১. ৰিভঙ্গৰারো

হেতুপচ্চযো

২৭৮. চিত্তসংসট্ঠসমুট্ঠানং ধম্মং পটিচ্চ চিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তসংসট্ঠসমুট্ঠানং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো; পটিসন্ধিক্খণে…পে…. (১)

চিত্তসংসট্ঠসমুট্ঠানং ধম্মং পটিচ্চ নোচিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তসংসট্ঠসমুট্ঠানে খন্ধে পটিচ্চ চিত্তং চিত্তসমুট্ঠানঞ্চ রূপং; পটিসন্ধিক্খণে চিত্তসংসট্ঠসমুট্ঠানে খন্ধে পটিচ্চ চিত্তং কটত্তা চ রূপং. (২)

চিত্তসংসট্ঠসমুট্ঠানং ধম্মং পটিচ্চ চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা উপ্পজ্জন্তি হেতুপচ্চযা – চিত্তসংসট্ঠসমুট্ঠানং একং খন্ধং পটিচ্চ দ্ৰে খন্ধা চিত্তঞ্চ চিত্তসমুট্ঠানঞ্চ রূপং, দ্ৰে খন্ধে…পে… পটিসন্ধিক্খণে…পে…. (৩)

২৭৯. নোচিত্তসংসট্ঠসমুট্ঠানং ধম্মং পটিচ্চ নোচিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তং পটিচ্চ চিত্তসমুট্ঠানং রূপং; পটিসন্ধিক্খণে চিত্তং পটিচ্চ কটত্তারূপং, চিত্তং পটিচ্চ ৰত্থু, ৰত্থুং পটিচ্চ চিত্তং, একং মহাভূতং…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. (১)

নোচিত্তসংসট্ঠসমুট্ঠানং ধম্মং পটিচ্চ চিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তং পটিচ্চ সম্পযুত্তকা খন্ধা; পটিসন্ধিক্খণে চিত্তং পটিচ্চ সম্পযুত্তকা খন্ধা, পটিসন্ধিক্খণে ৰত্থুং পটিচ্চ চিত্তসংসট্ঠসমুট্ঠানা খন্ধা. (২)

নোচিত্তসংসট্ঠসমুট্ঠানং ধম্মং পটিচ্চ চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা উপ্পজ্জন্তি হেতুপচ্চযা – চিত্তং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং; পটিসন্ধিক্খণে চিত্তং পটিচ্চ সম্পযুত্তকা খন্ধা কটত্তা চ রূপং, পটিসন্ধিক্খণে ৰত্থুং পটিচ্চ চিত্তং সম্পযুত্তকা চ খন্ধা. (৩)

২৮০. চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পটিচ্চ চিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তসংসট্ঠসমুট্ঠানং একং খন্ধঞ্চ চিত্তঞ্চ পটিচ্চ দ্ৰে খন্ধা, দ্ৰে খন্ধে…পে… পটিসন্ধিক্খণে চিত্তসংসট্ঠসমুট্ঠানং একং খন্ধঞ্চ চিত্তঞ্চ পটিচ্চ দ্ৰে খন্ধা, দ্ৰে খন্ধে…পে… পটিসন্ধিক্খণে চিত্তসংসট্ঠসমুট্ঠানং একং খন্ধঞ্চ ৰত্থুঞ্চ পটিচ্চ দ্ৰে খন্ধা, দ্ৰে খন্ধে…পে…. (১)

চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পটিচ্চ নোচিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তসংসট্ঠসমুট্ঠানে খন্ধে চ চিত্তঞ্চ পটিচ্চ চিত্তসমুট্ঠানং রূপং, চিত্তসংসট্ঠসমুট্ঠানে খন্ধে চ মহাভূতে চ পটিচ্চ চিত্তসমুট্ঠানং রূপং; পটিসন্ধিক্খণে চিত্তসংসট্ঠসমুট্ঠানে খন্ধে চ চিত্তঞ্চ পটিচ্চ কটত্তারূপং, পটিসন্ধিক্খণে চিত্তসংসট্ঠসমুট্ঠানে খন্ধে চ মহাভূতে চ পটিচ্চ কটত্তারূপং, পটিসন্ধিক্খণে চিত্তসংসট্ঠসমুট্ঠানে খন্ধে চ ৰত্থুঞ্চ পটিচ্চ চিত্তং. (২)

চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পটিচ্চ চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা উপ্পজ্জন্তি হেতুপচ্চযা – চিত্তসংসট্ঠসমুট্ঠানং একং খন্ধঞ্চ চিত্তঞ্চ পটিচ্চ দ্ৰে খন্ধা চিত্তসমুট্ঠানঞ্চ রূপং, দ্ৰে খন্ধে…পে… পটিসন্ধিক্খণে চিত্তসংসট্ঠসমুট্ঠানং একং খন্ধঞ্চ চিত্তঞ্চ পটিচ্চ দ্ৰে খন্ধা কটত্তা চ রূপং, দ্ৰে খন্ধে…পে… পটিসন্ধিক্খণে চিত্তসংসট্ঠসমুট্ঠানং একং খন্ধঞ্চ ৰত্থুঞ্চ পটিচ্চ দ্ৰে খন্ধা চিত্তঞ্চ, দ্ৰে খন্ধে…পে… (সংখিত্তং). (৩)