১. ৰিভঙ্গৰারো

হেতুপচ্চযো

৫৭. উপাদানসম্পযুত্তং ধম্মং পচ্চযা উপাদানসম্পযুত্তো ধম্মো উপ্পজ্জতি হেতুপচ্চযা… তীণি (পটিচ্চসদিসং).

উপাদানৰিপ্পযুত্তং ধম্মং পচ্চযা উপাদানৰিপ্পযুত্তো ধম্মো উপ্পজ্জতি হেতুপচ্চযা – উপাদানৰিপ্পযুত্তং একং খন্ধং পচ্চযা…পে… (যাৰ অজ্ঝত্তিকা মহাভূতা) ৰত্থুং পচ্চযা উপাদানৰিপ্পযুত্তা খন্ধা, ৰত্থুং পচ্চযা দিট্ঠিগতৰিপ্পযুত্তো লোভো. (১)

উপাদানৰিপ্পযুত্তং ধম্মং পচ্চযা উপাদানসম্পযুত্তো ধম্মো উপ্পজ্জতি হেতুপচ্চযা – ৰত্থুং পচ্চযা উপাদানসম্পযুত্তা খন্ধা, দিট্ঠিগতৰিপ্পযুত্তং লোভং পচ্চযা সম্পযুত্তকা খন্ধা. (২)

উপাদানৰিপ্পযুত্তং ধম্মং পচ্চযা উপাদানসম্পযুত্তো চ উপাদানৰিপ্পযুত্তো চ ধম্মা উপ্পজ্জন্তি হেতুপচ্চযা – ৰত্থুং পচ্চযা উপাদানসম্পযুত্তকা খন্ধা, মহাভূতে পচ্চযা চিত্তসমুট্ঠানং রূপং; দিট্ঠিগতৰিপ্পযুত্তং লোভং পচ্চযা সম্পযুত্তকা খন্ধা চিত্তসমুট্ঠানঞ্চ রূপং, ৰত্থুং পচ্চযা দিট্ঠিগতৰিপ্পযুত্তলোভসহগতা খন্ধা চ লোভো চ. (৩)

৫৮. উপাদানসম্পযুত্তঞ্চ উপাদানৰিপ্পযুত্তঞ্চ ধম্মং পচ্চযা উপাদানসম্পযুত্তো ধম্মো উপ্পজ্জতি হেতুপচ্চযা – উপাদানসম্পযুত্তং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে… দিট্ঠিগতৰিপ্পযুত্তলোভসহগতং একং খন্ধঞ্চ লোভঞ্চ পচ্চযা তযো খন্ধা…পে… দ্ৰে খন্ধে চ…পে…. (১)

উপাদানসম্পযুত্তঞ্চ উপাদানৰিপ্পযুত্তঞ্চ ধম্মং পচ্চযা উপাদানৰিপ্পযুত্তো ধম্মো উপ্পজ্জতি হেতুপচ্চযা – উপাদানসম্পযুত্তে খন্ধে চ মহাভূতে চ পচ্চযা চিত্তসমুট্ঠানং রূপং, দিট্ঠিগতৰিপ্পযুত্তলোভসহগতে খন্ধে চ লোভঞ্চ পচ্চযা চিত্তসমুট্ঠানং রূপং, দিট্ঠিগতৰিপ্পযুত্তলোভসহগতে খন্ধে চ ৰত্থুঞ্চ পচ্চযা লোভো. (২)

উপাদানসম্পযুত্তঞ্চ উপাদানৰিপ্পযুত্তঞ্চ ধম্মং পচ্চযা উপাদানসম্পযুত্তো চ উপাদানৰিপ্পযুত্তো চ ধম্মা উপ্পজ্জন্তি হেতুপচ্চযা – উপাদানসম্পযুত্তং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে… উপাদানসম্পযুত্তে খন্ধে চ মহাভূতে চ পচ্চযা চিত্তসমুট্ঠানং রূপং; দিট্ঠিগতৰিপ্পযুত্তলোভসহগতং একং খন্ধঞ্চ ৰত্থুঞ্চ পচ্চযা তযো খন্ধা লোভো চ…পে… দ্ৰে খন্ধে চ…পে…. (৩) (সংখিত্তং. আরম্মণপচ্চযম্হি পঞ্চ ৰিঞ্ঞাণা কাতব্বা.)