১. ৰিভঙ্গৰারো

হেতুপচ্চযো

২৫৭. চিত্তসহভূ ধম্মো চিত্তসহভুস্স ধম্মস্স হেতুপচ্চযেন পচ্চযো – চিত্তসহভূ হেতূ সম্পযুত্তকানং খন্ধানং চিত্তসহভূনং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (১)

চিত্তসহভূ ধম্মো নোচিত্তসহভুস্স ধম্মস্স হেতুপচ্চযেন পচ্চযো – চিত্তসহভূ হেতূ চিত্তস্স নোচিত্তসহভূনং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে চিত্তসহভূ হেতূ চিত্তস্স কটত্তা চ রূপানং হেতুপচ্চযেন পচ্চযো. (২)

চিত্তসহভূ ধম্মো চিত্তসহভুস্স চ নোচিত্তসহভুস্স চ ধম্মস্স হেতুপচ্চযেন পচ্চযো; চিত্তসহভূ হেতূ সম্পযুত্তকানং খন্ধানং চিত্তস্স চ চিত্তসহভূনঞ্চ নোচিত্তসহভূনঞ্চ চিত্তসমুট্ঠানানং রূপানং হেতুপচ্চযেন পচ্চযো. (৩)

আরম্মণপচ্চযো

২৫৮. চিত্তসহভূ ধম্মো চিত্তসহভুস্স ধম্মস্স আরম্মণপচ্চযেন পচ্চযো… নৰ (চিত্তসমুট্ঠানদুকসদিসং, নিন্নানাকরণং).

অধিপতিপচ্চযো

২৫৯. চিত্তসহভূ ধম্মো চিত্তসহভুস্স ধম্মস্স অধিপতিপচ্চযেন পচ্চযো… তীণি (আরম্মণাধিপতিপি সহজাতাধিপতিপি কাতব্বা).

নোচিত্তসহভূ ধম্মো নোচিত্তসহভুস্স ধম্মস্স অধিপতিপচ্চযেন পচ্চযো… তীণি (আরম্মণাধিপতিপি সহজাতাধিপতিপি ইমেসম্পি তিণ্ণং কাতব্বা. নৰপি পঞ্হা চিত্তসমুট্ঠানদুকসদিসা. অন্তে তীণি আরম্মণাধিপতিযেৰ).

অনন্তরপচ্চযাদি

২৬০. চিত্তসহভূ ধম্মো চিত্তসহভুস্স ধম্মস্স অনন্তরপচ্চযেন পচ্চযো… নৰ (চিত্তসমুট্ঠানদুকসদিসং, নিন্নানাকরণং)… সমনন্তরপচ্চযেন পচ্চযো… নৰ (পটিচ্চসদিসা) … সহজাতপচ্চযেন পচ্চযো… নৰ (পটিচ্চসদিসা)… অঞ্ঞমঞ্ঞপচ্চযেন পচ্চযো… নৰ (পটিচ্চসদিসা)… নিস্সযপচ্চযেন পচ্চযো… নৰ (পচ্চযৰারসদিসা)… উপনিস্সযপচ্চযেন পচ্চযো… নৰ (চিত্তসমুট্ঠানদুকসদিসা).

পুরেজাতপচ্চযো

২৬১. নোচিত্তসহভূ ধম্মো নোচিত্তসহভুস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং… তীণি (নোচিত্তসহভূ মূলংযেৰ লব্ভতি, চিত্তসমুট্ঠানদুকসদিসা. তীণিপি নিন্নানাকরণং).

পচ্ছাজাতাসেৰনপচ্চযা

২৬২. চিত্তসহভূ ধম্মো নোচিত্তসহভুস্স ধম্মস্স পচ্ছাজাতপচ্চযেন পচ্চযো – পচ্ছাজাতা চিত্তসহভূ খন্ধা পুরেজাতস্স ইমস্স নোচিত্তসহভুস্স কাযস্স পচ্ছাজাতপচ্চযেন পচ্চযো. (১)

নোচিত্তসহভূ ধম্মো নোচিত্তসহভুস্স ধম্মস্স পচ্ছাজাতপচ্চযেন পচ্চযো…পে…. (১)

চিত্তসহভূ চ নোচিত্তসহভূ চ ধম্মা নোচিত্তসহভুস্স ধম্মস্স পচ্ছাজাতপচ্চযেন পচ্চযো (সংখিত্তং)… আসেৰনপচ্চযেন পচ্চযো… নৰ.

