১. ৰিভঙ্গৰারো

হেতুপচ্চযো

১১৯. চেতসিকো ধম্মো চেতসিকস্স ধম্মস্স হেতুপচ্চযেন পচ্চযো – চেতসিকা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. (১)

চেতসিকো ধম্মো অচেতসিকস্স ধম্মস্স হেতুপচ্চযেন পচ্চযো – চেতসিকা হেতূ চিত্তস্স চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (২)

চেতসিকো ধম্মো চেতসিকস্স চ অচেতসিকস্স চ ধম্মস্স হেতুপচ্চযেন পচ্চযো – চেতসিকা হেতূ সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (৩)

আরম্মণপচ্চযো

১২০. চেতসিকো ধম্মো চেতসিকস্স ধম্মস্স আরম্মণপচ্চযেন পচ্চযো – চেতসিকে খন্ধে আরব্ভ চেতসিকা খন্ধা উপ্পজন্তি. (মূলং পুচ্ছিতব্বং) চেতসিকে খন্ধে আরব্ভ চিত্তং উপ্পজ্জতি. (মূলং পুচ্ছিতব্বং) চেতসিকে খন্ধে আরব্ভ চেতসিকা খন্ধা চ চিত্তঞ্চ উপ্পজ্জন্তি. (৩)

১২১. অচেতসিকো ধম্মো অচেতসিকস্স ধম্মস্স আরম্মণপচ্চযেন পচ্চযো – অরিযা মগ্গা ৰুট্ঠহিত্ৰা…পে… ফলং পচ্চৰেক্খন্তি, নিব্বানং পচ্চৰেক্খন্তি. নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো; চক্খুং…পে… ৰত্থুং অচেতসিকে খন্ধে অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ চিত্তং উপ্পজ্জতি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. চেতোপরিযঞাণেন অচেতসিকচিত্তসমঙ্গিস্স চিত্তং জানাতি, আকাসানঞ্চাযতনং…পে… আকিঞ্চঞ্ঞাযতনং…পে… রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… অচেতসিকা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অচেতসিকো ধম্মো চেতসিকস্স ধম্মস্স আরম্মণপচ্চযেন পচ্চযো – অরিযা মগ্গা ৰুট্ঠহিত্ৰা…পে… নিব্বানং পচ্চৰেক্খন্তি (পঠমগমনসদিসং); চক্খুং…পে… ৰত্থুং অচেতসিকে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. চেতোপরিযঞাণেন অচেতসিকচিত্তসমঙ্গিস্স চিত্তং জানাতি, আকাসানঞ্চাযতনং…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… রূপাযতনং চক্খুৰিঞ্ঞাণসহগতানং খন্ধানং…পে… ফোট্ঠব্বাযতনং কাযৰিঞ্ঞাণসহগতানং খন্ধানং…পে… অচেতসিকা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (২)

অচেতসিকো ধম্মো চেতসিকস্স চ অচেতসিকস্স চ ধম্মস্স আরম্মণপচ্চযেন পচ্চযো – অরিযা মগ্গা ৰুট্ঠহিত্ৰা…পে… নিব্বানং পচ্চৰেক্খন্তি (পঠমগমনসদিসং); চক্খুং…পে… ৰত্থুং অচেতসিকে খন্ধে অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ চিত্তঞ্চ সম্পযুত্তকা চ খন্ধা উপ্পজ্জন্তি. দিব্বেন চক্খুনা রূপং পস্সতি…পে… রূপাযতনং চক্খুৰিঞ্ঞাণস্স সম্পযুত্তকানঞ্চ খন্ধানং আরম্মণপচ্চযেন পচ্চযো…পে… ফোট্ঠব্বাযতনং কাযৰিঞ্ঞাণস্স সম্পযুত্তকানঞ্চ খন্ধানং…পে… অচেতসিকা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (৩)

১২২. চেতসিকো চ অচেতসিকো চ ধম্মা চেতসিকস্স ধম্মস্স আরম্মণপচ্চযেন পচ্চযো – চেতসিকে খন্ধে চ চিত্তঞ্চ আরব্ভ চেতসিকা খন্ধা উপ্পজ্জন্তি. (মূলং পুচ্ছিতব্বং) চেতসিকে খন্ধে চ চিত্তঞ্চ আরব্ভ চিত্তং উপ্পজ্জতি. (মূলং পুচ্ছিতব্বং) চেতসিকে খন্ধে চ চিত্তঞ্চ আরব্ভ চেতসিকা খন্ধা চ চিত্তঞ্চ উপ্পজ্জন্তি. (৩)

