১. ৰিভঙ্গৰারো

হেতুপচ্চযো

১৪৪. চিত্তসম্পযুত্তং ধম্মং পটিচ্চ চিত্তসম্পযুত্তো ধম্মো উপ্পজ্জতি হেতুপচ্চযা – চিত্তসম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো; পটিসন্ধিক্খণে…পে…. (১)

চিত্তসম্পযুত্তং ধম্মং পটিচ্চ চিত্তৰিপ্পযুত্তো ধম্মো উপ্পজ্জতি হেতুপচ্চযা – চিত্তসম্পযুত্তে খন্ধে পটিচ্চ চিত্তসমুট্ঠানং রূপং; পটিসন্ধিক্খণে…পে…. (২)

চিত্তসম্পযুত্তং ধম্মং পটিচ্চ চিত্তসম্পযুত্তো চ চিত্তৰিপ্পযুত্তো চ ধম্মা উপ্পজ্জন্তি হেতুপচ্চযা – চিত্তসম্পযুত্তং একং খন্ধং পটিচ্চ দ্ৰে খন্ধা চিত্তসমুট্ঠানঞ্চ রূপং, দ্ৰে খন্ধে…পে… পটিসন্ধিক্খণে…পে…. (৩)

১৪৫. চিত্তৰিপ্পযুত্তং ধম্মং পটিচ্চ চিত্তৰিপ্পযুত্তো ধম্মো উপ্পজ্জতি হেতুপচ্চযা – একং মহাভূতং…পে… মহাভূতে পটিচ্চ চিত্তসমুট্ঠানং রূপং…পে… পটিসন্ধিক্খণে…পে… একং মহাভূতং…পে… মহাভূতে পটিচ্চ কটত্তারূপং উপাদারূপং. (১)

চিত্তৰিপ্পযুত্তং ধম্মং পটিচ্চ চিত্তসম্পযুত্তো ধম্মো উপ্পজ্জতি হেতুপচ্চযা – পটিসন্ধিক্খণে ৰত্থুং পটিচ্চ চিত্তসম্পযুত্তকা খন্ধা. (২)

চিত্তৰিপ্পযুত্তং ধম্মং পটিচ্চ চিত্তসম্পযুত্তো চ চিত্তৰিপ্পযুত্তো চ ধম্মা উপ্পজ্জন্তি হেতুপচ্চযা – পটিসন্ধিক্খণে ৰত্থুং পটিচ্চ চিত্তসম্পযুত্তকা খন্ধা, মহাভূতে পটিচ্চ কটত্তারূপং. (৩)

১৪৬. চিত্তসম্পযুত্তঞ্চ চিত্তৰিপ্পযুত্তঞ্চ ধম্মং পটিচ্চ চিত্তসম্পযুত্তো ধম্মো উপ্পজ্জতি হেতুপচ্চযা – পটিসন্ধিক্খণে চিত্তসম্পযুত্তং একং খন্ধঞ্চ ৰত্থুঞ্চ পটিচ্চ দ্ৰে খন্ধা, দ্ৰে খন্ধে চ…পে…. (১)

চিত্তসম্পযুত্তঞ্চ চিত্তৰিপ্পযুত্তঞ্চ ধম্মং পটিচ্চ চিত্তৰিপ্পযুত্তো ধম্মো উপ্পজ্জতি হেতুপচ্চযা – চিত্তসম্পযুত্তে খন্ধে চ মহাভূতে চ পটিচ্চ চিত্তসমুট্ঠানং রূপং; পটিসন্ধিক্খণে চিত্তসম্পযুত্তে খন্ধে চ মহাভূতে চ পটিচ্চ কটত্তারূপং. (২)

চিত্তসম্পযুত্তঞ্চ চিত্তৰিপ্পযুত্তঞ্চ ধম্মং পটিচ্চ চিত্তসম্পযুত্তো চ চিত্তৰিপ্পযুত্তো চ ধম্মা উপ্পজ্জন্তি হেতুপচ্চযা – পটিসন্ধিক্খণে চিত্তসম্পযুত্তং একং খন্ধঞ্চ ৰত্থুঞ্চ পটিচ্চ দ্ৰে খন্ধা, দ্ৰে খন্ধে চ…পে… চিত্তসম্পযুত্তে খন্ধে চ মহাভূতে চ পটিচ্চ কটত্তারূপং. (৩)

আরম্মণপচ্চযো

১৪৭. চিত্তসম্পযুত্তং ধম্মং পটিচ্চ চিত্তসম্পযুত্তো ধম্মো উপ্পজ্জতি আরম্মণপচ্চযা – চিত্তসম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে…পে… পটিসন্ধিক্খণে…পে…. (১)

চিত্তৰিপ্পযুত্তং ধম্মং পটিচ্চ চিত্তসম্পযুত্তো ধম্মো উপ্পজ্জতি আরম্মণপচ্চযা – পটিসন্ধিক্খণে ৰত্থুং পটিচ্চ চিত্তসম্পযুত্তকা খন্ধা. (১)

চিত্তসম্পযুত্তঞ্চ চিত্তৰিপ্পযুত্তঞ্চ ধম্মং পটিচ্চ চিত্তসম্পযুত্তো ধম্মো উপ্পজ্জতি আরম্মণপচ্চযা – পটিসন্ধিক্খণে চিত্তসম্পযুত্তং একং খন্ধঞ্চ ৰত্থুঞ্চ পটিচ্চ দ্ৰে খন্ধা, দ্ৰে খন্ধে চ…পে… (সংখিত্তং). (১)