১. ৰিভঙ্গৰারো

হেতুপচ্চযো

৩৩২. অজ্ঝত্তিকং ধম্মং পচ্চযা অজ্ঝত্তিকো ধম্মো উপ্পজ্জতি হেতুপচ্চযা… তীণি (পটিচ্চসদিসা).

বাহিরং ধম্মং পচ্চযা বাহিরো ধম্মো উপ্পজ্জতি হেতুপচ্চযা – বাহিরং একং খন্ধং পচ্চযা দ্ৰে খন্ধা চিত্তসমুট্ঠানঞ্চ রূপং, দ্ৰে খন্ধে…পে… (পটিসন্ধিক্খণে দ্ৰেপি কাতব্বা, যাৰ অজ্ঝত্তিকা মহাভূতা) ৰত্থুং পচ্চযা বাহিরা খন্ধা. বাহিরং ধম্মং পচ্চযা অজ্ঝত্তিকো ধম্মো উপ্পজ্জতি হেতুপচ্চযা – বাহিরে খন্ধে পচ্চযা চিত্তং, ৰত্থুং পচ্চযা চিত্তং (পটিসন্ধিক্খণে দ্ৰেপি কাতব্বা). বাহিরং ধম্মং পচ্চযা অজ্ঝত্তিকো চ বাহিরো চ ধম্মা উপ্পজ্জন্তি হেতুপচ্চযা – বাহিরং একং খন্ধং পচ্চযা দ্ৰে খন্ধা চিত্তঞ্চ চিত্তসমুট্ঠানঞ্চ রূপং, দ্ৰে খন্ধে…পে… ৰত্থুং পচ্চযা চিত্তং সম্পযুত্তকা চ খন্ধা (পটিসন্ধিক্খণে দ্ৰেপি কাতব্বা). (৩)

৩৩৩. অজ্ঝত্তিকঞ্চ বাহিরঞ্চ ধম্মং পচ্চযা অজ্ঝত্তিকো ধম্মো উপ্পজ্জতি হেতুপচ্চযা – পটিসন্ধিক্খণে চিত্তঞ্চ সম্পযুত্তকে চ খন্ধে পচ্চযা অজ্ঝত্তিকং কটত্তারূপং. অজ্ঝত্তিকঞ্চ বাহিরঞ্চ ধম্মং পচ্চযা বাহিরো ধম্মো উপ্পজ্জতি হেতুপচ্চযা – বাহিরং একং খন্ধঞ্চ চিত্তঞ্চ পচ্চযা দ্ৰে খন্ধা চিত্তসমুট্ঠানঞ্চ রূপং, দ্ৰে খন্ধে…পে… চিত্তঞ্চ মহাভূতে চ পচ্চযা চিত্তসমুট্ঠানং রূপং, চিত্তঞ্চ ৰত্থুঞ্চ পচ্চযা বাহিরা খন্ধা (পটিসন্ধিক্খণে তীণিপি কাতব্বা). অজ্ঝত্তিকঞ্চ বাহিরঞ্চ ধম্মং পচ্চযা অজ্ঝত্তিকো চ বাহিরো চ ধম্মা উপ্পজ্জন্তি হেতুপচ্চযা – পটিসন্ধিক্খণে বাহিরং একং খন্ধঞ্চ চিত্তঞ্চ পচ্চযা দ্ৰে খন্ধা অজ্ঝত্তিকঞ্চ বাহিরঞ্চ কটত্তারূপং, দ্ৰে খন্ধে…পে…. (৩)

