১. ৰিভঙ্গৰারো

হেতুপচ্চযো

৩৯৪. নোউপাদা ধম্মো নোউপাদা ধম্মস্স হেতুপচ্চযেন পচ্চযো – নোউপাদা হেতূ সম্পযুত্তকানং খন্ধানং নোউপাদা চ চিত্তসমুট্ঠানানং রূপানং হেতুপচ্চযেন পচ্চযো; পটিসন্ধিক্খণে…পে…. (১)

নোউপাদা ধম্মো উপাদা ধম্মস্স হেতুপচ্চযেন পচ্চযো – নোউপাদা হেতূ উপাদা চিত্তসমুট্ঠানানং রূপানং হেতুপচ্চযেন পচ্চযো; পটিসন্ধিক্খণে…পে…. (২)

নোউপাদা ধম্মো উপাদা চ নোউপাদা চ ধম্মস্স হেতুপচ্চযেন পচ্চযো – নোউপাদা হেতূ সম্পযুত্তকানং খন্ধানং উপাদা চ নোউপাদা চ চিত্তসমুট্ঠানানং রূপানং হেতুপচ্চযেন পচ্চযো; পটিসন্ধিক্খণে…পে…. (৩)

আরম্মণপচ্চযো

৩৯৫. উপাদা ধম্মো নোউপাদা ধম্মস্স আরম্মণপচ্চযেন পচ্চযো – চক্খুং…পে… কাযং… রূপে…পে… রসে ৰত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… রসাযতনং জিৰ্হাৰিঞ্ঞাণস্স আরম্মণপচ্চযেন পচ্চযো, উপাদা খন্ধা ইদ্ধিৰিধঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

নোউপাদা ধম্মো নোউপাদা ধম্মস্স আরম্মণপচ্চযেন পচ্চযো – দানং…পে… সীলং …পে… উপোসথকম্মং কত্ৰা তং পচ্চৰেক্খতি, অস্সাদেতি অভিনন্দতি, তং আরব্ভ রাগো উপ্পজ্জতি…পে… দোমনস্সং উপ্পজ্জতি; পুব্বে…পে… ঝানা…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং…পে… নিব্বানং…পে… নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো. অরিযা পহীনে কিলেসে পচ্চৰেক্খন্তি, ৰিক্খম্ভিতে কিলেসে…পে… পুব্বে…পে… ফোট্ঠব্বে নোউপাদা খন্ধে অনিচ্চতো…পে… দোমনস্সং উপ্পজ্জতি; চেতোপরিযঞাণেন নোউপাদাচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… ফোট্ঠব্বাযতনং কাযৰিঞ্ঞাণস্স আরম্মণপচ্চযেন পচ্চযো; নোউপাদা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অধিপতিপচ্চযো

৩৯৬. উপাদা ধম্মো নোউপাদা ধম্মস্স অধিপতিপচ্চযেন পচ্চযো. আরম্মণাধিপতি – চক্খুং…পে… কাযং… রূপে…পে… রসে ৰত্থুং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (১)

নোউপাদা ধম্মো নোউপাদা ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. পুব্বে সুচিণ্ণানি…পে… ঝানা ৰুট্ঠহিত্ৰা ঝানং…পে… অরিযা মগ্গা ৰুট্ঠহিত্ৰা মগ্গং গরুং কত্ৰা…পে… ফলং…পে… নিব্বানং গরুং কত্ৰা পচ্চৰেক্খন্তি. নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো; ফোট্ঠব্বে নোউপাদা খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – নোউপাদাধিপতি সম্পযুত্তকানং খন্ধানং নোউপাদা চ চিত্তসমুট্ঠানানং রূপানং অধিপতিপচ্চযেন পচ্চযো. (১)

নোউপাদা ধম্মো উপাদা ধম্মস্স অধিপতিপচ্চযেন পচ্চযো. সহজাতাধিপতি – নোউপাদাধিপতি উপাদা চিত্তসমুট্ঠানানং রূপানং অধিপতিপচ্চযেন পচ্চযো. (২)

