২০. অজ্ঝত্তত্তিকং

১. পটিচ্চৰারো

১. পচ্চযানুলোমং

১. ৰিভঙ্গৰারো

হেতুপচ্চযো

১. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি হেতুপচ্চযা – অজ্ঝত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে অজ্ঝত্তং একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে…পে… খন্ধে পটিচ্চ ৰত্থু, ৰত্থুং পটিচ্চ খন্ধা. একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি হেতুপচ্চযা – বহিদ্ধা একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে বহিদ্ধা একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে পটিচ্চ দ্ৰে খন্ধা…পে… খন্ধে পটিচ্চ ৰত্থু, ৰত্থুং পটিচ্চ খন্ধা. একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. (১)

আরম্মণপচ্চযো

২. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি আরম্মণপচ্চযা – অজ্ঝত্তং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ…পে… পটিসন্ধিক্খণে অজ্ঝত্তং একং খন্ধং পটিচ্চ তযো খন্ধা…পে… ৰত্থুং পটিচ্চ খন্ধা. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি আরম্মণপচ্চযা – বহিদ্ধা একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে… ৰত্থুং পটিচ্চ খন্ধা. (১)

অধিপতিপচ্চযো

৩. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি অধিপতিপচ্চযা – অজ্ঝত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… একং মহাভূতং পটিচ্চ…পে… মহাভূতে পটিচ্চ চিত্তসমুট্ঠানং রূপং উপাদারূপং. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি অধিপতিপচ্চযা – বহিদ্ধা একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… একং মহাভূতং পটিচ্চ…পে… মহাভূতে পটিচ্চ চিত্তসমুট্ঠানং রূপং উপাদারূপং. (১)

অনন্তরপচ্চযাদি

৪. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি অনন্তরপচ্চযা, সমনন্তরপচ্চযা, সহজাতপচ্চযা – অজ্ঝত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে অজ্ঝত্তং একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে…পে… খন্ধে পটিচ্চ ৰত্থু, ৰত্থুং পটিচ্চ খন্ধা. একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে… মহাভূতে পটিচ্চ কটত্তারূপং উপাদারূপং. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি সহজাতপচ্চযা – বহিদ্ধা একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে বহিদ্ধা একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে…পে… খন্ধে পটিচ্চ ৰত্থু, ৰত্থুং পটিচ্চ খন্ধা. একং মহাভূতং পটিচ্চ…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে… মহাভূতে পটিচ্চ কটত্তারূপং উপাদারূপং. (১)

অঞ্ঞমঞ্ঞপচ্চযাদি

৫. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা… পুরেজাতপচ্চযা… আসেৰনপচ্চযা (পুরেজাতেপি আসেৰনেপি পটিসন্ধি নত্থি)… কম্মপচ্চযা… ৰিপাকপচ্চযা… আহারপচ্চযা… ইন্দ্রিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৰিপ্পযুত্তপচ্চযা… অত্থিপচ্চযা… নত্থিপচ্চযা… ৰিগতপচ্চযা… অৰিগতপচ্চযা.

১. পচ্চযানুলোমং

২. সঙ্খ্যাৰারো

৬. হেতুযা দ্ৰে, আরম্মণে দ্ৰে…পে… অৰিগতে দ্ৰে.

অনুলোমং.

২. পচ্চযপচ্চনীযং

১. ৰিভঙ্গৰারো

নহেতুপচ্চযো

৭. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নহেতুপচ্চযা – অহেতুকং অজ্ঝত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা. একং মহাভূতং…পে… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে… মহাভূতে পটিচ্চ কটত্তারূপং উপাদারূপং. ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নহেতুপচ্চযা – অহেতুকং বহিদ্ধা একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা. একং মহাভূতং পটিচ্চ…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে… ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

নআরম্মণপচ্চযো

৮. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নআরম্মণপচ্চযা – অজ্ঝত্তে খন্ধে পটিচ্চ চিত্তসমুট্ঠানং রূপং. পটিসন্ধিক্খণে অজ্ঝত্তে খন্ধে পটিচ্চ কটত্তারূপং. খন্ধে পটিচ্চ ৰত্থু…পে… একং মহাভূতং পটিচ্চ…পে… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে…. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নআরম্মণপচ্চযা – বহিদ্ধা খন্ধে পটিচ্চ চিত্তসমুট্ঠানং রূপং. পটিসন্ধিক্খণে বহিদ্ধা খন্ধে পটিচ্চ কটত্তারূপং. খন্ধে পটিচ্চ ৰত্থু…পে… একং মহাভূতং…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে…. (১)

