১. ৰিভঙ্গৰারো

নহেতুপচ্চযো

১৯৩. চিত্তসমুট্ঠানং ধম্মং পটিচ্চ চিত্তসমুট্ঠানো ধম্মো উপ্পজ্জতি নহেতুপচ্চযা – অহেতুকং চিত্তসমুট্ঠানং একং খন্ধং পটিচ্চ দ্ৰে খন্ধা চিত্তসমুট্ঠানঞ্চ রূপং, দ্ৰে খন্ধে…পে… অহেতুকপটিসন্ধিক্খণে চিত্তসমুট্ঠানং একং খন্ধং পটিচ্চ দ্ৰে খন্ধা, দ্ৰে খন্ধে…পে… চিত্তসমুট্ঠানং একং মহাভূতং…পে… মহাভূতে পটিচ্চ চিত্তসমুট্ঠানং রূপং উপাদারূপং, ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

চিত্তসমুট্ঠানং ধম্মং পটিচ্চ নোচিত্তসমুট্ঠানো ধম্মো উপ্পজ্জতি হেতুপচ্চযা – অহেতুকে চিত্তসমুট্ঠানে খন্ধে পটিচ্চ চিত্তং; অহেতুকপটিসন্ধিক্খণে চিত্তসমুট্ঠানে খন্ধে পটিচ্চ চিত্তং কটত্তা চ রূপং. (২)

চিত্তসমুট্ঠানং ধম্মং পটিচ্চ চিত্তসমুট্ঠানো চ নোচিত্তসমুট্ঠানো চ ধম্মা উপ্পজ্জন্তি নহেতুপচ্চযা – অহেতুকং চিত্তসমুট্ঠানং একং খন্ধং পটিচ্চ দ্ৰে খন্ধা চিত্তঞ্চ চিত্তসমুট্ঠানঞ্চ রূপং, দ্ৰে খন্ধে…পে… অহেতুকপটিসন্ধিক্খণে…পে…. (৩)

১৯৪. নোচিত্তসমুট্ঠানং ধম্মং পটিচ্চ নোচিত্তসমুট্ঠানো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে চিত্তং পটিচ্চ কটত্তারূপং, চিত্তং পটিচ্চ ৰত্থু, ৰত্থুং পটিচ্চ চিত্তং, একং মহাভূতং…পে… (যাৰ অসঞ্ঞসত্তা কাতব্বা). (১)

নোচিত্তসমুট্ঠানং ধম্মং পটিচ্চ চিত্তসমুট্ঠানো ধম্মো উপ্পজ্জতি নহেতুপচ্চযা – অহেতুকং চিত্তং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং; অহেতুকপটিসন্ধিক্খণে চিত্তং…পে… অহেতুকপটিসন্ধিক্খণে ৰত্থুং পটিচ্চ চিত্তসমুট্ঠানা খন্ধা, ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (২)

নোচিত্তসমুট্ঠানং ধম্মং পটিচ্চ চিত্তসমুট্ঠানো চ নোচিত্তসমুট্ঠানো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে চিত্তং পটিচ্চ সম্পযুত্তকা খন্ধা কটত্তা চ রূপং; অহেতুকপটিসন্ধিক্খণে ৰত্থুং পটিচ্চ চিত্তং সম্পযুত্তকা খন্ধা চ. (৩)

১৯৫. চিত্তসমুট্ঠানঞ্চ নোচিত্তসমুট্ঠানঞ্চ ধম্মং পটিচ্চ চিত্তসমুট্ঠানো ধম্মো উপ্পজ্জতি নহেতুপচ্চযা – অহেতুকং চিত্তসমুট্ঠানং একং খন্ধঞ্চ চিত্তঞ্চ পটিচ্চ দ্ৰে খন্ধা চিত্তসমুট্ঠানঞ্চ রূপং, দ্ৰে খন্ধে…পে… অহেতুকপটিসন্ধিক্খণে চিত্তসমুট্ঠানং একং খন্ধঞ্চ চিত্তঞ্চ পটিচ্চ দ্ৰে খন্ধা, দ্ৰে খন্ধে…পে… অহেতুকপটিসন্ধিক্খণে চিত্তসমুট্ঠানং একং খন্ধঞ্চ ৰত্থুঞ্চ পটিচ্চ দ্ৰে খন্ধা, দ্ৰে খন্ধে…পে… ৰিচিকিচ্ছাসহগতে উদ্ধচ্চসহগতে খন্ধে চ চিত্তঞ্চ পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

