১-৪. পচ্চযানুলোমাদি

৩৩৯. অজ্ঝত্তিকং ধম্মং সংসট্ঠো বাহিরো ধম্মো উপ্পজ্জতি হেতুপচ্চযা – চিত্তং সংসট্ঠা সম্পযুত্তকা খন্ধা; পটিসন্ধিক্খণে চিত্তং সংসট্ঠা সম্পযুত্তকা খন্ধা. (১)

বাহিরং ধম্মং সংসট্ঠো বাহিরো ধম্মো উপ্পজ্জতি হেতুপচ্চযা – বাহিরং একং খন্ধং সংসট্ঠা দ্ৰে খন্ধা, দ্ৰে খন্ধে…পে… পটিসন্ধিক্খণে…পে…. বাহিরং ধম্মং সংসট্ঠো অজ্ঝত্তিকো ধম্মো উপ্পজ্জতি হেতুপচ্চযা – বাহিরে খন্ধে সংসট্ঠং চিত্তং; পটিসন্ধিক্খণে…পে…. বাহিরং ধম্মং সংসট্ঠো অজ্ঝত্তিকো চ বাহিরো চ ধম্মা উপ্পজ্জন্তি হেতুপচ্চযা – বাহিরং একং খন্ধং সংসট্ঠা দ্ৰে খন্ধা চিত্তঞ্চ, দ্ৰে খন্ধে…পে… পটিসন্ধিক্খণে…পে…. (৩)

অজ্ঝত্তিকঞ্চ বাহিরঞ্চ ধম্মং সংসট্ঠো বাহিরো ধম্মো উপ্পজ্জতি হেতুপচ্চযা – বাহিরং একং খন্ধঞ্চ চিত্তঞ্চ সংসট্ঠা দ্ৰে খন্ধা, দ্ৰে খন্ধে…পে… পটিসন্ধিক্খণে…পে… (সংখিত্তং). হেতুযা পঞ্চ, আরম্মণে পঞ্চ, অধিপতিযা পঞ্চ (সব্বত্থ পঞ্চ), অৰিগতে পঞ্চ (অনুলোমং).

অজ্ঝত্তিকং ধম্মং সংসট্ঠো বাহিরো ধম্মো উপ্পজ্জতি নহেতুপচ্চযা (এৰং পঞ্চ কাতব্বা, তীণিযেৰ মোহো).

নহেতুযা পঞ্চ, নঅধিপতিযা পঞ্চ, নপুরেজাতে পঞ্চ, নপচ্ছাজাতে পঞ্চ, নআসেৰনে পঞ্চ, নকম্মে তীণি, নৰিপাকে পঞ্চ, নঝানে পঞ্চ, নমগ্গে পঞ্চ, নৰিপ্পযুত্তে পঞ্চ (পচ্চনীযং).