১. ৰিভঙ্গৰারো

হেতুপচ্চযো

৩১৮. অজ্ঝত্তিকং ধম্মং পটিচ্চ অজ্ঝত্তিকো ধম্মো উপ্পজ্জতি হেতুপচ্চযা – পটিসন্ধিক্খণে চিত্তং পটিচ্চ অজ্ঝত্তিকং কটত্তারূপং. (১)

অজ্ঝত্তিকং ধম্মং পটিচ্চ বাহিরো ধম্মো উপ্পজ্জতি হেতুপচ্চযা – চিত্তং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং; পটিসন্ধিক্খণে চিত্তং পটিচ্চ সম্পযুত্তকা খন্ধা বাহিরং কটত্তা চ রূপং. (২)

অজ্ঝত্তিকং ধম্মং পটিচ্চ অজ্ঝত্তিকো চ বাহিরো চ ধম্মা উপ্পজ্জন্তি হেতুপচ্চযা – পটিসন্ধিক্খণে চিত্তং পটিচ্চ সম্পযুত্তকা খন্ধা অজ্ঝত্তিকঞ্চ বাহিরঞ্চ কটত্তারূপং. (৩)

৩১৯. বাহিরং ধম্মং পটিচ্চ বাহিরো ধম্মো উপ্পজ্জতি হেতুপচ্চযা – বাহিরং একং খন্ধং পটিচ্চ দ্ৰে খন্ধা চিত্তসমুট্ঠানঞ্চ রূপং, দ্ৰে খন্ধে…পে… পটিসন্ধিক্খণে বাহিরং একং খন্ধং পটিচ্চ দ্ৰে খন্ধা বাহিরং কটত্তা চ রূপং, দ্ৰে খন্ধে…পে… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. (১)

বাহিরং ধম্মং পটিচ্চ অজ্ঝত্তিকো ধম্মো উপ্পজ্জতি হেতুপচ্চযা – বাহিরে খন্ধে পটিচ্চ চিত্তং; পটিসন্ধিক্খণে বাহিরে খন্ধে পটিচ্চ চিত্তং অজ্ঝত্তিকং কটত্তা চ রূপং, পটিসন্ধিক্খণে বাহিরং ৰত্থুং পটিচ্চ চিত্তং. (২)

বাহিরং ধম্মং পটিচ্চ অজ্ঝত্তিকো চ বাহিরো চ ধম্মা উপ্পজ্জন্তি হেতুপচ্চযা – বাহিরং একং খন্ধং পটিচ্চ দ্ৰে খন্ধা চিত্তঞ্চ চিত্তসমুট্ঠানঞ্চ রূপং, দ্ৰে খন্ধে…পে… পটিসন্ধিক্খণে বাহিরং একং খন্ধং পটিচ্চ দ্ৰে খন্ধা চিত্তঞ্চ অজ্ঝত্তিকঞ্চ বাহিরঞ্চ কটত্তারূপং, দ্ৰে খন্ধে…পে… পটিসন্ধিক্খণে ৰত্থুং পটিচ্চ চিত্তং সম্পযুত্তকা চ খন্ধা. (৩)

৩২০. অজ্ঝত্তিকঞ্চ বাহিরঞ্চ ধম্মং পটিচ্চ অজ্ঝত্তিকো ধম্মো উপ্পজ্জতি হেতুপচ্চযা – পটিসন্ধিক্খণে চিত্তঞ্চ সম্পযুত্তকে চ খন্ধে পটিচ্চ অজ্ঝত্তিকং কটত্তারূপং. (১)