নোউপাদা ধম্মো উপাদা চ নোউপাদা চ ধম্মস্স অধিপতিপচ্চযেন পচ্চযো. সহজাতাধিপতি – নোউপাদাধিপতি সম্পযুত্তকানং খন্ধানং উপাদা চ নোউপাদা চ চিত্তসমুট্ঠানানং রূপানং অধিপতিপচ্চযেন পচ্চযো. (৩)

অনন্তরপচ্চযাদি

৩৯৭. নোউপাদা ধম্মো নোউপাদা ধম্মস্স অনন্তরপচ্চযেন পচ্চযো – পুরিমা পুরিমা নোউপাদা খন্ধা পচ্ছিমানং পচ্ছিমানং নোউপাদা খন্ধানং অনন্তরপচ্চযেন পচ্চযো; অনুলোমং গোত্রভুস্স…পে… ফলসমাপত্তিযা অনন্তরপচ্চযেন পচ্চযো. (১)

সমনন্তরপচ্চযেন পচ্চযো… সহজাতপচ্চযেন পচ্চযো (পটিচ্চসদিসং)… অঞ্ঞমঞ্ঞপচ্চযেন পচ্চযো (পটিচ্চসদিসং)… নিস্সযপচ্চযেন পচ্চযো (পচ্চযৰারে নিস্সযসদিসং).

উপনিস্সযপচ্চযো

৩৯৮. উপাদা ধম্মো নোউপাদা ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে…. পকতূপনিস্সযো – চক্খুসম্পদং…পে… কাযসম্পদং… ৰণ্ণসম্পদং… সদ্দসম্পদং… গন্ধসম্পদং… রসসম্পদং… ভোজনং উপনিস্সায দানং দেতি…পে… সঙ্ঘং ভিন্দতি, চক্খুসম্পদা…পে… কাযসম্পদা… ৰণ্ণসম্পদা… সদ্দসম্পদা… গন্ধসম্পদা… রসসম্পদা… ভোজনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

নোউপাদা ধম্মো নোউপাদা ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; সীলং…পে… পঞ্ঞং… রাগং …পে… পত্থনং… কাযিকং সুখং… কাযিকং দুক্খং… উতুং… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

পুরেজাতপচ্চযো

৩৯৯. উপাদা ধম্মো নোউপাদা ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… রসাযতনং জিৰ্হাৰিঞ্ঞাণস্স…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং…পে… ৰত্থু নোউপাদা খন্ধানং পুরেজাতপচ্চযেন পচ্চযো. (১)

নোউপাদা ধম্মো নোউপাদা ধম্মস্স পুরেজাতপচ্চযেন পচ্চযো. আরম্মণপুরেজাতং – ফোট্ঠব্বে অনিচ্চতো…পে… দোমনস্সং উপ্পজ্জতি; ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. (১)

উপাদা চ নোউপাদা চ ধম্মা নোউপাদা ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. ফোট্ঠব্বাযতনঞ্চ কাযাযতনঞ্চ কাযৰিঞ্ঞাণস্স পুরেজাতপচ্চযেন পচ্চযো; ফোট্ঠব্বাযতনঞ্চ ৰত্থু চ নোউপাদা খন্ধানং পুরেজাতপচ্চযেন পচ্চযো. (১)

পচ্ছাজাতাসেৰনপচ্চযা

৪০০. নোউপাদা ধম্মো নোউপাদা ধম্মস্স পচ্ছাজাতপচ্চযেন পচ্চযো – পচ্ছাজাতা নোউপাদা খন্ধা পুরেজাতস্স ইমস্স নোউপাদা কাযস্স পচ্ছাজাতপচ্চযেন পচ্চযো. (মূলং পুচ্ছিতব্বং) পচ্ছাজাতা নোউপাদা খন্ধা পুরেজাতস্স ইমস্স উপাদা কাযস্স পচ্ছাজাতপচ্চযেন পচ্চযো. (মূলং পুচ্ছিতব্বং) পচ্ছাজাতা নোউপাদা খন্ধা পুরেজাতস্স ইমস্স উপাদা কাযস্স চ নোউপাদা কাযস্স চ পচ্ছাজাতপচ্চযেন পচ্চযো. (৩)

আসেৰনপচ্চযেন পচ্চযো… একং.

