১. ৰিভঙ্গৰারো

নহেতুপচ্চযো

৪৩৮. উপাদিন্নং ধম্মং পচ্চযা উপাদিন্নো ধম্মো উপ্পজ্জতি নহেতুপচ্চযা – অহেতুকং উপাদিন্নং একং খন্ধং পচ্চযা তযো খন্ধা…পে… দ্ৰে খন্ধে…পে… অহেতুকপটিসন্ধিক্খণে…পে… খন্ধে পচ্চযা ৰত্থু, ৰত্থুং পচ্চযা খন্ধা, একং মহাভূতং…পে… মহাভূতে পচ্চযা কটত্তারূপং উপাদারূপং, অসঞ্ঞসত্তানং একং মহাভূতং…পে… চক্খাযতনং পচ্চযা চক্খুৰিঞ্ঞাণং…পে… কাযাযতনং…পে… ৰত্থুং পচ্চযা অহেতুকা উপাদিন্না খন্ধা. (১)

উপাদিন্নং ধম্মং পচ্চযা অনুপাদিন্নো ধম্মো উপ্পজ্জতি নহেতুপচ্চযা – অহেতুকে উপাদিন্নে খন্ধে পচ্চযা চিত্তসমুট্ঠানং রূপং, ৰত্থুং পচ্চযা অহেতুকা অনুপাদিন্না খন্ধা, ৰত্থুং পচ্চযা ৰিচিকিচ্ছাসহগতো উদ্ধচ্চসহগতো মোহো. (২)

উপাদিন্নং ধম্মং পচ্চযা উপাদিন্নো চ অনুপাদিন্নো চ ধম্মা উপ্পজ্জন্তি নহেতুপচ্চযা – অহেতুকং উপাদিন্নং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

৪৩৯. অনুপাদিন্নং ধম্মং পচ্চযা অনুপাদিন্নো ধম্মো উপ্পজ্জতি নহেতুপচ্চযা – অহেতুকং অনুপাদিন্নং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… একং মহাভূতং…পে… বাহিরং… আহারসমুট্ঠানং… উতুসমুট্ঠানং…পে… ৰিচিকিচ্ছাসহগতে উদ্ধচ্চসহগতে খন্ধে পচ্চযা ৰিচিকিচ্ছাসহগতো উদ্ধচ্চসহগতো মোহো. (১)

উপাদিন্নঞ্চ অনুপাদিন্নঞ্চ ধম্মং পচ্চযা অনুপাদিন্নো ধম্মো উপ্পজ্জতি নহেতুপচ্চযা – অহেতুকে উপাদিন্নে খন্ধে চ মহাভূতে চ পচ্চযা চিত্তসমুট্ঠানং রূপং, অহেতুকং অনুপাদিন্নং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে… ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো. (১) (সংখিত্তং.)