১০. মহন্তরদুকং
৫৫. সারম্মণদুকং
১. পটিচ্চৰারো
১. পচ্চযানুলোমং
১. ৰিভঙ্গৰারো
হেতুপচ্চযো
১. সারম্মণং ধম্মং পটিচ্চ সারম্মণো ধম্মো উপ্পজ্জতি হেতুপচ্চযা – সারম্মণং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (১)
সারম্মণং ধম্মং পটিচ্চ অনারম্মণো ধম্মো উপ্পজ্জতি হেতুপচ্চযা – সারম্মণে খন্ধে পটিচ্চ চিত্তসমুট্ঠানং রূপং; পটিসন্ধিক্খণে…পে…. (২)
সারম্মণং ধম্মং পটিচ্চ সারম্মণো চ অনারম্মণো চ ধম্মা উপ্পজ্জন্তি হেতুপচ্চযা – সারম্মণং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে…. (৩)
২. অনারম্মণং ধম্মং পটিচ্চ অনারম্মণো ধম্মো উপ্পজ্জতি হেতুপচ্চযা – একং মহাভূতং…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. (১)
অনারম্মণং ধম্মং পটিচ্চ সারম্মণো ধম্মো উপ্পজ্জতি হেতুপচ্চযা – পটিসন্ধিক্খণে ৰত্থুং পটিচ্চ সারম্মণা খন্ধা. (২)
অনারম্মণং ধম্মং পটিচ্চ সারম্মণো চ অনারম্মণো চ ধম্মো উপ্পজ্জন্তি হেতুপচ্চযা – পটিসন্ধিক্খণে ৰত্থুং পটিচ্চ সারম্মণা খন্ধা, মহাভূতে পটিচ্চ কটত্তারূপং. (৩)
৩. সারম্মণঞ্চ অনারম্মণঞ্চ ধম্মং পটিচ্চ সারম্মণো ধম্মো উপ্পজ্জতি হেতুপচ্চযা – পটিসন্ধিক্খণে সারম্মণং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে চ…পে…. (১)
সারম্মণঞ্চ অনারম্মণঞ্চ ধম্মং পটিচ্চ অনারম্মণো ধম্মো উপ্পজ্জতি হেতুপচ্চযা – সারম্মণে খন্ধে চ মহাভূতে চ পটিচ্চ চিত্তসমুট্ঠানং রূপং; পটিসন্ধিক্খণে…পে…. (২)
সারম্মণঞ্চ অনারম্মণঞ্চ ধম্মং পটিচ্চ সারম্মণো চ অনারম্মণো চ ধম্মা উপ্পজ্জন্তি হেতুপচ্চযা – পটিসন্ধিক্খণে সারম্মণং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে চ…পে… সারম্মণে খন্ধে চ মহাভূতে চ পটিচ্চ কটত্তারূপং. (৩)
আরম্মণপচ্চযো
৪. সারম্মণং ধম্মং পটিচ্চ সারম্মণো ধম্মো উপ্পজ্জতি আরম্মণপচ্চযা – সারম্মণং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে….
অনারম্মণং ধম্মং পটিচ্চ সারম্মণো ধম্মো উপ্পজ্জতি আরম্মণপচ্চযা – পটিসন্ধিক্খণে ৰত্থুং পটিচ্চ সারম্মণা খন্ধা.
সারম্মণঞ্চ অনারম্মণঞ্চ ধম্মং পটিচ্চ সারম্মণো ধম্মো উপ্পজ্জতি আরম্মণপচ্চযা – পটিসন্ধিক্খণে সারম্মণং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে চ…পে… (সংখিত্তং).
১. পচ্চযানুলোমং
২. সঙ্খ্যাৰারো
সুদ্ধং
৫. হেতুযা নৰ, আরম্মণে তীণি, অধিপতিযা পঞ্চ, অনন্তরে তীণি, সমনন্তরে তীণি, সহজাতে নৰ, অঞ্ঞমঞ্ঞে ছ, নিস্সযে নৰ, উপনিস্সযে তীণি, পুরেজাতে একং, আসেৰনে একং, কম্মে নৰ, ৰিপাকে নৰ, আহারে নৰ, ইন্দ্রিযে নৰ, ঝানে নৰ, মগ্গে নৰ, সম্পযুত্তে তীণি, ৰিপ্পযুত্তে নৰ, অত্থিযা নৰ, নত্থিযা তীণি, ৰিগতে তীণি, অৰিগতে নৰ.
