১. ৰিভঙ্গৰারো

হেতুপচ্চযো

৯২. চেতসিকং ধম্মং পটিচ্চ চেতসিকো ধম্মো উপ্পজ্জতি হেতুপচ্চযা – চেতসিকং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো; পটিসন্ধিক্খণে…পে…. (১)

চেতসিকং ধম্মং পটিচ্চ অচেতসিকো ধম্মো উপ্পজ্জতি হেতুপচ্চযা – চেতসিকে খন্ধে পটিচ্চ চিত্তঞ্চ চিত্তসমুট্ঠানঞ্চ রূপং; পটিসন্ধিক্খণে চেতসিকে খন্ধে পটিচ্চ চিত্তঞ্চ কটত্তা চ রূপং. (২)

চেতসিকং ধম্মং পটিচ্চ চেতসিকো চ অচেতসিকো চ ধম্মা উপ্পজ্জন্তি হেতুপচ্চযা – চেতসিকং একং খন্ধং পটিচ্চ দ্ৰে খন্ধা চিত্তঞ্চ চিত্তসমুট্ঠানঞ্চ রূপং, দ্ৰে খন্ধে…পে… পটিসন্ধিক্খণে…পে…. (৩)

৯৩. অচেতসিকং ধম্মং পটিচ্চ অচেতসিকো ধম্মো উপ্পজ্জতি হেতুপচ্চযা – চিত্তং পটিচ্চ চিত্তসমুট্ঠানং রূপং; পটিসন্ধিক্খণে চিত্তং পটিচ্চ কটত্তারূপং, চিত্তং পটিচ্চ ৰত্থু, ৰত্থুং পটিচ্চ চিত্তং, একং মহাভূতং…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. (১)

অচেতসিকং ধম্মং পটিচ্চ চেতসিকো ধম্মো উপ্পজ্জতি হেতুপচ্চযা – চিত্তং পটিচ্চ সম্পযুত্তকা খন্ধা; পটিসন্ধিক্খণে চিত্তং…পে… পটিসন্ধিক্খণে ৰত্থুং পটিচ্চ চেতসিকা খন্ধা. (২)

অচেতসিকং ধম্মং পটিচ্চ চেতসিকো চ অচেতসিকো চ ধম্মা উপ্পজ্জন্তি হেতুপচ্চযা – চিত্তং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং; পটিসন্ধিক্খণে চিত্তং…পে… পটিসন্ধিক্খণে ৰত্থুং পটিচ্চ চিত্তঞ্চ সম্পযুত্তকা চ খন্ধা. (৩)

৯৪. চেতসিকঞ্চ অচেতসিকঞ্চ ধম্মং পটিচ্চ চেতসিকো ধম্মো উপ্পজ্জতি হেতুপচ্চযা – চেতসিকং একং খন্ধঞ্চ চিত্তঞ্চ পটিচ্চ দ্ৰে খন্ধা, দ্ৰে খন্ধে চ…পে… পটিসন্ধিক্খণে চেতসিকং একং খন্ধঞ্চ চিত্তঞ্চ পটিচ্চ দ্ৰে খন্ধা, দ্ৰে খন্ধে চ…পে… পটিসন্ধিক্খণে চেতসিকং একং খন্ধঞ্চ ৰত্থুঞ্চ পটিচ্চ দ্ৰে খন্ধা, দ্ৰে খন্ধে চ…পে…. (১)

চেতসিকঞ্চ অচেতসিকঞ্চ ধম্মং পটিচ্চ অচেতসিকো ধম্মো উপ্পজ্জতি হেতুপচ্চযা – চেতসিকে খন্ধে চ চিত্তঞ্চ পটিচ্চ চিত্তসমুট্ঠানং রূপং, চেতসিকে খন্ধে চ মহাভূতে চ পটিচ্চ চিত্তসমুট্ঠানং রূপং; পটিসন্ধিক্খণে চেতসিকে খন্ধে চ চিত্তঞ্চ পটিচ্চ কটত্তারূপং, পটিসন্ধিক্খণে চেতসিকে খন্ধে চ মহাভূতে চ পটিচ্চ কটত্তারূপং, পটিসন্ধিক্খণে চেতসিকে খন্ধে চ ৰত্থুঞ্চ পটিচ্চ চিত্তং. (২)

