১. ৰিভঙ্গৰারো

হেতুপচ্চযো

২০১. চিত্তসমুট্ঠানং ধম্মং পচ্চযা চিত্তসমুট্ঠানো ধম্মো উপ্পজ্জতি হেতুপচ্চযা… তীণি (পটিচ্চৰারসদিসং).

নোচিত্তসমুট্ঠানং ধম্মং পচ্চযা নোচিত্তসমুট্ঠানো ধম্মো উপ্পজ্জতি হেতুপচ্চযা – ৰত্থুং পচ্চযা চিত্তং; পটিসন্ধিক্খণে…পে… (পটিচ্চৰারসদিসা). (১)

নোচিত্তসমুট্ঠানং ধম্মং পচ্চযা চিত্তসমুট্ঠানো ধম্মো উপ্পজ্জতি হেতুপচ্চযা – চিত্তং পচ্চযা সম্পযুত্তকা খন্ধা চিত্তসমুট্ঠানঞ্চ রূপং, ৰত্থুং পচ্চযা চিত্তসমুট্ঠানা খন্ধা (পটিসন্ধিক্খণে দ্ৰেপি কাতব্বা). (১)

নোচিত্তসমুট্ঠানং ধম্মং পচ্চযা চিত্তসমুট্ঠানো চ নোচিত্তসমুট্ঠানো চ ধম্মা উপ্পজ্জন্তি হেতুপচ্চযা – ৰত্থুং পচ্চযা চিত্তং সম্পযুত্তকা চ খন্ধা; পটিসন্ধিক্খণে দ্ৰে (পটিচ্চৰারসদিসং). (৩)

২০২. চিত্তসমুট্ঠানঞ্চ নোচিত্তসমুট্ঠানঞ্চ ধম্মং পচ্চযা চিত্তসমুট্ঠানো ধম্মো উপ্পজ্জতি হেতুপচ্চযা – চিত্তসমুট্ঠানং একং খন্ধঞ্চ চিত্তঞ্চ পচ্চযা দ্ৰে খন্ধা, দ্ৰে খন্ধে…পে… চিত্তসমুট্ঠানং একং খন্ধঞ্চ ৰত্থুঞ্চ পচ্চযা দ্ৰে খন্ধা, দ্ৰে খন্ধে…পে… (পটিসন্ধিক্খণে দ্ৰেপি পটিচ্চৰারসদিসা). (১)

চিত্তসমুট্ঠানঞ্চ নোচিত্তসমুট্ঠানঞ্চ ধম্মং পচ্চযা নোচিত্তসমুট্ঠানো ধম্মো উপ্পজ্জতি হেতুপচ্চযা – চিত্তসমুট্ঠানে খন্ধে চ ৰত্থুঞ্চ পচ্চযা চিত্তং (পটিসন্ধিক্খণে তীণিপি কাতব্বা পটিচ্চৰারসদিসা). (২)

চিত্তসমুট্ঠানঞ্চ নোচিত্তসমুট্ঠানঞ্চ ধম্মং পচ্চযা চিত্তসমুট্ঠানো চ নোচিত্তসমুট্ঠানো চ ধম্মা উপ্পজ্জন্তি হেতুপচ্চযা – চিত্তসমুট্ঠানং একং খন্ধঞ্চ ৰত্থুঞ্চ পচ্চযা দ্ৰে খন্ধা চিত্তঞ্চ, দ্ৰে খন্ধে…পে… (পটিসন্ধিক্খণে দ্ৰেপি কাতব্বা পটিচ্চৰারসদিসা). (৩)

আরম্মণপচ্চযো

২০৩. চিত্তসমুট্ঠানং ধম্মং পচ্চযা চিত্তসমুট্ঠানো ধম্মো উপ্পজ্জতি আরম্মণপচ্চযা… তীণি (পটিচ্চৰারসদিসা).

