১. ৰিভঙ্গৰারো

হেতুপচ্চযো

৩৪০. বাহিরো ধম্মো বাহিরস্স ধম্মস্স হেতুপচ্চযেন পচ্চযো – বাহিরা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো – পটিসন্ধিক্খণে বাহিরা হেতূ সম্পযুত্তকানং খন্ধানং বাহিরানঞ্চ কটত্তারূপানং হেতুপচ্চযেন পচ্চযো. (১)

বাহিরো ধম্মো অজ্ঝত্তিকস্স ধম্মস্স হেতুপচ্চযেন পচ্চযো – বাহিরা হেতূ চিত্তস্স হেতুপচ্চযেন পচ্চযো; পটিসন্ধিক্খণে বাহিরা হেতূ চিত্তস্স অজ্ঝত্তিকানঞ্চ কটত্তারূপানং হেতুপচ্চযেন পচ্চযো. (২)

বাহিরো ধম্মো অজ্ঝত্তিকস্স চ বাহিরস্স চ ধম্মস্স হেতুপচ্চযেন পচ্চযো – বাহিরা হেতূ সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে বাহিরা হেতূ সম্পযুত্তকানং খন্ধানং চিত্তস্স চ অজ্ঝত্তিকানঞ্চ বাহিরানঞ্চ কটত্তারূপানং হেতুপচ্চযেন পচ্চযো. (৩)

আরম্মণপচ্চযো

৩৪১. অজ্ঝত্তিকো ধম্মো অজ্ঝত্তিকস্স ধম্মস্স আরম্মণপচ্চযেন পচ্চযো – চিত্তং আরব্ভ চিত্তং উপ্পজ্জতি. (মূলং পুচ্ছিতব্বং) চিত্তং আরব্ভ বাহিরা খন্ধা উপ্পজ্জন্তি. (মূলং পুচ্ছিতব্বং) চিত্তং আরব্ভ চিত্তঞ্চ সম্পযুত্তকা চ খন্ধা উপ্পজ্জন্তি. (৩)

বাহিরো ধম্মো বাহিরস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং পচ্চৰেক্খতি অস্সাদেতি অভিনন্দতি, তং আরব্ভ রাগো…পে… দোমনস্সং উপ্পজ্জতি; পুব্বে সুচিণ্ণানি পচ্চৰেক্খতি, ঝানা ৰুট্ঠহিত্ৰা ঝানং…পে… অরিযা মগ্গা ৰুট্ঠহিত্ৰা মগ্গং…পে… ফলং…পে… নিব্বানং পচ্চৰেক্খন্তি… নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো. অরিযা বাহিরে পহীনে কিলেসে পচ্চৰেক্খন্তি, ৰিক্খম্ভিতে কিলেসে…পে… পুব্বে সমুদাচিণ্ণে কিলেসে জানন্তি, রূপে…পে… ৰত্থুং বাহিরে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. চেতোপরিযঞাণেন বাহিরচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… রূপাযতনং চক্খুৰিঞ্ঞাণসহগতানং খন্ধানং আরম্মণপচ্চযেন পচ্চযো…পে… ফোট্ঠব্বাযতনং…পে… বাহিরা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

বাহিরো ধম্মো অজ্ঝত্তিকস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং পচ্চৰেক্খতি অস্সাদেতি অভিনন্দতি, তং আরব্ভ চিত্তং উপ্পজ্জতি. পুব্বে সুচিণ্ণানি…পে… ঝানং…পে… (সংখিত্তং, সব্বং কাতব্বং) পুব্বে সমুদাচিণ্ণে…পে… রূপে…পে… ৰত্থুং বাহিরে খন্ধে অনিচ্চতো…পে… ৰিপস্সতি, অস্সাদেতি অভিনন্দতি, তং আরব্ভ চিত্তং উপ্পজ্জতি. দিব্বেন চক্খুনা রূপং পস্সতি…পে… রূপাযতনং চক্খুৰিঞ্ঞাণস্স…পে… ফোট্ঠব্বাযতনং…পে… বাহিরা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (৩)

বাহিরো ধম্মো অজ্ঝত্তিকস্স চ বাহিরস্স চ ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং পচ্চৰেক্খতি অস্সাদেতি অভিনন্দতি, তং আরব্ভ চিত্তঞ্চ সম্পযুত্তকা চ খন্ধা উপ্পজ্জন্তি (সংখিত্তং, সব্বং কাতব্বং). বাহিরে খন্ধে অনিচ্চতো…পে… ৰিপস্সতি, অস্সাদেতি অভিনন্দতি, তং আরব্ভ চিত্তঞ্চ সম্পযুত্তকা চ খন্ধা উপ্পজ্জন্তি. দিব্বেন চক্খুনা রূপং পস্সতি…পে… রূপাযতনং চক্খুৰিঞ্ঞাণস্স চ সম্পযুত্তকানঞ্চ খন্ধানং…পে… ফোট্ঠব্বাযতনং…পে… বাহিরা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (৩)

অজ্ঝত্তিকো চ বাহিরো চ ধম্মা অজ্ঝত্তিকস্স ধম্মস্স আরম্মণপচ্চযেন পচ্চযো… তীণি.