অধিপতিপচ্চযো

১২৩. চেতসিকো ধম্মো চেতসিকস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – চেতসিকে খন্ধে গরুং কত্ৰা চেতসিকা খন্ধা উপ্পজ্জন্তি. সহজাতাধিপতি – চেতসিকাধিপতি সম্পযুত্তকানং খন্ধানং অধিপতিপচ্চযেন পচ্চযো. (মূলং পুচ্ছিতব্বং) আরম্মণাধিপতি – চেতসিকে খন্ধে গরুং কত্ৰা চিত্তং উপ্পজ্জতি. সহজাতাধিপতি – চেতসিকাধিপতি চিত্তস্স চিত্তসমুট্ঠানানঞ্চ রূপানং অধিপতিপচ্চযেন পচ্চযো. (মূলং পুচ্ছিতব্বং ) আরম্মণাধিপতি – চেতসিকে খন্ধে গরুং কত্ৰা চেতসিকা খন্ধা চ চিত্তঞ্চ উপ্পজ্জন্তি. সহজাতাধিপতি – চেতসিকাধিপতি সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

১২৪. অচেতসিকো ধম্মো অচেতসিকস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অরিযা মগ্গা ৰুট্ঠহিত্ৰা…পে… নিব্বানং গরুং কত্ৰা পচ্চৰেক্খন্তি, নিব্বানং গোত্রভুস্স, ৰোদানস্স. মগ্গস্স, ফলস্স অধিপতিপচ্চযেন পচ্চযো; চক্খুং …পে… ৰত্থুং অচেতসিকে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা চিত্তং উপ্পজ্জতি. সহজাতাধিপতি – অচেতসিকাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (১)

অচেতসিকো ধম্মো চেতসিকস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অরিযা মগ্গা ৰুট্ঠহিত্ৰা…পে… নিব্বানং গরুং কত্ৰা…পে… (পঠমগমনসদিসং); চক্খুং…পে… ৰত্থুং অচেতসিকে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – অচেতসিকাধিপতি সম্পযুত্তকানং খন্ধানং অধিপতিপচ্চযেন পচ্চযো. (২)

অচেতসিকো ধম্মো চেতসিকস্স চ অচেতসিকস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অরিযা মগ্গা ৰুট্ঠহিত্ৰা…পে… নিব্বানং…পে… (পঠমগমনং) অচেতসিকে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা চেতসিকা খন্ধা চ চিত্তঞ্চ উপ্পজ্জন্তি. সহজাতাধিপতি – অচেতসিকাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

চেতসিকো চ অচেতসিকো চ ধম্মা চেতসিকস্স ধম্মস্স অধিপতিপচ্চযেন পচ্চযো – আরম্মণাধিপতি… তীণি (আরম্মণাধিপতিযেৰ).

অনন্তরপচ্চযাদি

১২৫. চেতসিকো ধম্মো চেতসিকস্স ধম্মস্স অনন্তরপচ্চযেন পচ্চযো – পুরিমা পুরিমা চেতসিকা খন্ধা পচ্ছিমানং পচ্ছিমানং চেতসিকানং খন্ধানং অনন্তরপচ্চযেন পচ্চযো. (মূলং পুচ্ছিতব্বং) পুরিমা পুরিমা চেতসিকা খন্ধা পচ্ছিমস্স পচ্ছিমস্স চিত্তস্স অনন্তরপচ্চযেন পচ্চযো. (মূলং পুচ্ছিতব্বং) পুরিমা পুরিমা চেতসিকা খন্ধা পচ্ছিমানং পচ্ছিমানং চেতসিকানং খন্ধানং চিত্তস্স চ অনন্তরপচ্চযেন পচ্চযো. (৩)

১২৬. অচেতসিকো ধম্মো অচেতসিকস্স ধম্মস্স অনন্তরপচ্চযেন পচ্চযো – পুরিমং পুরিমং চিত্তং পচ্ছিমস্স পচ্ছিমস্স চিত্তস্স অনন্তরপচ্চযেন পচ্চযো; অনুলোমং গোত্রভুস্স…পে… ফলসমাপত্তিযা অনন্তরপচ্চযেন পচ্চযো. (১)

অচেতসিকো ধম্মো চেতসিকস্স ধম্মস্স অনন্তরপচ্চযেন পচ্চযো (এৰং তীণি কাতব্বানি, পঠমগমনসদিসং. পূরিত্ৰা কাতব্বং, নিন্নানাকরণং).