কম্মপচ্চযো

৪০১. নোউপাদা ধম্মো নোউপাদা ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নোউপাদা চেতনা সম্পযুত্তকানং খন্ধানং নোউপাদা চ চিত্তসমুট্ঠানানং রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নোউপাদা চেতনা ৰিপাকানং খন্ধানং নোউপাদা চ কটত্তারূপানং কম্মপচ্চযেন পচ্চযো. (১)

নোউপাদা ধম্মো উপাদা ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নোউপাদা চেতনা উপাদা চিত্তসমুট্ঠানানং রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নোউপাদা চেতনা উপাদা কটত্তারূপানং কম্মপচ্চযেন পচ্চযো. (২)

নোউপাদা ধম্মো উপাদা চ নোউপাদা চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নোউপাদা চেতনা সম্পযুত্তকানং খন্ধানং উপাদা চ নোউপাদা চ চিত্তসমুট্ঠানানং রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নোউপাদা চেতনা ৰিপাকানং খন্ধানং উপাদা চ নোউপাদা চ কটত্তারূপানং কম্মপচ্চযেন পচ্চযো. (৩)

ৰিপাকপচ্চযো

৪০২. নোউপাদা ধম্মো নোউপাদা ধম্মস্স ৰিপাকপচ্চযেন পচ্চযো – ৰিপাকো নোউপাদা একো খন্ধো তিণ্ণন্নং খন্ধানং…পে… দ্ৰে খন্ধা…পে… পটিসন্ধিক্খণে…পে… তীণি.

আহারপচ্চযো

৪০৩. উপাদা ধম্মো উপাদা ধম্মস্স আহারপচ্চযেন পচ্চযো – কবল়ীকারো আহারো ইমস্স উপাদা কাযস্স আহারপচ্চযেন পচ্চযো. (মূলং পুচ্ছিতব্বং) কবল়ীকারো আহারো ইমস্স নোউপাদা কাযস্স আহারপচ্চযেন পচ্চযো. (মূলং পুচ্ছিতব্বং) কবল়ীকারো আহারো ইমস্স উপাদা কাযস্স চ নোউপাদা কাযস্স চ আহারপচ্চযেন পচ্চযো. (৩)

নোউপাদা ধম্মো নোউপাদা ধম্মস্স আহারপচ্চযেন পচ্চযো – নোউপাদা আহারা সম্পযুত্তকানং খন্ধানং নোউপাদা চ চিত্তসমুট্ঠানানং রূপানং আহারপচ্চযেন পচ্চযো; পটিসন্ধিক্খণে…পে… (নোউপাদামূলকে তীণি, পটিসন্ধিক্খণে তীণিপি কাতব্বা). (৩)

ইন্দ্রিযপচ্চযো

৪০৪. উপাদা ধম্মো উপাদা ধম্মস্স ইন্দ্রিযপচ্চযেন পচ্চযো – রূপজীৰিতিন্দ্রিযং উপাদা কটত্তারূপানং ইন্দ্রিযপচ্চযেন পচ্চযো. (মূলং কাতব্বং) চক্খুন্দ্রিযং চক্খুৰিঞ্ঞাণস্স…পে… কাযিন্দ্রিযং কাযৰিঞ্ঞাণস্স রূপজীৰিতিন্দ্রিযং নোউপাদা কটত্তারূপানং ইন্দ্রিযপচ্চযেন পচ্চযো. (মূলং কাতব্বং) রূপজীৰিতিন্দ্রিযং উপাদা চ নোউপাদা চ কটত্তারূপানং ইন্দ্রিযপচ্চযেন পচ্চযো. (৩)

নোউপাদা ধম্মো নোউপাদা ধম্মস্স ইন্দ্রিযপচ্চযেন পচ্চযো… তীণি; পটিসন্ধিক্খণে…পে….

উপাদা চ নোউপাদা চ ধম্মা নোউপাদা ধম্মস্স ইন্দ্রিযপচ্চযেন পচ্চযো – চক্খুন্দ্রিযঞ্চ চক্খুৰিঞ্ঞাণঞ্চ চক্খুৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো…পে… কাযিন্দ্রিযঞ্চ…পে….