অধিপতিপচ্চযো

৩৪২. অজ্ঝত্তিকো ধম্মো অজ্ঝত্তিকস্স ধম্মস্স অধিপতিপচ্চযেন পচ্চযো. আরম্মণাধিপতি – চিত্তং গরুং কত্ৰা চিত্তং উপ্পজ্জতি. (১)

অজ্ঝত্তিকো ধম্মো বাহিরস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – চিত্তং গরুং কত্ৰা বাহিরা খন্ধা উপ্পজ্জন্তি. সহজাতাধিপতি – চিত্তাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (মূলং) আরম্মণাধিপতি – অজ্ঝত্তিকং চিত্তং গরুং কত্ৰা চিত্তঞ্চ সম্পযুত্তকা চ খন্ধা উপ্পজ্জন্তি. (৩)

বাহিরো ধম্মো বাহিরস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা…পে… তীণি (দ্ৰে অধিপতী তিণ্ণম্পি কাতব্বা). (৩)

অজ্ঝত্তিকো চ বাহিরো চ ধম্মা অজ্ঝত্তিকস্স ধম্মস্স অধিপতিপচ্চযেন পচ্চযো… তীণি (তিণ্ণম্পি একাযেৰ অধিপতি).

অনন্তরপচ্চযাদি

৩৪৩. অজ্ঝত্তিকো ধম্মো অজ্ঝত্তিকস্স ধম্মস্স অনন্তরপচ্চযেন পচ্চযো – পুরিমং পুরিমং চিত্তং পচ্ছিমস্স পচ্ছিমস্স চিত্তস্স অনন্তরপচ্চযেন পচ্চযো… তীণি.

বাহিরো ধম্মো বাহিরস্স ধম্মস্স অনন্তরপচ্চযেন পচ্চযো – পুরিমা পুরিমা বাহিরা খন্ধা পচ্ছিমানং পচ্ছিমানং খন্ধানং অনন্তরপচ্চযেন পচ্চযো; অনুলোমং গোত্রভুস্স…পে… তীণি (তিণ্ণম্পি একসদিসা).

অজ্ঝত্তিকো চ বাহিরো চ ধম্মা অজ্ঝত্তিকস্স ধম্মস্স অনন্তরপচ্চযেন পচ্চযো… তীণি, সমনন্তরপচ্চযেন পচ্চযো… নৰ, সহজাতপচ্চযেন পচ্চযো… নৰ (পটিচ্চসদিসা), অঞ্ঞমঞ্ঞপচ্চযেন পচ্চযো… পঞ্চ (পটিচ্চসদিসা), নিস্সযপচ্চযেন পচ্চযো… নৰ, (পচ্চযৰারসদিসা).

উপনিস্সযপচ্চযো

৩৪৪. অজ্ঝত্তিকো ধম্মো অজ্ঝত্তিকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – চিত্তং চিত্তস্স উপনিস্সযপচ্চযেন পচ্চযো… তীণি.

বাহিরো ধম্মো বাহিরস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো, (তীণিপি পূরেত্ৰা কাতব্বা, চিত্তস্সাতি কাতব্বা, সম্পযুত্তকানঞ্চাতি কাতব্বা).

অজ্ঝত্তিকো চ বাহিরো চ ধম্মা অজ্ঝত্তিকস্স ধম্মস্স উপনিস্সযপচ্চযেন পচ্চযো… তীণি.

