২. সঙ্খ্যাৰারো

সুদ্ধং

৪১০. হেতুযা তীণি, আরম্মণে দ্ৰে, অধিপতিযা চত্তারি, অনন্তরে একং, সমনন্তরে একং, সহজাতে পঞ্চ, অঞ্ঞমঞ্ঞে পঞ্চ, নিস্সযে পঞ্চ, উপনিস্সযে দ্ৰে, পুরেজাতে তীণি, পচ্ছাজাতে তীণি, আসেৰনে একং, কম্মে তীণি, ৰিপাকে তীণি, আহারে ছ, ইন্দ্রিযে সত্ত, ঝানে তীণি, মগ্গে তীণি, সম্পযুত্তে একং, ৰিপ্পযুত্তে চত্তারি, অত্থিযা নৰ, নত্থিযা একং, ৰিগতে একং, অৰিগতে নৰ.

অনুলোমং.

পচ্চনীযুদ্ধারো

৪১১. উপাদা ধম্মো উপাদা ধম্মস্স আহারপচ্চযেন পচ্চযো… ইন্দ্রিযপচ্চযেন পচ্চযো. (১)

উপাদা ধম্মো নোউপাদা ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো. (২)

উপাদা ধম্মো উপাদা ধম্মস্স চ নোউপাদা ধম্মস্স চ আহারপচ্চযেন পচ্চযো… ইন্দ্রিযপচ্চযেন পচ্চযো. (৩)

৪১২. নোউপাদা ধম্মো নোউপাদা ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো. (১)

নোউপাদা ধম্মো উপাদা ধম্মস্স সহজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো. (২)

নোউপাদা ধম্মো উপাদা ধম্মস্স চ নোউপাদা ধম্মস্স চ সহজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো. (৩)

উপাদা চ নোউপাদা চ ধম্মা উপাদা ধম্মস্স পচ্ছাজাতং, আহারং, ইন্দ্রিযং. (১)

উপাদা চ নোউপাদা চ ধম্মা নোউপাদা ধম্মস্স সহজাতং, পুরেজাতং, পচ্ছাজাতং, আহারং, ইন্দ্রিযং. (২)

উপাদা চ নোউপাদা চ ধম্মা উপাদা ধম্মস্স চ নোউপাদা ধম্মস্স চ পচ্ছাজাতং, আহারং, ইন্দ্রিযং. (৩)