নঅধিপতিপচ্চযাদি

৯. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নঅধিপতিপচ্চযা…পে… (অনুলোমসহজাতসদিসং, নিন্নানাকরণং) নঅনন্তরপচ্চযা… নসমনন্তরপচ্চযা … নঅঞ্ঞমঞ্ঞপচ্চযা … নউপনিস্সযপচ্চযা, নপুরেজাতপচ্চযা – অরূপে অজ্ঝত্তং একং খন্ধং পটিচ্চ…পে… অজ্ঝত্তে খন্ধে পটিচ্চ চিত্তসমুট্ঠানং রূপং. পটিসন্ধিক্খণে অজ্ঝত্তং একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে…পে… খন্ধে পটিচ্চ ৰত্থু, ৰত্থুং পটিচ্চ খন্ধা. একং মহাভূতং পটিচ্চ…পে… আহারসমুট্ঠানং… উতুসমুট্ঠানং… অসঞ্ঞসত্তানং…পে….

১০. বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নপুরেজাতপচ্চযা – অরূপে বহিদ্ধা একং খন্ধং পটিচ্চ…পে… দ্ৰে খন্ধে…পে… বহিদ্ধা খন্ধে পটিচ্চ চিত্তসমুট্ঠানং রূপং. পটিসন্ধিক্খণে (পরিপুণ্ণং) একং মহাভূতং…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে….

নপচ্ছাজাতপচ্চযাদি

১১. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নপচ্ছাজাতপচ্চযা, নআসেৰনপচ্চযা, নকম্মপচ্চযা – অজ্ঝত্তে খন্ধে পটিচ্চ অজ্ঝত্তা চেতনা. আহারসমুট্ঠানং… উতুসমুট্ঠানং…পে…. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নকম্মপচ্চযা – বহিদ্ধা খন্ধে পটিচ্চ বহিদ্ধা চেতনা. বাহিরং… আহারসমুট্ঠানং… উতুসমুট্ঠানং…. (১)

নৰিপাকপচ্চযাদি

১২. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নৰিপাকপচ্চযা (পটিসন্ধি নত্থি), নআহারপচ্চযা – উতুসমুট্ঠানং… অসঞ্ঞসত্তানং…পে…. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নআহারপচ্চযা – বাহিরং… উতুসমুট্ঠানং… অসঞ্ঞসত্তানং…পে…. (১)

অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নইন্দ্রিযপচ্চযা – আহারসমুট্ঠানং… উতুসমুট্ঠানং… অসঞ্ঞসত্তানং… মহাভূতে পটিচ্চ রূপজীৰিতিন্দ্রিযং. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নইন্দ্রিযপচ্চযা – বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং… মহাভূতে পটিচ্চ রূপজীৰিতিন্দ্রিযং. (১)

নঝানপচ্চযো

১৩. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নঝানপচ্চযা – পঞ্চৰিঞ্ঞাণসহগতং…পে… আহারসমুট্ঠানং… উতুসমুট্ঠানং… অসঞ্ঞসত্তানং…পে…. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নঝানপচ্চযা – পঞ্চৰিঞ্ঞাণসহগতং…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে…. (১)

নমগ্গপচ্চযাদি

১৪. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নমগ্গপচ্চযা… (নহেতুসদিসং. মোহো নত্থি) নসম্পযুত্তপচ্চযা… নৰিপ্পযুত্তপচ্চযা – অরূপে…পে… আহারসমুট্ঠানং… উতুসমুট্ঠানং… অসঞ্ঞসত্তানং…পে…. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নৰিপ্পযুত্তপচ্চযা – অরূপে…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে… নোনত্থিপচ্চযা, নোৰিগতপচ্চযা.

২. পচ্চযপচ্চনীযং

২. সঙ্খ্যাৰারো

১৫. নহেতুযা দ্ৰে, নআরম্মণে দ্ৰে, নঅধিপতিযা দ্ৰে, নঅনন্তরে দ্ৰে, নসমনন্তরে দ্ৰে (সংখিত্তং, সব্বত্থ দ্ৰে), নোৰিগতে দ্ৰে (এৰং গণেতব্বং).

পচ্চনীযং.

৩. পচ্চযানুলোমপচ্চনীযং

১৬. হেতুপচ্চযা নআরম্মণে দ্ৰে…পে… নৰিপাকে নসম্পযুত্তে নৰিপ্পযুত্তে নোনত্থিযা নোৰিগতে দ্ৰে (এৰং গণেতব্বং).