পুরেজাতপচ্চযো

৩৪৫. অজ্ঝত্তিকো ধম্মো অজ্ঝত্তিকস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং …পে… কাযং অনিচ্চতো…পে… ৰিপস্সতি, অস্সাদেতি অভিনন্দতি, তং আরব্ভ চিত্তং উপ্পজ্জতি. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স পুরেজাতপচ্চযেন পচ্চযো. (১)

অজ্ঝত্তিকো ধম্মো বাহিরস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… কাযং অনিচ্চতো…পে… ৰিপস্সতি, অস্সাদেতি…পে… দোমনস্সং উপ্পজ্জতি. ৰত্থুপুরেজাতং – চক্খাযতনং চক্খুৰিঞ্ঞাণসহগতানং খন্ধানং…পে… কাযাযতনং কাযৰিঞ্ঞাণসহগতানং খন্ধানং পুরেজাতপচ্চযেন পচ্চযো. (২)

অজ্ঝত্তিকো ধম্মো অজ্ঝত্তিকস্স চ বাহিরস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… কাযং অনিচ্চতো…পে… ৰিপস্সতি, তং আরব্ভ চিত্তঞ্চ সম্পযুত্তকা খন্ধা চ উপ্পজ্জন্তি. ৰত্থুপুরেজাতং – চক্খাযতনং চক্খুৰিঞ্ঞাণস্স সম্পযুত্তকানঞ্চ খন্ধানং…পে… কাযাযতনং কাযৰিঞ্ঞাণস্স সম্পযুত্তকানঞ্চ খন্ধানং পুরেজাতপচ্চযেন পচ্চযো. (৩)

৩৪৬. বাহিরো ধম্মো বাহিরস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – রূপে…পে… ফোট্ঠব্বে… ৰত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. ৰত্থুপুরেজাতং – ৰত্থু বাহিরানং খন্ধানং পুরেজাতপচ্চযেন পচ্চযো. (১)

বাহিরো ধম্মো অজ্ঝত্তিকস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – রূপে…পে… ফোট্ঠব্বে… ৰত্থুং অনিচ্চতো…পে… তং আরব্ভ চিত্তং উপ্পজ্জতি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. ৰত্থুপুরেজাতং – ৰত্থু চিত্তস্স পুরেজাতপচ্চযেন পচ্চযো. (২)

বাহিরো ধম্মো অজ্ঝত্তিকস্স চ বাহিরস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – রূপে…পে… ফোট্ঠব্বে… ৰত্থুং অনিচ্চতো…পে… তং আরব্ভ চিত্তঞ্চ সম্পযুত্তকা খন্ধা চ উপ্পজ্জন্তি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. ৰত্থুপুরেজাতং – ৰত্থু চিত্তস্স সম্পযুত্তকানঞ্চ খন্ধানং পুরেজাতপচ্চযেন পচ্চযো. (৩)

৩৪৭. অজ্ঝত্তিকো চ বাহিরো চ ধম্মা অজ্ঝত্তিকস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. চক্খাযতনঞ্চ ৰত্থু চ চিত্তস্স…পে… কাযাযতনঞ্চ ৰত্থু চ চিত্তস্স পুরেজাতপচ্চযেন পচ্চযো; রূপাযতনঞ্চ চক্খাযতনঞ্চ চক্খুৰিঞ্ঞাণস্স…পে… ফোট্ঠব্বাযতনঞ্চ কাযাযতনঞ্চ কাযৰিঞ্ঞাণস্স পুরেজাতপচ্চযেন পচ্চযো. (১)

অজ্ঝত্তিকো চ বাহিরো চ ধম্মা বাহিরস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. চক্খাযতনঞ্চ ৰত্থু চ বাহিরানং খন্ধানং পুরেজাতপচ্চযেন পচ্চযো…পে… কাযাযতনঞ্চ ৰত্থু চ বাহিরানং খন্ধানং পুরেজাতপচ্চযেন পচ্চযো; রূপাযতনঞ্চ চক্খাযতনঞ্চ চক্খুৰিঞ্ঞাণসহগতানং খন্ধানং পুরেজাতপচ্চযেন পচ্চযো…পে… ফোট্ঠব্বাযতনঞ্চ কাযাযতনঞ্চ কাযৰিঞ্ঞাণসহগতানং খন্ধানং পুরেজাতপচ্চযেন পচ্চযো. (২)

অজ্ঝত্তিকো চ বাহিরো চ ধম্মা অজ্ঝত্তিকস্স চ বাহিরস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. চক্খাযতনঞ্চ ৰত্থু চ চিত্তস্স সম্পযুত্তকানঞ্চ খন্ধানং পুরেজাতপচ্চযেন পচ্চযো…পে… কাযাযতনঞ্চ ৰত্থু চ…পে… রূপাযতনঞ্চ চক্খাযতনঞ্চ চক্খুৰিঞ্ঞাণস্স সম্পযুত্তকানঞ্চ খন্ধানং পুরেজাতপচ্চযেন পচ্চযো…পে… ফোট্ঠব্বাযতনঞ্চ…পে…. (৩)

