১. ৰিভঙ্গৰারো

হেতুপচ্চযো

৪৪৫. উপাদিন্নো ধম্মো উপাদিন্নস্স ধম্মস্স হেতুপচ্চযেন পচ্চযো – উপাদিন্না হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে উপাদিন্না হেতূ সম্পযুত্তকানং খন্ধানং কটত্তা চ রূপানং হেতুপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স হেতুপচ্চযেন পচ্চযো – উপাদিন্না হেতূ চিত্তসমুট্ঠানানং রূপানং হেতুপচ্চযেন পচ্চযো. (২)

উপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স হেতুপচ্চযেন পচ্চযো – উপাদিন্না হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

অনুপাদিন্নো ধম্মো অনুপাদিন্নস্স ধম্মস্স হেতুপচ্চযেন পচ্চযো – অনুপাদিন্না হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (১)

আরম্মণপচ্চযো

৪৪৬. উপাদিন্নো ধম্মো উপাদিন্নস্স ধম্মস্স আরম্মণপচ্চযেন পচ্চযো – চক্খুং…পে… কাযং উপাদিন্নে রূপে… গন্ধে… রসে… ফোট্ঠব্বে… ৰত্থুং উপাদিন্নে খন্ধে অনিচ্চতো…পে… দোমনস্সং উপ্পজ্জতি; কুসলাকুসলে নিরুদ্ধে ৰিপাকো তদারম্মণতা উপ্পজ্জতি, উপাদিন্নং রূপাযতনং চক্খুৰিঞ্ঞাণস্স…পে… উপাদিন্নং গন্ধাযতনং ঘানৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স আরম্মণপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স আরম্মণপচ্চযেন পচ্চযো – চক্খুং…পে… কাযং উপাদিন্নে রূপে… গন্ধে… রসে… ফোট্ঠব্বে… ৰত্থুং উপাদিন্নে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা উপাদিন্নং রূপং পস্সতি. চেতোপরিযঞাণেন উপাদিন্নচিত্তসমঙ্গিস্স চিত্তং জানাতি, উপাদিন্না খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (২)

৪৪৭. অনুপাদিন্নো ধম্মো অনুপাদিন্নস্স ধম্মস্স আরম্মণপচ্চযেন পচ্চযো – দানং …পে… সীলং…পে… উপোসথকম্মং কত্ৰা তং পচ্চৰেক্খতি অস্সাদেতি অভিনন্দতি, তং আরব্ভ রাগো…পে… দোমনস্সং উপ্পজ্জতি; পুব্বে সুচিণ্ণানি…পে… ঝানা…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং…পে… নিব্বানং…পে… নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো. অরিযা পহীনে কিলেসে…পে… ৰিক্খম্ভিতে কিলেসে…পে… পুব্বে…পে… অনুপাদিন্নে রূপে… সদ্দে… গন্ধে… রসে… ফোট্ঠব্বে অনুপাদিন্নে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা অনুপাদিন্নং রূপং পস্সতি, দিব্বায সোতধাতুযা সদ্দং সুণাতি. চেতোপরিযঞাণেন অনুপাদিন্নচিত্তসমঙ্গিস্স চিত্তং জানাতি, আকাসানঞ্চাযতনং…পে… আকিঞ্চঞ্ঞাযতনং…পে… অনুপাদিন্না খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অনুপাদিন্নো ধম্মো উপাদিন্নস্স ধম্মস্স আরম্মণপচ্চযেন পচ্চযো – অনুপাদিন্নে রূপে… সদ্দে… গন্ধে… রসে… ফোট্ঠব্বে অনুপাদিন্নে খন্ধে অনিচ্চতো…পে… দোমনস্সং উপ্পজ্জতি; কুসলাকুসলে নিরুদ্ধে ৰিপাকো তদারম্মণতা উপ্পজ্জতি, আকাসানঞ্চাযতনকুসলং ৰিঞ্ঞাণঞ্চাযতনৰিপাকস্স…পে… আকিঞ্চঞ্ঞাযতনকুসলং…পে… অনুপাদিন্নং রূপাযতনং চক্খুৰিঞ্ঞাণস্স…পে… সদ্দাযতনং…পে… ফোট্ঠব্বাযতনং কাযৰিঞ্ঞাণস্স আরম্মণপচ্চযেন পচ্চযো. (২)

