২. সঙ্খ্যাৰারো

সুদ্ধং

১৭৯. হেতুযা তীণি, আরম্মণে দ্ৰে, অধিপতিযা চত্তারি, অনন্তরে একং, সমনন্তরে একং, সহজাতে সত্ত, অঞ্ঞমঞ্ঞে ছ, নিস্সযে সত্ত, উপনিস্সযে দ্ৰে, পুরেজাতে একং, পচ্ছাজাতে একং, আসেৰনে একং, কম্মে তীণি, ৰিপাকে তীণি, আহারে চত্তারি, ইন্দ্রিযে ছ, ঝানে তীণি, মগ্গে তীণি, সম্পযুত্তে একং, ৰিপ্পযুত্তে দ্ৰে, অত্থিযা সত্ত, নত্থিযা একং, ৰিগতে একং, অৰিগতে সত্ত.

অনুলোমং.

পচ্চনীযুদ্ধারো

১৮০. চিত্তসম্পযুত্তো ধম্মো চিত্তসম্পযুত্তস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো. (১)

চিত্তসম্পযুত্তো ধম্মো চিত্তৰিপ্পযুত্তস্স ধম্মস্স সহজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো. (২)

চিত্তসম্পযুত্তো ধম্মো চিত্তসম্পযুত্তস্স চ চিত্তৰিপ্পযুত্তস্স চ ধম্মস্স সহজাতপচ্চযেন পচ্চযো… কম্মপচ্চযেন পচ্চযো. (৩)

১৮১. চিত্তৰিপ্পযুত্তো ধম্মো চিত্তৰিপ্পযুত্তস্স ধম্মস্স সহজাতপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো. (১)

চিত্তৰিপ্পযুত্তো ধম্মো চিত্তসম্পযুত্তস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো. (২)

চিত্তসম্পযুত্তো চ চিত্তৰিপ্পযুত্তো চ ধম্মা চিত্তসম্পযুত্তস্স ধম্মস্স সহজাতং, পুরেজাতং. (১)

চিত্তসম্পযুত্তো চ চিত্তৰিপ্পযুত্তো চ ধম্মা চিত্তৰিপ্পযুত্তস্স সহজাতং, পচ্ছাজাতং, আহারং, ইন্দ্রিযং. (২)