১. ৰিভঙ্গৰারো

হেতুপচ্চযো

২১০. চিত্তসমুট্ঠানো ধম্মো চিত্তসমুট্ঠানস্স ধম্মস্স হেতুপচ্চযেন পচ্চযো – চিত্তসমুট্ঠানা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (১)

চিত্তসমুট্ঠানো ধম্মো নোচিত্তসমুট্ঠানস্স ধম্মস্স হেতুপচ্চযেন পচ্চযো – চিত্তসমুট্ঠানা হেতূ চিত্তস্স হেতুপচ্চযেন পচ্চযো; পটিসন্ধিক্খণে চিত্তসমুট্ঠানা হেতূ চিত্তস্স কটত্তা চ রূপানং হেতুপচ্চযেন পচ্চযো. (২)

চিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স হেতুপচ্চযেন পচ্চযো – চিত্তসমুট্ঠানা হেতূ সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (৩)

আরম্মণপচ্চযো

২১১. চিত্তসমুট্ঠানো ধম্মো চিত্তসমুট্ঠানস্স ধম্মস্স আরম্মণপচ্চযেন পচ্চযো – চিত্তসমুট্ঠানে খন্ধে আরব্ভ চিত্তসমুট্ঠানা খন্ধা উপ্পজ্জন্তি. (মূলং কাতব্বং) চিত্তসমুট্ঠানে খন্ধে আরব্ভ চিত্তং উপ্পজ্জতি. (মূলং কাতব্বং) চিত্তসমুট্ঠানে খন্ধে আরব্ভ চিত্তসমুট্ঠানা খন্ধা চ চিত্তঞ্চ উপ্পজ্জন্তি. (৩)

২১২. নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স আরম্মণপচ্চযেন পচ্চযো – অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং…পে… নিব্বানং পচ্চৰেক্খন্তি. নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো; চক্খুং…পে… ৰত্থুং নোচিত্তসমুট্ঠানে খন্ধে অনিচ্চতো…পে… ৰিপস্সতি, অস্সাদেতি অভিনন্দতি, তং আরব্ভ চিত্তং উপ্পজ্জতি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. চেতোপরিযঞাণেন নোচিত্তসমুট্ঠানচিত্তসমঙ্গিস্স চিত্তং জানাতি, আকাসানঞ্চাযতনং…পে… আকিঞ্চঞ্ঞাযতনং…পে… রূপাযতনং চক্খুৰিঞ্ঞাণস্স…পে… ফোট্ঠব্বাযতনং…পে… নোচিত্তসমুট্ঠানা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

নোচিত্তসমুট্ঠানো ধম্মো চিত্তসমুট্ঠানস্স ধম্মস্স আরম্মণপচ্চযেন পচ্চযো – অরিযা মগ্গা…পে… নিব্বানং পচ্চৰেক্খন্তি (পঠমগমনসদিসং); চক্খুং…পে… ৰত্থুং নোচিত্তসমুট্ঠানে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি…পে… রূপাযতনং চক্খুৰিঞ্ঞাণসহগতানং খন্ধানং…পে… ফোট্ঠব্বাযতনং…পে… নোচিত্তসমুট্ঠানা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (২)

নোচিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স আরম্মণপচ্চযেন পচ্চযো – অরিযা মগ্গা…পে… নিব্বানং পচ্চৰেক্খন্তি (পঠমগমনসদিসং), নোচিত্তসমুট্ঠানে খন্ধে অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ চিত্তঞ্চ সম্পযুত্তকা চ খন্ধা উপ্পজ্জন্তি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স সম্পযুত্তকানঞ্চ খন্ধানং…পে… ফোট্ঠব্বাযতনং…পে… নোচিত্তসমুট্ঠানা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স অনাগতংসঞাণস্স, আৰজ্জনায আরম্মণপচ্চযেন পচ্চযো. (৩)

চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স আরম্মণপচ্চযেন পচ্চযো… তীণি (আরব্ভ কাতব্বা).