অধিপতিপচ্চযো

৪৪৮. উপাদিন্নো ধম্মো অনুপাদিন্নস্স ধম্মস্স অধিপতিপচ্চযেন পচ্চযো. আরম্মণাধিপতি – চক্খুং…পে… কাযং উপাদিন্নে রূপে… গন্ধে… রসে… ফোট্ঠব্বে… ৰত্থুং উপাদিন্নে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (১)

অনুপাদিন্নো ধম্মো অনুপাদিন্নস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি, পুব্বে…পে… ঝানা…পে… অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, ফলং…পে… নিব্বানং গরুং কত্ৰা পচ্চৰেক্খন্তি. নিব্বানং গোত্রভুস্স, ৰোদানস্স, মগ্গস্স, ফলস্স, অধিপতিপচ্চযেন পচ্চযো; অনুপাদিন্নে রূপে… সদ্দে… গন্ধে… রসে… ফোট্ঠব্বে অনুপাদিন্নে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – অনুপাদিন্নাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

অনন্তরপচ্চযো

৪৪৯. উপাদিন্নো ধম্মো উপাদিন্নস্স ধম্মস্স অনন্তরপচ্চযেন পচ্চযো – পুরিমা পুরিমা উপাদিন্না খন্ধা পচ্ছিমানং পচ্ছিমানং উপাদিন্নানং খন্ধানং অনন্তরপচ্চযেন পচ্চযো. পঞ্চৰিঞ্ঞাণং ৰিপাকমনোধাতুযা অনন্তরপচ্চযেন পচ্চযো. ৰিপাকমনোধাতু ৰিপাকমনোৰিঞ্ঞাণধাতুযা অনন্তরপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স অনন্তরপচ্চযেন পচ্চযো – ভৰঙ্গং আৰজ্জনায, ৰিপাকমনোৰিঞ্ঞাণধাতু কিরিযমনোৰিঞ্ঞাণধাতুযা অনন্তরপচ্চযেন পচ্চযো. (২)

৪৫০. অনুপাদিন্নো ধম্মো অনুপাদিন্নস্স ধম্মস্স অনন্তরপচ্চযেন পচ্চযো – পুরিমা পুরিমা অনুপাদিন্না খন্ধা পচ্ছিমানং পচ্ছিমানং অনুপাদিন্নানং খন্ধানং অনন্তরপচ্চযেন পচ্চযো, অনুলোমং গোত্রভুস্স…পে… ফলসমাপত্তিযা অনন্তরপচ্চযেন পচ্চযো. (১)

অনুপাদিন্নো ধম্মো উপাদিন্নস্স ধম্মস্স অনন্তরপচ্চযেন পচ্চযো – আৰজ্জনা পঞ্চন্নং ৰিঞ্ঞাণানং…পে… অনুপাদিন্না খন্ধা ৰুট্ঠানস্স অনন্তরপচ্চযেন পচ্চযো… সমনন্তরপচ্চযেন পচ্চযো… সহজাতপচ্চযেন পচ্চযো… পঞ্চ (পটিচ্চসদিসা)… অঞ্ঞমঞ্ঞপচ্চযেন পচ্চযো… দ্ৰে (পটিচ্চসদিসা)… নিস্সযপচ্চযেন পচ্চযো (পচ্চযৰারে নিস্সযসদিসা) পঞ্চ.

উপনিস্সযপচ্চযো

৪৫১. উপাদিন্নো ধম্মো উপাদিন্নস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং কাযিকস্স সুখস্স… কাযিকস্স দুক্খস্স উপনিস্সযপচ্চযেন পচ্চযো; কাযিকং দুক্খং… উপাদিন্নং উতু… ভোজনং কাযিকস্স সুখস্স… কাযিকস্স দুক্খস্স উপনিস্সযপচ্চযেন পচ্চযো; কাযিকং সুখং… কাযিকং দুক্খং… উতু… ভোজনং… কাযিকস্স সুখস্স… কাযিকস্স দুক্খস্স উপনিস্সযপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং উপনিস্সায দানং দেতি…পে… সঙ্ঘং ভিন্দতি; কাযিকং দুক্খং… উপাদিন্নং উতুং… ভোজনং উপনিস্সায দানং দেতি…পে… সমাপত্তিং উপ্পাদেতি; পাণং হনতি…পে… সঙ্ঘং ভিন্দতি; কাযিকং সুখং… কাযিকং দুক্খং… উতু… ভোজনং সদ্ধায…পে… পত্থনায মগ্গস্স, ফলসমাপত্তিযা উপনিস্সযপচ্চযেন পচ্চযো. (২)