অনুলোমপচ্চনীযং.

৪. পচ্চযপচ্চনীযানুলোমং

১৭. নহেতুপচ্চযা আরম্মণে দ্ৰে, অনন্তরে দ্ৰে…পে… মগ্গে দ্ৰে…পে… অৰিগতে দ্ৰে (এৰং গণেতব্বং).

পচ্চনীযানুলোমং.

পটিচ্চৰারো.

২. সহজাতৰারো

(সহজাতৰারো পটিচ্চৰারসদিসো.)

৩. পচ্চযৰারো

১. পচ্চযানুলোমং

১. ৰিভঙ্গৰারো

হেতুপচ্চযো

১৮. অজ্ঝত্তং ধম্মং পচ্চযা অজ্ঝত্তো ধম্মো উপ্পজ্জতি হেতুপচ্চযা – অজ্ঝত্তং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে (পরিপুণ্ণং). একং মহাভূতং…পে… ৰত্থুং পচ্চযা অজ্ঝত্তা খন্ধা. (১)

বহিদ্ধা ধম্মং পচ্চযা বহিদ্ধা ধম্মো উপ্পজ্জতি হেতুপচ্চযা – বহিদ্ধা একং খন্ধং পচ্চযা তযো খন্ধা…পে… পটিসন্ধিক্খণে…পে… একং মহাভূতং…পে… ৰত্থুং পচ্চযা বহিদ্ধা খন্ধা. (১)

আরম্মণপচ্চযো

১৯. অজ্ঝত্তং ধম্মং পচ্চযা অজ্ঝত্তো ধম্মো উপ্পজ্জতি আরম্মণপচ্চযা (পটিচ্চৰারসদিসং), চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং…পে… ৰত্থুং পচ্চযা অজ্ঝত্তা খন্ধা. (১)

বহিদ্ধা ধম্মং পচ্চযা বহিদ্ধা ধম্মো উপ্পজ্জতি আরম্মণপচ্চযা (পটিচ্চৰারসদিসং), চক্খাযতনং…পে… কাযাযতনং…পে… ৰত্থুং পচ্চযা বহিদ্ধা খন্ধা. (১)

অধিপতিপচ্চযাদি

২০. অজ্ঝত্তং ধম্মং পচ্চযা অজ্ঝত্তো ধম্মো উপ্পজ্জতি অধিপতিপচ্চযা… (ৰত্থুং অতিরেকং, পটিচ্চৰারসদিসং) অনন্তরপচ্চযা… সমনন্তরপচ্চযা… সহজাতপচ্চযা… (সহজাতৰারে পরিপুণ্ণা) মহাভূতে পচ্চযা…পে… (মহাভূতানং খন্ধানঞ্চ পচ্ছা পঞ্চাযতনানি চ ৰত্থু চ কাতব্বা) অঞ্ঞমঞ্ঞপচ্চযা… নিস্সযপচ্চযা…পে… অৰিগতপচ্চযা.

১. পচ্চযানুলোমং

২. সঙ্খ্যাৰারো

২১. হেতুযা দ্ৰে, আরম্মণে…পে… অৰিগতে দ্ৰে.

অনুলোমং.

২. পচ্চযপচ্চনীযং

১. ৰিভঙ্গৰারো

নহেতুপচ্চযো

২২. অজ্ঝত্তং ধম্মং পচ্চযা অজ্ঝত্তো ধম্মো উপ্পজ্জতি নহেতুপচ্চযা – অহেতুকং অজ্ঝত্তং একং খন্ধং পচ্চযা তযো খন্ধা…পে… অহেতুকপটিসন্ধিক্খণে…পে… খন্ধে পচ্চযা ৰত্থু, ৰত্থুং পচ্চযা খন্ধা. একং মহাভূতং…পে… আহারসমুট্ঠানং… উতুসমুট্ঠানং… অসঞ্ঞসত্তানং…পে… চক্খাযতনং…পে… কাযাযতনং…পে… ৰত্থুং পচ্চযা অহেতুকা অজ্ঝত্তা খন্ধা. ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো. (১)

বহিদ্ধা ধম্মং পচ্চযা বহিদ্ধা ধম্মো উপ্পজ্জতি নহেতুপচ্চযা (পৰত্তিপটিসন্ধিপি মহাভূতাপি কাতব্বা) – চক্খাযতনং…পে… কাযাযতনং…পে… ৰত্থুং পচ্চযা অহেতুকা বহিদ্ধা খন্ধা. ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো. (১)

