১. ৰিভঙ্গৰারো

নহেতুপচ্চযো

৩৭৫. উপাদা ধম্মং পটিচ্চ নোউপাদা ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে ৰত্থুং পটিচ্চ নোউপাদা খন্ধা. (১)

নোউপাদা ধম্মং পটিচ্চ নোউপাদা ধম্মো উপ্পজ্জতি নহেতুপচ্চযা – অহেতুকং নোউপাদা একং খন্ধং পটিচ্চ তযো খন্ধা নোউপাদা চ চিত্তসমুট্ঠানং রূপং…পে… দ্ৰে খন্ধে…পে… অহেতুকপটিসন্ধিক্খণে…পে… একং মহাভূতং…পে… অসঞ্ঞসত্তানং একং মহাভূতং পটিচ্চ তযো মহাভূতা…পে… দ্ৰে মহাভূতে পটিচ্চ দ্ৰে মহাভূতা, ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

নোউপাদা ধম্মং পটিচ্চ উপাদা ধম্মো উপ্পজ্জতি নহেতুপচ্চযা – অহেতুকে নোউপাদা খন্ধে পটিচ্চ উপাদা চিত্তসমুট্ঠানং রূপং; অহেতুকপটিসন্ধিক্খণে…পে… মহাভূতে পটিচ্চ উপাদা চিত্তসমুট্ঠানং রূপং কটত্তারূপং উপাদারূপং…পে… (যাৰ অসঞ্ঞসত্তা). (২)

নোউপাদা ধম্মং পটিচ্চ উপাদা চ নোউপাদা চ ধম্মা উপ্পজ্জন্তি নহেতুপচ্চযা – অহেতুকং নোউপাদা একং খন্ধং পটিচ্চ তযো খন্ধা উপাদা চ নোউপাদা চ চিত্তসমুট্ঠানং রূপং…পে… দ্ৰে খন্ধে…পে… অহেতুকপটিসন্ধিক্খণে…পে…. (৩)

উপাদা চ নোউপাদা চ ধম্মং পটিচ্চ নোউপাদা ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে নোউপাদা একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে চ…পে…. (১)

নআরম্মণপচ্চযাদি

৩৭৬. নোউপাদা ধম্মং পটিচ্চ নোউপাদা ধম্মো উপ্পজ্জতি নআরম্মণপচ্চযা – নোউপাদা খন্ধে পটিচ্চ নোউপাদা চিত্তসমুট্ঠানং রূপং; পটিসন্ধিক্খণে…পে… একং মহাভূতং…পে… (যাৰ অসঞ্ঞসত্তা) দ্ৰে মহাভূতে পটিচ্চ দ্ৰে মহাভূতা. (১)

নোউপাদা ধম্মং পটিচ্চ উপাদা ধম্মো উপ্পজ্জতি নআরম্মণপচ্চযা – নোউপাদা খন্ধে পটিচ্চ উপাদা চিত্তসমুট্ঠানং রূপং; পটিসন্ধিক্খণে…পে… মহাভূতে পটিচ্চ উপাদা চিত্তসমুট্ঠানং রূপং কটত্তারূপং উপাদারূপং (যাৰ অসঞ্ঞসত্তা). (২)

নোউপাদা ধম্মং পটিচ্চ উপাদা চ নোউপাদা চ ধম্মা উপ্পজ্জন্তি নআরম্মণপচ্চযা – নোউপাদা খন্ধে পটিচ্চ উপাদা চ নোউপাদা চ চিত্তসমুট্ঠানং রূপং; পটিসন্ধিক্খণে…পে…. (৩)

নঅধিপতিপচ্চযা পঞ্চ, নঅনন্তরপচ্চযা তীণি…পে… নউপনিস্সযপচ্চযা পঞ্চ, নপুরেজাতপচ্চযা পঞ্চ, নপচ্ছাজাতপচ্চযা পঞ্চ, নআসেৰনপচ্চযা পঞ্চ.

নকম্মপচ্চযো

৩৭৭. নোউপাদা ধম্মং পটিচ্চ নোউপাদা ধম্মো উপ্পজ্জতি নকম্মপচ্চযা – নোউপাদা খন্ধে পটিচ্চ সম্পযুত্তকা চেতনা; বাহিরং আহারসমুট্ঠানং উতুসমুট্ঠানং…পে… দ্ৰে মহাভূতে পটিচ্চ দ্ৰে মহাভূতা. (১)

নোউপাদা ধম্মং পটিচ্চ উপাদা ধম্মো উপ্পজ্জতি নকম্মপচ্চযা – বাহিরে আহারসমুট্ঠানে উতুসমুট্ঠানে মহাভূতে পটিচ্চ উপাদারূপং. (২)

নোউপাদা ধম্মং পটিচ্চ উপাদা চ নোউপাদা চ ধম্মা উপ্পজ্জন্তি নকম্মপচ্চযা – বাহিরং আহারসমুট্ঠানং উতুসমুট্ঠানং একং মহাভূতং পটিচ্চ তযো মহাভূতা উপাদা চ রূপং…পে… দ্ৰে মহাভূতে…পে…. (৩)

নৰিপাকপচ্চযো

৩৭৮. নোউপাদা ধম্মং পটিচ্চ নোউপাদা ধম্মো উপ্পজ্জতি নৰিপাকপচ্চযা – নোউপাদা একং খন্ধং পটিচ্চ তযো খন্ধা নোউপাদা চ চিত্তসমুট্ঠানং রূপং…পে… দ্ৰে খন্ধে…পে… একং মহাভূতং…পে… (যাৰ অসঞ্ঞসত্তা, এৰং তীণি নোউপাদামূলকে).