৪৫২. অনুপাদিন্নো ধম্মো অনুপাদিন্নস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি, মানং জপ্পেতি, দিট্ঠিং গণ্হাতি; সীলং…পে… পত্থনং… উতুং… ভোজনং… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… পত্থনা… উতু… ভোজনং… সেনাসনং সদ্ধায…পে… পত্থনায মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

অনুপাদিন্নো ধম্মো উপাদিন্নস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায অত্তানং আতাপেতি পরিতাপেতি, পরিযিট্ঠিমূলকং দুক্খং পচ্চনুভোতি; সীলং…পে… পত্থনং… উতুং… ভোজনং… সেনাসনং উপনিস্সায অত্তানং আতাপেতি পরিতাপেতি, পরিযিট্ঠিমূলকং দুক্খং পচ্চনুভোতি; সদ্ধা…পে… সেনাসনং কাযিকস্স সুখস্স… কাযিকস্স দুক্খস্স উপনিস্সযপচ্চযেন পচ্চযো. কুসলাকুসলং কম্মং ৰিপাকস্স উপনিস্সযপচ্চযেন পচ্চযো. (২)

পুরেজাতপচ্চযো

৪৫৩. উপাদিন্নো ধম্মো উপাদিন্নস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… কাযং উপাদিন্নে রূপে… গন্ধে… রসে… ফোট্ঠব্বে… ৰত্থুং অনিচ্চতো…পে… দোমনস্সং উপ্পজ্জতি; কুসলাকুসলে নিরুদ্ধে ৰিপাকো তদারম্মণতা উপ্পজ্জতি, উপাদিন্নং রূপাযতনং চক্খুৰিঞ্ঞাণস্স…পে… গন্ধাযতনং…পে… ফোট্ঠব্বাযতনং কাযৰিঞ্ঞাণস্স…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু উপাদিন্নানং খন্ধানং পুরেজাতপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… কাযং, উপাদিন্নে রূপে… গন্ধে… রসে… ফোট্ঠব্বে ৰত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা উপাদিন্নং রূপং পস্সতি. ৰত্থুপুরেজাতং – ৰত্থু অনুপাদিন্নানং খন্ধানং পুরেজাতপচ্চযেন পচ্চযো. (২)

৪৫৪. অনুপাদিন্নো ধম্মো অনুপাদিন্নস্স ধম্মস্স পুরেজাতপচ্চযেন পচ্চযো. আরম্মণপুরেজাতং – অনুপাদিন্নে রূপে… সদ্দে… গন্ধে… রসে… ফোট্ঠব্বে অনিচ্চতো…পে… দোমনস্সং উপ্পজ্জতি; দিব্বেন চক্খুনা অনুপাদিন্নং রূপং পস্সতি, দিব্বায সোতধাতুযা সদ্দং সুণাতি. (১)

অনুপাদিন্নো ধম্মো উপাদিন্নস্স ধম্মস্স পুরেজাতপচ্চযেন পচ্চযো. আরম্মণপুরেজাতং – অনুপাদিন্নে রূপে… সদ্দে… গন্ধে… রসে… ফোট্ঠব্বে অনিচ্চতো…পে… দোমনস্সং উপ্পজ্জতি; কুসলাকুসলে নিরুদ্ধে ৰিপাকো তদারম্মণতা উপ্পজ্জতি, অনুপাদিন্নং রূপাযতনং চক্খুৰিঞ্ঞাণস্স…পে… সদ্দাযতনং…পে… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. (২)

