১. ৰিভঙ্গৰারো

হেতুপচ্চযো

৩০০. চিত্তসংসট্ঠসমুট্ঠানো ধম্মো চিত্তসংসট্ঠসমুট্ঠানস্স ধম্মস্স হেতুপচ্চযেন পচ্চযো – চিত্তসংসট্ঠসমুট্ঠানা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. (মূলং কাতব্বং) চিত্তসংসট্ঠসমুট্ঠানা হেতূ চিত্তস্স চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (মূলং কাতব্বং) চিত্তসংসট্ঠসমুট্ঠানা হেতূ সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (৩)

আরম্মণপচ্চযো

৩০১. চিত্তসংসট্ঠসমুট্ঠানো ধম্মো চিত্তসংসট্ঠসমুট্ঠানস্স ধম্মস্স আরম্মণপচ্চযেন পচ্চযো – চিত্তসংসট্ঠসমুট্ঠানে খন্ধে আরব্ভ চিত্তসংসট্ঠসমুট্ঠানা খন্ধা উপ্পজ্জন্তি. (মূলং কাতব্বং) চিত্তসংসট্ঠসমুট্ঠানে খন্ধে আরব্ভ চিত্তং উপ্পজ্জতি. (মূলং কাতব্বং) চিত্তসংসট্ঠসমুট্ঠানে খন্ধে আরব্ভ চিত্তঞ্চ সম্পযুত্তকা চ খন্ধা উপ্পজ্জন্তি. (৩)

নোচিত্তসংসট্ঠসমুট্ঠানো ধম্মো নোচিত্তসংসট্ঠসমুট্ঠানস্স ধম্মস্স আরম্মণপচ্চযেন পচ্চযো – অরিযা মগ্গা ৰুট্ঠহিত্ৰা মগ্গং পচ্চৰেক্খন্তি…পে… নিব্বানং পচ্চৰেক্খন্তি. নিব্বানং গোত্রভুস্স…পে…. (সংখিত্তং. যথা চিত্তসহভূদুকে আরম্মণং এৰং কাতব্বং, নিন্নানাকরণং. নৰপি পঞ্হা.)

অধিপতিপচ্চযো

৩০২. চিত্তসংসট্ঠসমুট্ঠানো ধম্মো চিত্তসংসট্ঠসমুট্ঠানস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি… তীণি (দ্ৰেপি অধিপতী কাতব্বা). (৩)

নোচিত্তসংসট্ঠসমুট্ঠানো ধম্মো নোচিত্তসংসট্ঠসমুট্ঠানস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি… তীণি (দ্ৰেপি অধিপতি কাতব্বা). (৩)

চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা চিত্তসংসট্ঠসমুট্ঠানস্স ধম্মস্স অধিপতিপচ্চযেন পচ্চযো – আরম্মণাধিপতি. (একাযেৰ অধিপতি কাতব্বা, নৰপি পঞ্হা. যথা চিত্তসহভূদুকং, এৰং কাতব্বং, নিন্নানাকরণং).

অনন্তরপচ্চযাদি

৩০৩. চিত্তসংসট্ঠসমুট্ঠানো ধম্মো চিত্তসংসট্ঠসমুট্ঠানস্স ধম্মস্স অনন্তরপচ্চযেন পচ্চযো (নৰপি পঞ্হা চিত্তসহভূদুকসদিসা)… সমনন্তরপচ্চযেন পচ্চযো… নৰ… সহজাতপচ্চযেন পচ্চযো… নৰ (পটিচ্চসদিসা)… অঞ্ঞমঞ্ঞপচ্চযেন পচ্চযো… নৰ (পটিচ্চসদিসা)… নিস্সযপচ্চযেন পচ্চযো… নৰ (পচ্চযসদিসা)… উপনিস্সযপচ্চযেন পচ্চযো (নৰপি পঞ্হা চিত্তসহভূদুকসদিসা, নিন্নানাকরণং).

পুরেজাতপচ্চযাদি

৩০৪. নোচিত্তসংসট্ঠসমুট্ঠানো ধম্মো নোচিত্তসংসট্ঠসমুট্ঠানস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং… তীণি (চিত্তসহভূদুকসদিসা, নিন্নানাকরণং).

চিত্তসংসট্ঠসমুট্ঠানো ধম্মো নোচিত্তসংসট্ঠসমুট্ঠানস্স ধম্মস্স পচ্ছাজাতপচ্চযেন পচ্চযো (চিত্তসহভূদুকসদিসা, নিন্নানাকরণং. তীণিপি পচ্ছাজাতা. দ্ৰে. একমূলানং একা ঘটনা)… আসেৰনপচ্চযেন পচ্চযো… নৰ.