কম্মপচ্চযো

২৬৩. চিত্তসহভূ ধম্মো চিত্তসহভুস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসহভূ চেতনা সম্পযুত্তকানং খন্ধানং চিত্তসহভূনং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসহভূ চেতনা ৰিপাকানং চিত্তসহভূনং খন্ধানং কম্মপচ্চযেন পচ্চযো. (১)

চিত্তসহভূ ধম্মো নোচিত্তসহভুস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসহভূ চেতনা চিত্তস্স নোচিত্তসহভূনং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসহভূ চেতনা ৰিপাকস্স চিত্তস্স কটত্তা চ রূপানং কম্মপচ্চযেন পচ্চযো. (২)

চিত্তসহভূ ধম্মো চিত্তসহভুস্স চ নোচিত্তসহভুস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসহভূ চেতনা সম্পযুত্তকানং খন্ধানং চিত্তস্স চ চিত্তসহভূনঞ্চ নোচিত্তসহভূনঞ্চ চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসহভূ চেতনা ৰিপাকানং খন্ধানং চিত্তস্স কটত্তা চ রূপানং কম্মপচ্চযেন পচ্চযো. (৩)

ৰিপাকপচ্চযাদি

২৬৪. চিত্তসহভূ ধম্মো চিত্তসহভুস্স ধম্মস্স ৰিপাকপচ্চযেন পচ্চযো (চিত্তসমুট্ঠানদুকসদিসং)… আহারপচ্চযেন পচ্চযো… নৰ (চিত্তসমুট্ঠানদুকসদিসা. ইমম্পি একং কবল়ীকারআহারসদিসং). চিত্তসহভূ ধম্মো চিত্তসহভুস্স ধম্মস্স ইন্দ্রিযপচ্চযেন পচ্চযো… নৰ (চিত্তসমুট্ঠানদুকসদিসং, নিন্নানাকরণং)… ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… পঞ্চ.

ৰিপ্পযুত্তপচ্চযো

২৬৫. চিত্তসহভূ ধম্মো চিত্তসহভুস্স ধম্মস্স ৰিপ্পযুত্তপচ্চযেন পচ্চযো. সহজাতা – চিত্তসহভূ খন্ধা চিত্তসহভূনং চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. (১)

চিত্তসহভূ ধম্মো নোচিত্তসহভুস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – চিত্তসহভূ খন্ধা নোচিত্তসহভূনং চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে…পে…. পচ্ছাজাতা – চিত্তসহভূ খন্ধা পুরেজাতস্স ইমস্স নোচিত্তসহভুস্স কাযস্স ৰিপ্পযুত্তপচ্চযেন পচ্চযো. (২)

চিত্তসহভূ ধম্মো চিত্তসহভুস্স চ নোচিত্তসহভুস্স চ ধম্মস্স ৰিপ্পযুত্তপচ্চযেন পচ্চযো. সহজাতা – চিত্তসহভূ খন্ধা চিত্তসহভূনঞ্চ নোচিত্তসহভূনঞ্চ চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. (৩)

২৬৬. নোচিত্তসহভূ ধম্মো নোচিত্তসহভুস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতং – চিত্তং নোচিত্তসহভূনং চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে চিত্তং কটত্তারূপানং ৰিপ্পযুত্তপচ্চযেন পচ্চযো; চিত্তং ৰত্থুস্স ৰিপ্পযুত্তপচ্চযেন পচ্চযো; ৰত্থু চিত্তস্স ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স ৰিপ্পযুত্তপচ্চযেন পচ্চযো…পে… কাযাযতনং…পে… ৰত্থু চিত্তস্স ৰিপ্পযুত্তপচ্চযেন পচ্চযো. পচ্ছাজাতং – চিত্তং পুরেজাতস্স ইমস্স নোচিত্তসহভুস্স কাযস্স ৰিপ্পযুত্তপচ্চযেন পচ্চযো. (১)

নোচিত্তসহভূ ধম্মো চিত্তসহভুস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং. সহজাতং – চিত্তং চিত্তসহভূনং চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণসহগতানং খন্ধানং ৰিপ্পযুত্তপচ্চযেন পচ্চযো…পে… কাযাযতনং…পে… ৰত্থু চিত্তসহভূনং খন্ধানং ৰিপ্পযুত্তপচ্চযেন পচ্চযো. (২)

নোচিত্তসহভূ ধম্মো চিত্তসহভুস্স চ নোচিত্তসহভুস্স চ ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং. সহজাতং – চিত্তং চিত্তসহভূনঞ্চ নোচিত্তসহভূনঞ্চ চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স সম্পযুত্তকানঞ্চ রূপানং ৰিপ্পযুত্তপচ্চযেন পচ্চযো…পে… কাযাযতনং…পে… ৰত্থু চিত্তস্স সম্পযুত্তকানঞ্চ খন্ধানং ৰিপ্পযুত্তপচ্চযেন পচ্চযো. (৩)

২৬৭. চিত্তসহভূ চ নোচিত্তসহভূ চ ধম্মা চিত্তসহভুস্স ধম্মস্স ৰিপ্পযুত্তপচ্চযেন পচ্চযো. সহজাতা – চিত্তসহভূ খন্ধা চ চিত্তঞ্চ চিত্তসহভূনং চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. (১)