উপাদিন্নো চ অনুপাদিন্নো চ ধম্মা উপাদিন্নস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. অনুপাদিন্নং রূপাযতনঞ্চ চক্খাযতনঞ্চ চক্খুৰিঞ্ঞাণস্স…পে… সদ্দাযতনঞ্চ সোতাযতনঞ্চ…পে… ফোট্ঠব্বাযতনঞ্চ কাযাযতনঞ্চ কাযৰিঞ্ঞাণস্স পুরেজাতপচ্চযেন পচ্চযো; অনুপাদিন্নং রূপাযতনঞ্চ ৰত্থু চ…পে… ফোট্ঠব্বাযতনঞ্চ ৰত্থু চ উপাদিন্নানং খন্ধানং পুরেজাতপচ্চযেন পচ্চযো. (১)

উপাদিন্নো চ অনুপাদিন্নো চ ধম্মা অনুপাদিন্নস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. অনুপাদিন্নং রূপাযতনঞ্চ ৰত্থু চ…পে… ফোট্ঠব্বাযতনঞ্চ ৰত্থু চ অনুপাদিন্নানং খন্ধানং পুরেজাতপচ্চযেন পচ্চযো. (২)

পচ্ছাজাতাসেৰনপচ্চযা

৪৫৫. উপাদিন্নো ধম্মো উপাদিন্নস্স ধম্মস্স পচ্ছাজাতপচ্চযেন পচ্চযো – পচ্ছাজাতা উপাদিন্না খন্ধা পুরেজাতস্স ইমস্স উপাদিন্নস্স কাযস্স পচ্ছাজাতপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স পচ্ছাজাতপচ্চযেন পচ্চযো – পচ্ছাজাতা উপাদিন্না খন্ধা পুরেজাতস্স ইমস্স অনুপাদিন্নস্স কাযস্স পচ্ছাজাতপচ্চযেন পচ্চযো. (২)

উপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স পচ্ছাজাতপচ্চযেন পচ্চযো (সংখিত্তং). (৩)

অনুপাদিন্নো ধম্মো অনুপাদিন্নস্স ধম্মস্স পচ্ছাজাতপচ্চযেন পচ্চযো (সংখিত্তং). (১)

অনুপাদিন্নো ধম্মো উপাদিন্নস্স ধম্মস্স পচ্ছাজাতপচ্চযেন পচ্চযো (সংখিত্তং). (২)

অনুপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স পচ্ছাজাতপচ্চযেন পচ্চযো (সংখিত্তং). (৩)

৪৫৬. অনুপাদিন্নো ধম্মো অনুপাদিন্নস্স ধম্মস্স আসেৰনপচ্চযেন পচ্চযো… একং (সংখিত্তং).

কম্মপচ্চযো

৪৫৭. উপাদিন্নো ধম্মো উপাদিন্নস্স ধম্মস্স কম্মপচ্চযেন পচ্চযো – উপাদিন্না চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে উপাদিন্না চেতনা সম্পযুত্তকানং খন্ধানং কটত্তা চ রূপানং কম্মপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স কম্মপচ্চযেন পচ্চযো – উপাদিন্না চেতনা চিত্তসমুট্ঠানানং রূপানং কম্মপচ্চযেন পচ্চযো. (২)

উপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স কম্মপচ্চযেন পচ্চযো – উপাদিন্না চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

অনুপাদিন্নো ধম্মো অনুপাদিন্নস্স ধম্মস্স কম্মপচ্চযেন পচ্চযো – অনুপাদিন্না চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (১)

অনুপাদিন্নো ধম্মো উপাদিন্নস্স ধম্মস্স কম্মপচ্চযেন পচ্চযো. নানাক্খণিকা – অনুপাদিন্না চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (২)

ৰিপাকপচ্চযো

৪৫৮. উপাদিন্নো ধম্মো উপাদিন্নস্স ধম্মস্স ৰিপাকপচ্চযেন পচ্চযো – উপাদিন্নো একো খন্ধো (সংখিত্তং. উপাদিন্নমূলকে তীণি. ).