পচ্ছাজাতাসেৰনপচ্চযা

৩৪৮. অজ্ঝত্তিকো ধম্মো অজ্ঝত্তিকস্স ধম্মস্স পচ্ছাজাতপচ্চযেন পচ্চযো – পচ্ছাজাতা অজ্ঝত্তিকা খন্ধা পুরেজাতস্স ইমস্স অজ্ঝত্তিকস্স কাযস্স পচ্ছাজাতপচ্চযেন পচ্চযো. (মূলং কাতব্বং) পচ্ছাজাতা অজ্ঝত্তিকা খন্ধা পুরেজাতস্স ইমস্স বাহিরস্স কাযস্স পচ্ছাজাতপচ্চযেন পচ্চযো. (মূলং কাতব্বং) পচ্ছাজাতা অজ্ঝত্তিকা খন্ধা পুরেজাতস্স ইমস্স অজ্ঝত্তিকস্স চ বাহিরস্স চ কাযস্স পচ্ছাজাতপচ্চযেন পচ্চযো (এৰং নৰপি পঞ্হা কাতব্বা), আসেৰনপচ্চযেন পচ্চযো (নৰ পঞ্হা কাতব্বা).

কম্ম-ৰিপাকপচ্চযা

৩৪৯. বাহিরো ধম্মো বাহিরস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – বাহিরা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – বাহিরা চেতনা ৰিপাকানং বাহিরানং খন্ধানং কটত্তা চ রূপানং কম্মপচ্চযেন পচ্চযো. (১)

বাহিরো ধম্মো অজ্ঝত্তিকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – বাহিরা চেতনা চিত্তস্স কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – বাহিরা চেতনা ৰিপাকস্স চিত্তস্স অজ্ঝত্তিকানঞ্চ কটত্তারূপানং কম্মপচ্চযেন পচ্চযো. (২)

বাহিরো ধম্মো অজ্ঝত্তিকস্স চ বাহিরস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – বাহিরা চেতনা সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – বাহিরা চেতনা ৰিপাকানং খন্ধানং চিত্তস্স চ অজ্ঝত্তিকানঞ্চ বাহিরানঞ্চ কটত্তারূপানং কম্মপচ্চযেন পচ্চযো. (৩) ৰিপাকপচ্চযেন পচ্চযো… নৰ.

আহারপচ্চযো

৩৫০. অজ্ঝত্তিকো ধম্মো অজ্ঝত্তিকস্স ধম্মস্স আহারপচ্চযেন পচ্চযো – পটিসন্ধিক্খণে অজ্ঝত্তিকা আহারা অজ্ঝত্তিকানং কটত্তারূপানং আহারপচ্চযেন পচ্চযো. (১)

অজ্ঝত্তিকো ধম্মো বাহিরস্স ধম্মস্স আহারপচ্চযেন পচ্চযো – অজ্ঝত্তিকা আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো; পটিসন্ধিক্খণে অজ্ঝত্তিকা আহারা সম্পযুত্তকানং খন্ধানং বাহিরানঞ্চ কটত্তারূপানং আহারপচ্চযেন পচ্চযো. (মূলং কাতব্বং) পটিসন্ধিক্খণে অজ্ঝত্তিকা আহারা সম্পযুত্তকানং খন্ধানং অজ্ঝত্তিকানঞ্চ বাহিরানঞ্চ কটত্তারূপানং আহারপচ্চযেন পচ্চযো. (৩)

৩৫১. বাহিরো ধম্মো বাহিরস্স ধম্মস্স আহারপচ্চযেন পচ্চযো – বাহিরা আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো; পটিসন্ধিক্খণে…পে… বাহিরো কবল়ীকারো আহারো বাহিরস্স কাযস্স আহারপচ্চযেন পচ্চযো. (১)

বাহিরো ধম্মো অজ্ঝত্তিকস্স ধম্মস্স আহারপচ্চযেন পচ্চযো – বাহিরা আহারা চিত্তস্স আহারপচ্চযেন পচ্চযো; পটিসন্ধিক্খণে বাহিরা আহারা চিত্তস্স অজ্ঝত্তিকানঞ্চ কটত্তারূপানং আহারপচ্চযেন পচ্চযো; বাহিরো কবল়ীকারো আহারো অজ্ঝত্তিকস্স কাযস্স আহারপচ্চযেন পচ্চযো. (২)