২. পচ্চযপচ্চনীযং
১. ৰিভঙ্গৰারো
নহেতুপচ্চযো
৬. সারম্মণং ধম্মং পটিচ্চ সারম্মণো ধম্মো উপ্পজ্জতি নহেতুপচ্চযা – অহেতুকং সারম্মণং একং খন্ধং পটিচ্চ তযো খন্ধা…পে… দ্ৰে খন্ধে…পে… অহেতুকপটিসন্ধিক্খণে…পে… ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)
সারম্মণং ধম্মং পটিচ্চ অনারম্মণো ধম্মো উপ্পজ্জতি নহেতুপচ্চযা – অহেতুকে সারম্মণে খন্ধে পটিচ্চ চিত্তসমুট্ঠানং রূপং; অহেতুকপটিসন্ধিক্খণে…পে…. (২)
সারম্মণং ধম্মং পটিচ্চ সারম্মণো চ অনারম্মণো চ ধম্মা উপ্পজ্জন্তি নহেতুপচ্চযা – অহেতুকং সারম্মণং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে…পে…. (৩)
৭. অনারম্মণং ধম্মং পটিচ্চ অনারম্মণো ধম্মো উপ্পজ্জতি নহেতুপচ্চযা – একং মহাভূতং…পে… অসঞ্ঞসত্তানং একং মহাভূতং…পে…. (১)
অনারম্মণং ধম্মং পটিচ্চ সারম্মণো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে ৰত্থুং পটিচ্চ সারম্মণা খন্ধা. (২)
অনারম্মণং ধম্মং পটিচ্চ সারম্মণো চ অনারম্মণো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে ৰত্থুং পটিচ্চ সারম্মণা খন্ধা, মহাভূতে পটিচ্চ কটত্তারূপং. (৩)
৮. সারম্মণঞ্চ অনারম্মণঞ্চ ধম্মং পটিচ্চ সারম্মণো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে সারম্মণং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে চ…পে…. (১)
সারম্মণঞ্চ অনারম্মণঞ্চ ধম্মং পটিচ্চ অনারম্মণো ধম্মো উপ্পজ্জতি নহেতুপচ্চযা – অহেতুকে সারম্মণে খন্ধে চ মহাভূতে চ পটিচ্চ চিত্তসমুট্ঠানং রূপং; অহেতুকপটিসন্ধিক্খণে…পে…. (২)
সারম্মণঞ্চ অনারম্মণঞ্চ ধম্মং পটিচ্চ সারম্মণো চ অনারম্মণো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে সারম্মণং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে চ…পে… সারম্মণে খন্ধে চ মহাভূতে চ পটিচ্চ কটত্তারূপং. (৩)
নআরম্মণপচ্চযো
৯. সারম্মণং ধম্মং পটিচ্চ অনারম্মণো ধম্মো উপ্পজ্জতি নআরম্মণপচ্চযা – সারম্মণে খন্ধে পটিচ্চ চিত্তসমুট্ঠানং রূপং; পটিসন্ধিক্খণে…পে…. (১)
অনারম্মণং ধম্মং পটিচ্চ অনারম্মণো ধম্মো উপ্পজ্জতি নআরম্মণপচ্চযা (যাৰ অসঞ্ঞসত্তা). (১)
সারম্মণঞ্চ অনারম্মণঞ্চ ধম্মং পটিচ্চ অনারম্মণো ধম্মো উপ্পজ্জতি নআরম্মণপচ্চযা – সারম্মণে খন্ধে চ মহাভূতে চ পটিচ্চ চিত্তসমুট্ঠানং রূপং; পটিসন্ধিক্খণে…পে… (সংখিত্তং). (১)
২. পচ্চযপচ্চনীযং
২. সঙ্খ্যাৰারো
সুদ্ধং
১০. নহেতুযা নৰ, নআরম্মণে তীণি, নঅধিপতিযা নৰ, নঅনন্তরে তীণি, নসমনন্তরে তীণি, নঅঞ্ঞমঞ্ঞে তীণি, নউপনিস্সযে তীণি, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে দ্ৰে, নৰিপাকে পঞ্চ, নআহারে একং, নইন্দ্রিযে একং, নঝানে দ্ৰে, নমগ্গে নৰ, নসম্পযুত্তে তীণি, নৰিপ্পযুত্তে দ্ৰে, নোনত্থিযা তীণি, নোৰিগতে তীণি.