ঝানপচ্চযাদি

৪০৫. নো উপাদা ধম্মো নোউপাদা ধম্মস্স ঝানপচ্চযেন পচ্চযো… তীণি, মগ্গপচ্চযেন পচ্চযো… তীণি; পটিসন্ধিক্খণে…পে… সম্পযুত্তপচ্চযেন পচ্চযো… একং.

ৰিপ্পযুত্তপচ্চযো

৪০৬. উপাদা ধম্মো নোউপাদা ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু নোউপাদা খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স…পে… কাযাযতনং…পে… ৰত্থু নোউপাদা খন্ধানং ৰিপ্পযুত্তপচ্চযেন পচ্চযো. (১)

নোউপাদা ধম্মো নোউপাদা ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – নোউপাদা খন্ধা নোউপাদা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে নোউপাদা খন্ধা নোউপাদা কটত্তারূপানং ৰিপ্পযুত্তপচ্চযেন পচ্চযো. পচ্ছাজাতা – নোউপাদা খন্ধা পুরেজাতস্স ইমস্স নোউপাদা কাযস্স ৰিপ্পযুত্তপচ্চযেন পচ্চযো. (১)

নোউপাদা ধম্মো উপাদা ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – নোউপাদা খন্ধা উপাদা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে…পে…. পচ্ছাজাতা – নোউপাদা খন্ধা পুরেজাতস্স ইমস্স উপাদা কাযস্স ৰিপ্পযুত্তপচ্চযেন পচ্চযো. (২)

নোউপাদা ধম্মো উপাদা ধম্মস্স চ নোউপাদা ধম্মস্স চ ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – নোউপাদা খন্ধা উপাদা চ নোউপাদা চ চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে…পে…. পচ্ছাজাতা – নোউপাদা খন্ধা পুরেজাতস্স ইমস্স উপাদা কাযস্স চ নোউপাদা কাযস্স চ ৰিপ্পযুত্তপচ্চযেন পচ্চযো. (৩)

অত্থিপচ্চযো

৪০৭. উপাদা ধম্মো উপাদা ধম্মস্স অত্থিপচ্চযেন পচ্চযো – আহারং, ইন্দ্রিযং. কবল়ীকারো আহারো ইমস্স উপাদা কাযস্স অত্থিপচ্চযেন পচ্চযো; রূপজীৰিতিন্দ্রিযং উপাদা কটত্তারূপানং অত্থিপচ্চযেন পচ্চযো. (১)

উপাদা ধম্মো নোউপাদা ধম্মস্স অত্থিপচ্চযেন পচ্চযো – সহজাতং, পুরেজাতং, আহারং, ইন্দ্রিযং. সহজাতং – পটিসন্ধিক্খণে ৰত্থু নোউপাদা খন্ধানং অত্থিপচ্চযেন পচ্চযো. পুরেজাতং – চক্খুং অনিচ্চতো…পে… (সংখিত্তং. পুরেজাতসদিসং নিন্নানাকরণং). কবল়ীকারো আহারো ইমস্স নোউপাদা কাযস্স অত্থিপচ্চযেন পচ্চযো; রূপজীৰিতিন্দ্রিযং নোউপাদা কটত্তারূপানং অত্থিপচ্চযেন পচ্চযো. (২)

উপাদা ধম্মো উপাদা ধম্মস্স চ নোউপাদা ধম্মস্স চ অত্থিপচ্চযেন পচ্চযো – আহারং, ইন্দ্রিযং. কবল়ীকারো আহারো ইমস্স উপাদা কাযস্স চ নোউপাদা কাযস্স চ অত্থিপচ্চযেন পচ্চযো; রূপজীৰিতিন্দ্রিযং উপাদা চ নোউপাদা চ কটত্তারূপানং অত্থিপচ্চযেন পচ্চযো. (৩)