কম্মপচ্চযাদি

৩০৫. চিত্তসংসট্ঠসমুট্ঠানো ধম্মো চিত্তসংসট্ঠসমুট্ঠানস্স ধম্মস্স কম্মপচ্চযেন পচ্চযো… তীণি (চিত্তসহভূদুকসদিসা নিন্নানাকরণা. তীণিপি সহজাতা, নানাক্খণিকা)… ৰিপাকপচ্চযেন পচ্চযো… নৰ… আহারপচ্চযেন পচ্চযো… নৰ (চিত্তসহভূগমনসদিসা, একংযেৰ কবল়ীকারং আহারং)… ইন্দ্রিযপচ্চযেন পচ্চযো… নৰ… ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… পঞ্চ.

ৰিপ্পযুত্তপচ্চযো

৩০৬. চিত্তসংসট্ঠসমুট্ঠানো ধম্মো নোচিত্তসংসট্ঠসমুট্ঠানস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

নোচিত্তসংসট্ঠসমুট্ঠানো ধম্মো নোচিত্তসংসট্ঠসমুট্ঠানস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং). (১)

নোচিত্তসংসট্ঠসমুট্ঠানো ধম্মো চিত্তসংসট্ঠসমুট্ঠানস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু চিত্তসংসট্ঠসমুট্ঠানানং খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণসহগতানং খন্ধানং ৰিপ্পযুত্তপচ্চযেন পচ্চযো…পে… কাযাযতনং…পে… ৰত্থু চিত্তসংসট্ঠসমুট্ঠানানং খন্ধানং ৰিপ্পযুত্তপচ্চযেন পচ্চযো. (২)

নোচিত্তসংসট্ঠসমুট্ঠানো ধম্মো চিত্তসংসট্ঠসমুট্ঠানস্স চ নোচিত্তসংসট্ঠসমুট্ঠানস্স চ ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু চিত্তস্স সম্পযুত্তকানঞ্চ খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স সম্পযুত্তকানঞ্চ খন্ধানং ৰিপ্পযুত্তপচ্চযেন পচ্চযো…পে… কাযাযতনং…পে… ৰত্থু চিত্তস্স সম্পযুত্তকানঞ্চ খন্ধানং ৰিপ্পযুত্তপচ্চযেন পচ্চযো. (৩)

চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা নোচিত্তসংসট্ঠসমুট্ঠানস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং).

অত্থিপচ্চযো

৩০৭. চিত্তসংসট্ঠসমুট্ঠানো ধম্মো চিত্তসংসট্ঠসমুট্ঠানস্স ধম্মস্স অত্থিপচ্চযেন পচ্চযো (পটিচ্চসদিসা). চিত্তসংসট্ঠসমুট্ঠানো ধম্মো নোচিত্তসংসট্ঠসমুট্ঠানস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং). চিত্তসংসট্ঠসমুট্ঠানো ধম্মো চিত্তসংসট্ঠসমুট্ঠানস্স চ নোচিত্তসংসট্ঠসমুট্ঠানস্স চ ধম্মস্স অত্থিপচ্চযেন পচ্চযো (পটিচ্চসদিসা). (৩)

নোচিত্তসংসট্ঠসমুট্ঠানো ধম্মো নোচিত্তসংসট্ঠসমুট্ঠানস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (পুরেজাতসদিসং পুরেজাতং কাতব্বং. সব্বং সংখিত্তং. ৰিত্থারেতব্বং). (১)

নোচিত্তসংসট্ঠসমুট্ঠানো ধম্মো চিত্তসংসট্ঠসমুট্ঠানস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতং – চিত্তং সম্পযুত্তকানং খন্ধানং অত্থিপচ্চযেন পচ্চযো; পটিসন্ধিক্খণে চিত্তং সম্পযুত্তকানং খন্ধানং অত্থিপচ্চযেন পচ্চযো, পটিসন্ধিক্খণে ৰত্থু চিত্তসংসট্ঠসমুট্ঠানানং খন্ধানং অত্থিপচ্চযেন পচ্চযো. পুরেজাতং (পুরেজাতসদিসং, নিন্নানাকরণং). (২)