অধিপতিপচ্চযো

২১৩. চিত্তসমুট্ঠানো ধম্মো চিত্তসমুট্ঠানস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – চিত্তসমুট্ঠানে খন্ধে গরুং কত্ৰা চিত্তসমুট্ঠানা খন্ধা উপ্পজ্জন্তি. সহজাতাধিপতি – চিত্তসমুট্ঠানাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো (তীণিপি আরম্মণাধিপতি, সহজাতাধিপতিপি কাতব্বা). (৩)

নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স অধিপতিপচ্চযেন পচ্চযো – আরম্মণাধিপতি – অরিযা মগ্গা…পে… নিব্বানং গরুং কত্ৰা…পে… নোচিত্তসমুট্ঠানে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা চিত্তং উপ্পজ্জতি. (১)

নোচিত্তসমুট্ঠানো ধম্মো চিত্তসমুট্ঠানস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অরিযা মগ্গা…পে… নিব্বানং গরুং কত্ৰা পচ্চৰেক্খন্তি…পে… নোচিত্তসমুট্ঠানে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – নোচিত্তসমুট্ঠানাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (২)

নোচিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স অধিপতিপচ্চযেন পচ্চযো. আরম্মণাধিপতি – অরিযা মগ্গা…পে… নিব্বানং গরুং কত্ৰা পচ্চৰেক্খন্তি…পে… নোচিত্তসমুট্ঠানে খন্ধে গরুং কত্ৰা…পে… চিত্তঞ্চ সম্পযুত্তকা চ খন্ধা উপ্পজ্জন্তি. (৩)

চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স অধিপতিপচ্চযেন পচ্চযো – আরম্মণাধিপতি… তীণি (আরম্মণাধিপতিযেৰ).

অনন্তর-সমনন্তরপচ্চযা

২১৪. চিত্তসমুট্ঠানো ধম্মো চিত্তসমুট্ঠানস্স ধম্মস্স অনন্তরপচ্চযেন পচ্চযো… তীণি (ৰুট্ঠানং নত্থি).

নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স অনন্তরপচ্চযেন পচ্চযো – পুরিমং পুরিমং চিত্তং পচ্ছিমস্স পচ্ছিমস্স…পে… নিরোধা ৰুট্ঠহন্তস্স নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো (ইতরে দ্ৰে গণনা, ইমস্স সদিসাযেৰ কাতব্বা).

চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স অনন্তরপচ্চযেন পচ্চযো (তীণি কাতব্বা, ৰুট্ঠানং নত্থি)… সমনন্তরপচ্চযেন পচ্চযো.

সহজাতপচ্চযাদি

২১৫. চিত্তসমুট্ঠানো ধম্মো চিত্তসমুট্ঠানস্স ধম্মস্স সহজাতপচ্চযেন পচ্চযো (পটিচ্চৰারসদিসং)… অঞ্ঞমঞ্ঞপচ্চযেন পচ্চযো (পটিচ্চৰারসদিসং)… নিস্সযপচ্চযেন পচ্চযো (পচ্চযৰারসদিসং).

উপনিস্সযপচ্চযো

২১৬. চিত্তসমুট্ঠানো ধম্মো চিত্তসমুট্ঠানস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – (তীণি পঞ্হা কাতব্বা). (৩)

নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – উতুং… ভোজনং… সেনাসনং চিত্তং উপনিস্সায দানং দেতি…পে… সঙ্ঘং ভিন্দতি; উতু… ভোজনং… সেনাসনং চিত্তং চিত্তস্স উপনিস্সযপচ্চযেন পচ্চযো. (১)

নোচিত্তসমুট্ঠানো ধম্মো চিত্তসমুট্ঠানস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – উতুং… ভোজনং… সেনাসনং চিত্তং উপনিস্সায দানং দেতি…পে… সঙ্ঘং ভিন্দতি; উতু… ভোজনং… সেনাসনং চিত্তং সদ্ধায…পে… মগ্গস্স ফলসমাপত্তিযা উপনিস্সযপচ্চযেন পচ্চযো. (২)

নোচিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – উতুং… ভোজনং… সেনাসনং চিত্তং উপনিস্সায দানং দেতি…পে… সঙ্ঘং ভিন্দতি; উতু… ভোজনং… সেনাসনং চিত্তং চিত্তসমুট্ঠানানং খন্ধানং চিত্তস্স চ উপনিস্সযপচ্চযেন পচ্চযো. (৩)

চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো… তীণি.