নআরম্মণপচ্চযাদি

২৩. নআরম্মণপচ্চযা… নঅধিপতিপচ্চযা (সহজাতসদিসং)… নঅনন্তরপচ্চযা… নসমনন্তরপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা… নপুরেজাতপচ্চযা (পটিচ্চৰারসদিসং)… নপচ্ছাজাতপচ্চযা… নআসেৰনপচ্চযা… নকম্মপচ্চযা…পে… নৰিপ্পযুত্তপচ্চযা (পটিচ্চৰারপচ্চনীযে ৰিপ্পযুত্তসদিসং)… নোনত্থিপচ্চযা… নোৰিগতপচ্চযা….

২. পচ্চযপচ্চনীযং

২. সঙ্খ্যাৰারো

২৪. নহেতুযা দ্ৰে, নআরম্মণে দ্ৰে…পে… নোৰিগতে দ্ৰে.

পচ্চনীযং.

৩. পচ্চযানুলোমপচ্চনীযং

২৫. হেতুপচ্চযা নআরম্মণে দ্ৰে, নঅধিপতিযা দ্ৰে…পে… নৰিপাকে নসম্পযুত্তে নৰিপ্পযুত্তে নোনত্থিযা নোৰিগতে দ্ৰে.

অনুলোমপচ্চনীযং.

৪. পচ্চযপচ্চনীযানুলোমং

২৬. নহেতুপচ্চযা আরম্মণে দ্ৰে…পে… অৰিগতে দ্ৰে.

পচ্চনীযানুলোমং.

পচ্চযৰারো

৪-৬. নিস্সয-সংসট্ঠ-সম্পযুত্তৰারো

(নিস্সযৰারো পচ্চযৰারসদিসো. সংসট্ঠৰারোপি সম্পযুত্তৰারোপি ৰিত্থারেতব্বো.)

৭. পঞ্হাৰারো

১. পচ্চযানুলোমং

১. ৰিভঙ্গৰারো

হেতুপচ্চযো

২৭. অজ্ঝত্তো ধম্মো অজ্ঝত্তস্স ধম্মস্স হেতুপচ্চযেন পচ্চযো – অজ্ঝত্তা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. পটিসন্ধিক্খণে…পে…. (১)

বহিদ্ধা ধম্মো বহিদ্ধা ধম্মস্স হেতুপচ্চযেন পচ্চযো – বহিদ্ধা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. পটিসন্ধিক্খণে…পে…. (১)

আরম্মণপচ্চযো

২৮. অজ্ঝত্তো ধম্মো অজ্ঝত্তস্স ধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি…পে… ঝানা ৰুট্ঠহিত্ৰা…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. অজ্ঝত্তং চক্খুং…পে… কাযং… রূপে…পে… ফোট্ঠব্বে… ৰত্থুং… অজ্ঝত্তে খন্ধে অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি, তং আরব্ভ রাগো উপ্পজ্জতি…পে… দোমনস্সং উপ্পজ্জতি. দিব্বেন চক্খুনা রূপং পস্সতি, দিব্বায সোতুধাতুযা সদ্দং সুণাতি, আকাসানঞ্চাযতনং ৰিঞ্ঞাণঞ্চাযতনস্স আরম্মণপচ্চযেন পচ্চযো. আকিঞ্চঞ্ঞাযতনং নেৰসঞ্ঞানাসঞ্ঞাযতনস্স আরম্মণপচ্চযেন পচ্চযো. রূপাযতনং…পে… ফোট্ঠব্বাযতনং কাযৰিঞ্ঞাণস্স আরম্মণপচ্চযেন পচ্চযো. অজ্ঝত্তা খন্ধা ইদ্ধিৰিধঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অজ্ঝত্তো ধম্মো বহিদ্ধা ধম্মস্স আরম্মণপচ্চযেন পচ্চযো – পরো অজ্ঝত্তং চক্খুং…পে… ৰত্থুং… অজ্ঝত্তে খন্ধে অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি, তং আরব্ভ রাগো উপ্পজ্জতি…পে… দোমনস্সং উপ্পজ্জতি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. চেতোপরিযঞাণেন অজ্ঝত্তচিত্তসমঙ্গিস্স চিত্তং জানাতি. অজ্ঝত্তং রূপাযতনং বহিদ্ধা চক্খুৰিঞ্ঞাণস্স…পে… অজ্ঝত্তং ফোট্ঠব্বাযতনং বহিদ্ধা কাযৰিঞ্ঞাণস্স আরম্মণপচ্চযেন পচ্চযো. অজ্ঝত্তা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (২)

