১. ৰিভঙ্গৰারো

হেতুপচ্চযো

৫০. চিত্তং ধম্মং পটিচ্চ নোচিত্তো ধম্মো উপ্পজ্জতি হেতুপচ্চযা – চিত্তং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং; পটিসন্ধিক্খণে চিত্তং পটিচ্চ সম্পযুত্তকা খন্ধা কটত্তা চ রূপং. (১)

নোচিত্তং ধম্মং পটিচ্চ নোচিত্তো ধম্মো উপ্পজ্জতি হেতুপচ্চযা – নোচিত্তং একং খন্ধং পটিচ্চ দ্ৰে খন্ধা চিত্তসমুট্ঠানঞ্চ রূপং, দ্ৰে খন্ধে পটিচ্চ একো খন্ধো চিত্তসমুট্ঠানঞ্চ রূপং; পটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং পটিচ্চ…পে…. (১)

নোচিত্তং ধম্মং পটিচ্চ চিত্তো ধম্মো উপ্পজ্জতি হেতুপচ্চযা – নোচিত্তে খন্ধে পটিচ্চ চিত্তং; পটিসন্ধিক্খণে নোচিত্তে খন্ধে পটিচ্চ চিত্তং; পটিসন্ধিক্খণে ৰত্থুং পটিচ্চ চিত্তং. (২)

নোচিত্তং ধম্মং পটিচ্চ চিত্তো চ নোচিত্তো চ ধম্মা উপ্পজ্জন্তি হেতুপচ্চযা – নোচিত্তং একং খন্ধং পটিচ্চ দ্ৰে খন্ধা চিত্তঞ্চ চিত্তসমুট্ঠানঞ্চ রূপং, দ্ৰে খন্ধে…পে… পটিসন্ধিক্খণে নোচিত্তং একং খন্ধং পটিচ্চ দ্ৰে খন্ধা চিত্তঞ্চ কটত্তা চ রূপং, দ্ৰে খন্ধে পটিচ্চ একো খন্ধো চিত্তঞ্চ কটত্তা চ রূপং; পটিসন্ধিক্খণে ৰত্থুং পটিচ্চ চিত্তঞ্চ সম্পযুত্তকা চ খন্ধা. (৩)

চিত্তঞ্চ নোচিত্তঞ্চ ধম্মং পটিচ্চ নোচিত্তো ধম্মো উপ্পজ্জতি হেতুপচ্চযা – নোচিত্তং একং খন্ধঞ্চ চিত্তঞ্চ পটিচ্চ দ্ৰে খন্ধা চিত্তসমুট্ঠানঞ্চ রূপং, দ্ৰে খন্ধে চ…পে… চিত্তঞ্চ মহাভূতে চ পটিচ্চ চিত্তসমুট্ঠানং রূপং; পটিসন্ধিক্খণে নোচিত্তং একং খন্ধঞ্চ চিত্তঞ্চ পটিচ্চ দ্ৰে খন্ধা কটত্তা চ রূপং, দ্ৰে খন্ধে…পে… পটিসন্ধিক্খণে চিত্তঞ্চ ৰত্থুঞ্চ পটিচ্চ নোচিত্তা খন্ধা; পটিসন্ধিক্খণে চিত্তঞ্চ মহাভূতে চ পটিচ্চ কটত্তারূপং. (১)

আরম্মণপচ্চযো

৫১. চিত্তং ধম্মং পটিচ্চ নোচিত্তো ধম্মো উপ্পজ্জতি আরম্মণপচ্চযা – চিত্তং পটিচ্চ সম্পযুত্তকা খন্ধা; পটিসন্ধিক্খণে…পে…. (১)

নোচিত্তং ধম্মং পটিচ্চ নোচিত্তো ধম্মো উপ্পজ্জতি আরম্মণপচ্চযা – নোচিত্তং একং খন্ধং পটিচ্চ দ্ৰে খন্ধা, দ্ৰে খন্ধে…পে… পটিসন্ধিক্খণে…পে… পটিসন্ধিক্খণে ৰত্থুং পটিচ্চ খন্ধা. (১)

নোচিত্তং ধম্মং পটিচ্চ চিত্তো ধম্মো উপ্পজ্জতি আরম্মণপচ্চযা – নোচিত্তে খন্ধে পটিচ্চ চিত্তং; পটিসন্ধিক্খণে নোচিত্তে খন্ধে পটিচ্চ চিত্তং; পটিসন্ধিক্খণে ৰত্থুং পটিচ্চ চিত্তং. (২)

নোচিত্তং ধম্মং পটিচ্চ চিত্তো চ নোচিত্তো চ ধম্মা উপ্পজ্জন্তি আরম্মণপচ্চযা – নোচিত্তং একং খন্ধং পটিচ্চ দ্ৰে খন্ধা চিত্তঞ্চ, দ্ৰে খন্ধে পটিচ্চ…পে… পটিসন্ধিক্খণে নোচিত্তং একং খন্ধং পটিচ্চ দ্ৰে খন্ধা চিত্তঞ্চ, দ্ৰে খন্ধে…পে… পটিসন্ধিক্খণে ৰত্থুং পটিচ্চ চিত্তঞ্চ সম্পযুত্তকা চ খন্ধা. (৩)

চিত্তঞ্চ নোচিত্তঞ্চ ধম্মং পটিচ্চ নোচিত্তো ধম্মো উপ্পজ্জতি আরম্মণপচ্চযা – নোচিত্তং একং খন্ধঞ্চ চিত্তঞ্চ পটিচ্চ দ্ৰে খন্ধা, দ্ৰে খন্ধে চ…পে… পটিসন্ধিক্খণে…পে… পটিসন্ধিক্খণে চিত্তঞ্চ ৰত্থুঞ্চ পটিচ্চ নোচিত্তা খন্ধা. (১) (সংখিত্তং).