পুরেজাতপচ্চযো

২১৭. চিত্তসমুট্ঠানো ধম্মো চিত্তসমুট্ঠানস্স ধম্মস্স পুরেজাতপচ্চযেন পচ্চযো. আরম্মণপুরেজাতং – চিত্তসমুট্ঠানে রূপে…পে… ফোট্ঠব্বে অনিচ্চতো…পে… ৰিপস্সতি…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণসহগতানং খন্ধানং পুরেজাতপচ্চযেন পচ্চযো…পে… ফোট্ঠব্বাযতনং কাযৰিঞ্ঞাণসহগতানং খন্ধানং পুরেজাতপচ্চযেন পচ্চযো. (১)

চিত্তসমুট্ঠানো ধম্মো নোচিত্তসমুট্ঠানস্স ধম্মস্স পুরেজাতপচ্চযেন পচ্চযো. আরম্মণপুরেজাতং – চিত্তসমুট্ঠানে রূপে…পে… ফোট্ঠব্বে অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ চিত্তং উপ্পজ্জতি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. (২)

চিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স পুরেজাতপচ্চযেন পচ্চযো. আরম্মণপুরেজাতং – চিত্তসমুট্ঠানে রূপে…পে… ফোট্ঠব্বে অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ চিত্তঞ্চ সম্পযুত্তকা চ খন্ধা উপ্পজ্জন্তি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স সম্পযুত্তকানঞ্চ খন্ধানং পুরেজাতপচ্চযেন পচ্চযো…পে… ফোট্ঠব্বাযতনং…পে…. (৩)

২১৮. নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… কাযং, রূপে…পে… ফোট্ঠব্বে ৰত্থুং অনিচ্চতো…পে… তং আরব্ভ চিত্তং উপ্পজ্জতি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং …পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং…পে… ৰত্থু চিত্তস্স পুরেজাতপচ্চযেন পচ্চযো. (১)

নোচিত্তসমুট্ঠানো ধম্মো চিত্তসমুট্ঠানস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণসহগতানং খন্ধানং…পে… ফোট্ঠব্বাযতনং…পে…. ৰত্থুপুরেজাতং – চক্খাযতনং চক্খুৰিঞ্ঞাণসহগতানং খন্ধানং…পে… কাযাযতনং…পে… ৰত্থু চিত্তসমুট্ঠানানং খন্ধানং পুরেজাতপচ্চযেন পচ্চযো. (২)

নোচিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… তং আরব্ভ চিত্তঞ্চ সম্পযুত্তকা চ খন্ধা উপ্পজ্জন্তি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স সম্পযুত্তকানঞ্চ খন্ধানং…পে… ফোট্ঠব্বাযতনং…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স সম্পযুত্তকানঞ্চ খন্ধানং…পে… কাযাযতনং…পে… ৰত্থু চিত্তস্স সম্পযুত্তকানঞ্চ খন্ধানং পুরেজাতপচ্চযেন পচ্চযো. (৩)

২১৯. চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. চিত্তসমুট্ঠানং রূপাযতনঞ্চ চক্খাযতনঞ্চ চক্খুৰিঞ্ঞাণসহগতানং খন্ধানং …পে… চিত্তসমুট্ঠানং ফোট্ঠব্বাযতনঞ্চ কাযাযতনঞ্চ কাযৰিঞ্ঞাণসহগতানং খন্ধানং পুরেজাতপচ্চযেন পচ্চযো; চিত্তসমুট্ঠানং রূপাযতনঞ্চ ৰত্থু চ চিত্তসমুট্ঠানানং খন্ধানং পুরেজাতপচ্চযেন পচ্চযো…পে… চিত্তসমুট্ঠানং ফোট্ঠব্বাযতনঞ্চ ৰত্থু চ…পে…. (১)

চিত্তসমুট্ঠানো চ নোচিত্তসমুট্ঠানো চ ধম্মা নোচিত্তসমুট্ঠানস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. চিত্তসমুট্ঠানং রূপাযতনঞ্চ চক্খাযতনঞ্চ চক্খুৰিঞ্ঞাণস্স…পে… চিত্তসমুট্ঠানং ফোট্ঠব্বাযতনঞ্চ কাযাযতনঞ্চ কাযৰিঞ্ঞাণস্স পুরেজাতপচ্চযেন পচ্চযো; চিত্তসমুট্ঠানং রূপাযতনঞ্চ ৰত্থু চ চিত্তস্স পুরেজাতপচ্চযেন পচ্চযো…পে… চিত্তসমুট্ঠানং ফোট্ঠব্বাযতনঞ্চ ৰত্থু চ…পে…. (২)

চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স চ নোচিত্তসমুট্ঠানস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. চিত্তসমুট্ঠানং রূপাযতনঞ্চ চক্খাযতনঞ্চ চক্খুৰিঞ্ঞাণস্স সম্পযুত্তকানঞ্চ খন্ধানং পুরেজাতপচ্চযেন পচ্চযো…পে… চিত্তসমুট্ঠানং ফোট্ঠব্বাযতনং চ…পে… চিত্তসমুট্ঠানং রূপাযতনঞ্চ ৰত্থু চ চিত্তস্স সম্পযুত্তকানঞ্চ খন্ধানং পুরেজাতপচ্চযেন পচ্চযো…পে… চিত্তসমুট্ঠানং ফোট্ঠব্বাযতনঞ্চ ৰত্থু চ…পে…. (৩)

পচ্ছাজাতাসেৰনপচ্চযা

২২০. চিত্তসমুট্ঠানো ধম্মো চিত্তসমুট্ঠানস্স ধম্মস্স পচ্ছাজাতপচ্চযেন পচ্চযো – পচ্ছাজাতা চিত্তসমুট্ঠানা খন্ধা পুরেজাতস্স ইমস্স চিত্তসমুট্ঠানস্স কাযস্স পচ্ছাজাতপচ্চযেন পচ্চযো (ইমিনাকারেনেৰ পচ্ছাজাতো ৰিত্থারেতব্বো)… আসেৰনপচ্চযেন পচ্চযো… নৰ.

কম্ম-ৰিপাকপচ্চযা

২২১. চিত্তসমুট্ঠানো ধম্মো চিত্তসমুট্ঠানস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসমুট্ঠানা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসমুট্ঠানা চেতনা ৰিপাকানং খন্ধানং কম্মপচ্চযেন পচ্চযো. (১)

চিত্তসমুট্ঠানো ধম্মো নোচিত্তসমুট্ঠানস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসমুট্ঠানা চেতনা চিত্তস্স কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসমুট্ঠানা চেতনা ৰিপাকস্স চিত্তস্স কটত্তা চ রূপানং কম্মপচ্চযেন পচ্চযো. (২)

চিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসমুট্ঠানা চেতনা সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসমুট্ঠানা চেতনা ৰিপাকানং খন্ধানং চিত্তস্স চ কটত্তা চ রূপানং কম্মপচ্চযেন পচ্চযো. (৩)

চিত্তসমুট্ঠানো ধম্মো চিত্তসমুট্ঠানস্স ধম্মস্স ৰিপাকপচ্চযেন পচ্চযো… নৰ.

আহারপচ্চযো

২২২. চিত্তসমুট্ঠানো ধম্মো চিত্তসমুট্ঠানস্স ধম্মস্স আহারপচ্চযেন পচ্চযো – চিত্তসমুট্ঠানা আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো; পটিসন্ধিক্খণে…পে…. (মূলং কাতব্বং) চিত্তসমুট্ঠানা আহারা চিত্তস্স আহারপচ্চযেন পচ্চযো; পটিসন্ধিক্খণে…পে… চিত্তসমুট্ঠানো কবল়ীকারো আহারো ইমস্স নোচিত্তসমুট্ঠানস্স কাযস্স আহারপচ্চযেন পচ্চযো. (মূলং কাতব্বং) চিত্তসমুট্ঠানা আহারা সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ রূপানং আহারপচ্চযেন পচ্চযো; পটিসন্ধিক্খণে…পে…. (৩)

২২৩. নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স আহারপচ্চযেন পচ্চযো – পটিসন্ধিক্খণে নোচিত্তসমুট্ঠানা আহারা কটত্তারূপানং আহারপচ্চযেন পচ্চযো; নোচিত্তসমুট্ঠানো কবল়ীকারো আহারো ইমস্স নোচিত্তসমুট্ঠানস্স কাযস্স আহারপচ্চযেন পচ্চযো. (মূলং কাতব্বং) নোচিত্তসমুট্ঠানা আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো; পটিসন্ধিক্খণে…পে…. (মূলং কাতব্বং) পটিসন্ধিক্খণে নোচিত্তসমুট্ঠানা আহারা সম্পযুত্তকানং খন্ধানং কটত্তা চ রূপানং আহারপচ্চযেন পচ্চযো. (৩)

