১. ৰিভঙ্গৰারো

নহেতুপচ্চযো

২৮২. চিত্তসংসট্ঠসমুট্ঠানং ধম্মং পটিচ্চ চিত্তসংসট্ঠসমুট্ঠানো ধম্মো উপ্পজ্জতি নহেতুপচ্চযা – অহেতুকং চিত্তসংসট্ঠসমুট্ঠানং একং খন্ধং পটিচ্চ দ্ৰে খন্ধা, দ্ৰে খন্ধে…পে… অহেতুকপটিসন্ধিক্খণে…পে… ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

চিত্তসংসট্ঠসমুট্ঠানং ধম্মং পটিচ্চ নোচিত্তসংসট্ঠসমুট্ঠানো ধম্মো উপ্পজ্জতি নহেতুপচ্চযা – অহেতুকে চিত্তসংসট্ঠসমুট্ঠানে খন্ধে পটিচ্চ চিত্তং চিত্তসমুট্ঠানঞ্চ রূপং; অহেতুকপটিসন্ধিক্খণে…পে…. (২)

চিত্তসংসট্ঠসমুট্ঠানং ধম্মং পটিচ্চ চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা উপ্পজ্জন্তি নহেতুপচ্চযা – অহেতুকং চিত্তসংসট্ঠসমুট্ঠানং একং খন্ধং পটিচ্চ দ্ৰে খন্ধা চিত্তঞ্চ চিত্তসমুট্ঠানঞ্চ রূপং, দ্ৰে খন্ধে…পে… অহেতুকপটিসন্ধিক্খণে…পে…. (৩)

২৮৩. নোচিত্তসংসট্ঠসমুট্ঠানং ধম্মং পটিচ্চ নোচিত্তসংসট্ঠসমুট্ঠানো ধম্মো উপ্পজ্জতি নহেতুপচ্চযা – অহেতুকং চিত্তং পটিচ্চ চিত্তসমুট্ঠানং রূপং; অহেতুকপটিসন্ধিক্খণে চিত্তং পটিচ্চ কটত্তারূপং, চিত্তং পটিচ্চ ৰত্থু, ৰত্থুং পটিচ্চ চিত্তং, একং মহাভূতং…পে… (যাৰ অসঞ্ঞসত্তা). (১)

নোচিত্তসংসট্ঠসমুট্ঠানং ধম্মং পটিচ্চ চিত্তসংসট্ঠসমুট্ঠানো ধম্মো উপ্পজ্জতি নহেতুপচ্চযা – অহেতুকং চিত্তং পটিচ্চ সম্পযুত্তকা খন্ধা; অহেতুকপটিসন্ধিক্খণে চিত্তং পটিচ্চ সম্পযুত্তকা খন্ধা, অহেতুকপটিসন্ধিক্খণে ৰত্থুং পটিচ্চ চিত্তসংসট্ঠসমুট্ঠানা খন্ধা, ৰিচিকিচ্ছাসহগতং উদ্ধচ্চসহগতং চিত্তং পটিচ্চ ৰিচিকিচ্ছাসহগতো উদ্ধচ্চসহগতো মোহো. (২)

নোচিত্তসংসট্ঠসমুট্ঠানং ধম্মং পটিচ্চ চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা উপ্পজ্জন্তি নহেতুপচ্চযা – অহেতুকং চিত্তং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং; অহেতুকপটিসন্ধিক্খণে চিত্তং পটিচ্চ সম্পযুত্তকা খন্ধা কটত্তা চ রূপং, অহেতুকপটিসন্ধিক্খণে ৰত্থুং পটিচ্চ চিত্তং সম্পযুত্তকা চ খন্ধা. (৩)