আরম্মণপচ্চযো

৩৩৪. অজ্ঝত্তিকং ধম্মং পচ্চযা অজ্ঝত্তিকো ধম্মো উপ্পজ্জতি আরম্মণপচ্চযা – চক্খাযতনং পচ্চযা চক্খুৰিঞ্ঞাণং…পে… কাযাযতনং …পে…. অজ্ঝত্তিকং ধম্মং পচ্চযা বাহিরো ধম্মো উপ্পজ্জতি আরম্মণপচ্চযা – চক্খাযতনঞ্চ চক্খুৰিঞ্ঞাণঞ্চ পচ্চযা চক্খুৰিঞ্ঞাণসহগতা খন্ধা…পে… কাযাযতনঞ্চ…পে… চিত্তং পচ্চযা সম্পযুত্তকা খন্ধা; পটিসন্ধিক্খণে…পে…. অজ্ঝত্তিকং ধম্মং পচ্চযা অজ্ঝত্তিকো চ বাহিরো চ ধম্মা উপ্পজ্জন্তি আরম্মণপচ্চযা – চক্খাযতনং পচ্চযা চক্খুৰিঞ্ঞাণং সম্পযুত্তকা চ খন্ধা…পে… কাযাযতনং…পে…. (৩)

বাহিরং ধম্মং পচ্চযা বাহিরো ধম্মো উপ্পজ্জতি আরম্মণপচ্চযা – বাহিরং একং খন্ধং পচ্চযা দ্ৰে খন্ধা, দ্ৰে খন্ধে…পে… পটিসন্ধিক্খণে…পে… ৰত্থুং পচ্চযা বাহিরা খন্ধা. বাহিরং ধম্মং পচ্চযা অজ্ঝত্তিকো ধম্মো উপ্পজ্জতি আরম্মণপচ্চযা – বাহিরে খন্ধে পচ্চযা চিত্তং, ৰত্থুং পচ্চযা চিত্তং (পটিসন্ধিক্খণে দ্ৰেপি কাতব্বা). বাহিরং ধম্মং পচ্চযা অজ্ঝত্তিকো চ বাহিরো চ ধম্মা উপ্পজ্জন্তি আরম্মণপচ্চযা – ৰত্থুং পচ্চযা চিত্তঞ্চ সম্পযুত্তকা চ খন্ধা (পটিসন্ধিক্খণে একং কাতব্বং). (৩)

৩৩৫. অজ্ঝত্তিকঞ্চ বাহিরঞ্চ ধম্মং পচ্চযা অজ্ঝত্তিকো ধম্মো উপ্পজ্জতি আরম্মণপচ্চযা – চক্খুৰিঞ্ঞাণসহগতে খন্ধে চ চক্খাযতনঞ্চ পচ্চযা চক্খুৰিঞ্ঞাণং…পে… কাযৰিঞ্ঞাণসহগতে…পে….

অজ্ঝত্তিকঞ্চ বাহিরঞ্চ ধম্মং পচ্চযা বাহিরো ধম্মো উপ্পজ্জতি আরম্মণপচ্চযা – চক্খুৰিঞ্ঞাণসহগতং একং খন্ধঞ্চ চক্খাযতনঞ্চ চক্খুৰিঞ্ঞাণঞ্চ পচ্চযা দ্ৰে খন্ধা, দ্ৰে খন্ধে…পে… কাযৰিঞ্ঞাণসহগতং…পে… বাহিরং একং খন্ধঞ্চ চিত্তঞ্চ পচ্চযা দ্ৰে খন্ধা, দ্ৰে খন্ধে…পে… চিত্তঞ্চ ৰত্থুঞ্চ পচ্চযা বাহিরা খন্ধা (পটিসন্ধিক্খণে দ্ৰেপি কাতব্বা). অজ্ঝত্তিকঞ্চ বাহিরঞ্চ ধম্মং পচ্চযা অজ্ঝত্তিকো চ বাহিরো চ ধম্মা উপ্পজ্জন্তি আরম্মণপচ্চযা – চক্খুৰিঞ্ঞাণসহগতং একং খন্ধঞ্চ চক্খাযতনঞ্চ পচ্চযা দ্ৰে খন্ধা চক্খুৰিঞ্ঞাণঞ্চ, দ্ৰে খন্ধে…পে… (সংখিত্তং). (৩)