২৯. বহিদ্ধা ধম্মো বহিদ্ধা ধম্মস্স আরম্মণপচ্চযেন পচ্চযো – পরো দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা ৰুট্ঠহিত্ৰা…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি… নিব্বানং পচ্চৰেক্খন্তি. নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো. অরিযা পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে…পে… পরো বহিদ্ধা চক্খুং…পে… ৰত্থুং… বহিদ্ধা খন্ধে অনিচ্চতো…পে… দোমনস্সং উপ্পজ্জতি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. চেতোপরিযঞাণেন বহিদ্ধা চিত্তসমঙ্গিস্স…পে… আকাসানঞ্চাযতনং ৰিঞ্ঞাণঞ্চাযতনস্স আরম্মণপচ্চযেন পচ্চযো. আকিঞ্চঞ্ঞাযতনং নেৰসঞ্ঞানাসঞ্ঞাযতনস্স আরম্মণপচ্চযেন পচ্চযো. বহিদ্ধা রূপাযতনং বহিদ্ধা চক্খুৰিঞ্ঞাণস্স…পে… বহিদ্ধা ফোট্ঠব্বাযতনং বহিদ্ধা কাযৰিঞ্ঞাণস্স…পে… বহিদ্ধা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

বহিদ্ধা ধম্মো অজ্ঝত্তস্স ধম্মস্স আরম্মণপচ্চযেন পচ্চযো – অরিযা নিব্বানং পচ্চৰেক্খন্তি. নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো. বহিদ্ধা চক্খুং…পে… ৰত্থুং… বহিদ্ধা খন্ধে অনিচ্চতো…পে… দোমনস্সং উপ্পজ্জতি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. চেতোপরিযঞাণেন বহিদ্ধা চিত্তসমঙ্গিস্স চিত্তং জানাতি. বহিদ্ধা রূপাযতনং অজ্ঝত্তং চক্খুৰিঞ্ঞাণস্স…পে… বহিদ্ধা ফোট্ঠব্বাযতনং অজ্ঝত্তং কাযৰিঞ্ঞাণস্স…পে… বহিদ্ধা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (২)

অধিপতিপচ্চযো

৩০. অজ্ঝত্তো ধম্মো অজ্ঝত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা, তং গরুং কত্ৰা পচ্চৰেক্খতি, পুব্বে সুচিণ্ণানি গরুং কত্ৰা…পে… ঝানা ৰুট্ঠহিত্ৰা ঝানং গরুং কত্ৰা…পে… অরিযা মগ্গা ৰুট্ঠহিত্ৰা মগ্গং গরুং কত্ৰা…পে… ফলং গরুং কত্ৰা পচ্চৰেক্খন্তি. অজ্ঝত্তং চক্খুং…পে… ৰত্থুং… অজ্ঝত্তে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – অজ্ঝত্তাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

অজ্ঝত্তো ধম্মো বহিদ্ধা ধম্মস্স অধিপতিপচ্চযেন পচ্চযো. আরম্মণাধিপতি – পরো অজ্ঝত্তং চক্খুং…পে… ৰত্থুং… অজ্ঝত্তে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (২)

৩১. বহিদ্ধা ধম্মো বহিদ্ধা ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – পরো দানং দত্ৰা সীলং সমাদিযিত্ৰা উপোসথকম্মং কত্ৰা, তং গরুং কত্ৰা পচ্চৰেক্খতি, পুব্বে সুচিণ্ণানি গরুং কত্ৰা…পে… ঝানা ৰুট্ঠহিত্ৰা…পে… অরিযা মগ্গা ৰুট্ঠহিত্ৰা মগ্গং গরুং কত্ৰা…পে… ফলং গরুং কত্ৰা…পে… নিব্বানং গরুং কত্ৰা পচ্চৰেক্খন্তি. নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো. বহিদ্ধা চক্খুং…পে… ৰত্থুং… বহিদ্ধা খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – বহিদ্ধাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