বাহিরো ধম্মো অজ্ঝত্তিকস্স চ বাহিরস্স চ ধম্মস্স আহারপচ্চযেন পচ্চযো – বাহিরা আহারা সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ রূপানং আহারপচ্চযেন পচ্চযো; পটিসন্ধিক্খণে বাহিরা আহারা সম্পযুত্তকানং খন্ধানং চিত্তস্স চ অজ্ঝত্তিকানঞ্চ বাহিরানঞ্চ কটত্তারূপানং আহারপচ্চযেন পচ্চযো; বাহিরো কবল়ীকারো আহারো অজ্ঝত্তিকস্স চ বাহিরস্স চ কাযস্স আহারপচ্চযেন পচ্চযো. (৩)

৩৫২. অজ্ঝত্তিকো চ বাহিরো চ ধম্মা অজ্ঝত্তিকস্স ধম্মস্স আহারপচ্চযেন পচ্চযো – পটিসন্ধিক্খণে অজ্ঝত্তিকা চ বাহিরা চ আহারা অজ্ঝত্তিকানং কটত্তারূপানং আহারপচ্চযেন পচ্চযো. (১)

অজ্ঝত্তিকো চ বাহিরো চ ধম্মা বাহিরস্স ধম্মস্স আহারপচ্চযেন পচ্চযো – অজ্ঝত্তিকা চ বাহিরা চ আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো; পটিসন্ধিক্খণে অজ্ঝত্তিকা চ বাহিরা চ আহারা সম্পযুত্তকানং খন্ধানং বাহিরানঞ্চ কটত্তারূপানং আহারপচ্চযেন পচ্চযো. (২)

অজ্ঝত্তিকো চ বাহিরো চ ধম্মা অজ্ঝত্তিকস্স চ বাহিরস্স চ ধম্মস্স আহারপচ্চযেন পচ্চযো – পটিসন্ধিক্খণে অজ্ঝত্তিকা চ বাহিরা চ আহারা সম্পযুত্তকানং খন্ধানং অজ্ঝত্তিকানঞ্চ বাহিরানঞ্চ কটত্তারূপানং আহারপচ্চযেন পচ্চযো. (৩)

ইন্দ্রিযপচ্চযো

৩৫৩. অজ্ঝত্তিকো ধম্মো অজ্ঝত্তিকস্স ধম্মস্স ইন্দ্রিযপচ্চযেন পচ্চযো – পটিসন্ধিক্খণে অজ্ঝত্তিকা ইন্দ্রিযা অজ্ঝত্তিকানং কটত্তারূপানং ইন্দ্রিযপচ্চযেন পচ্চযো, চক্খুন্দ্রিযং চক্খুৰিঞ্ঞাণস্স…পে… কাযিন্দ্রিযং কাযৰিঞ্ঞাণস্স ইন্দ্রিযপচ্চযেন পচ্চযো. (১)

অজ্ঝত্তিকো ধম্মো বাহিরস্স ধম্মস্স ইন্দ্রিযপচ্চযেন পচ্চযো – অজ্ঝত্তিকা ইন্দ্রিযা সম্পযুত্তকানং খন্ধানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো; পটিসন্ধিক্খণে অজ্ঝত্তিকা ইন্দ্রিযা সম্পযুত্তকানং খন্ধানং বাহিরানঞ্চ কটত্তারূপানং ইন্দ্রিযপচ্চযেন পচ্চযো, চক্খুন্দ্রিযং চক্খুৰিঞ্ঞাণসহগতানং খন্ধানং…পে… কাযিন্দ্রিযং কাযৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো. (২)

অজ্ঝত্তিকো ধম্মো অজ্ঝত্তিকস্স চ বাহিরস্স চ ধম্মস্স ইন্দ্রিযপচ্চযেন পচ্চযো – পটিসন্ধিক্খণে অজ্ঝত্তিকা ইন্দ্রিযা সম্পযুত্তকানং খন্ধানং অজ্ঝত্তিকানঞ্চ বাহিরানঞ্চ কটত্তারূপানং ইন্দ্রিযপচ্চযেন পচ্চযো, চক্খুন্দ্রিযং চক্খুৰিঞ্ঞাণস্স সম্পযুত্তকানঞ্চ খন্ধানং…পে… কাযিন্দ্রিযং কাযৰিঞ্ঞাণস্স সম্পযুত্তকানঞ্চ খন্ধানং ইন্দ্রিযপচ্চযেন পচ্চযো. (৩)

৩৫৪. বাহিরো ধম্মো বাহিরস্স ধম্মস্স ইন্দ্রিযপচ্চযেন পচ্চযো – বাহিরা ইন্দ্রিযা সম্পযুত্তকানং খন্ধানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো; পটিসন্ধিক্খণে বাহিরা ইন্দ্রিযা সম্পযুত্তকানং খন্ধানং বাহিরানঞ্চ কটত্তারূপানং ইন্দ্রিযপচ্চযেন পচ্চযো, রূপজীৰিতিন্দ্রিযং বাহিরানং কটত্তারূপানং ইন্দ্রিযপচ্চযেন পচ্চযো. (১)