২২৪. চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স আহারপচ্চযেন পচ্চযো – চিত্তসমুট্ঠানা চ নোচিত্তসমুট্ঠানা চ আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো; পটিসন্ধিক্খণে…পে…. (মূলং কাতব্বং) পটিসন্ধিক্খণে চিত্তসমুট্ঠানা চ নোচিত্তসমুট্ঠানা চ আহারা কটত্তারূপানং আহারপচ্চযেন পচ্চযো; চিত্তসমুট্ঠানো চ নোচিত্তসমুট্ঠানো চ কবল়ীকারো আহারো ইমস্স নোচিত্তসমুট্ঠানস্স কাযস্স আহারপচ্চযেন পচ্চযো. (মূলং কাতব্বং) পটিসন্ধিক্খণে চিত্তসমুট্ঠানা চ নোচিত্তসমুট্ঠানা চ আহারা সম্পযুত্তকানং খন্ধানং কটত্তা চ রূপানং আহারপচ্চযেন পচ্চযো. (৩)

ইন্দ্রিযপচ্চযাদি

২২৫. চিত্তসমুট্ঠানো ধম্মো চিত্তসমুট্ঠানস্স ধম্মস্স ইন্দ্রিযপচ্চযেন পচ্চযো… তীণি.

নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স ইন্দ্রিযপচ্চযেন পচ্চযো – পটিসন্ধিক্খণে নোচিত্তসমুট্ঠানা ইন্দ্রিযা কটত্তারূপানং ইন্দ্রিযপচ্চযেন পচ্চযো; পটিসন্ধিক্খণে…পে… চক্খুন্দ্রিযং চক্খুৰিঞ্ঞাণস্স…পে… কাযিন্দ্রিযং কাযৰিঞ্ঞাণস্স…পে… রূপজীৰিতিন্দ্রিযং কটত্তারূপানং ইন্দ্রিযপচ্চযেন পচ্চযো. (মূলং কাতব্বং) নোচিত্তসমুট্ঠানা ইন্দ্রিযা সম্পযুত্তকানং খন্ধানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো; পটিসন্ধিক্খণে…পে… চক্খুন্দ্রিযং চক্খুৰিঞ্ঞাণসহগতানং খন্ধানং…পে… কাযিন্দ্রিযং…পে…. (মূলং কাতব্বং) পটিসন্ধিক্খণে নোচিত্তসমুট্ঠানা ইন্দ্রিযা সম্পযুত্তকানং খন্ধানং কটত্তা চ রূপানং ইন্দ্রিযপচ্চযেন পচ্চযো; চক্খুন্দ্রিযং চক্খুৰিঞ্ঞাণস্স চক্খুৰিঞ্ঞাণসহগতানঞ্চ খন্ধানং…পে… কাযিন্দ্রিযং…পে…. (৩)

২২৬. চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স ইন্দ্রিযপচ্চযেন পচ্চযো – চিত্তসমুট্ঠানা চ নোচিত্তসমুট্ঠানা চ ইন্দ্রিযা সম্পযুত্তকানং খন্ধানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো; পটিসন্ধিক্খণে…পে… চক্খুন্দ্রিযঞ্চ উপেক্খিন্দ্রিযঞ্চ চক্খুৰিঞ্ঞাণসহগতানং খন্ধানং…পে… কাযিন্দ্রিযঞ্চ সুখিন্দ্রিযঞ্চ…পে… কাযিন্দ্রিযঞ্চ দুক্খিন্দ্রিযঞ্চ কাযৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো. (মূলং কাতব্বং) পটিসন্ধিক্খণে চিত্তসমুট্ঠানা চ নোচিত্তসমুট্ঠানা চ ইন্দ্রিযা কটত্তারূপানং ইন্দ্রিযপচ্চযেন পচ্চযো; চক্খুন্দ্রিযঞ্চ উপেক্খিন্দ্রিযঞ্চ চক্খুৰিঞ্ঞাণস্স …পে… কাযিন্দ্রিযঞ্চ…পে…. (মূলং কাতব্বং) পটিসন্ধিক্খণে চিত্তসমুট্ঠানা চ নোচিত্তসমুট্ঠানা চ ইন্দ্রিযা সম্পযুত্তকানং খন্ধানং কটত্তা চ রূপানং ইন্দ্রিযপচ্চযেন পচ্চযো; চক্খুন্দ্রিযঞ্চ উপেক্খিন্দ্রিযঞ্চ চক্খুৰিঞ্ঞাণস্স সম্পযুত্তকানঞ্চ খন্ধানং ইন্দ্রিযপচ্চযেন পচ্চযো; কাযিন্দ্রিযং চ…পে…. (৩)

ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… পঞ্চ…পে….