৩. পচ্চযানুলোমপচ্চনীযং
১১. হেতুপচ্চযা নআরম্মণে তীণি, নঅধিপতিযা নৰ…পে… নকম্মে একং…পে… নৰিপ্পযুত্তে একং (সংখিত্তং).
৪. পচ্চযপচ্চনীযানুলোমং
১২. নহেতুপচ্চযা আরম্মণে তীণি…পে… সহজাতে নৰ…পে… মগ্গে একং…পে… অৰিগতে নৰ.
২. সহজাতৰারো
(সহজাতৰারোপি পটিচ্চৰারসদিসো.)
৩. পচ্চযৰারো
১. পচ্চযানুলোমং
১. ৰিভঙ্গৰারো
হেতুপচ্চযো
১৩. সারম্মণং ধম্মং পচ্চযা সারম্মণো ধম্মো উপ্পজ্জতি হেতুপচ্চযা… তীণি (পটিচ্চসদিসা).
১৪. অনারম্মণং ধম্মং পচ্চযা অনারম্মণো ধম্মো উপ্পজ্জতি হেতুপচ্চযা – একং মহাভূতং…পে… মহাভূতে পচ্চযা চিত্তসমুট্ঠানং রূপং কটত্তারূপং উপাদারূপং. (১)
অনারম্মণং ধম্মং পচ্চযা সারম্মণো ধম্মো উপ্পজ্জতি হেতুপচ্চযা – ৰত্থুং পচ্চযা সারম্মণা খন্ধা; পটিসন্ধিক্খণে ৰত্থুং পচ্চযা সারম্মণা খন্ধা. (২)
অনারম্মণং ধম্মং পচ্চযা সারম্মণো চ অনারম্মণো চ ধম্মা উপ্পজ্জন্তি হেতুপচ্চযা – ৰত্থুং পচ্চযা সারম্মণা খন্ধা, মহাভূতে পচ্চযা চিত্তসমুট্ঠানং রূপং; পটিসন্ধিক্খণে …পে…. (৩)
১৫. সারম্মণঞ্চ অনারম্মণঞ্চ ধম্মং পচ্চযা সারম্মণো ধম্মো উপ্পজ্জতি হেতুপচ্চযা – সারম্মণং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে… পটিসন্ধিক্খণে…পে…. (১)
সারম্মণঞ্চ অনারম্মণঞ্চ ধম্মং পচ্চযা অনারম্মণো ধম্মো উপ্পজ্জতি হেতুপচ্চযা – সারম্মণে খন্ধে চ মহাভূতে চ পচ্চযা চিত্তসমুট্ঠানং রূপং; পটিসন্ধিক্খণে…পে…. (২)
সারম্মণঞ্চ অনারম্মণঞ্চ ধম্মং পচ্চযা সারম্মণো চ অনারম্মণো চ ধম্মা উপ্পজ্জন্তি হেতুপচ্চযা – সারম্মণং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে… সারম্মণে খন্ধে চ মহাভূতে চ পচ্চযা চিত্তসমুট্ঠানং রূপং; পটিসন্ধিক্খণে…পে…. (৩)
আরম্মণপচ্চযো
১৬. সারম্মণং ধম্মং পচ্চযা সারম্মণো ধম্মো উপ্পজ্জতি আরম্মণপচ্চযা – সারম্মণং একং খন্ধং পচ্চযা তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (১)
অনারম্মণং ধম্মং পচ্চযা সারম্মণো ধম্মো উপ্পজ্জতি আরম্মণপচ্চযা – চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা সারম্মণা খন্ধা; পটিসন্ধিক্খণে…পে…. (১)
সারম্মণঞ্চ অনারম্মণঞ্চ ধম্মং পচ্চযা সারম্মণো ধম্মো উপ্পজ্জতি আরম্মণপচ্চযা – চক্খুৰিঞ্ঞাণসহগতং একং খন্ধঞ্চ চক্খাযতনঞ্চ পচ্চযা তযো খন্ধা…পে… দ্ৰে খন্ধে চ…পে… কাযৰিঞ্ঞাণসহগতং…পে… সারম্মণং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে… পটিসন্ধিক্খণে…পে… (সংখিত্তং). (১)
১. পচ্চযানুলোমং
২. সঙ্খ্যাৰারো
সুদ্ধং
১৭. হেতুযা নৰ, আরম্মণে তীণি, অধিপতিযা নৰ, অনন্তরে তীণি, সমনন্তরে তীণি, সহজাতে নৰ, অঞ্ঞমঞ্ঞে ছ, নিস্সযে নৰ, উপনিস্সযে তীণি, পুরেজাতে তীণি, আসেৰনে তীণি, কম্মে নৰ, ৰিপাকে নৰ, আহারে নৰ, ইন্দ্রিযে নৰ, ঝানে নৰ, মগ্গে নৰ, সম্পযুত্তে তীণি, ৰিপ্পযুত্তে নৰ, অত্থিযা নৰ, নত্থিযা তীণি, ৰিগতে তীণি, অৰিগতে নৰ.