বাহিরো ধম্মো অজ্ঝত্তিকস্স ধম্মস্স ইন্দ্রিযপচ্চযেন পচ্চযো – বাহিরা ইন্দ্রিযা চিত্তস্স ইন্দ্রিযপচ্চযেন পচ্চযো; পটিসন্ধিক্খণে বাহিরা ইন্দ্রিযা চিত্তস্স অজ্ঝত্তিকানঞ্চ কটত্তারূপানং ইন্দ্রিযপচ্চযেন পচ্চযো, রূপজীৰিতিন্দ্রিযং অজ্ঝত্তিকানং কটত্তারূপানং ইন্দ্রিযপচ্চযেন পচ্চযো. (২)

বাহিরো ধম্মো অজ্ঝত্তিকস্স চ বাহিরস্স চ ধম্মস্স ইন্দ্রিযপচ্চযেন পচ্চযো – বাহিরা ইন্দ্রিযা সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো; পটিসন্ধিক্খণে বাহিরা ইন্দ্রিযা সম্পযুত্তকানং খন্ধানং চিত্তস্স চ অজ্ঝত্তিকানঞ্চ বাহিরানঞ্চ কটত্তারূপানং ইন্দ্রিযপচ্চযেন পচ্চযো, রূপজীৰিতিন্দ্রিযং অজ্ঝত্তিকানঞ্চ বাহিরানঞ্চ কটত্তারূপানং ইন্দ্রিযপচ্চযেন পচ্চযো. (৩)

৩৫৫. অজ্ঝত্তিকো চ বাহিরো চ ধম্মা অজ্ঝত্তিকস্স ধম্মস্স ইন্দ্রিযপচ্চযেন পচ্চযো – পটিসন্ধিক্খণে অজ্ঝত্তিকা চ বাহিরা চ ইন্দ্রিযা অজ্ঝত্তিকানং কটত্তারূপানং ইন্দ্রিযপচ্চযেন পচ্চযো, চক্খুন্দ্রিযঞ্চ উপেক্খিন্দ্রিযঞ্চ চক্খুৰিঞ্ঞাণস্স ইন্দ্রিযপচ্চযেন পচ্চযো…পে… কাযিন্দ্রিযঞ্চ সুখিন্দ্রিযং চ…পে… কাযিন্দ্রিযঞ্চ দুক্খিন্দ্রিযঞ্চ কাযৰিঞ্ঞাণস্স ইন্দ্রিযপচ্চযেন পচ্চযো. (১)

অজ্ঝত্তিকো চ বাহিরো চ ধম্মা বাহিরস্স ধম্মস্স ইন্দ্রিযপচ্চযেন পচ্চযো – অজ্ঝত্তিকা চ বাহিরা চ ইন্দ্রিযা সম্পযুত্তকানং খন্ধানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো; পটিসন্ধিক্খণে অজ্ঝত্তিকা চ বাহিরা চ ইন্দ্রিযা সম্পযুত্তকানং খন্ধানং বাহিরানঞ্চ কটত্তারূপানং ইন্দ্রিযপচ্চযেন পচ্চযো, চক্খুন্দ্রিযঞ্চ উপেক্খিন্দ্রিযঞ্চ চক্খুৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো…পে… কাযিন্দ্রিযঞ্চ সুখিন্দ্রিযঞ্চ…পে… কাযিন্দ্রিযঞ্চ দুক্খিন্দ্রিযঞ্চ কাযৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো. (২)

অজ্ঝত্তিকো চ বাহিরো চ ধম্মা অজ্ঝত্তিকস্স চ বাহিরস্স চ ধম্মস্স ইন্দ্রিযপচ্চযেন পচ্চযো – পটিসন্ধিক্খণে অজ্ঝত্তিকা চ বাহিরা চ ইন্দ্রিযা সম্পযুত্তকানং খন্ধানং অজ্ঝত্তিকানঞ্চ বাহিরানঞ্চ কটত্তারূপানং ইন্দ্রিযপচ্চযেন পচ্চযো, চক্খুন্দ্রিযঞ্চ উপেক্খিন্দ্রিযঞ্চ চক্খুৰিঞ্ঞাণস্স সম্পযুত্তকানঞ্চ খন্ধানং ইন্দ্রিযপচ্চযেন পচ্চযো… কাযিন্দ্রিযঞ্চ…পে…. (৩)

ঝানপচ্চযাদি

৩৫৬. বাহিরো ধম্মো বাহিরস্স ধম্মস্স ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… পঞ্চ.