অজ্ঝত্তিকঞ্চ বাহিরঞ্চ ধম্মং পটিচ্চ বাহিরো ধম্মো উপ্পজ্জতি হেতুপচ্চযা – বাহিরং একং খন্ধঞ্চ চিত্তঞ্চ পটিচ্চ দ্ৰে খন্ধা চিত্তসমুট্ঠানঞ্চ রূপং, দ্ৰে খন্ধে চ…পে… চিত্তঞ্চ মহাভূতে চ পটিচ্চ চিত্তসমুট্ঠানং রূপং; পটিসন্ধিক্খণে বাহিরং একং খন্ধঞ্চ চিত্তঞ্চ পটিচ্চ দ্ৰে খন্ধা বাহিরং কটত্তা চ রূপং, দ্ৰে খন্ধে চ…পে… চিত্তঞ্চ মহাভূতে চ পটিচ্চ বাহিরং কটত্তারূপং, পটিসন্ধিক্খণে চিত্তঞ্চ ৰত্থুঞ্চ পটিচ্চ বাহিরা খন্ধা. (২)

অজ্ঝত্তিকঞ্চ বাহিরঞ্চ ধম্মং পটিচ্চ অজ্ঝত্তিকো চ বাহিরো চ ধম্মা উপ্পজ্জন্তি হেতুপচ্চযা – পটিসন্ধিক্খণে বাহিরং একং খন্ধঞ্চ চিত্তঞ্চ পটিচ্চ দ্ৰে খন্ধা অজ্ঝত্তিকঞ্চ বাহিরঞ্চ কটত্তারূপং, দ্ৰে খন্ধে চ…পে…. (৩)

আরম্মণপচ্চযো

৩২১. অজ্ঝত্তিকং ধম্মং পটিচ্চ বাহিরো ধম্মো উপ্পজ্জতি আরম্মণপচ্চযা – চিত্তং পটিচ্চ সম্পযুত্তকা খন্ধা; পটিসন্ধিক্খণে চিত্তং পটিচ্চ সম্পযুত্তকা খন্ধা. (১)

বাহিরং ধম্মং পটিচ্চ বাহিরো ধম্মো উপ্পজ্জতি আরম্মণপচ্চযা – বাহিরং একং খন্ধং পটিচ্চ দ্ৰে খন্ধা, দ্ৰে খন্ধে…পে… পটিসন্ধিক্খণে…পে… ৰত্থুং পটিচ্চ খন্ধা. (১)

বাহিরং ধম্মং পটিচ্চ অজ্ঝত্তিকো ধম্মো উপ্পজ্জতি আরম্মণপচ্চযা – বাহিরে খন্ধে পটিচ্চ চিত্তং; পটিসন্ধিক্খণে বাহিরে খন্ধে পটিচ্চ চিত্তং, পটিসন্ধিক্খণে ৰত্থুং পটিচ্চ চিত্তং. (২)

বাহিরং ধম্মং পটিচ্চ অজ্ঝত্তিকো চ বাহিরো চ ধম্মা উপ্পজ্জন্তি আরম্মণপচ্চযা – বাহিরং একং খন্ধং পটিচ্চ দ্ৰে খন্ধা চিত্তঞ্চ, দ্ৰে খন্ধে…পে… পটিসন্ধিক্খণে বাহিরং একং খন্ধং পটিচ্চ দ্ৰে খন্ধা চিত্তঞ্চ, দ্ৰে খন্ধে…পে… পটিসন্ধিক্খণে ৰত্থুং পটিচ্চ চিত্তং সম্পযুত্তকা চ খন্ধা. (৩)

অজ্ঝত্তিকঞ্চ বাহিরঞ্চ ধম্মং পটিচ্চ বাহিরো ধম্মো উপ্পজ্জতি আরম্মণপচ্চযা – বাহিরং একং খন্ধঞ্চ চিত্তঞ্চ পটিচ্চ দ্ৰে খন্ধা, দ্ৰে খন্ধে চ…পে… পটিসন্ধিক্খণে বাহিরং একং খন্ধং চিত্তঞ্চ পটিচ্চ দ্ৰে খন্ধা, দ্ৰে খন্ধে চ…পে… পটিসন্ধিক্খণে বাহিরং একং খন্ধঞ্চ চিত্তঞ্চ ৰত্থুঞ্চ পটিচ্চ দ্ৰে খন্ধা, দ্ৰে খন্ধে চ…পে… (সংখিত্তং). (১)