অনুপাদিন্নো ধম্মো অনুপাদিন্নস্স ধম্মস্স ৰিপাকপচ্চযেন পচ্চযো – ৰিপাকো অনুপাদিন্নো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং ৰিপাকপচ্চযেন পচ্চযো…পে… দ্ৰে খন্ধা…পে…. (১)

আহারপচ্চযো

৪৫৯. উপাদিন্নো ধম্মো উপাদিন্নস্স ধম্মস্স আহারপচ্চযেন পচ্চযো – উপাদিন্না আহারা সম্পযুত্তকানং খন্ধানং আহারপচ্চযেন পচ্চযো; পটিসন্ধিক্খণে…পে… উপাদিন্নো কবল়ীকারো আহারো ইমস্স উপাদিন্নস্স কাযস্স আহারপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স আহারপচ্চযেন পচ্চযো – উপাদিন্না আহারা চিত্তসমুট্ঠানানং রূপানং আহারপচ্চযেন পচ্চযো; উপাদিন্নো কবল়ীকারো আহারো ইমস্স অনুপাদিন্নস্স কাযস্স আহারপচ্চযেন পচ্চযো. (২)

উপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স আহারপচ্চযেন পচ্চযো – উপাদিন্না আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো; উপাদিন্নো কবল়ীকারো আহারো ইমস্স উপাদিন্নস্স চ অনুপাদিন্নস্স চ কাযস্স আহারপচ্চযেন পচ্চযো. (৩)

৪৬০. অনুপাদিন্নো ধম্মো অনুপাদিন্নস্স ধম্মস্স আহারপচ্চযেন পচ্চযো – অনুপাদিন্না আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো; অনুপাদিন্নো কবল়ীকারো আহারো ইমস্স অনুপাদিন্নস্স কাযস্স আহারপচ্চযেন পচ্চযো. (১)

অনুপাদিন্নো ধম্মো উপাদিন্নস্স ধম্মস্স আহারপচ্চযেন পচ্চযো – অনুপাদিন্নো কবল়ীকারো আহারো ইমস্স উপাদিন্নস্স কাযস্স আহারপচ্চযেন পচ্চযো. (২)

অনুপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স আহারপচ্চযেন পচ্চযো – অনুপাদিন্নো কবল়ীকারো আহারো ইমস্স উপাদিন্নস্স চ অনুপাদিন্নস্স চ কাযস্স আহারপচ্চযেন পচ্চযো. (৩)

উপাদিন্নো চ অনুপাদিন্নো চ ধম্মা উপাদিন্নস্স ধম্মস্স আহারপচ্চযেন পচ্চযো – উপাদিন্নো চ অনুপাদিন্নো চ কবল়ীকারো আহারো ইমস্স উপাদিন্নস্স কাযস্স আহারপচ্চযেন পচ্চযো. (১)

উপাদিন্নো চ অনুপাদিন্নো চ ধম্মা অনুপাদিন্নস্স ধম্মস্স আহারপচ্চযেন পচ্চযো – উপাদিন্নো চ অনুপাদিন্নো চ কবল়ীকারো আহারো ইমস্স অনুপাদিন্নস্স কাযস্স আহারপচ্চযেন পচ্চযো. (২)

উপাদিন্নো চ অনুপাদিন্নো চ ধম্মা উপাদিন্নস্স চ অনুপাদিন্নস্স চ ধম্মস্স আহারপচ্চযেন পচ্চযো – উপাদিন্নো চ অনুপাদিন্নো চ কবল়ীকারো আহারো ইমস্স উপাদিন্নস্স চ অনুপাদিন্নস্স চ কাযস্স আহারপচ্চযেন পচ্চযো. (৩)

ইন্দ্রিযপচ্চযাদি

৪৬১. উপাদিন্নো ধম্মো উপাদিন্নস্স ধম্মস্স ইন্দ্রিযপচ্চযেন পচ্চযো – উপাদিন্না ইন্দ্রিযা সম্পযুত্তকানং খন্ধানং ইন্দ্রিযপচ্চযেন পচ্চযো. (১)

পটিসন্ধিক্খণে উপাদিন্না ইন্দ্রিযা সম্পযুত্তকানং খন্ধানং কটত্তা চ রূপানং ইন্দ্রিযপচ্চযেন পচ্চযো; চক্খুন্দ্রিযং চক্খুৰিঞ্ঞাণস্স…পে… কাযিন্দ্রিযং কাযৰিঞ্ঞাণস্স…পে… রূপজীৰিতিন্দ্রিযং কটত্তারূপানং ইন্দ্রিযপচ্চযেন পচ্চযো. (২)