৪০৮. নোউপাদা ধম্মো নোউপাদা ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং. সহজাতো – নোউপাদা একো খন্ধো তিণ্ণন্নং খন্ধানং নোউপাদা চ চিত্তসমুট্ঠানানং রূপানং অত্থিপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে…পে… একং মহাভূতং তিণ্ণন্নং মহাভূতানং অত্থিপচ্চযেন পচ্চযো …পে… দ্ৰে মহাভূতা দ্ৰিন্নং মহাভূতানং অত্থিপচ্চযেন পচ্চযো (যাৰ অসঞ্ঞসত্তা). পুরেজাতং – ফোট্ঠব্বে অনিচ্চতো…পে… দোমনস্সং উপ্পজ্জতি. ফোট্ঠব্বাযতনং কাযৰিঞ্ঞাণস্স অত্থিপচ্চযেন পচ্চযো. পচ্ছাজাতা – নোউপাদা খন্ধা পুরেজাতস্স ইমস্স নোউপাদা কাযস্স অত্থিপচ্চযেন পচ্চযো. (১)

নোউপাদা ধম্মো উপাদা ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – নোউপাদা খন্ধা উপাদা চিত্তসমুট্ঠানানং রূপানং অত্থিপচ্চযেন পচ্চযো; পটিসন্ধিক্খণে…পে…. পচ্ছাজাতা – নোউপাদা খন্ধা পুরেজাতস্স ইমস্স উপাদা কাযস্স অত্থিপচ্চযেন পচ্চযো. (২)

নোউপাদা ধম্মো উপাদা চ নোউপাদা চ ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতো – নোউপাদা একো খন্ধো তিণ্ণন্নং খন্ধানং উপাদা চ নোউপাদা চ চিত্তসমুট্ঠানানং রূপানং অত্থিপচ্চযেন পচ্চযো; দ্ৰে খন্ধা…পে… পটিসন্ধিক্খণে…পে…. পচ্ছাজাতা – নোউপাদা খন্ধা পুরেজাতস্স ইমস্স উপাদা কাযস্স চ নোউপাদা কাযস্স চ অত্থিপচ্চযেন পচ্চযো. (৩)

৪০৯. উপাদা চ নোউপাদা চ ধম্মা উপাদা ধম্মস্স অত্থিপচ্চযেন পচ্চযো – পচ্ছাজাতং, আহারং, ইন্দ্রিযং. পচ্ছাজাতা – নোউপাদা খন্ধা চ কবল়ীকারো আহারো চ ইমস্স উপাদা কাযস্স অত্থিপচ্চযেন পচ্চযো. পচ্ছাজাতা – নোউপাদা খন্ধা চ রূপজীৰিতিন্দ্রিযঞ্চ উপাদা কটত্তারূপানং অত্থিপচ্চযেন পচ্চযো. (১)

উপাদা চ নোউপাদা চ ধম্মা নোউপাদা ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – চক্খুৰিঞ্ঞাণসহগতো একো খন্ধো চ চক্খাযতনঞ্চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে… নোউপাদা একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে… পটিসন্ধিক্খণে নোউপাদা একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে…. পুরেজাতং – ফোট্ঠব্বাযতনঞ্চ কাযাযতনঞ্চ কাযৰিঞ্ঞাণস্স অত্থিপচ্চযেন পচ্চযো. ফোট্ঠব্বাযতনঞ্চ ৰত্থু চ নোউপাদা খন্ধানং অত্থিপচ্চযেন পচ্চযো. পচ্ছাজাতা – নোউপাদা খন্ধা চ কবল়ীকারো আহারো চ ইমস্স নোউপাদা কাযস্স অত্থিপচ্চযেন পচ্চযো. পচ্ছাজাতা – নোউপাদা খন্ধা চ রূপজীৰিতিন্দ্রিযঞ্চ নোউপাদা কটত্তারূপানং অত্থিপচ্চযেন পচ্চযো. (২)

উপাদা চ নোউপাদা চ ধম্মা উপাদা ধম্মস্স চ নোউপাদা ধম্মস্স চ অত্থিপচ্চযেন পচ্চযো – পচ্ছাজাতং, আহারং, ইন্দ্রিযং. পচ্ছাজাতা – নোউপাদা খন্ধা চ কবল়ীকারো আহারো চ ইমস্স উপাদা কাযস্স চ নোউপাদা কাযস্স চ অত্থিপচ্চযেন পচ্চযো. পচ্ছাজাতা – নোউপাদা খন্ধা চ রূপজীৰিতিন্দ্রিযঞ্চ উপাদা চ নোউপাদা চ কটত্তারূপানং অত্থিপচ্চযেন পচ্চযো. (৩)