বহিদ্ধা ধম্মো অজ্ঝত্তস্স ধম্মস্স অধিপতিপচ্চযেন পচ্চযো. আরম্মণাধিপতি – অরিযা নিব্বানং গরুং কত্ৰা পচ্চৰেক্খন্তি. নিব্বানং গোত্রভুস্স, ৰোদানস্স, মগ্গস্স, ফলস্স, অধিপতিপচ্চযেন পচ্চযো. বহিদ্ধা চক্খুং…পে… ৰত্থুং… বহিদ্ধা খন্ধে গরুং কত্ৰা অস্সাদেতি, অভিনন্দতি, তং গরুং কত্ৰা রাগো…পে… দিট্ঠি উপ্পজ্জতি. (২)

অনন্তরপচ্চযো

৩২. অজ্ঝত্তো ধম্মো অজ্ঝত্তস্স ধম্মস্স অনন্তরপচ্চযেন পচ্চযো – পুরিমা পুরিমা অজ্ঝত্তা খন্ধা পচ্ছিমানং পচ্ছিমানং অজ্ঝত্তানং খন্ধানং অনন্তরপচ্চযেন পচ্চযো. অনুলোমং গোত্রভুস্স, অনুলোমং ৰোদানস্স, গোত্রভু মগ্গস্স, ৰোদানং মগ্গস্স, মগ্গো ফলস্স, ফলং ফলস্স, অনুলোমং ফলসমাপত্তিযা, নিরোধা ৰুট্ঠহন্তস্স নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো. (১)

বহিদ্ধা ধম্মো বহিদ্ধা ধম্মস্স অনন্তরপচ্চযেন পচ্চযো (পুরিমা পুরিমা বহিদ্ধাতি নানাকরণং, তংযেৰ গমনং). (১)

সমনন্তরপচ্চযাদি

৩৩. অজ্ঝত্তো ধম্মো অজ্ঝত্তস্স ধম্মস্স সমনন্তরপচ্চযেন পচ্চযো…পে… (অনন্তরসদিসং)… সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো.

উপনিস্সযপচ্চযো

৩৪. অজ্ঝত্তো ধম্মো অজ্ঝত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – অজ্ঝত্তং সদ্ধং উপনিস্সায দানং দেতি, সীলং সমাদিযতি, উপোসথকম্মং…পে… ঝানং…পে… ৰিপস্সনং…পে… মগ্গং…পে… অভিঞ্ঞং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. অজ্ঝত্তং সীলং…পে… পঞ্ঞং… রাগং…পে… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি. অজ্ঝত্তা সদ্ধা…পে… পঞ্ঞা, রাগো…পে… পত্থনা, কাযিকং সুখং… কাযিকং দুক্খং… সেনাসনং অজ্ঝত্তায সদ্ধায…পে… পঞ্ঞায, রাগস্স…পে… পত্থনায, কাযিকস্স সুখস্স, কাযিকস্স দুক্খস্স, মগ্গস্স ফলসমাপত্তিযা উপনিস্সযপচ্চযেন পচ্চযো. (১)

অজ্ঝত্তো ধম্মো বহিদ্ধা ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে…. পকতূপনিস্সযো – পরো অজ্ঝত্তং সদ্ধং উপনিস্সায দানং দেতি…পে… মানং জপ্পেতি, দিট্ঠিং গণ্হাতি. পরো অজ্ঝত্তং সীলং…পে… সেনাসনং উপনিস্সায দানং দেতি, পাণং হনতি…পে… সঙ্ঘং ভিন্দতি. অজ্ঝত্তা সদ্ধা…পে… সেনাসনং বহিদ্ধা সদ্ধায…পে… মগ্গস্স ফলসমাপত্তিযা উপনিস্সযপচ্চযেন পচ্চযো. (২)

৩৫. বহিদ্ধা ধম্মো বহিদ্ধা ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – পরো বহিদ্ধা সদ্ধং…পে… পত্থনং, কাযিকং সুখং…পে… সেনাসনং উপনিস্সায দানং দেতি…পে… সঙ্ঘং ভিন্দতি বহিদ্ধা সদ্ধা…পে… সেনাসনং বহিদ্ধা সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

বহিদ্ধা ধম্মো অজ্ঝত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে…. পকতূপনিস্সযো – বহিদ্ধা সদ্ধং…পে… সেনাসনং উপনিস্সায দানং দেতি…পে… সঙ্ঘং ভিন্দতি. বহিদ্ধা সদ্ধা…পে… সেনাসনং অজ্ঝত্তায সদ্ধায…পে… ফলসমাপত্তিযা উপনিস্সযপচ্চযেন পচ্চযো. (২)