২৮৪. চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পটিচ্চ চিত্তসংসট্ঠসমুট্ঠানো ধম্মো উপ্পজ্জতি নহেতুপচ্চযা – অহেতুকং চিত্তসংসট্ঠসমুট্ঠানং একং খন্ধঞ্চ চিত্তঞ্চ পটিচ্চ দ্ৰে খন্ধা, দ্ৰে খন্ধে…পে… অহেতুকপটিসন্ধিক্খণে চিত্তসংসট্ঠসমুট্ঠানং একং খন্ধঞ্চ চিতঞ্চ…পে… অহেতুকপটিসন্ধিক্খণে চিত্তসংসট্ঠসমুট্ঠানং একং খন্ধঞ্চ ৰত্থুঞ্চ পটিচ্চ দ্ৰে খন্ধা, দ্ৰে খন্ধে…পে… ৰিচিকিচ্ছাসহগতে উদ্ধচ্চসহগতে খন্ধে চ চিত্তঞ্চ পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পটিচ্চ নোচিত্তসংসট্ঠসমুট্ঠানো ধম্মো উপ্পজ্জতি নহেতুপচ্চযা – অহেতুকে চিত্তসংসট্ঠসমুট্ঠানে খন্ধে চ চিত্তঞ্চ পটিচ্চ চিত্তসমুট্ঠানং রূপং, অহেতুকে চিত্তসংসট্ঠসমুট্ঠানে খন্ধে চ মহাভূতে চ পটিচ্চ চিত্তসমুট্ঠানং রূপং; অহেতুকপটিসন্ধিক্খণে চিত্তসংসট্ঠসমুট্ঠানে খন্ধে চ চিত্তঞ্চ পটিচ্চ কটত্তারূপং, অহেতুকপটিসন্ধিক্খণে চিত্তসংসট্ঠসমুট্ঠানে খন্ধে চ মহাভূতে চ পটিচ্চ কটত্তারূপং, অহেতুকপটিসন্ধিক্খণে চিত্তসংসট্ঠসমুট্ঠানে খন্ধে চ ৰত্থুঞ্চ পটিচ্চ চিত্তং. (২)

চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পটিচ্চ চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা উপ্পজ্জন্তি নহেতুপচ্চযা – অহেতুকং চিত্তসংসট্ঠসমুট্ঠানং একং খন্ধঞ্চ চিত্তঞ্চ পটিচ্চ দ্ৰে খন্ধা চিত্তসমুট্ঠানঞ্চ রূপং, দ্ৰে খন্ধে…পে… (অহেতুকপটিসন্ধিক্খণে দ্ৰেপি কাতব্বা). (৩)

নআরম্মণপচ্চযো

২৮৫. চিত্তসংসট্ঠসমুট্ঠানং ধম্মং পটিচ্চ নোচিত্তসংসট্ঠসমুট্ঠানো ধম্মো উপ্পজ্জতি নআরম্মণপচ্চযা – চিত্তসংসট্ঠসমুট্ঠানে খন্ধে পটিচ্চ চিত্তসমুট্ঠানং রূপং; পটিসন্ধিক্খণে…পে…. (১)

নোচিত্তসংসট্ঠসমুট্ঠানং ধম্মং পটিচ্চ নোচিত্তসংসট্ঠসমুট্ঠানো ধম্মো উপ্পজ্জতি নআরম্মণপচ্চযা – চিত্তং পটিচ্চ চিত্তসমুট্ঠানং রূপং; পটিসন্ধিক্খণে চিত্তং পটিচ্চ কটত্তারূপং, চিত্তং পটিচ্চ ৰত্থু, একং মহাভূতং…পে… (যাৰ অসঞ্ঞসত্তা). (১)

চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পটিচ্চ নোচিত্তসংসট্ঠসমুট্ঠানো ধম্মো উপ্পজ্জতি নআরম্মণপচ্চযা – চিত্তসংসট্ঠসমুট্ঠানে খন্ধে চ চিত্তঞ্চ পটিচ্চ চিত্তসমুট্ঠানং রূপং, চিত্তসংসট্ঠসমুট্ঠানে খন্ধে চ মহাভূতে চ পটিচ্চ চিত্তসমুট্ঠানং রূপং (পটিসন্ধিক্খণে দ্ৰে, সংখিত্তং). (১)