২. পচ্চযপচ্চনীযং
১. ৰিভঙ্গৰারো
নহেতুপচ্চযো
১৮. সারম্মণং ধম্মং পচ্চযা সারম্মণো ধম্মো উপ্পজ্জতি নহেতুপচ্চযা… তীণি (পটিচ্চৰারসদিসং).
অনারম্মণং ধম্মং পচ্চযা অনারম্মণো ধম্মো উপ্পজ্জতি নহেতুপচ্চযা – একং মহাভূতং…পে… অসঞ্ঞসত্তানং একং মহাভূতং…পে…. (১)
অনারম্মণং ধম্মং পচ্চযা সারম্মণো ধম্মো উপ্পজ্জতি নহেতুপচ্চযা – চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা অহেতুকা সারম্মণা খন্ধা; পটিসন্ধিক্খণে…পে… ৰত্থুং পচ্চযা ৰিচিকিচ্ছাসহগতো উদ্ধচ্চসহগতো মোহো. (২)
অনারম্মণং ধম্মং পচ্চযা সারম্মণো চ অনারম্মণো চ ধম্মা উপ্পজ্জন্তি নহেতুপচ্চযা – ৰত্থুং পচ্চযা অহেতুকা সারম্মণা খন্ধা, মহাভূতে পচ্চযা চিত্তসমুট্ঠানং রূপং; পটিসন্ধিক্খণে…পে…. (৩)
১৯. সারম্মণঞ্চ অনারম্মণঞ্চ ধম্মং পচ্চযা সারম্মণো ধম্মো উপ্পজ্জতি নহেতুপচ্চযা – চক্খুৰিঞ্ঞাণসহগতং একং খন্ধঞ্চ চক্খাযতনঞ্চ পচ্চযা তযো খন্ধা…পে… দ্ৰে খন্ধে চ…পে… কাযৰিঞ্ঞাণসহগতং…পে… অহেতুকং সারম্মণং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে… অহেতুকপটিসন্ধিক্খণে…পে… ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো. (১)
সারম্মণঞ্চ অনারম্মণঞ্চ ধম্মং পচ্চযা অনারম্মণো ধম্মো উপ্পজ্জতি নহেতুপচ্চযা – অহেতুকে সারম্মণে খন্ধে চ মহাভূতে চ পচ্চযা চিত্তসমুট্ঠানং রূপং; পটিসন্ধিক্খণে…পে…. (২)
সারম্মণঞ্চ অনারম্মণঞ্চ ধম্মং পচ্চযা সারম্মণো চ অনারম্মণো চ ধম্মা উপ্পজ্জন্তি নহেতুপচ্চযা – অহেতুকং সারম্মণং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে… অহেতুকে সারম্মণে খন্ধে চ মহাভূতে চ পচ্চযা চিত্তসমুট্ঠানং রূপং; অহেতুকপটিসন্ধিক্খণে অহেতুকং সারম্মণং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে… অহেতুকে সারম্মণে খন্ধে চ মহাভূতে চ পচ্চযা কটত্তারূপং…পে… (সংখিত্তং). (৩)
২. পচ্চযপচ্চনীযং
২. সঙ্খ্যাৰারো
সুদ্ধং
২০. নহেতুযা নৰ, নআরম্মণে তীণি, নঅধিপতিযা নৰ, নঅনন্তরে তীণি, নসমনন্তরে তীণি, নঅঞ্ঞমঞ্ঞে তীণি, নউপনিস্সযে তীণি, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে চত্তারি, নৰিপাকে নৰ, নআহারে একং, নইন্দ্রিযে একং, নঝানে চত্তারি, নমগ্গে নৰ, নসম্পযুত্তে তীণি, নৰিপ্পযুত্তে দ্ৰে, নোনত্থিযা তীণি, নোৰিগতে তীণি.