চেতসিকো চ অচেতসিকো চ ধম্মা চেতসিকস্স ধম্মস্স অনন্তরপচ্চযেন পচ্চযো… তীণি (আৰজ্জনাপি ৰুট্ঠানম্পি নত্থি).

সমনন্তরপচ্চযেন পচ্চযো… নৰ, সহজাতপচ্চযেন পচ্চযো… নৰ (পটিচ্চৰারসদিসং), অঞ্ঞমঞ্ঞপচ্চযেন পচ্চযো… নৰ (পটিচ্চৰারসদিসং), নিস্সযপচ্চযেন পচ্চযো… নৰ (পচ্চযৰারসদিসং).

উপনিস্সযপচ্চযো

১২৭. চেতসিকো ধম্মো চেতসিকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – চেতসিকা খন্ধা চেতসিকানং খন্ধানং উপনিস্সযপচ্চযেন পচ্চযো. (মূলং পুচ্ছিতব্বং, তীণি উপনিস্সযা) চেতসিকা খন্ধা চিত্তস্স উপনিস্সযপচ্চযেন পচ্চযো. (মূলং পুচ্ছিতব্বং, তীণি উপনিস্সযা) চেতসিকা খন্ধা চেতসিকানং খন্ধানং চিত্তস্স চ উপনিস্সযপচ্চযেন পচ্চযো. (৩)

১২৮. অচেতসিকো ধম্মো অচেতসিকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – উতুং… ভোজনং… সেনাসনং চিত্তং উপনিস্সায দানং দেতি…পে… সঙ্ঘং ভিন্দতি; উতুং… ভোজনং… সেনাসনং চিত্তং সদ্ধায…পে… পঞ্ঞায… রাগস্স…পে… পত্থনায কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

অচেতসিকো ধম্মো চেতসিকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো পকতূপনিস্সযো…পে…. পকতূপনিস্সযো – উতুং… ভোজনং… সেনাসনং চিত্তং উপনিস্সায দানং দেতি…পে… (তীণি, পঠমগমনসদিসং নিন্নানাকরণং).

চেতসিকো চ অচেতসিকো চ ধম্মা চেতসিকস্স ধম্মস্স উপনিস্সযপচ্চযেন পচ্চযো… তীণি.

পুরেজাতপচ্চযো

১২৯. অচেতসিকো ধম্মো অচেতসিকস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ চিত্তং উপ্পজ্জতি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু চিত্তস্স পুরেজাতপচ্চযেন পচ্চযো. (১)

অচেতসিকো ধম্মো চেতসিকস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণসহগতানং খন্ধানং…পে… ফোট্ঠব্বাযতনং কাযৰিঞ্ঞাণসহগতানং খন্ধানং…পে…. ৰত্থুপুরেজাতং – চক্খাযতনং চক্খুৰিঞ্ঞাণসহগতানং খন্ধানং…পে… কাযাযতনং…পে… ৰত্থু চেতসিকানং খন্ধানং পুরেজাতপচ্চযেন পচ্চযো. (২)

অচেতসিকো ধম্মো চেতসিকস্স চ অচেতসিকস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ চিত্তঞ্চ সম্পযুত্তকা চ খন্ধা উপ্পজ্জন্তি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স সম্পযুত্তকানঞ্চ খন্ধানং…পে… ফোট্ঠব্বাযতনং…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স সম্পযুত্তকানঞ্চ খন্ধানং…পে… কাযাযতনং…পে… ৰত্থু চিত্তস্স সম্পযুত্তকানঞ্চ খন্ধানং পুরেজাতপচ্চযেন পচ্চযো. (৩)

পচ্ছাজাতাসেৰনপচ্চযা

১৩০. চেতসিকো ধম্মো অচেতসিকস্স ধম্মস্স পচ্ছাজাতপচ্চযেন পচ্চযো (সংখিত্তং).

