্পযুত্তলোভসহগতো একো খন্ধো চ লোভো চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে…. (১)

উপাদানসম্পযুত্তো চ উপাদানৰিপ্পযুত্তো চ ধম্মা উপাদানৰিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতা – উপাদানসম্পযুত্তা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো. সহজাতা – দিট্ঠিগতৰিপ্পযুত্তলোভসহগতা খন্ধা চ লোভো চ চিত্তসমুট্ঠানানং রূপানং অত্থিপচ্চযেন পচ্চযো. সহজাতা – দিট্ঠিগতৰিপ্পযুত্তলোভসহগতা খন্ধা চ ৰত্থু চ লোভস্স অত্থিপচ্চযেন পচ্চযো. পচ্ছাজাতা – দিট্ঠিগতৰিপ্পযুত্তলোভসহগতা খন্ধা চ লোভো চ পুরেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – দিট্ঠিগতৰিপ্পযুত্তলোভসহগতা খন্ধা চ লোভো চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – দিট্ঠিগতৰিপ্পযুত্তলোভসহগতা খন্ধা চ লোভো চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)

উপাদানসম্পযুত্তো চ উপাদানৰিপ্পযুত্তো চ ধম্মা উপাদানসম্পযুত্তস্স চ উপাদানৰিপ্পযুত্তস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – দিট্ঠিগতৰিপ্পযুত্তলোভসহগতো একো খন্ধো চ লোভো চ তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা চ…পে…. সহজাতো – দিট্ঠিগতৰিপ্পযুত্তলোভসহগতো একো খন্ধো চ ৰত্থু চ তিণ্ণন্নং খন্ধানং লোভস্স চ অত্থিপচ্চযেন পচ্চযো…পে… দ্ৰে খন্ধা চ…পে…. (৩)

নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো.