১. ৰিভঙ্গৰারো

হেতুপচ্চযো

৪৩৪. উপাদিন্নং ধম্মং পচ্চযা উপাদিন্নো ধম্মো উপ্পজ্জতি হেতুপচ্চযা – উপাদিন্নং একং খন্ধং পচ্চযা তযো খন্ধা…পে… দ্ৰে খন্ধে…পে… পটিসন্ধিক্খণে উপাদিন্নং একং খন্ধং পচ্চযা তযো খন্ধা কটত্তা চ রূপং…পে… দ্ৰে খন্ধে…পে… খন্ধে পচ্চযা ৰত্থু, ৰত্থুং পচ্চযা খন্ধা, একং মহাভূতং…পে… মহাভূতে পচ্চযা কটত্তারূপং উপাদারূপং, ৰত্থুং পচ্চযা উপাদিন্না খন্ধা. (১)

উপাদিন্নং ধম্মং পচ্চযা অনুপাদিন্নো ধম্মো উপ্পজ্জতি হেতুপচ্চযা – উপাদিন্নে খন্ধে পচ্চযা চিত্তসমুট্ঠানং রূপং, ৰত্থুং পচ্চযা অনুপাদিন্না খন্ধা. (২)

উপাদিন্নং ধম্মং পচ্চযা উপাদিন্নো চ অনুপাদিন্নো চ ধম্মা উপ্পজ্জন্তি হেতুপচ্চযা – উপাদিন্নং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

অনুপাদিন্নং ধম্মং পচ্চযা অনুপাদিন্নো ধম্মো উপ্পজ্জতি হেতুপচ্চযা – অনুপাদিন্নং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… একং মহাভূতং…পে… মহাভূতে পচ্চযা চিত্তসমুট্ঠানং রূপং উপাদারূপং. (১)

উপাদিন্নঞ্চ অনুপাদিন্নঞ্চ ধম্মং পচ্চযা অনুপাদিন্নো ধম্মো উপ্পজ্জতি হেতুপচ্চযা – উপাদিন্নে খন্ধে চ মহাভূতে চ পচ্চযা চিত্তসমুট্ঠানং রূপং, অনুপাদিন্নং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে…. (১)

আরম্মণপচ্চযো

৪৩৫. উপাদিন্নং ধম্মং পচ্চযা উপাদিন্নো ধম্মো উপ্পজ্জতি আরম্মণপচ্চযা – উপাদিন্নং একং খন্ধং পচ্চযা তযো খন্ধা…পে… দ্ৰে খন্ধে…পে… পটিসন্ধিক্খণে…পে… ৰত্থুং পচ্চযা খন্ধা, চক্খাযতনং পচ্চযা চক্খুৰিঞ্ঞাণং…পে… কাযাযতনং…পে… ৰত্থুং পচ্চযা উপাদিন্না খন্ধা. (১)

উপাদিন্নং ধম্মং পচ্চযা অনুপাদিন্নো ধম্মো উপ্পজ্জতি আরম্মণপচ্চযা – ৰত্থুং পচ্চযা অনুপাদিন্না খন্ধা. (২)

অনুপাদিন্নং ধম্মং পচ্চযা অনুপাদিন্নো ধম্মো উপ্পজ্জতি আরম্মণপচ্চযা – অনুপাদিন্নং একং খন্ধং পচ্চযা তযো খন্ধা…পে… দ্ৰে খন্ধে…পে…. (১)

উপাদিন্নঞ্চ অনুপাদিন্নঞ্চ ধম্মং পচ্চযা অনুপাদিন্নো ধম্মো উপ্পজ্জতি আরম্মণপচ্চযা – অনুপাদিন্নং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে…. (১)

অধিপতিপচ্চযো

৪৩৬. উপাদিন্নং ধম্মং পচ্চযা অনুপাদিন্নো ধম্মো উপ্পজ্জতি অধিপতিপচ্চযা – ৰত্থুং পচ্চযা অনুপাদিন্না খন্ধা. (১)

অনুপাদিন্নং ধম্মং পচ্চযা অনুপাদিন্নো ধম্মো উপ্পজ্জতি অধিপতিপচ্চযা – অনুপাদিন্নং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… একং মহাভূতং…পে… মহাভূতে পচ্চযা চিত্তসমুট্ঠানং রূপং উপাদারূপং. (১)

উপাদিন্নঞ্চ অনুপাদিন্নঞ্চ ধম্মং পচ্চযা অনুপাদিন্নো ধম্মো উপ্পজ্জতি অধিপতিপচ্চযা – অনুপাদিন্নং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে…. (১) (সংখিত্তং.)