ৰিপ্পযুত্তপচ্চযো

২২৭. চিত্তসমুট্ঠানো ধম্মো চিত্তসমুট্ঠানস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

চিত্তসমুট্ঠানো ধম্মো নোচিত্তসমুট্ঠানস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতং – পটিসন্ধিক্খণে (সংখিত্তং). (২)

চিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স ৰিপ্পযুত্তপচ্চযেন পচ্চযো… পচ্ছাজাতং (সংখিত্তং). (৩)

২২৮. নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতং – পটিসন্ধিক্খণে চিত্তং কটত্তা রূপানং ৰিপ্পযুত্তপচ্চযেন পচ্চযো, চিত্তং ৰত্থুস্স ৰিপ্পযুত্তপচ্চযেন পচ্চযো, ৰত্থু চিত্তস্স ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু চিত্তস্স ৰিপ্পযুত্তপচ্চযেন পচ্চযো. পচ্ছাজাতা – নোচিত্তসমুট্ঠানা খন্ধা পুরেজাতস্স ইমস্স নোচিত্তসমুট্ঠানস্স কাযস্স ৰিপ্পযুত্তপচ্চযেন পচ্চযো. (১)

নোচিত্তসমুট্ঠানো ধম্মো চিত্তসমুট্ঠানস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং). (২)

নোচিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং). (৩)

২২৯. চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

চিত্তসমুট্ঠানো চ নোচিত্তসমুট্ঠানো চ ধম্মা নোচিত্তসমুট্ঠানস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (২)

চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স চ নোচিত্তসমুট্ঠানস্স চ ধম্মস্স ৰিপ্পযুত্তপচ্চযেন পচ্চযো… পচ্ছাজাতং (সংখিত্তং). (৩)

অত্থিপচ্চযাদি

২৩০. চিত্তসমুট্ঠানো ধম্মো চিত্তসমুট্ঠানস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং). (১)

চিত্তসমুট্ঠানো ধম্মো নোচিত্তসমুট্ঠানস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং (সংখিত্তং). (২)

চিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং). (৩)

নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং). (১)

নোচিত্তসমুট্ঠানো ধম্মো চিত্তসমুট্ঠানস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং). (২)

নোচিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং (সংখিত্তং). (৩)

২৩১. চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং. সহজাতো – চক্খুৰিঞ্ঞাণসহগতো একো খন্ধো…পে… (সংখিত্তং). (১)

চিত্তসমুট্ঠানো চ নোচিত্তসমুট্ঠানো চ ধম্মা নোচিত্তসমুট্ঠানস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতা – চক্খুৰিঞ্ঞাণসহগতা খন্ধা চ চক্খাযতনঞ্চ চক্খুৰিঞ্ঞাণস্স অত্থিপচ্চযেন পচ্চযো…পে… কাযৰিঞ্ঞাণসহগতা…পে…. সহজাতা – চিত্তসমুট্ঠানা…পে… (পচ্চযৰারসদিসং পটিসন্ধিপি পৰত্তিপি কাতব্বা সব্বেসম্পি পঞ্হানং.) পচ্ছাজাতা – চিত্তসমুট্ঠানা খন্ধা চ চিত্তঞ্চ পুরেজাতস্স ইমস্স নোচিত্তসমুট্ঠানস্স কাযস্স অত্থিপচ্চযেন পচ্চযো. পচ্ছাজাতা – চিত্তসমুট্ঠানা খন্ধা চ চিত্তঞ্চ কবল়ীকারো আহারো চ ইমস্স নোচিত্তসমুট্ঠানস্স কাযস্স অত্থিপচ্চযেন পচ্চযো. পচ্ছাজাতা – চিত্তসমুট্ঠানা খন্ধা চ চিত্তঞ্চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)

চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স চ নোচিত্তসমুট্ঠানস্স চ ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং. সহজাতো – চক্খুৰিঞ্ঞাণসহগতো…পে… (সংখিত্তং). (৩)

নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো.