১. ৰিভঙ্গৰারো

নহেতুপচ্চযো

২৪৩. চিত্তসহভুং ধম্মং পটিচ্চ চিত্তসহভূ ধম্মো উপ্পজ্জতি নহেতুপচ্চযা – অহেতুকং চিত্তসহভুং একং খন্ধং পটিচ্চ দ্ৰে খন্ধা চিত্তসহভু চিত্তসমুট্ঠানঞ্চ রূপং, দ্ৰে খন্ধে…পে… অহেতুকপটিসন্ধিক্খণে…পে… ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (এৰং নৰপি পঞ্হা কাতব্বা. ‘‘অহেতুক’’ন্তি নিযামেতব্বং. যথা অনুলোমে লব্ভতি এৰং কাতব্বং. তীণি মোহো যথা চিত্তসমুট্ঠানদুকে এৰমেৰ কাতব্বা.)

নকম্মপচ্চযো

২৪৪. চিত্তসহভুং ধম্মং পটিচ্চ চিত্তসহভূ ধম্মো উপ্পজ্জতি নকম্মপচ্চযা – চিত্তসহভূ খন্ধে পটিচ্চ চিত্তসহভূ চেতনা.

নোচিত্তসহভুং ধম্মং পটিচ্চ নোচিত্তসহভূ ধম্মো উপ্পজ্জতি নকম্মপচ্চযা – বাহিরং… আহারসমুট্ঠানং… উতুসমুট্ঠানং…পে….

নোচিত্তসহভুং ধম্মং পটিচ্চ চিত্তসহভূ ধম্মো উপ্পজ্জতি নকম্মপচ্চযা – চিত্তং পটিচ্চ সম্পযুত্তকা চেতনা.

চিত্তসহভুঞ্চ নোচিত্তসহভুঞ্চ ধম্মং পটিচ্চ চিত্তসহভূ ধম্মো উপ্পজ্জতি নকম্মপচ্চযা – চিত্তসহভূ খন্ধে চ চিত্তঞ্চ পটিচ্চ সম্পযুত্তকা চেতনা.

নঝানপচ্চযো

২৪৫. চিত্তসহভুং ধম্মং পটিচ্চ চিত্তসহভূ ধম্মো উপ্পজ্জতি নঝানপচ্চযা – পঞ্চৰিঞ্ঞাণসহগতং…পে….