১. ৰিভঙ্গৰারো

নহেতুপচ্চযো

১৫৮. চিত্তসম্পযুত্তং ধম্মং পচ্চযা চিত্তসম্পযুত্তো ধম্মো উপ্পজ্জতি নহেতুপচ্চযা… তীণি (পটিচ্চসদিসা).

চিত্তৰিপ্পযুত্তং ধম্মং পচ্চযা চিত্তৰিপ্পযুত্তো ধম্মো উপ্পজ্জতি নহেতুপচ্চযা – একং মহাভূতং…পে… (যাৰ অসঞ্ঞসত্তা). (১)

চিত্তৰিপ্পযুত্তং ধম্মং পচ্চযা চিত্তসম্পযুত্তো ধম্মো উপ্পজ্জতি নহেতুপচ্চযা – চক্খাযতনং পচ্চযা চক্খুৰিঞ্ঞাণসহগতা খন্ধা…পে… কাযাযতনং…পে… ৰত্থুং পচ্চযা অহেতুকা চিত্তসম্পযুত্তকা খন্ধা; পটিসন্ধিক্খণে…পে… ৰত্থুং পচ্চযা ৰিচিকিচ্ছাসহগতো উদ্ধচ্চসহগতো মোহো. (২)

চিত্তৰিপ্পযুত্তং ধম্মং পচ্চযা চিত্তসম্পযুত্তো চ চিত্তৰিপ্পযুত্তো চ ধম্মা উপ্পজ্জন্তি নহেতুপচ্চযা – ৰত্থুং পচ্চযা অহেতুকা চিত্তসম্পযুত্তকা খন্ধা, মহাভূতে পচ্চযা চিত্তসমুট্ঠানং রূপং; পটিসন্ধিক্খণে…পে…. (৩)

চিত্তসম্পযুত্তঞ্চ চিত্তৰিপ্পযুত্তঞ্চ ধম্মং পচ্চযা চিত্তসম্পযুত্তো ধম্মো উপ্পজ্জতি নহেতুপচ্চযা – চক্খুৰিঞ্ঞাণসহগতং একং খন্ধঞ্চ চক্খাযতনঞ্চ পচ্চযা দ্ৰে খন্ধা, দ্ৰে খন্ধে চ…পে… কাযৰিঞ্ঞাণসহগতং একং খন্ধঞ্চ কাযাযতনঞ্চ পচ্চযা দ্ৰে খন্ধা, দ্ৰে খন্ধে চ…পে… অহেতুকং চিত্তসম্পযুত্তং একং খন্ধঞ্চ ৰত্থুঞ্চ পচ্চযা দ্ৰে খন্ধা, দ্ৰে খন্ধে চ…পে… অহেতুকপটিসন্ধিক্খণে…পে… ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো. (এৰং দ্ৰে পঞ্হা পৰত্তিপটিসন্ধি কাতব্বা. সংখিত্তং.)