চিত্তসমুট্ঠানঞ্চ নোচিত্তসমুট্ঠানঞ্চ ধম্মং পটিচ্চ নোচিত্তসমুট্ঠানো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে চিত্তসমুট্ঠানে খন্ধে চ চিত্তঞ্চ পটিচ্চ কটত্তারূপং; অহেতুকপটিসন্ধিক্খণে চিত্তসমুট্ঠানে খন্ধে চ মহাভূতে চ পটিচ্চ কটত্তারূপং, অহেতুকপটিসন্ধিক্খণে চিত্তসমুট্ঠানে খন্ধে চ ৰত্থুঞ্চ পটিচ্চ চিত্তং. (২)

চিত্তসমুট্ঠানঞ্চ নোচিত্তসমুট্ঠানঞ্চ ধম্মং পটিচ্চ চিত্তসমুট্ঠানো চ নোচিত্তসমুট্ঠানো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে চিত্তসমুট্ঠানং একং খন্ধঞ্চ চিত্তঞ্চ পটিচ্চ দ্ৰে খন্ধা কটত্তা চ রূপং, দ্ৰে খন্ধে…পে… অহেতুকপটিসন্ধিক্খণে চিত্তসমুট্ঠানং একং খন্ধঞ্চ ৰত্থুঞ্চ পটিচ্চ দ্ৰে খন্ধা চিত্তঞ্চ, দ্ৰে খন্ধে…পে…. (৩)

নআরম্মণপচ্চযো

১৯৬. চিত্তসমুট্ঠানং ধম্মং পটিচ্চ চিত্তসমুট্ঠানো ধম্মো উপ্পজ্জতি নআরম্মণপচ্চযা – চিত্তসমুট্ঠানে খন্ধে পটিচ্চ চিত্তসমুট্ঠানং রূপং, চিত্তসমুট্ঠানং একং মহাভূতং…পে… মহাভূতে পটিচ্চ চিত্তসমুট্ঠানং রূপং, উপাদারূপং. (১)

চিত্তসমুট্ঠানং ধম্মং পটিচ্চ নোচিত্তসমুট্ঠানো ধম্মো উপ্পজ্জতি নআরম্মণপচ্চযা – পটিসন্ধিক্খণে চিত্তসমুট্ঠানে খন্ধে পটিচ্চ কটত্তারূপং. (২)

১৯৭. নোচিত্তসমুট্ঠানং ধম্মং পটিচ্চ নোচিত্তসমুট্ঠানো ধম্মো উপ্পজ্জতি নআরম্মণপচ্চযা – পটিসন্ধিক্খণে চিত্তং পটিচ্চ কটত্তারূপং, চিত্তং পটিচ্চ ৰত্থু, একং মহাভূতং…পে… (যাৰ অসঞ্ঞসত্তা). (১)

নোচিত্তসমুট্ঠানং ধম্মং পটিচ্চ চিত্তসমুট্ঠানো ধম্মো উপ্পজ্জতি নআরম্মণপচ্চযা – চিত্তং পটিচ্চ চিত্তসমুট্ঠানং রূপং. (২)

চিত্তসমুট্ঠানঞ্চ নোচিত্তসমুট্ঠানঞ্চ ধম্মং পটিচ্চ চিত্তসমুট্ঠানো ধম্মো উপ্পজ্জতি নআরম্মণপচ্চযা – চিত্তসমুট্ঠানে খন্ধে চ চিত্তঞ্চ পটিচ্চ চিত্তসমুট্ঠানং রূপং, চিত্তঞ্চ মহাভূতে চ পটিচ্চ চিত্তসমুট্ঠানং রূপং. (১)

চিত্তসমুট্ঠানঞ্চ নোচিত্তসমুট্ঠানঞ্চ ধম্মং পটিচ্চ নোচিত্তসমুট্ঠানো ধম্মো উপ্পজ্জতি নআরম্মণপচ্চযা – পটিসন্ধিক্খণে চিত্তসমুট্ঠানে খন্ধে চ চিত্তঞ্চ পটিচ্চ কটত্তারূপং; পটিসন্ধিক্খণে চিত্তসমুট্ঠানে খন্ধে চ মহাভূতে চ পটিচ্চ কটত্তারূপং (সংখিত্তং). (২)