১. ৰিভঙ্গৰারো

হেতুপচ্চযো

১৬৩. চিত্তসম্পযুত্তো ধম্মো চিত্তসম্পযুত্তস্স ধম্মস্স হেতুপচ্চযেন পচ্চযো – চিত্তসম্পযুত্তা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. (১)

চিত্তসম্পযুত্তো ধম্মো চিত্তৰিপ্পযুত্তস্স ধম্মস্স হেতুপচ্চযেন পচ্চযো – চিত্তসম্পযুত্তা হেতূ চিত্তসমুট্ঠানানং রূপানং হেতুপচ্চযেন পচ্চযো; পটিসন্ধিক্খণে…পে…. (২)

চিত্তসম্পযুত্তো ধম্মো চিত্তসম্পযুত্তস্স চ চিত্তৰিপ্পযুত্তস্স চ ধম্মস্স হেতুপচ্চযেন পচ্চযো – চিত্তসম্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (৩)

আরম্মণপচ্চযো

১৬৪. চিত্তসম্পযুত্তো ধম্মো চিত্তসম্পযুত্তস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং পচ্চৰেক্খতি অস্সাদেতি অভিনন্দতি, তং আরব্ভ রাগো উপ্পজ্জতি…পে… দোমনস্সং উপ্পজ্জতি; পুব্বে সুচিণ্ণানি…পে… ঝানা ৰুট্ঠহিত্ৰা ঝানং…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি. পহীনে কিলেসে…পে… ৰিক্খম্ভিতে কিলেসে পচ্চৰেক্খন্তি. পুব্বে সমুদাচিণ্ণে কিলেসে জানন্তি. চিত্তসম্পযুত্তে খন্ধে অনিচ্চতো…পে… দোমনস্সং উপ্পজ্জতি. চেতোপরিযঞাণেন চিত্তসম্পযুত্তসমঙ্গিস্স চিত্তং জানন্তি. আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… চিত্তসম্পযুত্তা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

১৬৫. চিত্তৰিপ্পযুত্তো ধম্মো চিত্তসম্পযুত্তস্স ধম্মস্স আরম্মণপচ্চযেন পচ্চযো – অরিযা নিব্বানং পচ্চৰেক্খন্তি. নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো; চক্খুং…পে… ৰত্থুং চিত্তৰিপ্পযুত্তে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণসহগতানং খন্ধানং…পে… ফোট্ঠব্বাযতনং…পে… চিত্তৰিপ্পযুত্তা খন্ধা ইদ্ধিৰিধঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অধিপতিপচ্চযো

১৬৬. চিত্তসম্পযুত্তো ধম্মো চিত্তসম্পযুত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. পুব্বে…পে… ঝানা…পে… অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, ফলং গরুং কত্ৰা পচ্চৰেক্খন্তি, চিত্তসম্পযুত্তে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – চিত্তসম্পযুত্তাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

চিত্তসম্পযুত্তো ধম্মো চিত্তৰিপ্পযুত্তস্স ধম্মস্স অধিপতিপচ্চযেন পচ্চযো. সহজাতাধিপতি – চিত্তসম্পযুত্তাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)

চিত্তসম্পযুত্তো ধম্মো চিত্তসম্পযুত্তস্স চ চিত্তৰিপ্পযুত্তস্স চ ধম্মস্স অধিপতিপচ্চযেন পচ্চযো. সহজাতাধিপতি – চিত্তসম্পযুত্তাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

১৬৭. চিত্তৰিপ্পযুত্তো ধম্মো চিত্তসম্পযুত্তস্স ধম্মস্স অধিপতিপচ্চযেন পচ্চযো. আরম্মণাধিপতি – অরিযা নিব্বানং গরুং কত্ৰা পচ্চৰেক্খন্তি. নিব্বানং গোত্রভুস্স, ৰোদানস্স, মগ্গস্স, ফলস্স, অধিপতিপচ্চযেন পচ্চযো; চক্খুং…পে… ৰত্থুং চিত্তৰিপ্পযুত্তে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (১)

অনন্তরপচ্চযাদি

১৬৮. চিত্তসম্পযুত্তো ধম্মো চিত্তসম্পযুত্তস্স ধম্মস্স অনন্তরপচ্চযেন পচ্চযো – পুরিমা পুরিমা চিত্তসম্পযুত্তা খন্ধা…পে… ফলসমাপত্তিযা অনন্তরপচ্চযেন পচ্চযো… সমনন্তরপচ্চযেন পচ্চযো… সহজাতপচ্চযেন পচ্চযো… সত্ত (পটিচ্চসদিসা, পঞ্হাঘটনা নত্থি)… অঞ্ঞমঞ্ঞপচ্চযেন পচ্চযো… ছ (পটিচ্চসদিসা)… নিস্সযপচ্চযেন পচ্চযো… সত্ত (পচ্চযৰারসদিসা, পঞ্হাঘটনা নত্থি).