পুরেজাতপচ্চযো

৩৬. অজ্ঝত্তো ধম্মো অজ্ঝত্তস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – অজ্ঝত্তং চক্খুং…পে… ৰত্থুং অনিচ্চতো দুক্খতো অনত্ততো ৰিপস্সতি…পে… দোমনস্সং উপ্পজ্জতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু অজ্ঝত্তানং খন্ধানং পুরেজাতপচ্চযেন পচ্চযো. (১)

অজ্ঝত্তো ধম্মো বহিদ্ধা ধম্মস্স পুরেজাতপচ্চযেন পচ্চযো. আরম্মণপুরেজাতং – পরো অজ্ঝত্তং চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. অজ্ঝত্তং রূপাযতনং বহিদ্ধা চক্খুৰিঞ্ঞাণস্স…পে… অজ্ঝত্তং ফোট্ঠব্বাযতনং বহিদ্ধা কাযৰিঞ্ঞাণস্স পুরেজাতপচ্চযেন পচ্চযো. (২)

৩৭. বহিদ্ধা ধম্মো বহিদ্ধা ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – পরো বহিদ্ধা চক্খুং…পে… ৰত্থুং অনিচ্চতো…পে… দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. বহিদ্ধা রূপাযতনং বহিদ্ধা চক্খুৰিঞ্ঞাণস্স…পে… বহিদ্ধা ফোট্ঠব্বাযতনং বহিদ্ধা কাযৰিঞ্ঞাণস্স…পে…. ৰত্থুপুরেজাতং – বহিদ্ধা চক্খাযতনং…পে… কাযাযতনং…পে… ৰত্থু বহিদ্ধা খন্ধানং পুরেজাতপচ্চযেন পচ্চযো. (১)

বহিদ্ধা ধম্মো অজ্ঝত্তস্স ধম্মস্স পুরেজাতপচ্চযেন পচ্চযো. আরম্মণপুরেজাতং – বহিদ্ধা চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. বহিদ্ধা রূপাযতনং অজ্ঝত্তস্স চক্খুৰিঞ্ঞাণস্স…পে… বহিদ্ধা ফোট্ঠব্বাযতনং অজ্ঝত্তস্স কাযৰিঞ্ঞাণস্স পুরেজাতপচ্চযেন পচ্চযো. (২)

৩৮. অজ্ঝত্তো চ বহিদ্ধা চ ধম্মা অজ্ঝত্তস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. বহিদ্ধা রূপাযতনঞ্চ অজ্ঝত্তং চক্খাযতনঞ্চ অজ্ঝত্তস্স চক্খুৰিঞ্ঞাণস্স পুরেজাতপচ্চযেন পচ্চযো…পে… বহিদ্ধা ফোট্ঠব্বাযতনঞ্চ অজ্ঝত্তং কাযাযতনঞ্চ অজ্ঝত্তস্স কাযৰিঞ্ঞাণস্স…পে… বহিদ্ধা রূপাযতনঞ্চ অজ্ঝত্তং ৰত্থু চ…পে… বহিদ্ধা ফোট্ঠব্বাযতনঞ্চ অজ্ঝত্তং ৰত্থু চ অজ্ঝত্তানং খন্ধানং পুরেজাতপচ্চযেন পচ্চযো. (১)

অজ্ঝত্তো চ বহিদ্ধা চ ধম্মা বহিদ্ধা ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. অজ্ঝত্তং রূপাযতনঞ্চ বহিদ্ধা চক্খাযতনঞ্চ বহিদ্ধা চক্খুৰিঞ্ঞাণস্স পুরেজাতপচ্চযেন পচ্চযো…পে… অজ্ঝত্তং ফোট্ঠব্বাযতনঞ্চ বহিদ্ধা কাযাযতনঞ্চ বহিদ্ধা কাযৰিঞ্ঞাণস্স পুরেজাতপচ্চযেন পচ্চযো. অজ্ঝত্তং রূপাযতনঞ্চ বহিদ্ধা ৰত্থু চ…পে… অজ্ঝত্তং ফোট্ঠব্বাযতনঞ্চ বহিদ্ধা ৰত্থু চ বহিদ্ধা খন্ধানং পুরেজাতপচ্চযেন পচ্চযো. (২)

পচ্ছাজাতপচ্চযো

৩৯. অজ্ঝত্তো ধম্মো অজ্ঝত্তস্স ধম্মস্স পচ্ছাজাতপচ্চযেন পচ্চযো – পচ্ছাজাতা অজ্ঝত্তা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

বহিদ্ধা ধম্মো বহিদ্ধা ধম্মস্স পচ্ছাজাতপচ্চযেন পচ্চযো – পচ্ছাজাতা বহিদ্ধা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৰনপচ্চযো