চিত্তসহভূ চ নোচিত্তসহভূ চ ধম্মা নোচিত্তসহভুস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – চিত্তসহভূ খন্ধা চ চিত্তঞ্চ নোচিত্তসহভূনং চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে …পে…. পচ্ছাজাতা – চিত্তসহভূ খন্ধা চ চিত্তঞ্চ পুরেজাতস্স ইমস্স নোচিত্তসহভুস্স কাযস্স ৰিপ্পযুত্তপচ্চযেন পচ্চযো. (২)

চিত্তসহভূ চ নোচিত্তসহভূ চ ধম্মা চিত্তসহভুস্স চ নোচিত্তসহভুস্স চ ধম্মস্স ৰিপ্পযুত্তপচ্চযেন পচ্চযো – চিত্তসহভূ খন্ধা চ চিত্তঞ্চ চিত্তসহভূনঞ্চ নোচিত্তসহভূনঞ্চ চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. (৩)

অত্থিপচ্চযো

২৬৮. চিত্তসহভূ ধম্মো চিত্তসহভুস্স ধম্মস্স অত্থিপচ্চযেন পচ্চযো – চিত্তসহভূ একো খন্ধো…পে… (পটিচ্চসদিসং). (১)

চিত্তসহভূ ধম্মো নোচিত্তসহভুস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং). (২)

চিত্তসহভূ ধম্মো চিত্তসহভুস্স চ নোচিত্তসহভুস্স চ ধম্মস্স অত্থিপচ্চযেন পচ্চযো – চিত্তসহভূ একো খন্ধো…পে… (পটিচ্চসদিসং). (৩)

নোচিত্তসহভূ ধম্মো নোচিত্তসহভুস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং). (১)

নোচিত্তসহভূ ধম্মো চিত্তসহভুস্স ধম্মস্স অত্থিপচ্চযেন পচ্চযো – সহজাতং, পুরেজাতং (সংখিত্তং. (২)

নোচিত্তসহভূ ধম্মো চিত্তসহভুস্স চ নোচিত্তসহভুস্স চ ধম্মস্স অত্থিপচ্চযেন পচ্চযো – সহজাতং, পুরেজাতং (সংখিত্তং). (৩)

২৬৯. চিত্তসহভূ চ নোচিত্তসহভূ চ ধম্মা চিত্তসহভুস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – চক্খুৰিঞ্ঞাণসহগতো একো খন্ধো চ চক্খাযতনঞ্চ চক্খুৰিঞ্ঞাণঞ্চ দ্ৰিন্নং খন্ধানং…পে… দ্ৰে খন্ধা চ…পে… (সব্বং পটিসন্ধিযং কাতব্বং, সহজাতং পুরেজাতম্পি). (১)

চিত্তসহভূ চ নোচিত্তসহভূ চ ধম্মা নোচিত্তসহভুস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতা – চক্খুৰিঞ্ঞাণসহগতা খন্ধা চক্খাযতনঞ্চ চক্খুৰিঞ্ঞাণস্স অত্থিপচ্চযেন পচ্চযো…পে… কাযৰিঞ্ঞাণসহগতা…পে… চিত্তসহভূ খন্ধা চ চিত্তঞ্চ নোচিত্তসহভূনং চিত্তসমুট্ঠানানং রূপানং অত্থিপচ্চযেন পচ্চযো. সহজাতা – চিত্তসহভূ খন্ধা চ ৰত্থু চ চিত্তস্স অত্থিপচ্চযেন পচ্চযো. সহজাতা – চিত্তসহভূ খন্ধা চ মহাভূতা চ নোচিত্তসহভূনং চিত্তসমুট্ঠানানং রূপানং অত্থিপচ্চযেন পচ্চযো (পটিসন্ধিক্খণে তীণিপি কাতব্বা). পচ্ছাজাতা – চিত্তসহভূ খন্ধা চ চিত্তঞ্চ পুরেজাতস্স ইমস্স নোচিত্তসহভুস্স কাযস্স অত্থিপচ্চযেন পচ্চযো. পচ্ছাজাতা – চিত্তসহভূ খন্ধা চ কবল়ীকারো আহারো চ ইমস্স নোচিত্তসহভুস্স কাযস্স অত্থিপচ্চযেন পচ্চযো. পচ্ছাজাতা – চিত্তসহভূ খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)

চিত্তসহভূ চ নোচিত্তসহভূ চ ধম্মা চিত্তসহভুস্স চ নোচিত্তসহভুস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – চক্খুৰিঞ্ঞাণসহগতো একো খন্ধো চ চক্খাযতনং চ…পে… (পচ্চযৰারসদিসং). (৩)