উপনিস্সযপচ্চযো

১৬৯. চিত্তসম্পযুত্তো ধম্মো চিত্তসম্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো …পে…. পকতূপনিস্সযো – সদ্ধং উপনিস্সায দানং দেতি…পে… মানং জপ্পেতি, দিট্ঠিং গণ্হাতি; সীলং…পে… পত্থনং কাযিকং সুখং… কাযিকং দুক্খং উপনিস্সায দানং দেতি…পে… পাণং হনতি…পে… সঙ্ঘং ভিন্দতি; সদ্ধা…পে… কাযিকং দুক্খং সদ্ধায…পে… মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

চিত্তৰিপ্পযুত্তো ধম্মো চিত্তসম্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে…. পকতূপনিস্সযো – উতুং… ভোজনং… সেনাসনং উপনিস্সায দানং দেতি…পে… সঙ্ঘং ভিন্দতি; উতু… ভোজনং… সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

পুরেজাতপচ্চযো

১৭০. চিত্তৰিপ্পযুত্তো ধম্মো চিত্তসম্পযুত্তস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণসহগতানং খন্ধানং…পে… ফোট্ঠব্বাযতনং…পে…. ৰত্থুপুরেজাতং – চক্খাযতনং চক্খুৰিঞ্ঞাণসহগতানং খন্ধানং…পে… কাযাযতনং…পে… ৰত্থু চিত্তসম্পযুত্তকানং খন্ধানং পুরেজাতপচ্চযেন পচ্চযো. (১)

পচ্ছাজাতাসেৰনপচ্চযা

১৭১. চিত্তসম্পযুত্তো ধম্মো চিত্তৰিপ্পযুত্তস্স ধম্মস্স পচ্ছাজাতপচ্চযেন পচ্চযো (সংখিত্তং) একং, আসেৰনপচ্চযেন পচ্চযো … একং.

কম্মপচ্চযো

১৭২. চিত্তসম্পযুত্তো ধম্মো চিত্তসম্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসম্পযুত্তা চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসম্পযুত্তা চেতনা ৰিপাকানং খন্ধানং কম্মপচ্চযেন পচ্চযো. (১)

চিত্তসম্পযুত্তো ধম্মো চিত্তৰিপ্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসম্পযুত্তা চেতনা চিত্তসমুট্ঠানানং রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসম্পযুত্তা চেতনা কটত্তারূপানং কম্মপচ্চযেন পচ্চযো. (২)

চিত্তসম্পযুত্তো ধম্মো চিত্তসম্পযুত্তস্স চ চিত্তৰিপ্পযুত্তস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসম্পযুত্তা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসম্পযুত্তা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (৩)

ৰিপাকাহারপচ্চযা

১৭৩. চিত্তসম্পযুত্তো ধম্মো চিত্তসম্পযুত্তস্স ধম্মস্স ৰিপাকপচ্চযেন পচ্চযো… তীণি.

চিত্তসম্পযুত্তো ধম্মো চিত্তসম্পযুত্তস্স ধম্মস্স আহারপচ্চযেন পচ্চযো… তীণি.

চিত্তৰিপ্পযুত্তো ধম্মো চিত্তৰিপ্পযুত্তস্স ধম্মস্স আহারপচ্চযেন পচ্চযো – কবল়ীকারো আহারো ইমস্স কাযস্স আহারপচ্চযেন পচ্চযো. (১)

ইন্দ্রিযপচ্চযাদি

১৭৪. চিত্তসম্পযুত্তো ধম্মো চিত্তসম্পযুত্তস্স ধম্মস্স ইন্দ্রিযপচ্চযেন পচ্চযো… তীণি.