৪০. অজ্ঝত্তো ধম্মো অজ্ঝত্তস্স ধম্মস্স আসেৰনপচ্চযেন পচ্চযো – পুরিমা পুরিমা অজ্ঝত্তা খন্ধা পচ্ছিমানং পচ্ছিমানং অজ্ঝত্তানং খন্ধানং আসেৰনপচ্চযেন পচ্চযো. অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো. (১)

বহিদ্ধা ধম্মো বহিদ্ধা ধম্মস্স আসেৰনপচ্চযেন পচ্চযো – পুরিমা পুরিমা…পে… (অজ্ঝত্তসদিসংযেৰ).

কম্মপচ্চযো

৪১. অজ্ঝত্তো ধম্মো অজ্ঝত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অজ্ঝত্তা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. নানাক্খণিকা – অজ্ঝত্তা চেতনা ৰিপাকানং অজ্ঝত্তানং খন্ধানং কটত্তা চ রূপানং কম্মপচ্চযেন পচ্চযো. (১)

বহিদ্ধা ধম্মো বহিদ্ধা ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – বহিদ্ধা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. নানাক্খণিকা – বহিদ্ধা চেতনা ৰিপাকানং বহিদ্ধা খন্ধানং কটত্তা চ রূপানং কম্মপচ্চযেন পচ্চযো. (১)

ৰিপাকপচ্চযো

৪২. অজ্ঝত্তো ধম্মো অজ্ঝত্তস্স ধম্মস্স ৰিপাকপচ্চযেন পচ্চযো…পে… (পরিপুণ্ণং, পটিচ্চৰারসদিসং).

আহারপচ্চযো

৪৩. অজ্ঝত্তো ধম্মো অজ্ঝত্তস্স ধম্মস্স আহারপচ্চযেন পচ্চযো – অজ্ঝত্তা আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো. পটিসন্ধিক্খণে…পে… অজ্ঝত্তো কবল়ীকারো আহারো অজ্ঝত্তস্স কাযস্স আহারপচ্চযেন পচ্চযো. (১)

অজ্ঝত্তো ধম্মো বহিদ্ধা ধম্মস্স আহারপচ্চযেন পচ্চযো – অজ্ঝত্তো কবল়ীকারো আহারো বহিদ্ধা কাযস্স আহারপচ্চযেন পচ্চযো. (২)

বহিদ্ধা ধম্মো বহিদ্ধা ধম্মস্স আহারপচ্চযেন পচ্চযো (পৰত্তিপটিসন্ধি) বহিদ্ধা কবল়ীকারো আহারো বহিদ্ধা কাযস্স আহারপচ্চযেন পচ্চযো. (১)

বহিদ্ধা ধম্মো অজ্ঝত্তস্স ধম্মস্স আহারপচ্চযেন পচ্চযো – বহিদ্ধা কবল়ীকারো আহারো অজ্ঝত্তস্স কাযস্স আহারপচ্চযেন পচ্চযো. (২)

৪৪. অজ্ঝত্তো ধম্মো চ বহিদ্ধা ধম্মো চ অজ্ঝত্তস্স ধম্মস্স আহারপচ্চযেন পচ্চযো – অজ্ঝত্তো কবল়ীকারো আহারো চ বহিদ্ধা কবল়ীকারো আহারো চ অজ্ঝত্তস্স কাযস্স আহারপচ্চযেন পচ্চযো. (১)

অজ্ঝত্তো ধম্মো চ বহিদ্ধা ধম্মো চ বহিদ্ধা ধম্মস্স আহারপচ্চযেন পচ্চযো – অজ্ঝত্তো কবল়ীকারো আহারো চ বহিদ্ধা কবল়ীকারো আহারো চ বহিদ্ধা কাযস্স আহারপচ্চযেন পচ্চযো. (২)

ইন্দ্রিযপচ্চযাদি

৪৫. অজ্ঝত্তো ধম্মো অজ্ঝত্তস্স ধম্মস্স ইন্দ্রিযপচ্চযেন পচ্চযো, অজ্ঝত্তিকা ইন্দ্রিযা (রূপজীৰিতিন্দ্রিযম্পি ৰিত্থারেতব্বং)… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো… ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (মাতিকাপদানি অনুমজ্জন্তেন ৰিত্থারেতব্বানি).

বহিদ্ধা ধম্মো বহিদ্ধা ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং).

অত্থিপচ্চযো