নোচিত্তসমুট্ঠানং ধম্মং পচ্চযা নোচিত্তসমুট্ঠানো ধম্মো উপ্পজ্জতি আরম্মণপচ্চযা – চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং…পে… ৰত্থুং পচ্চযা চিত্তং. (১)

নোচিত্তসমুট্ঠানং ধম্মং পচ্চযা চিত্তসমুট্ঠানো ধম্মো উপ্পজ্জতি আরম্মণপচ্চযা – চক্খাযতনং পচ্চযা চক্খুৰিঞ্ঞাণসহগতা খন্ধা…পে… কাযাযতনং পচ্চযা কাযৰিঞ্ঞাণসহগতা খন্ধা, চিত্তং পচ্চযা সম্পযুত্তকা খন্ধা, ৰত্থুং পচ্চযা চিত্তসমুট্ঠানা খন্ধা (পটিসন্ধিক্খণে দ্ৰেপি). (২)

নোচিত্তসমুট্ঠানং ধম্মং পচ্চযা চিত্তসমুট্ঠানো চ নোচিত্তসমুট্ঠানো চ ধম্মা উপ্পজ্জন্তি আরম্মণপচ্চযা – চক্খাযতনং পচ্চযা চক্খুৰিঞ্ঞাণং সম্পযুত্তকা চ খন্ধা…পে… কাযাযতনং…পে… ৰত্থুং পচ্চযা চিত্তং সম্পযুত্তকা চ খন্ধা; পটিসন্ধিক্খণে…পে…. (৩)

২০৪. চিত্তসমুট্ঠানঞ্চ নোচিত্তসমুট্ঠানঞ্চ ধম্মং পচ্চযা চিত্তসমুট্ঠানো ধম্মো উপ্পজ্জতি আরম্মণপচ্চযা – চিত্তসমুট্ঠানং একং খন্ধঞ্চ চিত্তঞ্চ পচ্চযা দ্ৰে খন্ধা, দ্ৰে খন্ধে …পে… চিত্তসমুট্ঠানং একং খন্ধঞ্চ ৰত্থুঞ্চ পচ্চযা দ্ৰে খন্ধা, দ্ৰে খন্ধে…পে… (পটিসন্ধিক্খণে দ্ৰেপি কাতব্বা). (১)

চিত্তসমুট্ঠানঞ্চ নোচিত্তসমুট্ঠানঞ্চ ধম্মং পচ্চযা নোচিত্তসমুট্ঠানো ধম্মো উপ্পজ্জতি আরম্মণপচ্চযা – চক্খুৰিঞ্ঞাণসহগতে খন্ধে চ চক্খাযতনঞ্চ পচ্চযা চক্খুৰিঞ্ঞাণং…পে… কাযৰিঞ্ঞাণসহগতে…পে… চিত্তসমুট্ঠানে খন্ধে চ ৰত্থুঞ্চ পচ্চযা চিত্তং; পটিসন্ধিক্খণে…পে…. (২)

চিত্তসমুট্ঠানঞ্চ নোচিত্তসমুট্ঠানঞ্চ ধম্মং পচ্চযা চিত্তসমুট্ঠানো চ নোচিত্তসমুট্ঠানো চ ধম্মা উপ্পজ্জন্তি আরম্মণপচ্চযা – চক্খুৰিঞ্ঞাণসহগতং একং খন্ধঞ্চ চক্খাযতনঞ্চ পচ্চযা দ্ৰে খন্ধা চক্খুৰিঞ্ঞাণঞ্চ, দ্ৰে খন্ধে…পে… কাযৰিঞ্ঞাণসহগতং…পে… চিত্তসমুট্ঠানং একং খন্ধঞ্চ ৰত্থুঞ্চ পচ্চযা দ্ৰে খন্ধা চিত্তঞ্চ, দ্ৰে খন্ধে…পে… পটিসন্ধিক্খণে…পে…. (৩) (সংখিত্তং).