ৰিপ্পযুত্তপচ্চযো

৩৫৭. অজ্ঝত্তিকো ধম্মো অজ্ঝত্তিকস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতং – পটিসন্ধিক্খণে চিত্তং অজ্ঝত্তিকানং কটত্তারূপানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স ৰিপ্পযুত্তপচ্চযেন পচ্চযো. পচ্ছাজাতা – অজ্ঝত্তিকা খন্ধা পুরেজাতস্স ইমস্স অজ্ঝত্তিকস্স কাযস্স ৰিপ্পযুত্তপচ্চযেন পচ্চযো. (১)

অজ্ঝত্তিকো ধম্মো বাহিরস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – অজ্ঝত্তিকা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে…পে…. পুরেজাতং – চক্খাযতনং চক্খুৰিঞ্ঞাণসহগতানং খন্ধানং…পে… কাযাযতনং কাযৰিঞ্ঞাণসহগতানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – অজ্ঝত্তিকা খন্ধা পুরেজাতস্স ইমস্স বাহিরস্স কাযস্স ৰিপ্পযুত্তপচ্চযেন পচ্চযো. (২)

অজ্ঝত্তিকো ধম্মো অজ্ঝত্তিকস্স চ বাহিরস্স চ ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – পটিসন্ধিক্খণে অজ্ঝত্তিকা খন্ধা অজ্ঝত্তিকানঞ্চ বাহিরানঞ্চ কটত্তারূপানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স সম্পযুত্তকানঞ্চ খন্ধানং…পে… কাযাযতনং কাযৰিঞ্ঞাণস্স সম্পযুত্তকানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – অজ্ঝত্তিকা খন্ধা পুরেজাতস্স ইমস্স অজ্ঝত্তিকস্স চ বাহিরস্স চ কাযস্স ৰিপ্পযুত্তপচ্চযেন পচ্চযো. (৩)

৩৫৮. বাহিরো ধম্মো বাহিরস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – বাহিরা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে…পে… খন্ধা ৰত্থুস্স ৰিপ্পযুত্তপচ্চযেন পচ্চযো; ৰত্থু খন্ধানং ৰিপ্পযুত্তপচ্চযেন পচ্চযো. পুরেজাতং – ৰত্থু বাহিরানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – বাহিরা খন্ধা পুরেজাতস্স ইমস্স বাহিরস্স কাযস্স ৰিপ্পযুত্তপচ্চযেন পচ্চযো. (১)

বাহিরো ধম্মো অজ্ঝত্তিকস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – পটিসন্ধিক্খণে বাহিরা খন্ধা অজ্ঝত্তিকানং কটত্তারূপানং ৰিপ্পযুত্তপচ্চযেন পচ্চযো; পটিসন্ধিক্খণে ৰত্থু চিত্তস্স ৰিপ্পযুত্তপচ্চযেন পচ্চযো. পুরেজাতং – ৰত্থু চিত্তস্স ৰিপ্পযুত্তপচ্চযেন পচ্চযো. পচ্ছাজাতা – বাহিরা খন্ধা পুরেজাতস্স ইমস্স অজ্ঝত্তিকস্স কাযস্স ৰিপ্পযুত্তপচ্চযেন পচ্চযো. (২)

বাহিরো ধম্মো অজ্ঝত্তিকস্স চ বাহিরস্স চ ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং). (৩)

৩৫৯. অজ্ঝত্তিকো চ বাহিরো চ ধম্মা অজ্ঝত্তিকস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – পটিসন্ধিক্খণে অজ্ঝত্তিকা চ বাহিরা চ খন্ধা অজ্ঝত্তিকানং কটত্তারূপানং ৰিপ্পযুত্তপচ্চযেন পচ্চযো. পচ্ছাজাতং – পচ্ছাজাতা…পে… (সংখিত্তং). (১)

অজ্ঝত্তিকো চ বাহিরো চ ধম্মা বাহিরস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (২)

অজ্ঝত্তিকো চ বাহিরো চ ধম্মা অজ্ঝত্তিকস্স চ বাহিরস্স চ ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – পটিসন্ধিক্খণে অজ্ঝত্তিকা চ বাহিরা চ খন্ধা…পে… (সংখিত্তং). (৩)

অত্থিপচ্চযাদি

৩৬০. অজ্ঝত্তিকো ধম্মো অজ্ঝত্তিকস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – পটিসন্ধিক্খণে চিত্তং অজ্ঝত্তিকানং কটত্তারূপানং অত্থিপচ্চযেন পচ্চযো. পুরেজাতং – চক্খুং…পে… কাযং অনিচ্চতো…পে… (পুরেজাতসদিসং, নিন্নানাকরণং). পচ্ছাজাতং (পচ্ছাজাতসদিসং কাতব্বং). (১)

অজ্ঝত্তিকো ধম্মো বাহিরস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং. সহজাতং – সহজাতা অজ্ঝত্তিকা খন্ধা সম্পযুত্তকানং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো (সংখিত্তং). (২)

(ইধ অত্থি সব্বট্ঠানে সহজাতং পচ্চযৰারসদিসং. পুরেজাতং পুরেজাতসদিসং. পচ্ছাজাতং পচ্ছাজাতসদিসং কাতব্বং, নিন্নানাকরণং).

অজ্ঝত্তিকো ধম্মো অজ্ঝত্তিকস্স চ বাহিরস্স চ ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং). (৩)

৩৬১. বাহিরো ধম্মো বাহিরস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সব্বং ৰিত্থারেতব্বং). (১)

বাহিরো ধম্মো অজ্ঝত্তিকস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং). (২)

বাহিরো ধম্মো অজ্ঝত্তিকস্স চ বাহিরস্স চ ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং). (৩)

৩৬২. অজ্ঝত্তিকো চ বাহিরো চ ধম্মা অজ্ঝত্তিকস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতা – চক্খুৰিঞ্ঞাণসহগতা খন্ধা চ চক্খাযতনঞ্চ চক্খুৰিঞ্ঞাণসহগতা খন্ধা চ চক্খাযতনঞ্চ চক্খুৰিঞ্ঞাণস্স অত্থিপচ্চযেন পচ্চযো…পে… কাযৰিঞ্ঞাণসহগতা খন্ধা চ…পে… পটিসন্ধিক্খণে অজ্ঝত্তিকা চ বাহিরা চ খন্ধা অজ্ঝত্তিকানং কটত্তারূপানং অত্থিপচ্চযেন পচ্চযো. পুরেজাতং – চক্খাযতনঞ্চ ৰত্থু চ চিত্তস্স অত্থিপচ্চযেন পচ্চযো…পে… কাযাযতনঞ্চ ৰত্থু চ চিত্তস্স অত্থিপচ্চযেন পচ্চযো; রূপাযতনঞ্চ চক্খাযতনঞ্চ চক্খুৰিঞ্ঞাণস্স…পে… ফোট্ঠব্বাযতনঞ্চ কাযাযতনঞ্চ কাযৰিঞ্ঞাণস্স অত্থিপচ্চযেন পচ্চযো. পচ্ছাজাতা – অজ্ঝত্তিকা চ বাহিরা চ খন্ধা পুরেজাতস্স ইমস্স অজ্ঝত্তিকস্স কাযস্স অত্থিপচ্চযেন পচ্চযো. পচ্ছাজাতা – অজ্ঝত্তিকা চ বাহিরা চ খন্ধা কবল়ীকারো আহারো চ ইমস্স অজ্ঝত্তিকস্স কাযস্স অত্থিপচ্চযেন পচ্চযো. পচ্ছাজাতা – অজ্ঝত্তিকা চ বাহিরা চ খন্ধা রূপজীৰিতিন্দ্রিযঞ্চ অজ্ঝত্তিকানং কটত্তারূপানং অত্থিপচ্চযেন পচ্চযো. (১)

অজ্ঝত্তিকো চ বাহিরো চ ধম্মা বাহিরস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – চক্খুৰিঞ্ঞাণসহগতো একো খন্ধো চ চক্খাযতনঞ্চ চক্খুৰিঞ্ঞাণঞ্চ দ্ৰিন্নং খন্ধানং অত্থিপচ্চযেন পচ্চযো…পে… (সহজাতপচ্চযৰারসদিসং নিন্নানাকরণং, পঠমগমনসদিসংযেৰ. সব্বে পদা পঠমঘটনানযেন ৰিভজিতব্বা). (২)

অজ্ঝত্তিকো চ বাহিরো চ ধম্মা অজ্ঝত্তিকস্স চ বাহিরস্স চ ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – চক্খুৰিঞ্ঞাণসহগতো একো খন্ধো চ চক্খাযতনঞ্চ দ্ৰিন্নং খন্ধানং চক্খুৰিঞ্ঞাণস্স চ অত্থিপচ্চযেন পচ্চযো (সংখিত্তং. সব্বে পদা ৰিভজিতব্বা পঠমঘটনানযেন). (৩)

নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো.