১. ৰিভঙ্গৰারো

হেতুপচ্চযো

১০৬. চেতসিকং ধম্মং পচ্চযা চেতসিকো ধম্মো উপ্পজ্জতি হেতুপচ্চযা… তীণি (পটিচ্চসদিসা).

অচেতসিকং ধম্মং পচ্চযা অচেতসিকো ধম্মো উপ্পজ্জতি হেতুপচ্চযা – চিত্তং পচ্চযা চিত্তসমুট্ঠানং রূপং, ৰত্থুং পচ্চযা চিত্তং; পটিসন্ধিক্খণে চিত্তং পচ্চযা কটত্তারূপং, চিত্তং পচ্চযা ৰত্থু, ৰত্থুং পচ্চযা চিত্তং, একং মহাভূতং…পে…. (১)

অচেতসিকং ধম্মং পচ্চযা চেতসিকো ধম্মো উপ্পজ্জতি হেতুপচ্চযা – চিত্তং পচ্চযা সম্পযুত্তকা খন্ধা, ৰত্থুং পচ্চযা চেতসিকা খন্ধা (পটিসন্ধিক্খণে দ্ৰেপি কাতব্বা). (২)

অচেতসিকং ধম্মং পচ্চযা চেতসিকো চ অচেতসিকো চ ধম্মা উপ্পজ্জন্তি হেতুপচ্চযা – চিত্তং পচ্চযা সম্পযুত্তকা খন্ধা চিত্তসমুট্ঠানঞ্চ রূপং, ৰত্থুং পচ্চযা চিত্তঞ্চ সম্পযুত্তকা চ খন্ধা (পটিসন্ধিক্খণে দ্ৰেপি কাতব্বা). (৩)

১০৭. চেতসিকঞ্চ অচেতসিকঞ্চ ধম্মং পচ্চযা চেতসিকো ধম্মো উপ্পজ্জতি হেতুপচ্চযা – চেতসিকং একং খন্ধঞ্চ চিত্তঞ্চ পচ্চযা দ্ৰে খন্ধা, দ্ৰে খন্ধে চ…পে… চেতসিকং একং খন্ধঞ্চ ৰত্থুঞ্চ পচ্চযা দ্ৰে খন্ধা, দ্ৰে খন্ধে চ…পে… (পটিসন্ধিক্খণে দ্ৰেপি কাতব্বা). (১)

চেতসিকঞ্চ অচেতসিকঞ্চ ধম্মং পচ্চযা অচেতসিকো ধম্মো উপ্পজ্জতি হেতুপচ্চযা – চেতসিকে খন্ধে চ চিত্তঞ্চ পচ্চযা চিত্তসমুট্ঠানং রূপং, চেতসিকে খন্ধে চ মহাভূতে চ পচ্চযা চিত্তসমুট্ঠানং রূপং, চেতসিকে খন্ধে চ ৰত্থুঞ্চ পচ্চযা চিত্তং (পটিসন্ধিক্খণে তীণিপি কাতব্বা). (২)

চেতসিকঞ্চ অচেতসিকঞ্চ ধম্মং পচ্চযা চেতসিকো চ অচেতসিকো চ ধম্মা উপ্পজ্জন্তি হেতুপচ্চযা – চেতসিকং একং খন্ধঞ্চ চিত্তঞ্চ পচ্চযা দ্ৰে খন্ধা চিত্তসমুট্ঠানঞ্চ রূপং, দ্ৰে খন্ধে চ…পে… চেতসিকং একং খন্ধঞ্চ ৰত্থুঞ্চ পচ্চযা দ্ৰে খন্ধা চিত্তঞ্চ, দ্ৰে খন্ধে চ…পে… (পটিসন্ধিক্খণে দ্ৰেপি কাতব্বা). (৩)

আরম্মণপচ্চযো

১০৮. চেতসিকং ধম্মং পচ্চযা চেতসিকো ধম্মো উপ্পজ্জতি আরম্মণপচ্চযা… তীণি (পটিচ্চসদিসা).