৩. পচ্চযানুলোমপচ্চনীযং
২১. হেতুপচ্চযা নআরম্মণে তীণি, নঅধিপতিযা নৰ…পে… নকম্মে একং…পে… নৰিপ্পযুত্তে একং (সংখিত্তং).
৪. পচ্চযপচ্চনীযানুলোমং
২২. নহেতুপচ্চযা আরম্মণে তীণি, অনন্তরে তীণি, সমনন্তরে তীণি, সহজাতে নৰ…পে… মগ্গে তীণি…পে… অৰিগতে নৰ.
৪. নিস্সযৰারো
(নিস্সযৰারো পচ্চযৰারসদিসো.)
৫. সংসট্ঠৰারো
১-৪. পচ্চযানুলোমাদি
২৩. সারম্মণং ধম্মং সংসট্ঠো সারম্মণো ধম্মো উপ্পজ্জতি হেতুপচ্চযা – সারম্মণং একং খন্ধং সংসট্ঠা তযো খন্ধা…পে… দ্ৰে খন্ধে সংসট্ঠা দ্ৰে খন্ধা; পটিসন্ধিক্খণে…পে….
২৪. হেতুযা একং, আরম্মণে একং, অধিপতিযা একং (সব্বত্থ একং), অৰিগতে একং.
অনুলোমং.
২৫. সারম্মণং ধম্মং সংসট্ঠো সারম্মণো ধম্মো উপ্পজ্জতি নহেতুপচ্চযা – অহেতুকং সারম্মণং একং খন্ধং সংসট্ঠা তযো খন্ধা…পে… দ্ৰে খন্ধে…পে… ৰিচিকিচ্ছাসহগতে উদ্ধচ্চসহগতে খন্ধে সংসট্ঠো ৰিচিকিচ্ছাসহগতো উদ্ধচ্চসহগতো মোহো (সংখিত্তং).
২৬. নহেতুযা একং, নঅধিপতিযা একং, নপুরেজাতে একং, নপচ্ছাজাতে একং, নআসেৰনে একং, নকম্মে একং, নৰিপাকে একং, নঝানে একং, নমগ্গে একং, নৰিপ্পযুত্তে একং.
পচ্চনীযং.
৬. সম্পযুত্তৰারো
(এৰং ইতরে দ্ৰে গণনাপি সম্পযুত্তৰারাপি কাতব্বা.)
৭. পঞ্হাৰারো
১. পচ্চযানুলোমং
১. ৰিভঙ্গৰারো
হেতুপচ্চযো
২৭. সারম্মণো ধম্মো সারম্মণস্স ধম্মস্স হেতুপচ্চযেন পচ্চযো – সারম্মণা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. (১)
সারম্মণো ধম্মো অনারম্মণস্স ধম্মস্স হেতুপচ্চযেন পচ্চযো – সারম্মণা হেতূ চিত্তসমুট্ঠানানং রূপানং হেতুপচ্চযেন পচ্চযো; পটিসন্ধিক্খণে…পে…. (২)
সারম্মণো ধম্মো সারম্মণস্স চ অনারম্মণস্স চ ধম্মস্স হেতুপচ্চযেন পচ্চযো – সারম্মণা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (৩)
আরম্মণপচ্চযো
২৮. সারম্মণো ধম্মো সারম্মণস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং পচ্চৰেক্খতি অস্সাদেতি অভিনন্দতি, তং আরব্ভ রাগো উপ্পজ্জতি…পে… দোমনস্সং উপ্পজ্জতি; পুব্বে সুচিণ্ণানি…পে… ঝানা…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, পহীনে কিলেসে…পে… ৰিক্খম্ভিতে কিলেসে…পে… পুব্বে সমুদাচিণ্ণে কিলেসে জানন্তি, সারম্মণে খন্ধে অনিচ্চতো…পে… দোমনস্সং উপ্পজ্জতি; চেতোপরিযঞাণেন সারম্মণচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… সারম্মণা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)
২৯. অনারম্মণো ধম্মো সারম্মণস্স ধম্মস্স আরম্মণপচ্চযেন পচ্চযো – অরিযা নিব্বানং পচ্চৰেক্খন্তি, নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো; চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… অনারম্মণা খন্ধা ইদ্ধিৰিধঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)
অধিপতিপচ্চযো
৩০. সারম্মণো ধম্মো সারম্মণস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি, পুব্বে সুচিণ্ণানি…পে… ঝানা ৰুট্ঠহিত্ৰা ঝানং…পে… অরিযা মগ্গা ৰুট্ঠহিত্ৰা মগ্গং গরুং…পে… ফলং গরুং…পে… সারম্মণে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – সারম্মণাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)