অচেতসিকো ধম্মো অচেতসিকস্স ধম্মস্স পচ্ছাজাতপচ্চযেন পচ্চযো (সংখিত্তং).

চেতসিকো চ অচেতসিকো চ ধম্মা অচেতসিকস্স ধম্মস্স পচ্ছাজাতপচ্চযেন পচ্চযো (সংখিত্তং).

চেতসিকো ধম্মো চেতসিকস্স ধম্মস্স আসেৰনপচ্চযেন পচ্চযো (সংখিত্তং).

কম্মপচ্চযো

১৩১. চেতসিকো ধম্মো চেতসিকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চেতসিকা চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চেতসিকা চেতনা ৰিপাকানং খন্ধানং কম্মপচ্চযেন পচ্চযো. (১)

চেতসিকো ধম্মো অচেতসিকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চেতসিকা চেতনা চিত্তস্স চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চেতসিকা চেতনা ৰিপাকস্স চিত্তস্স কটত্তা চ রূপানং কম্মপচ্চযেন পচ্চযো. (২)

চেতসিকো ধম্মো চেতসিকস্স চ অচেতসিকস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চেতসিকা চেতনা সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চেতসিকা চেতনা ৰিপাকানং খন্ধানং চিত্তস্স কটত্তা চ রূপানং কম্মপচ্চযেন পচ্চযো. (৩)

ৰিপাকপচ্চযাদি

১৩২. চেতসিকো ধম্মো চেতসিকস্স ধম্মস্স ৰিপাকপচ্চযেন পচ্চযো… নৰ… আহারপচ্চযেন পচ্চযো… নৰ… ইন্দ্রিযপচ্চযেন পচ্চযো… নৰ… ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… পঞ্চ.

ৰিপ্পযুত্তপচ্চযো

১৩৩. চেতসিকো ধম্মো অচেতসিকস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

অচেতসিকো ধম্মো অচেতসিকস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতং – চিত্তং চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে চিত্তং কটত্তারূপানং ৰিপ্পযুত্তপচ্চযেন পচ্চযো; চিত্তং ৰত্থুস্স ৰিপ্পযুত্তপচ্চযেন পচ্চযো; ৰত্থু চিত্তস্স ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স ৰিপ্পযুত্তপচ্চযেন পচ্চযো…পে… কাযাযতনং কাযৰিঞ্ঞাণস্স…পে… ৰত্থু চিত্তস্স ৰিপ্পযুত্তপচ্চযেন পচ্চযো. পচ্ছাজাতং – চিত্তং পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

অচেতসিকো ধম্মো চেতসিকস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু চেতসিকানং খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণসহগতানং খন্ধানং…পে… কাযাযতনং কাযৰিঞ্ঞাণসহগতানং খন্ধানং…পে… ৰত্থু চেতসিকানং খন্ধানং ৰিপ্পযুত্তপচ্চযেন পচ্চযো. (২)

অচেতসিকো ধম্মো চেতসিকস্স চ অচেতসিকস্স চ ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু চেতসিকানং খন্ধানং চিত্তস্স চ ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স সম্পযুত্তকানঞ্চ খন্ধানং…পে… কাযাযতনং কাযৰিঞ্ঞাণস্স সম্পযুত্তকানঞ্চ খন্ধানং…পে… ৰত্থু চিত্তস্স সম্পযুত্তকানঞ্চ খন্ধানং ৰিপ্পযুত্তপচ্চযেন পচ্চযো. (৩)

চেতসিকো চ অচেতসিকো চ ধম্মা অচেতসিকস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং).

অত্থিপচ্চযো

১৩৪. চেতসিকো ধম্মো চেতসিকস্স ধম্মস্স অত্থিপচ্চযেন পচ্চযো… একং (পটিচ্চৰারসদিসং).

