১. ৰিভঙ্গৰারো

হেতুপচ্চযো

২৮৯. চিত্তসংসট্ঠসমুট্ঠানং ধম্মং পচ্চযা চিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা (সংখিত্তং) তীণি (পটিচ্চৰারসদিসা).

নোচিত্তসংসট্ঠসমুট্ঠানং ধম্মং পচ্চযা নোচিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তং পচ্চযা চিত্তসমুট্ঠানং রূপং, ৰত্থুং পচ্চযা চিত্তং; পটিসন্ধিক্খণে…পে… (যাৰ মহাভূতা). (১)

নোচিত্তসংসট্ঠসমুট্ঠানং ধম্মং পচ্চযা চিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তং পচ্চযা সম্পযুত্তকা খন্ধা, ৰত্থুং পচ্চযা চিত্তসংসট্ঠসমুট্ঠানা খন্ধা (পটিসন্ধিক্খণে দ্ৰেপি কাতব্বা) তীণি. (৩)

২৯০. চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পচ্চযা চিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তসংসট্ঠসমুট্ঠানং একং খন্ধঞ্চ চিত্তঞ্চ পচ্চযা দ্ৰে খন্ধা, দ্ৰে খন্ধে চ…পে… চিত্তসংসট্ঠসমুট্ঠানং একং খন্ধঞ্চ ৰত্থুঞ্চ পচ্চযা দ্ৰে খন্ধা, দ্ৰে খন্ধে চ…পে… (পটিসন্ধিক্খণে দ্ৰেপি কাতব্বা). (১)

চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পচ্চযা নোচিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তসংসট্ঠসমুট্ঠানে খন্ধে চ চিত্তঞ্চ পচ্চযা নোচিত্তসংসট্ঠসমুট্ঠানং রূপং, চিত্তসংসট্ঠসমুট্ঠানে খন্ধে চ মহাভূতে চ পচ্চযা নোচিত্তসংসট্ঠসমুট্ঠানং রূপং, চিত্তসংসট্ঠসমুট্ঠানে খন্ধে চ ৰত্থুঞ্চ পচ্চযা চিত্তং (পটিসন্ধিক্খণে তীণিপি কাতব্বা). (২)

চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পচ্চযা চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা উপ্পজ্জন্তি হেতুপচ্চযা – চিত্তসংসট্ঠসমুট্ঠানং একং খন্ধঞ্চ চিত্তঞ্চ পচ্চযা দ্ৰে খন্ধা চিত্তসংসট্ঠসমুট্ঠানঞ্চ রূপং, দ্ৰে খন্ধে…পে… চিত্তসংসট্ঠসমুট্ঠানং একং খন্ধঞ্চ ৰত্থুঞ্চ পচ্চযা দ্ৰে খন্ধা চিত্তঞ্চ, দ্ৰে খন্ধে…পে… (পটিসন্ধিক্খণে দ্ৰেপি কাতব্বা). (৩)

আরম্মণপচ্চযো

২৯১. চিত্তসংসট্ঠসমুট্ঠানং ধম্মং পচ্চযা চিত্তসংসট্ঠসমুট্ঠানো ধম্মো উপ্পজ্জতি আরম্মণপচ্চযা… তীণি (পটিচ্চসদিসা).

নোচিত্তসংসট্ঠসমুট্ঠানং ধম্মং পচ্চযা নোচিত্তসংসট্ঠসমুট্ঠানো ধম্মো উপ্পজ্জতি আরম্মণপচ্চযা – চক্খাযতনং পচ্চযা চক্খুৰিঞ্ঞাণং…পে… কাযাযতনং…পে… ৰত্থুং পচ্চযা চিত্তং; পটিসন্ধিক্খণে…পে…. (১)

নোচিত্তসংসট্ঠসমুট্ঠানং ধম্মং পচ্চযা চিত্তসংসট্ঠসমুট্ঠানো ধম্মো উপ্পজ্জতি আরম্মণপচ্চযা – চক্খাযতনং পচ্চযা চক্খুৰিঞ্ঞাণসহগতা খন্ধা…পে… কাযাযতনং…পে… চিত্তং পচ্চযা সম্পযুত্তকা খন্ধা, ৰত্থুং পচ্চযা চিত্তসংসট্ঠসমুট্ঠানা খন্ধা (পটিসন্ধিক্খণে দ্ৰেপি কাতব্বা). (২)

নোচিত্তসংসট্ঠসমুট্ঠানং ধম্মং পচ্চযা চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা উপ্পজ্জন্তি আরম্মণপচ্চযা – চক্খাযতনং পচ্চযা চক্খুৰিঞ্ঞাণং সম্পযুত্তকা চ খন্ধা…পে… কাযাযতনং…পে… ৰত্থুং পচ্চযা চিত্তং সম্পযুত্তকা চ খন্ধা (পটিসন্ধিক্খণে একং কাতব্বং). (৩)

২৯২. চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পচ্চযা চিত্তসংসট্ঠসমুট্ঠানো ধম্মো উপ্পজ্জতি আরম্মণপচ্চযা – চক্খুৰিঞ্ঞাণসহগতং একং খন্ধঞ্চ চক্খাযতনঞ্চ চক্খুৰিঞ্ঞাণঞ্চ পচ্চযা দ্ৰে খন্ধা, দ্ৰে খন্ধে…পে… কাযৰিঞ্ঞাণসহগতং…পে… চিত্তসংসট্ঠসমুট্ঠানং একং খন্ধঞ্চ চিত্তঞ্চ পচ্চযা দ্ৰে খন্ধা, দ্ৰে খন্ধে…পে… চিত্তসংসট্ঠসমুট্ঠানং একং খন্ধঞ্চ ৰত্থুঞ্চ পচ্চযা দ্ৰে খন্ধা, দ্ৰে খন্ধে…পে… (পটিসন্ধিক্খণে দ্ৰে কাতব্বা). (১)

চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পচ্চযা নোচিত্তসংসট্ঠসমুট্ঠানো ধম্মো উপ্পজ্জতি আরম্মণপচ্চযা – চক্খুৰিঞ্ঞাণসহগতে খন্ধে চ চক্খাযতনঞ্চ পচ্চযা চক্খুৰিঞ্ঞাণং …পে… কাযৰিঞ্ঞাণসহগতে…পে… চিত্তসংসট্ঠসমুট্ঠানে খন্ধে চ ৰত্থুঞ্চ পচ্চযা চিত্তং (পটিসন্ধিক্খণে একং কাতব্বং). (২)

চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পচ্চযা চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা উপ্পজ্জন্তি আরম্মণপচ্চযা – চিত্তসংসট্ঠসমুট্ঠানং একং খন্ধঞ্চ ৰত্থুঞ্চ পচ্চযা দ্ৰে খন্ধা চিত্তঞ্চ, দ্ৰে খন্ধে…পে… (পটিসন্ধিক্খণে একং কাতব্বং, সংখিত্তং). (৩)