সারম্মণো ধম্মো অনারম্মণস্স ধম্মস্স অধিপতিপচ্চযেন পচ্চযো. সহজাতাধিপতি – সারম্মণাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)
সারম্মণো ধম্মো সারম্মণস্স চ অনারম্মণস্স চ ধম্মস্স অধিপতিপচ্চযেন পচ্চযো. সহজাতাধিপতি – সারম্মণাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)
৩১. অনারম্মণো ধম্মো সারম্মণস্স ধম্মস্স অধিপতিপচ্চযেন পচ্চযো. আরম্মণাধিপতি – অরিযা নিব্বানং গরুং কত্ৰা পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স, অধিপতিপচ্চযেন পচ্চযো; চক্খুং…পে… ৰত্থুং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (১)
অনন্তরপচ্চযাদি
৩২. সারম্মণো ধম্মো সারম্মণস্স ধম্মস্স অনন্তরপচ্চযেন পচ্চযো – পুরিমা পুরিমা সারম্মণা…পে… ফলসমাপত্তিযা অনন্তরপচ্চযেন পচ্চযো… সমনন্তরপচ্চযেন পচ্চযো… একং… সহজাতপচ্চযেন পচ্চযো… সত্ত (পটিচ্চৰারে সহজাতসদিসা)… অঞ্ঞমঞ্ঞপচ্চযেন পচ্চযো… ছ (পটিচ্চৰারে অঞ্ঞমঞ্ঞসদিসং)… নিস্সযপচ্চযেন পচ্চযো… সত্ত (পচ্চযৰারে নিস্সযসদিসো).
উপনিস্সযপচ্চযো
৩৩. সারম্মণো ধম্মো সারম্মণস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… মানং জপ্পেতি, দিট্ঠিং গণ্হাতি. সীলং…পে… পঞ্ঞং, রাগং…পে… পত্থনং, কাযিকং সুখং… কাযিকং দুক্খং উপনিস্সায দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি. সদ্ধা…পে… পঞ্ঞা, রাগো…পে… পত্থনা, কাযিকং সুখং… কাযিকং দুক্খং সদ্ধায…পে… পঞ্ঞায, রাগস্স…পে… পত্থনায, কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)
অনারম্মণো ধম্মো সারম্মণস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে…. পকতূপনিস্সযো – উতুং, ভোজনং, সেনাসনং উপনিস্সায দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি. উতু… ভোজনং… সেনাসনং সদ্ধায…পে… পত্থনায, কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)
পুরেজাতপচ্চযো
৩৪. অনারম্মণো ধম্মো সারম্মণস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু সারম্মণানং খন্ধানং পুরেজাতপচ্চযেন পচ্চযো. (১)
পচ্ছাজাতাসেৰনপচ্চযা
৩৫. সারম্মণো ধম্মো অনারম্মণস্স ধম্মস্স পচ্ছাজাতপচ্চযেন পচ্চযো… একং.
সারম্মণো ধম্মো সারম্মণস্স ধম্মস্স আসেৰনপচ্চযেন পচ্চযো… একং.
কম্মপচ্চযো
৩৬. সারম্মণো ধম্মো সারম্মণস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – সারম্মণা চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – সারম্মণা চেতনা ৰিপাকানং খন্ধানং কম্মপচ্চযেন পচ্চযো. (১)
সারম্মণো ধম্মো অনারম্মণস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – সারম্মণা চেতনা চিত্তসমুট্ঠানানং রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – সারম্মণা চেতনা কটত্তারূপানং কম্মপচ্চযেন পচ্চযো. (২)
সারম্মণো ধম্মো সারম্মণস্স চ অনারম্মণস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – সারম্মণা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – সারম্মণা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (৩)
ৰিপাক-আহারপচ্চযা
৩৭. সারম্মণো ধম্মো সারম্মণস্স ধম্মস্স ৰিপাকপচ্চযেন পচ্চযো… তীণি.