চেতসিকো ধম্মো অচেতসিকস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং). (২)

চেতসিকো ধম্মো চেতসিকস্স চ অচেতসিকস্স চ ধম্মস্স অত্থিপচ্চযেন পচ্চযো… একং (পটিচ্চৰারসদিসং). (৩)

১৩৫. অচেতসিকো ধম্মো অচেতসিকস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং). (১)

অচেতসিকো ধম্মো চেতসিকস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতং – চিত্তং চেতসিকানং খন্ধানং অত্থিপচ্চযেন পচ্চযো; পটিসন্ধিক্খণে চিত্তং…পে… পটিসন্ধিক্খণে ৰত্থু চেতসিকানং খন্ধানং অত্থিপচ্চযেন পচ্চযো. পুরেজাতং – চক্খুং…পে… ৰত্থুং অনিচ্চতো…পে… (পুরেজাতসদিসং নিন্নানাকরণং). (২)

অচেতসিকো ধম্মো চেতসিকস্স চ অচেতসিকস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতং – চিত্তং সম্পযুত্তকানং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো; পটিসন্ধিক্খণে চিত্তং…পে… পটিসন্ধিক্খণে ৰত্থু চেতসিকানং খন্ধানং চিত্তস্স চ অত্থিপচ্চযেন পচ্চযো. পুরেজাতং – চক্খুং…পে… ৰত্থুং অনিচ্চতো…পে… (পুরেজাতসদিসং নিন্নানং). (৩)

১৩৬. চেতসিকো চ অচেতসিকো চ ধম্মা চেতসিকস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – চক্খুৰিঞ্ঞাণসহগতো একো খন্ধো চ চক্খাযতনঞ্চ দ্ৰিন্নং খন্ধানং…পে… কাযৰিঞ্ঞাণসহগতো…পে… চেতসিকো একো খন্ধো চ ৰত্থু চ দ্ৰিন্নং খন্ধানং অত্থিপচ্চযেন পচ্চযো; দ্ৰে খন্ধা চ…পে…. সহজাতো – চেতসিকো একো খন্ধো চ চিত্তঞ্চ দ্ৰিন্নং খন্ধানং অত্থিপচ্চযেন পচ্চযো; দ্ৰে খন্ধা চ…পে… (পটিসন্ধিক্খণে) দ্ৰেপি কাতব্বা. (১)

চেতসিকো চ অচেতসিকো চ ধম্মা অচেতসিকস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতা – চক্খুৰিঞ্ঞাণসহগতা খন্ধা চ চক্খাযতনঞ্চ চক্খুৰিঞ্ঞাণস্স…পে… কাযৰিঞ্ঞাণস্স…পে… চেতসিকা খন্ধা চ চিত্তঞ্চ চিত্তসমুট্ঠানানং রূপানং অত্থিপচ্চযেন পচ্চযো; চেতসিকা খন্ধা চ চিত্তঞ্চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো. সহজাতা – চেতসিকা খন্ধা চ ৰত্থু চ চিত্তস্স অত্থিপচ্চযেন পচ্চযো (পটিসন্ধিক্খণে তীণিপি কাতব্বা). পচ্ছাজাতা – চেতসিকা খন্ধা চ চিত্তঞ্চ পুরেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – চেতসিকা খন্ধা চ চিত্তঞ্চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – চেতসিকা খন্ধা চ চিত্তঞ্চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)

চেতসিকো চ অচেতসিকো চ ধম্মা চেতসিকস্স চ অচেতসিকস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – চক্খুৰিঞ্ঞাণসহগতো একো খন্ধো চ চক্খাযতনঞ্চ দ্ৰিন্নং খন্ধানং চক্খুৰিঞ্ঞাণস্স চ অত্থিপচ্চযেন পচ্চযো…পে… কাযৰিঞ্ঞাণসহগতো একো খন্ধো চ কাযাযতনঞ্চ দ্ৰিন্নং খন্ধানং কাযৰিঞ্ঞাণস্স চ অত্থিপচ্চযেন পচ্চযো; দ্ৰে খন্ধা চ…পে…. সহজাতো – চেতসিকো একো খন্ধো চ ৰত্থু চ দ্ৰিন্নং খন্ধানং চিত্তস্স চ অত্থিপচ্চযেন পচ্চযো; দ্ৰে খন্ধা চ…পে… (পটিসন্ধিযা দ্ৰে কাতব্বা). (৩)