অচেতসিকং ধম্মং পচ্চযা অচেতসিকো ধম্মো উপ্পজ্জতি আরম্মণপচ্চযা – চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা চিত্তং; পটিসন্ধিক্খণে…পে…. (১)

অচেতসিকং ধম্মং পচ্চযা চেতসিকো ধম্মো উপ্পজ্জতি আরম্মণপচ্চযা – চক্খাযতনং পচ্চযা চক্খুৰিঞ্ঞাণসহগতা খন্ধা…পে… কাযাযতনং পচ্চযা…পে… চিত্তং পচ্চযা সম্পযুত্তকা খন্ধা, ৰত্থুং পচ্চযা চেতসিকা খন্ধা (পটিসন্ধিক্খণে দ্ৰেপি কাতব্বা). (২)

অচেতসিকং ধম্মং পচ্চযা চেতসিকো চ অচেতসিকো চ ধম্মা উপ্পজ্জন্তি আরম্মণপচ্চযা – চক্খাযতনং পচ্চযা চক্খুৰিঞ্ঞাণং সম্পযুত্তকা চ খন্ধা…পে… কাযাযতনং পচ্চযা…পে… ৰত্থুং পচ্চযা চিত্তং সম্পযুত্তকা চ খন্ধা (পটিসন্ধিক্খণে একং). (৩)

১০৯. চেতসিকঞ্চ অচেতসিকঞ্চ ধম্মং পচ্চযা চেতসিকো ধম্মো উপ্পজ্জতি আরম্মণপচ্চযা – চক্খুৰিঞ্ঞাণসহগতং একং খন্ধঞ্চ চক্খুৰিঞ্ঞাণঞ্চ পচ্চযা দ্ৰে খন্ধা, দ্ৰে খন্ধে চ…পে… চক্খুৰিঞ্ঞাণসহগতং একং খন্ধঞ্চ চক্খাযতনঞ্চ পচ্চযা দ্ৰে খন্ধা, দ্ৰে খন্ধে চ…পে… কাযৰিঞ্ঞাণসহগতং…পে… চেতসিকং একং খন্ধঞ্চ চিত্তঞ্চ পচ্চযা দ্ৰে খন্ধা, দ্ৰে খন্ধে চ…পে… চেতসিকং একং খন্ধঞ্চ ৰত্থুঞ্চ পচ্চযা দ্ৰে খন্ধা, দ্ৰে খন্ধে চ…পে… (পটিসন্ধিক্খণে দ্ৰে). (১)

চেতসিকঞ্চ অচেতসিকঞ্চ ধম্মং পচ্চযা অচেতসিকো ধম্মো উপ্পজ্জতি আরম্মণপচ্চযা – চক্খুৰিঞ্ঞাণসহগতে খন্ধে চ চক্খাযতনঞ্চ পচ্চযা চক্খুৰিঞ্ঞাণং…পে… কাযৰিঞ্ঞাণসহগতে…পে… চেতসিকে খন্ধে চ ৰত্থুঞ্চ পচ্চযা চিত্তং (পটিসন্ধিক্খণে একং). (২)

চেতসিকঞ্চ অচেতসিকঞ্চ ধম্মং পচ্চযা চেতসিকো চ অচেতসিকো চ ধম্মা উপ্পজ্জন্তি আরম্মণপচ্চযা – চক্খুৰিঞ্ঞাণসহগতং একং খন্ধঞ্চ চক্খাযতনঞ্চ পচ্চযা দ্ৰে খন্ধা চক্খুৰিঞ্ঞাণঞ্চ, দ্ৰে খন্ধে চ…পে… চেতসিকং একং খন্ধঞ্চ ৰত্থুঞ্চ পচ্চযা দ্ৰে খন্ধা চিত্তঞ্চ, দ্ৰে খন্ধে চ…পে… (পটিসন্ধিক্খণে একং, সংখিত্তং). (৩)