সারম্মণো ধম্মো সারম্মণস্স ধম্মস্স আহারপচ্চযেন পচ্চযো… তীণি.
অনারম্মণো ধম্মো অনারম্মণস্স ধম্মস্স আহারপচ্চযেন পচ্চযো – কবল়ীকারো আহারো ইমস্স কাযস্স আহারপচ্চযেন পচ্চযো. (১)
ইন্দ্রিযপচ্চযো
৩৮. সারম্মণো ধম্মো সারম্মণস্স ধম্মস্স ইন্দ্রিযপচ্চযেন পচ্চযো… তীণি.
অনারম্মণো ধম্মো অনারম্মণস্স ধম্মস্স ইন্দ্রিযপচ্চযেন পচ্চযো – রূপজীৰিতিন্দ্রিযং কটত্তারূপানং ইন্দ্রিযপচ্চযেন পচ্চযো. (১)
অনারম্মণো ধম্মো সারম্মণস্স ধম্মস্স ইন্দ্রিযপচ্চযেন পচ্চযো – চক্খুন্দ্রিযং চক্খুৰিঞ্ঞাণস্স…পে… কাযিন্দ্রিযং কাযৰিঞ্ঞাণস্স ইন্দ্রিযপচ্চযেন পচ্চযো. (১)
সারম্মণো চ অনারম্মণো চ ধম্মা সারম্মণস্স ধম্মস্স ইন্দ্রিযপচ্চযেন পচ্চযো – চক্খুন্দ্রিযঞ্চ চক্খুৰিঞ্ঞাণঞ্চ চক্খুৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো…পে… কাযিন্দ্রিযঞ্চ কাযৰিঞ্ঞাণঞ্চ কাযৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো. (১)
ঝানপচ্চযাদি
৩৯. সারম্মণো ধম্মো সারম্মণস্স ধম্মস্স ঝানপচ্চযেন পচ্চযো… তীণি, মগ্গপচ্চযেন পচ্চযো… তীণি, সম্পযুত্তপচ্চযেন পচ্চযো… একং.
ৰিপ্পযুত্তপচ্চযো
৪০. সারম্মণো ধম্মো অনারম্মণস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)
অনারম্মণো ধম্মো সারম্মণস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু সারম্মণানং খন্ধানং ৰিপ্পযুত্তপচ্চযেন পচ্চযো. পুরেজাতং চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স ৰিপ্পযুত্তপচ্চযেন পচ্চযো; ৰত্থু সারম্মণানং খন্ধানং ৰিপ্পযুত্তপচ্চযেন পচ্চযো. (১)
অত্থিপচ্চযো
৪১. সারম্মণো ধম্মো সারম্মণস্স ধম্মস্স অত্থিপচ্চযেন পচ্চযো – সারম্মণো একো খন্ধো তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে…পে…. (১)
সারম্মণো ধম্মো অনারম্মণস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং). (২)
সারম্মণো ধম্মো সারম্মণস্স চ অনারম্মণস্স চ ধম্মস্স অত্থিপচ্চযেন পচ্চযো (পটিচ্চসদিসং). (৩)
৪২. অনারম্মণো ধম্মো অনারম্মণস্স ধম্মস্স অত্থিপচ্চযেন পচ্চযো – সহজাতং, আহারং, ইন্দ্রিযং. সহজাতং – একং মহাভূতং…পে… (যাৰ অসঞ্ঞসত্তা). (১)
অনারম্মণো ধম্মো সারম্মণস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু সারম্মণানং খন্ধানং অত্থিপচ্চযেন পচ্চযো. পুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু সারম্মণানং খন্ধানং অত্থিপচ্চযেন পচ্চযো. (২)
৪৩. সারম্মণো চ অনারম্মণো চ ধম্মা সারম্মণস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – চক্খুৰিঞ্ঞাণসহগতো একো খন্ধো চ চক্খাযতনঞ্চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে… কাযৰিঞ্ঞাণসহগতো একো খন্ধো চ কাযাযতনঞ্চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে… সারম্মণো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে… পটিসন্ধিক্খণে…পে…. (১)
সারম্মণো চ অনারম্মণো চ ধম্মা অনারম্মণস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতা – সারম্মণা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো; পটিসন্ধিক্খণে…পে…. পচ্ছাজাতা – সারম্মণা খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – সারম্মণা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)