চেতসিকঞ্চ অচেতসিকঞ্চ ধম্মং পটিচ্চ চেতসিকো চ অচেতসিকো চ ধম্মা উপ্পজ্জন্তি হেতুপচ্চযা – চেতসিকং একং খন্ধঞ্চ চিত্তঞ্চ পটিচ্চ দ্ৰে খন্ধা চিত্তসমুট্ঠানঞ্চ রূপং, দ্ৰে খন্ধে চ…পে… পটিসন্ধিক্খণে চেতসিকং একং খন্ধঞ্চ চিত্তঞ্চ পটিচ্চ দ্ৰে খন্ধা কটত্তা চ রূপং, দ্ৰে খন্ধে চ…পে… পটিসন্ধিক্খণে চেতসিকং একং খন্ধঞ্চ ৰত্থুঞ্চ পটিচ্চ দ্ৰে খন্ধা চিত্তঞ্চ, দ্ৰে খন্ধে চ ৰত্থুঞ্চ পটিচ্চ একো খন্ধো চিত্তঞ্চ. (৩)

আরম্মণপচ্চযো

৯৫. চেতসিকং ধম্মং পটিচ্চ চেতসিকো ধম্মো উপ্পজ্জতি আরম্মণপচ্চযা – চেতসিকং একং খন্ধং পটিচ্চ দ্ৰে খন্ধা, দ্ৰে খন্ধে…পে… পটিসন্ধিক্খণে…পে…. (১)

চেতসিকং ধম্মং পটিচ্চ অচেতসিকো ধম্মো উপ্পজ্জতি আরম্মণপচ্চযা – চেতসিকে খন্ধে পটিচ্চ চিত্তং; পটিসন্ধিক্খণে…পে…. (২)

চেতসিকং ধম্মং পটিচ্চ চেতসিকো চ অচেতসিকো চ ধম্মা উপ্পজ্জন্তি আরম্মণপচ্চযা – চেতসিকং একং খন্ধং পটিচ্চ দ্ৰে খন্ধা চিত্তঞ্চ, দ্ৰে খন্ধে…পে… পটিসন্ধিক্খণে…পে…. (৩)

৯৬. অচেতসিকং ধম্মং পটিচ্চ অচেতসিকো ধম্মো উপ্পজ্জতি আরম্মণপচ্চযা – পটিসন্ধিক্খণে ৰত্থুং পটিচ্চ চিত্তং. (১)

অচেতসিকং ধম্মং পটিচ্চ চেতসিকো ধম্মো উপ্পজ্জতি আরম্মণপচ্চযা – চিত্তং পটিচ্চ সম্পযুত্তকা খন্ধা; পটিসন্ধিক্খণে চিত্তং পটিচ্চ সম্পযুত্তকা খন্ধা, পটিসন্ধিক্খণে ৰত্থুং পটিচ্চ চেতসিকা খন্ধা. (২)

অচেতসিকং ধম্মং পটিচ্চ চেতসিকো চ অচেতসিকো চ ধম্মা উপ্পজ্জন্তি আরম্মণপচ্চযা – পটিসন্ধিক্খণে ৰত্থুং পটিচ্চ চিত্তঞ্চ সম্পযুত্তকা চ খন্ধা. (৩)

চেতসিকঞ্চ অচেতসিকঞ্চ ধম্মং পটিচ্চ চেতসিকো ধম্মো উপ্পজ্জতি আরম্মণপচ্চযা – চেতসিকং একং খন্ধঞ্চ চিত্তঞ্চ পটিচ্চ দ্ৰে খন্ধা, দ্ৰে খন্ধে চ…পে… পটিসন্ধিক্খণে চেতসিকং একং খন্ধঞ্চ চিত্তঞ্চ পটিচ্চ দ্ৰে খন্ধা, দ্ৰে খন্ধে চ…পে… পটিসন্ধিক্খণে চেতসিকং একং খন্ধঞ্চ ৰত্থুঞ্চ পটিচ্চ দ্ৰে খন্ধা, দ্ৰে খন্ধে চ…পে…. (১)

চেতসিকঞ্চ অচেতসিকঞ্চ ধম্মং পটিচ্চ অচেতসিকো ধম্মো উপ্পজ্জতি আরম্মণপচ্চযা – পটিসন্ধিক্খণে চেতসিকে খন্ধে চ ৰত্থুঞ্চ পটিচ্চ চিত্তং. (২)

চেতসিকঞ্চ অচেতসিকঞ্চ ধম্মং পটিচ্চ চেতসিকো চ অচেতসিকো চ ধম্মা উপ্পজ্জন্তি আরম্মণপচ্চযা – পটিসন্ধিক্খণে চেতসিকং একং খন্ধঞ্চ ৰত্থুঞ্চ পটিচ্চ দ্ৰে খন্ধা চিত্তঞ্চ, দ্ৰে খন্ধে চ…পে…. (৩)

অধিপতিপচ্চযো

৯৭. চেতসিকং ধম্মং পটিচ্চ চেতসিকো ধম্মো উপ্পজ্জতি অধিপতিপচ্চযা (সংখিত্তং).