১. ৰিভঙ্গৰারো

নহেতুপচ্চযো

৫১. উপাদানৰিপ্পযুত্তং ধম্মং পটিচ্চ উপাদানৰিপ্পযুত্তো ধম্মো উপ্পজ্জতি নহেতুপচ্চযা – অহেতুকং উপাদানৰিপ্পযুত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে…পে… (যাৰ অসঞ্ঞসত্তা) ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

নআরম্মণপচ্চযাদি

৫২. উপাদানসম্পযুত্তং ধম্মং পটিচ্চ উপাদানৰিপ্পযুত্তো ধম্মো উপ্পজ্জতি নআরম্মণপচ্চযা – উপাদানসম্পযুত্তে খন্ধে পটিচ্চ চিত্তসমুট্ঠানং রূপং. (১)

উপাদানৰিপ্পযুত্তং ধম্মং পটিচ্চ উপাদানৰিপ্পযুত্তো ধম্মো উপ্পজ্জতি নআরম্মণপচ্চযা – উপাদানৰিপ্পযুত্তে খন্ধে পটিচ্চ চিত্তসমুট্ঠানং রূপং, দিট্ঠিগতৰিপ্পযুত্তং লোভং পটিচ্চ চিত্তসমুট্ঠানং রূপং; পটিসন্ধিক্খণে…পে… (যাৰ অসঞ্ঞসত্তা). (১)

উপাদানসম্পযুত্তঞ্চ উপাদানৰিপ্পযুত্তঞ্চ ধম্মং পটিচ্চ উপাদানৰিপ্পযুত্তো ধম্মো উপ্পজ্জতি নআরম্মণপচ্চযা – উপাদানসম্পযুত্তে খন্ধে চ মহাভূতে চ পটিচ্চ চিত্তসমুট্ঠানং রূপং, দিট্ঠিগতৰিপ্পযুত্তলোভসহগতে খন্ধে চ লোভঞ্চ পটিচ্চ চিত্তসমুট্ঠানং রূপং. (১)

নঅধিপতিপচ্চযা… নঅনন্তরপচ্চযা… নসমনন্তরপচ্চযা… নউপনিস্সযপচ্চযা.

নপুরেজাতপচ্চযাদি

৫৩. উপাদানসম্পযুত্তং ধম্মং পটিচ্চ উপাদানসম্পযুত্তো ধম্মো উপ্পজ্জতি নপুরেজাতপচ্চযা – অরূপে উপাদানসম্পযুত্তং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

উপাদানসম্পযুত্তং ধম্মং পটিচ্চ উপাদানৰিপ্পযুত্তো ধম্মো উপ্পজ্জতি নপুরেজাতপচ্চযা – অরূপে দিট্ঠিগতৰিপ্পযুত্তলোভসহগতে খন্ধে পটিচ্চ লোভো, উপাদানসম্পযুত্তে খন্ধে পটিচ্চ চিত্তসমুট্ঠানং রূপং. (২)

উপাদানসম্পযুত্তং ধম্মং পটিচ্চ উপাদানসম্পযুত্তো চ উপাদানৰিপ্পযুত্তো চ ধম্মা উপ্পজ্জন্তি নপুরেজাতপচ্চযা – অরূপে দিট্ঠিগতৰিপ্পযুত্তলোভসহগতং একং খন্ধং পটিচ্চ তযো খন্ধা লোভো চ…পে… দ্ৰে খন্ধে…পে…. (৩)

৫৪. উপাদানৰিপ্পযুত্তং ধম্মং পটিচ্চ উপাদানৰিপ্পযুত্তো ধম্মো উপ্পজ্জতি নপুরেজাতপচ্চযা – অরূপে উপাদানৰিপ্পযুত্তং একং খন্ধং পটিচ্চ তযো খন্ধা…পে… দ্ৰে খন্ধে…পে… উপাদানৰিপ্পযুত্তে খন্ধে পটিচ্চ চিত্তসমুট্ঠানং রূপং, দিট্ঠিগতৰিপ্পযুত্তং লোভং পটিচ্চ চিত্তসমুট্ঠানং রূপং; পটিসন্ধিক্খণে…পে… (যাৰ অসঞ্ঞসত্তা). (১)

উপাদানৰিপ্পযুত্তং ধম্মং পটিচ্চ উপাদানসম্পযুত্তো ধম্মো উপ্পজ্জতি নপুরেজাতপচ্চযা – অরূপে দিট্ঠিগতৰিপ্পযুত্তং লোভং পটিচ্চ সম্পযুত্তকা খন্ধা. (২)

উপাদানসম্পযুত্তঞ্চ উপাদানৰিপ্পযুত্তঞ্চ ধম্মং পটিচ্চ উপাদানসম্পযুত্তো ধম্মো উপ্পজ্জতি নপুরেজাতপচ্চযা – অরূপে দিট্ঠিগতৰিপ্পযুত্তলোভসহগতং একং খন্ধঞ্চ লোভঞ্চ পটিচ্চ তযো খন্ধা…পে… দ্ৰে খন্ধে চ…পে…. (১)

উপাদানসম্পযুত্তঞ্চ উপাদানৰিপ্পযুত্তঞ্চ ধম্মং পটিচ্চ উপাদানৰিপ্পযুত্তো ধম্মো উপ্পজ্জতি নপুরেজাতপচ্চযা – উপাদানসম্পযুত্তে খন্ধে চ মহাভূতে চ পটিচ্চ চিত্তসমুট্ঠানং রূপং, দিট্ঠিগতৰিপ্পযুত্তলোভসহগতে খন্ধে চ লোভঞ্চ পটিচ্চ চিত্তসমুট্ঠানং রূপং. (২)

নপচ্ছাজাতপচ্চযা… নআসেৰনপচ্চযা.

নকম্মপচ্চযো

৫৫. উপাদানসম্পযুত্তং ধম্মং পটিচ্চ উপাদানসম্পযুত্তো ধম্মো উপ্পজ্জতি নকম্মপচ্চযা – উপাদানসম্পযুত্তে খন্ধে পটিচ্চ সম্পযুত্তকা চেতনা. (১)

উপাদানৰিপ্পযুত্তং ধম্মং পটিচ্চ উপাদানৰিপ্পযুত্তো ধম্মো উপ্পজ্জতি নকম্মপচ্চযা – উপাদানৰিপ্পযুত্তে খন্ধে পটিচ্চ সম্পযুত্তকা চেতনা; বাহিরং… আহারসমুট্ঠানং… উতুসমুট্ঠানং…পে…. (১)

উপাদানৰিপ্পযুত্তং ধম্মং পটিচ্চ উপাদানসম্পযুত্তো ধম্মো উপ্পজ্জতি নকম্মপচ্চযা – দিট্ঠিগতৰিপ্পযুত্তং লোভং পটিচ্চ সম্পযুত্তকা চেতনা. (২)

উপাদানসম্পযুত্তঞ্চ উপাদানৰিপ্পযুত্তঞ্চ ধম্মং পটিচ্চ উপাদানসম্পযুত্তো ধম্মো উপ্পজ্জতি নকম্মপচ্চযা – দিট্ঠিগতৰিপ্পযুত্তলোভসহগতে খন্ধে চ লোভঞ্চ পটিচ্চ সম্পযুত্তকা চেতনা. (১) (সংখিত্তং.)