নআহারপচ্চযো

৩৭৯. নোউপাদা ধম্মং পটিচ্চ নোউপাদা ধম্মো উপ্পজ্জতি নআহারপচ্চযা – বাহিরং উতুসমুট্ঠানং অসঞ্ঞসত্তানং একং মহাভূতং…পে… দ্ৰে মহাভূতে পটিচ্চ দ্ৰে মহাভূতা. (১)

নোউপাদা ধম্মং পটিচ্চ উপাদা ধম্মো উপ্পজ্জতি নআহারপচ্চযা – বাহিরং উতুসমুট্ঠানং অসঞ্ঞসত্তানং মহাভূতে পটিচ্চ উপাদারূপং. (২)

নোউপাদা ধম্মং পটিচ্চ উপাদা চ নোউপাদা চ ধম্মা উপ্পজ্জন্তি নআহারপচ্চযা – বাহিরং উতুসমুট্ঠানং অসঞ্ঞসত্তানং একং মহাভূতং পটিচ্চ তযো মহাভূতা উপাদা চ রূপং…পে… দ্ৰে মহাভূতে…পে…. (৩)

নইন্দ্রিযপচ্চযো

৩৮০. নোউপাদা ধম্মং পটিচ্চ নোউপাদা ধম্মো উপ্পজ্জতি নইন্দ্রিযপচ্চযা – বাহিরং আহারসমুট্ঠানং উতুসমুট্ঠানং একং মহাভূতং…পে…. (১)

নোউপাদা ধম্মং পটিচ্চ উপাদা ধম্মো উপ্পজ্জতি নইন্দ্রিযপচ্চযা – বাহিরে আহারসমুট্ঠানে উতুসমুট্ঠানে অসঞ্ঞসত্তানং মহাভূতে পটিচ্চ রূপজীৰিতিন্দ্রিযং.

নোউপাদা ধম্মং পটিচ্চ উপাদা চ নোউপাদা চ ধম্মা উপ্পজ্জন্তি নইন্দ্রিযপচ্চযা – বাহিরং আহারসমুট্ঠানং উতুসমুট্ঠানং একং মহাভূতং…পে…. (৩)

নঝানপচ্চযাদি

৩৮১. নোউপাদা ধম্মং পটিচ্চ নোউপাদা ধম্মো উপ্পজ্জতি নঝানপচ্চযা – পঞ্চৰিঞ্ঞাণসহগতং একং খন্ধং পটিচ্চ তযো খন্ধা…পে… দ্ৰে খন্ধে…পে… বাহিরং আহারসমুট্ঠানং উতুসমুট্ঠানং অসঞ্ঞসত্তানং…পে… দ্ৰে মহাভূতে পটিচ্চ দ্ৰে মহাভূতা. (১)

নোউপাদা ধম্মং পটিচ্চ উপাদা ধম্মো উপ্পজ্জতি নঝানপচ্চযা – বাহিরে আহারসমুট্ঠানে উতুসমুট্ঠানে অসঞ্ঞসত্তানং মহাভূতে পটিচ্চ উপাদা কটত্তারূপং. (২)

নোউপাদা ধম্মং পটিচ্চ উপাদা চ নোউপাদা চ ধম্মা উপ্পজ্জন্তি নঝানপচ্চযা – বাহিরং আহারসমুট্ঠানং উতুসমুট্ঠানং অসঞ্ঞসত্তানং একং মহাভূতং পটিচ্চ তযো মহাভূতা…পে… দ্ৰে মহাভূতে…পে… মহাভূতে পটিচ্চ উপাদা কটত্তারূপং উপাদারূপং. (৩)

উপাদা ধম্মং পটিচ্চ নোউপাদা ধম্মো উপ্পজ্জতি নমগ্গপচ্চযা পঞ্চ… নসম্পযুত্তপচ্চযা… তীণি.

নৰিপ্পযুত্তপচ্চযাদি

৩৮২. নোউপাদা ধম্মং পটিচ্চ নোউপাদা ধম্মো উপ্পজ্জতি নৰিপ্পযুত্তপচ্চযা – অরূপে নোউপাদা একং খন্ধং পটিচ্চ তযো খন্ধা…পে… দ্ৰে খন্ধে…পে… বাহিরং আহারসমুট্ঠানং উতুসমুট্ঠানং অসঞ্ঞসত্তানং একং মহাভূতং…পে…. (১)

নোউপাদা ধম্মং পটিচ্চ উপাদা ধম্মো উপ্পজ্জতি নৰিপ্পযুত্তপচ্চযা – বাহিরে আহারসমুট্ঠানে উতুসমুট্ঠানে অসঞ্ঞসত্তানং মহাভূতে পটিচ্চ উপাদা কটত্তারূপং, উপাদারূপং. (২)

নোউপাদা ধম্মং পটিচ্চ উপাদা চ নোউপাদা চ ধম্মা উপ্পজ্জন্তি নৰিপ্পযুত্তপচ্চযা – বাহিরং আহারসমুট্ঠানং উতুসমুট্ঠানং একং মহাভূতং পটিচ্চ তযো মহাভূতা উপাদা চ রূপং…পে… দ্ৰে মহাভূতে পটিচ্চ দ্ৰে মহাভূতা উপাদা চ রূপং, অসঞ্ঞসত্তানং একং মহাভূতং পটিচ্চ তযো মহাভূতা কটত্তা চ রূপং উপাদারূপং…পে… দ্ৰে মহাভূতে পটিচ্চ দ্ৰে মহাভূতা কটত্তা চ রূপং উপাদারূপং… নোনত্থিপচ্চযা… নোৰিগতপচ্চযা. (৩)