১. ৰিভঙ্গৰারো

হেতুপচ্চযো

২৩৯. চিত্তসহভুং ধম্মং পটিচ্চ চিত্তসহভূ ধম্মো উপ্পজ্জতি হেতুপচ্চযা – চিত্তসহভুং একং খন্ধং পটিচ্চ দ্ৰে খন্ধা চিত্তসহভু চিত্তসমুট্ঠানঞ্চ রূপং, দ্ৰে খন্ধে…পে… পটিসন্ধিক্খণে চিত্তসহভুং একং খন্ধং পটিচ্চ দ্ৰে খন্ধা, দ্ৰে খন্ধে…পে…. (১)

চিত্তসহভুং ধম্মং পটিচ্চ নোচিত্তসহভূ ধম্মো উপ্পজ্জতি হেতুপচ্চযা – চিত্তসহভূ খন্ধে পটিচ্চ চিত্তং নোচিত্তসহভু চিত্তসমুট্ঠানঞ্চ রূপং; পটিসন্ধিক্খণে চিত্তসহভূ খন্ধে পটিচ্চ চিত্তং কটত্তা চ রূপং. (২)

চিত্তসহভুং ধম্মং পটিচ্চ চিত্তসহভূ চ নোচিত্তসহভূ চ ধম্মা উপ্পজ্জন্তি হেতুপচ্চযা – চিত্তসহভুং একং খন্ধং পটিচ্চ দ্ৰে খন্ধা চিত্তঞ্চ চিত্তসহভু চ নোচিত্তসহভু চ চিত্তসমুট্ঠানং রূপং, দ্ৰে খন্ধে…পে… পটিসন্ধিক্খণে চিত্তসহভুং একং খন্ধং পটিচ্চ দ্ৰে খন্ধা চিত্তঞ্চ কটত্তা চ রূপং, দ্ৰে খন্ধে…পে…. (৩)

২৪০. নোচিত্তসহভুং ধম্মং পটিচ্চ নোচিত্তসহভূ ধম্মো উপ্পজ্জতি হেতুপচ্চযা – চিত্তং পটিচ্চ নোচিত্তসহভু চিত্তসমুট্ঠানং রূপং; পটিসন্ধিক্খণে চিত্তং পটিচ্চ কটত্তারূপং, চিত্তং পটিচ্চ ৰত্থু, ৰত্থুং পটিচ্চ চিত্তং, একং মহাভূতং…পে… মহাভূতে পটিচ্চ নোচিত্তসহভু চিত্তসমুট্ঠানং রূপং কটত্তারূপং উপাদারূপং. (১)

নোচিত্তসহভুং ধম্মং পটিচ্চ চিত্তসহভূ ধম্মো উপ্পজ্জতি হেতুপচ্চযা – চিত্তং পটিচ্চ সম্পযুত্তকা খন্ধা চিত্তসহভু চিত্তসমুট্ঠানঞ্চ রূপং; পটিসন্ধিক্খণে চিত্তং পটিচ্চ সম্পযুত্তকা খন্ধা, পটিসন্ধিক্খণে ৰত্থুং পটিচ্চ চিত্তসহভূ খন্ধা, মহাভূতে পটিচ্চ চিত্তসহভু চিত্তসমুট্ঠানং রূপং উপাদারূপং. (২)

নোচিত্তসহভুং ধম্মং পটিচ্চ চিত্তসহভূ চ নোচিত্তসহভূ চ ধম্মা উপ্পজ্জন্তি হেতুপচ্চযা – চিত্তং পটিচ্চ সম্পযুত্তকা খন্ধা চিত্তসহভু চ নোচিত্তসহভু চ চিত্তসমুট্ঠানং রূপং; পটিসন্ধিক্খণে চিত্তং পটিচ্চ সম্পযুত্তকা খন্ধা কটত্তা চ রূপং, পটিসন্ধিক্খণে ৰত্থুং পটিচ্চ চিত্তঞ্চ সম্পযুত্তকা চ খন্ধা, মহাভূতে পটিচ্চ চিত্তসহভু চ নোচিত্তসহভু চ চিত্তসমুট্ঠানং রূপং উপাদারূপং. (৩)

২৪১. চিত্তসহভুঞ্চ নোচিত্তসহভুঞ্চ ধম্মং পটিচ্চ চিত্তসহভূ ধম্মো উপ্পজ্জতি হেতুপচ্চযা – চিত্তসহভুং একং খন্ধঞ্চ চিত্তঞ্চ পটিচ্চ দ্ৰে খন্ধা চিত্তসহভু চিত্তসমুট্ঠানঞ্চ রূপং, দ্ৰে খন্ধে চ…পে… পটিসন্ধিক্খণে চিত্তসহভুং একং খন্ধঞ্চ চিত্তঞ্চ পটিচ্চ দ্ৰে খন্ধা, দ্ৰে খন্ধে চ…পে… পটিসন্ধিক্খণে চিত্তসহভুং একং খন্ধঞ্চ ৰত্থুঞ্চ পটিচ্চ দ্ৰে খন্ধা, দ্ৰে খন্ধে চ…পে… চিত্তসহভূ খন্ধে চ মহাভূতে চ পটিচ্চ চিত্তসহভু চিত্তসমুট্ঠানং রূপং উপাদারূপং. (১)

চিত্তসহভুঞ্চ নোচিত্তসহভুঞ্চ ধম্মং পটিচ্চ নোচিত্তসহভূ ধম্মো উপ্পজ্জতি হেতুপচ্চযা – চিত্তসহভূ খন্ধে চ চিত্তঞ্চ পটিচ্চ নোচিত্তসহভু চিত্তসমুট্ঠানং রূপং; পটিসন্ধিক্খণে চিত্তসহভূ খন্ধে চ চিত্তঞ্চ পটিচ্চ কটত্তারূপং, পটিসন্ধিক্খণে চিত্তসহভূ খন্ধে চ ৰত্থুঞ্চ পটিচ্চ চিত্তং, চিত্তসহভূ খন্ধে চ মহাভূতে চ পটিচ্চ নোচিত্তসহভু চিত্তসমুট্ঠানং রূপং কটত্তারূপং উপাদারূপং. (২)

চিত্তসহভুঞ্চ নোচিত্তসহভুঞ্চ ধম্মং পটিচ্চ চিত্তসহভূ চ নোচিত্তসহভূ চ ধম্মা উপ্পজ্জন্তি হেতুপচ্চযা – চিত্তসহভুং একং খন্ধঞ্চ চিত্তঞ্চ পটিচ্চ দ্ৰে খন্ধা চিত্তসহভু চ নোচিত্তসহভু চ চিত্তসমুট্ঠানং রূপং, দ্ৰে খন্ধে চ…পে… পটিসন্ধিক্খণে চিত্তসহভুং একং খন্ধঞ্চ চিত্তঞ্চ পটিচ্চ দ্ৰে খন্ধা কটত্তা চ রূপং, দ্ৰে খন্ধে চ…পে… পটিসন্ধিক্খণে চিত্তসহভুং এক খন্ধঞ্চ ৰত্থুঞ্চ পটিচ্চ দ্ৰে খন্ধা চিত্তঞ্চ, দ্ৰে খন্ধে চ…পে… চিত্তসহভূ খন্ধে চ মহাভূতে চ পটিচ্চ কটত্তারূপং উপাদারূপং (সংখিত্তং). (৩)