উপাদিন্নো ধম্মো অনুপাদিন্নস্স ধম্মস্স…পে… (উপাদিন্নমূলকে তীণি, পঠমস্সেৰ রূপজীৰিতিন্দ্রিযং, ইতরেসু নত্থি). (৩)

অনুপাদিন্নো ধম্মো অনুপাদিন্নস্স ধম্মস্স ইন্দ্রিযপচ্চযেন পচ্চযো – অনুপাদিন্না ইন্দ্রিযা সম্পযুত্তকানং খন্ধানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো. (১)

উপাদিন্নো ধম্মো উপাদিন্নস্স ধম্মস্স ঝানপচ্চযেন পচ্চযো… চত্তারি, মগ্গপচ্চযেন পচ্চযো… চত্তারি, সম্পযুত্তপচ্চযেন পচ্চযো… দ্ৰে.

ৰিপ্পযুত্তপচ্চযো

৪৬২. উপাদিন্নো ধম্মো উপাদিন্নস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতং – পটিসন্ধিক্খণে উপাদিন্না খন্ধা কটত্তারূপানং ৰিপ্পযুত্তপচ্চযেন পচ্চযো, খন্ধা ৰত্থুস্স ৰিপ্পযুত্তপচ্চযেন পচ্চযো, ৰত্থু খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু উপাদিন্নানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – উপাদিন্না খন্ধা পুরেজাতস্স ইমস্স উপাদিন্নস্স কাযস্স ৰিপ্পযুত্তপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – উপাদিন্না খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পুরেজাতং – ৰত্থু অনুপাদিন্নানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – উপাদিন্না খন্ধা পুরেজাতস্স ইমস্স অনুপাদিন্নস্স কাযস্স ৰিপ্পযুত্তপচ্চযেন পচ্চযো. (২)

উপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স ৰিপ্পযুত্তপচ্চযেন পচ্চযো. পচ্ছাজাতা – উপাদিন্না খন্ধা পুরেজাতস্স ইমস্স উপাদিন্নস্স চ অনুপাদিন্নস্স চ কাযস্স ৰিপ্পযুত্তপচ্চযেন পচ্চযো. (৩)

৪৬৩. অনুপাদিন্নো ধম্মো অনুপাদিন্নস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অনুপাদিন্না খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পচ্ছাজাতা – অনুপাদিন্না খন্ধা পুরেজাতস্স ইমস্স অনুপাদিন্নস্স কাযস্স ৰিপ্পযুত্তপচ্চযেন পচ্চযো. (১)

অনুপাদিন্নো ধম্মো উপাদিন্নস্স ধম্মস্স ৰিপ্পযুত্তপচ্চযেন পচ্চযো. পচ্ছাজাতা – অনুপাদিন্না খন্ধা পুরেজাতস্স ইমস্স উপাদিন্নস্স কাযস্স ৰিপ্পযুত্তপচ্চযেন পচ্চযো. (২)

অনুপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স ৰিপ্পযুত্তপচ্চযেন পচ্চযো. পচ্ছাজাতা – অনুপাদিন্না খন্ধা পুরেজাতস্স ইমস্স উপাদিন্নস্স চ অনুপাদিন্নস্স চ কাযস্স ৰিপ্পযুত্তপচ্চযেন পচ্চযো. (৩)

অত্থিপচ্চযাদি

৪৬৪. উপাদিন্নো ধম্মো উপাদিন্নস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং. যথা নিক্খিত্তপদানি ৰিভজিতব্বানি পরিপুণ্ণানি). (১)

উপাদিন্নো ধম্মো অনুপাদিন্নস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং (সংখিত্তং, যথা নিক্খিত্তপদানি ৰিত্থারেতব্বানি. (২)

উপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং (সংখিত্তং, যথা নিক্খিত্তপদানি ৰিত্থারেতব্বানি). (৩)

অনুপাদিন্নো ধম্মো অনুপাদিন্নস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং (সংখিত্তং, যথা নিক্খিত্তপদানি ৰিভজিতব্বানি). (১)