চিত্তৰিপ্পযুত্তো ধম্মো চিত্তৰিপ্পযুত্তস্স ধম্মস্স ইন্দ্রিযপচ্চযেন পচ্চযো – রূপজীৰিতিন্দ্রিযং কটত্তারূপানং ইন্দ্রিযপচ্চযেন পচ্চযো. (১)

চিত্তৰিপ্পযুত্তো ধম্মো চিত্তসম্পযুত্তস্স ধম্মস্স ইন্দ্রিযপচ্চযেন পচ্চযো – চক্খুন্দ্রিযং চক্খুৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো…পে… কাযিন্দ্রিযং…পে…. (২)

চিত্তসম্পযুত্তো চ চিত্তৰিপ্পযুত্তো চ ধম্মা চিত্তসম্পযুত্তস্স ধম্মস্স ইন্দ্রিযপচ্চযেন পচ্চযো – চক্খুন্দ্রিযঞ্চ উপেক্খিন্দ্রিযঞ্চ চক্খুৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো …পে… কাযিন্দ্রিযঞ্চ সুখিন্দ্রিযঞ্চ…পে… কাযিন্দ্রিযঞ্চ দুক্খিন্দ্রিযঞ্চ কাযৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো. (১)

ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… একং.

ৰিপ্পযুত্তপচ্চযো

১৭৫. চিত্তসম্পযুত্তো ধম্মো চিত্তৰিপ্পযুত্তস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

চিত্তৰিপ্পযুত্তো ধম্মো চিত্তসম্পযুত্তস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু চিত্তসম্পযুত্তকানং খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণসহগতানং খন্ধানং ৰিপ্পযুত্তপচ্চযেন পচ্চযো…পে… কাযাযতনং …পে… ৰত্থু চিত্তসম্পযুত্তকানং খন্ধানং ৰিপ্পযুত্তপচ্চযেন পচ্চযো. (১)

অত্থিপচ্চযো

১৭৬. চিত্তসম্পযুত্তো ধম্মো চিত্তসম্পযুত্তস্স ধম্মস্স অত্থিপচ্চযেন পচ্চযো… একং (পটিচ্চসদিসং). (১)

চিত্তসম্পযুত্তো ধম্মো চিত্তৰিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং). (২)

চিত্তসম্পযুত্তো ধম্মো চিত্তসম্পযুত্তস্স চ চিত্তৰিপ্পযুত্তস্স চ ধম্মস্স অত্থিপচ্চযেন পচ্চযো (পটিচ্চসদিসং). (৩)

১৭৭. চিত্তৰিপ্পযুত্তো ধম্মো চিত্তৰিপ্পযুত্তস্স ধম্মস্স অত্থিপচ্চযেন পচ্চযো – সহজাতং, আহারং, ইন্দ্রিযং (সংখিত্তং). (১)

চিত্তৰিপ্পযুত্তো ধম্মো চিত্তসম্পযুত্তস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু চিত্তসম্পযুত্তকানং খন্ধানং অত্থিপচ্চযেন পচ্চযো. পুরেজাতং – চক্খুং…পে… ৰত্থুং অনিচ্চতো…পে… (পুরেজাতসদিসং). (২)

১৭৮. চিত্তসম্পযুত্তো চ চিত্তৰিপ্পযুত্তো চ ধম্মা চিত্তসম্পযুত্তস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – চক্খুৰিঞ্ঞাণসহগতো একো খন্ধো চ চক্খাযতনঞ্চ দ্ৰিন্নং খন্ধানং…পে… কাযৰিঞ্ঞাণসহগতো একো খন্ধো চ কাযাযতনঞ্চ দ্ৰিন্নং খন্ধানং…পে… চিত্তসম্পযুত্তো একো খন্ধো চ ৰত্থু চ দ্ৰিন্নং খন্ধানং…পে… দ্ৰে খন্ধা চ…পে… পটিসন্ধিক্খণে…পে…. (১)

চিত্তসম্পযুত্তো চ চিত্তৰিপ্পযুত্তো চ ধম্মা চিত্তৰিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতা – চিত্তসম্পযুত্তা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো; পটিসন্ধিক্খণে…পে…. পচ্ছাজাতা – চিত্তসম্পযুত্তকা খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – চিত্তসম্পযুত্তকা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)