নোচিত্তসংসট্ঠসমুট্ঠানো ধম্মো চিত্তসংসট্ঠসমুট্ঠানস্স চ নোচিত্তসংসট্ঠসমুট্ঠানস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতং – চিত্তং সম্পযুত্তকানং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো; পটিসন্ধিক্খণে চিত্তং সম্পযুত্তকানং খন্ধানং কটত্তা চ রূপানং অত্থিপচ্চযেন পচ্চযো, পটিসন্ধিক্খণে ৰত্থু চিত্তস্স সম্পযুত্তকানঞ্চ খন্ধানং অত্থিপচ্চযেন পচ্চযো. পুরেজাতং (পুরেজাতসদিসং). (৩)

৩০৮. চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা চিত্তসংসট্ঠসমুট্ঠানস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – চক্খুৰিঞ্ঞাণসহগতো একো খন্ধো চ চক্খুৰিঞ্ঞাণঞ্চ দ্ৰিন্নং খন্ধানং…পে… দ্ৰে খন্ধা চ…পে… চক্খুৰিঞ্ঞাণসহগতো একো খন্ধো চ চক্খাযতনঞ্চ দ্ৰিন্নং খন্ধানং…পে… দ্ৰে খন্ধা চ…পে… কাযৰিঞ্ঞাণসহগতো…পে… চিত্তসংসট্ঠসমুট্ঠানো একো খন্ধো চ চিত্তঞ্চ দ্ৰিন্নং খন্ধানং অত্থিপচ্চযেন পচ্চযো, দ্ৰে খন্ধা চ…পে… চিত্তসংসট্ঠসমুট্ঠানো একো খন্ধো চ ৰত্থু চ দ্ৰিন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে… (পটিসন্ধিক্খণে দ্ৰেপি কাতব্বা). (১)

চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা নোচিত্তসংসট্ঠসমুট্ঠানস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতা – চক্খুৰিঞ্ঞাণসহগতা খন্ধা চ চক্খাযতনঞ্চ চক্খুৰিঞ্ঞাণস্স অত্থিপচ্চযেন পচ্চযো…পে… কাযৰিঞ্ঞাণসহগতা…পে… চিত্তসংসট্ঠসমুট্ঠানা খন্ধা চ চিত্তঞ্চ চিত্তসংসট্ঠসমুট্ঠানানং রূপানং অত্থিপচ্চযেন পচ্চযো, চিত্তসংসট্ঠসমুট্ঠানা খন্ধা চ মহাভূতা চ চিত্তসংসট্ঠসমুট্ঠানানং রূপানং অত্থিপচ্চযেন পচ্চযো, চিত্তসংসট্ঠসমুট্ঠানা খন্ধা চ ৰত্থু চ চিত্তস্স অত্থিপচ্চযেন পচ্চযো (পটিসন্ধিক্খণে তীণি কাতব্বা). পচ্ছাজাতা – চিত্তসংসট্ঠসমুট্ঠানা খন্ধা চ চিত্তঞ্চ পুরেজাতস্স ইমস্স নোচিত্তসংসট্ঠসমুট্ঠানস্স কাযস্স অত্থিপচ্চযেন পচ্চযো. পচ্ছাজাতা – চিত্তসংসট্ঠসমুট্ঠানা খন্ধা চ চিত্তঞ্চ কবল়ীকারো আহারো চ ইমস্স নোচিত্তসংসট্ঠসমুট্ঠানস্স কাযস্স অত্থিপচ্চযেন পচ্চযো. পচ্ছাজাতা – চিত্তসংসট্ঠসমুট্ঠানা খন্ধা চ চিত্তঞ্চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)

চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা চিত্তসংসট্ঠসমুট্ঠানস্স চ নোচিত্তসংসট্ঠসমুট্ঠানস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – চক্খুৰিঞ্ঞাণসহগতো একো খন্ধো চ চক্খাযতনঞ্চ দ্ৰিন্নং খন্ধানং চক্খুৰিঞ্ঞাণস্স চ অত্থিপচ্চযেন পচ্চযো, দ্ৰে খন্ধা চ…পে… কাযৰিঞ্ঞাণসহগতো…পে…. সহজাতো – চিত্তসংসট্ঠসমুট্ঠানো একো খন্ধো চ চিত্তঞ্চ দ্ৰিন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো, দ্ৰে খন্ধা চ…পে… চিত্তসংসট্ঠসমুট্ঠানো একো খন্ধো চ ৰত্থু চ দ্ৰিন্নং খন্ধানং চিত্তস্স চ অত্থিপচ্চযেন পচ্চযো, দ্ৰে খন্ধা চ…পে… (পটিসন্ধিক্খণে দ্ৰেপি কাতব্বা). (৩)