অনুপাদিন্নো ধম্মো উপাদিন্নস্স ধম্মস্স অত্থিপচ্চযেন পচ্চযো – পুরেজাতং, পচ্ছাজাতং, আহারং. পুরেজাতং – অনুপাদিন্নে রূপে… সদ্দে… গন্ধে… রসে… ফোট্ঠব্বে অনিচ্চতো…পে… দোমনস্সং উপ্পজ্জতি; কুসলাকুসলে নিরুদ্ধে ৰিপাকো তদারম্মণতা উপ্পজ্জতি, অনুপাদিন্নং রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে…. পচ্ছাজাতা – অনুপাদিন্না খন্ধা পুরেজাতস্স ইমস্স উপাদিন্নস্স কাযস্স অত্থিপচ্চযেন পচ্চযো; অনুপাদিন্নো কবল়ীকারো আহারো ইমস্স উপাদিন্নস্স কাযস্স অত্থিপচ্চযেন পচ্চযো. (২)

অনুপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স অত্থিপচ্চযেন পচ্চযো – পচ্ছাজাতং, আহারং. পচ্ছাজাতা – অনুপাদিন্না খন্ধা পুরেজাতস্স ইমস্স উপাদিন্নস্স চ অনুপাদিন্নস্স চ কাযস্স অত্থিপচ্চযেন পচ্চযো; অনুপাদিন্নো কবল়ীকারো আহারো ইমস্স উপাদিন্নস্স চ অনুপাদিন্নস্স চ কাযস্স অত্থিপচ্চযেন পচ্চযো. (৩)

৪৬৫. উপাদিন্নো চ অনুপাদিন্নো চ ধম্মা উপাদিন্নস্স ধম্মস্স অত্থিপচ্চযেন পচ্চযো – পুরেজাতং, পচ্ছাজাতং, আহারং, ইন্দ্রিযং. পুরেজাতং – অনুপাদিন্নং রূপাযতনঞ্চ চক্খাযতনঞ্চ চক্খুৰিঞ্ঞাণস্স…পে… অনুপাদিন্নং ফোট্ঠব্বাযতনঞ্চ কাযাযতনঞ্চ কাযৰিঞ্ঞাণস্স অত্থিপচ্চযেন পচ্চযো; অনুপাদিন্নং রূপাযতনঞ্চ ৰত্থু চ…পে… ফোট্ঠব্বাযতনঞ্চ ৰত্থু চ উপাদিন্নানং খন্ধানং অত্থিপচ্চযেন পচ্চযো. পচ্ছাজাতা – উপাদিন্না খন্ধা চ অনুপাদিন্নো কবল়ীকারো আহারো চ ইমস্স উপাদিন্নস্স কাযস্স অত্থিপচ্চযেন পচ্চযো. পচ্ছাজাতা – অনুপাদিন্না খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (১)

উপাদিন্নো চ অনুপাদিন্নো চ ধম্মা অনুপাদিন্নস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং. সহজাতা – উপাদিন্না খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো. সহজাতো – অনুপাদিন্নো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে…. পুরেজাতং – অনুপাদিন্নং রূপাযতনঞ্চ ৰত্থু চ অনুপাদিন্নানং খন্ধানং অত্থিপচ্চযেন পচ্চযো…পে… ফোট্ঠব্বাযতনঞ্চ ৰত্থু চ অনুপাদিন্নানং খন্ধানং অত্থিপচ্চযেন পচ্চযো. পচ্ছাজাতা – উপাদিন্না খন্ধা চ অনুপাদিন্নো কবল়ীকারো আহারো চ ইমস্স অনুপাদিন্নস্স কাযস্স অত্থিপচ্চযেন পচ্চযো. (২)

উপাদিন্নো চ অনুপাদিন্নো চ ধম্মা উপাদিন্নস্স চ অনুপাদিন্নস্স চ ধম্মস্স অত্থিপচ্চযেন পচ্চযো. আহারং – উপাদিন্নো চ অনুপাদিন্নো চ কবল়ীকারো আহারো ইমস্স উপাদিন্নস্স চ অনুপাদিন্নস্স চ কাযস্স অত্থিপচ্চযেন পচ্চযো. (৩)

নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো.