১. ৰিভঙ্গৰারো

হেতুপচ্চযো

৪৫. উপাদানসম্পযুত্তং ধম্মং পটিচ্চ উপাদানসম্পযুত্তো ধম্মো উপ্পজ্জতি হেতুপচ্চযা – উপাদানসম্পযুত্তং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

উপাদানসম্পযুত্তং ধম্মং পটিচ্চ উপাদানৰিপ্পযুত্তো ধম্মো উপ্পজ্জতি হেতুপচ্চযা – উপাদানসম্পযুত্তে খন্ধে পটিচ্চ চিত্তসমুট্ঠানং রূপং, দিট্ঠিগতৰিপ্পযুত্তলোভসহগতে খন্ধে পটিচ্চ লোভো চিত্তসমুট্ঠানঞ্চ রূপং. (২)

উপাদানসম্পযুত্তং ধম্মং পটিচ্চ উপাদানসম্পযুত্তো চ উপাদানৰিপ্পযুত্তো চ ধম্মা উপ্পজ্জন্তি হেতুপচ্চযা – উপাদানসম্পযুত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… দিট্ঠিগতৰিপ্পযুত্তলোভসহগতং একং খন্ধং পটিচ্চ তযো খন্ধা লোভো চ চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

৪৬. উপাদানৰিপ্পযুত্তং ধম্মং পটিচ্চ উপাদানৰিপ্পযুত্তো ধম্মো উপ্পজ্জতি হেতুপচ্চযা – উপাদানৰিপ্পযুত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… দিট্ঠিগতৰিপ্পযুত্তং লোভং পটিচ্চ চিত্তসমুট্ঠানং রূপং; পটিসন্ধিক্খণে উপাদানৰিপ্পযুত্তং একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে…পে… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং…পে…. (১)

উপাদানৰিপ্পযুত্তং ধম্মং পটিচ্চ উপাদানসম্পযুত্তো ধম্মো উপ্পজ্জতি হেতুপচ্চযা – দিট্ঠিগতৰিপ্পযুত্তং লোভং পটিচ্চ সম্পযুত্তকা খন্ধা. (২)

উপাদানৰিপ্পযুত্তং ধম্মং পটিচ্চ উপাদানসম্পযুত্তো চ উপাদানৰিপ্পযুত্তো চ ধম্মা উপ্পজ্জন্তি হেতুপচ্চযা – দিট্ঠিগতৰিপ্পযুত্তং লোভং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং. (৩)

৪৭. উপাদানসম্পযুত্তঞ্চ উপাদানৰিপ্পযুত্তঞ্চ ধম্মং পটিচ্চ উপাদানসম্পযুত্তো ধম্মো উপ্পজ্জতি হেতুপচ্চযা – দিট্ঠিগতৰিপ্পযুত্তলোভসহগতং একং খন্ধঞ্চ লোভঞ্চ পটিচ্চ তযো খন্ধা…পে… দ্ৰে খন্ধে চ…পে…. (১)

উপাদানসম্পযুত্তঞ্চ উপাদানৰিপ্পযুত্তঞ্চ ধম্মং পটিচ্চ উপাদানৰিপ্পযুত্তো ধম্মো উপ্পজ্জতি হেতুপচ্চযা – উপাদানসম্পযুত্তে খন্ধে চ মহাভূতে চ পটিচ্চ চিত্তসমুট্ঠানং রূপং, দিট্ঠিগতৰিপ্পযুত্তলোভসহগতে খন্ধে চ লোভঞ্চ পটিচ্চ চিত্তসমুট্ঠানং রূপং. (২)

উপাদানসম্পযুত্তঞ্চ উপাদানৰিপ্পযুত্তঞ্চ ধম্মং পটিচ্চ উপাদানসম্পযুত্তো চ উপাদানৰিপ্পযুত্তো চ ধম্মা উপ্পজ্জন্তি হেতুপচ্চযা – দিট্ঠিগতৰিপ্পযুত্তলোভসহগতং একং খন্ধঞ্চ লোভঞ্চ পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে চ…পে…. (৩)

আরম্মণপচ্চযো

৪৮. উপাদানসম্পযুত্তং ধম্মং পটিচ্চ উপাদানসম্পযুত্তো ধম্মো উপ্পজ্জতি আরম্মণপচ্চযা – উপাদানসম্পযুত্তং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

উপাদানসম্পযুত্তং ধম্মং পটিচ্চ উপাদানৰিপ্পযুত্তো ধম্মো উপ্পজ্জতি আরম্মণপচ্চযা – দিট্ঠিগতৰিপ্পযুত্তলোভসহগতে খন্ধে পটিচ্চ লোভো. (২)

উপাদানসম্পযুত্তং ধম্মং পটিচ্চ উপাদানসম্পযুত্তো চ উপাদানৰিপ্পযুত্তো চ ধম্মা উপ্পজ্জন্তি আরম্মণপচ্চযা – দিট্ঠিগতৰিপ্পযুত্তলোভসহগতং একং খন্ধং পটিচ্চ তযো খন্ধা লোভো চ…পে… দ্ৰে খন্ধে…পে…. (৩)

৪৯. উপাদানৰিপ্পযুত্তং ধম্মং পটিচ্চ উপাদানৰিপ্পযুত্তো ধম্মো উপ্পজ্জতি আরম্মণপচ্চযা – উপাদানৰিপ্পযুত্তং একং খন্ধং…পে… দ্ৰে খন্ধে…পে… পটিসন্ধিক্খণে…পে… ৰত্থুং পটিচ্চ খন্ধা. (১)

উপাদানৰিপ্পযুত্তং ধম্মং পটিচ্চ উপাদানসম্পযুত্তো ধম্মো উপ্পজ্জতি আরম্মণপচ্চযা – দিট্ঠিগতৰিপ্পযুত্তং লোভং পটিচ্চ সম্পযুত্তকা খন্ধা. (২)

উপাদানসম্পযুত্তঞ্চ উপাদানৰিপ্পযুত্তঞ্চ ধম্মং পটিচ্চ উপাদানসম্পযুত্তো ধম্মো উপ্পজ্জতি আরম্মণপচ্চযা – দিট্ঠিগতৰিপ্পযুত্তলোভসহগতং একং খন্ধঞ্চ লোভঞ্চ পটিচ্চ তযো খন্ধা…পে… দ্ৰে খন্ধে চ…পে…. (৩) (সংখিত্তং.)