২১. অজ্ঝত্তারম্মণত্তিকং

১. পটিচ্চৰারো

১. পচ্চযানুলোমং

১. ৰিভঙ্গৰারো

হেতুপচ্চযো

১. অজ্ঝত্তারম্মণং ধম্মং পটিচ্চ অজ্ঝত্তারম্মণো ধম্মো উপ্পজ্জতি হেতুপচ্চযা – অজ্ঝত্তারম্মণং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে অজ্ঝত্তারম্মণং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

বহিদ্ধারম্মণং ধম্মং পটিচ্চ বহিদ্ধারম্মণো ধম্মো উপ্পজ্জতি হেতুপচ্চযা – বহিদ্ধারম্মণং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে বহিদ্ধারম্মণং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

আরম্মণপচ্চযাদি

২. অজ্ঝত্তারম্মণং ধম্মং পটিচ্চ অজ্ঝত্তারম্মণো ধম্মো উপ্পজ্জতি আরম্মণপচ্চযা…পে… অৰিগতপচ্চযা (সংখিত্তং).

১. পচ্চযানুলোমং

২. সঙ্খ্যাৰারো

৩. হেতুপচ্চযা আরম্মণে দ্ৰে (সংখিত্তং, সব্বত্থ দ্ৰে), অৰিগতে দ্ৰে (এৰং গণেতব্বং).

অনুলোমং.

২. পচ্চযপচ্চনীযং

১. ৰিভঙ্গৰারো

নহেতুপচ্চযো

৪. অজ্ঝত্তারম্মণং ধম্মং পটিচ্চ অজ্ঝত্তারম্মণো ধম্মো উপ্পজ্জতি নহেতুপচ্চযা – অহেতুকং অজ্ঝত্তারম্মণং একং খন্ধং পটিচ্চ তযো খন্ধা…পে… দ্ৰে খন্ধে…পে… অহেতুকপটিসন্ধিক্খণে অজ্ঝত্তারম্মণং একং খন্ধং পটিচ্চ তযো খন্ধা…পে… দ্ৰে খন্ধে…পে… ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

বহিদ্ধারম্মণং ধম্মং পটিচ্চ বহিদ্ধারম্মণো ধম্মো উপ্পজ্জতি নহেতুপচ্চযা – অহেতুকং বহিদ্ধারম্মণং একং খন্ধং পটিচ্চ তযো খন্ধা…পে… দ্ৰে খন্ধে…পে… অহেতুকপটিসন্ধিক্খণে…পে… ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

নঅধিপতিপচ্চযাদি

৫. অজ্ঝত্তারম্মণং ধম্মং পটিচ্চ অজ্ঝত্তারম্মণো ধম্মো উপ্পজ্জতি নঅধিপতিপচ্চযা … (অনুলোমসহজাতসদিসং, নিন্নানাকরণং) নপুরেজাতপচ্চযা – অরূপে অজ্ঝত্তারম্মণং একং খন্ধং পটিচ্চ…পে… পটিসন্ধিক্খণে…পে…. (১)

৬. বহিদ্ধারম্মণং ধম্মং পটিচ্চ বহিদ্ধারম্মণো ধম্মো উপ্পজ্জতি নপুরেজাতপচ্চযা – অরূপে বহিদ্ধারম্মণং একং খন্ধং পটিচ্চ তযো খন্ধা…পে…. পটিসন্ধিক্খণে…পে… নপচ্ছাজাতপচ্চযা… নআসেৰনপচ্চযা… (সহজাতসদিসং) নকম্মপচ্চযা – অজ্ঝত্তারম্মণে খন্ধে পটিচ্চ অজ্ঝত্তারম্মণা চেতনা.

বহিদ্ধারম্মণং ধম্মং পটিচ্চ বহিদ্ধারম্মণো ধম্মো উপ্পজ্জতি নকম্মপচ্চযা – বহিদ্ধারম্মণে খন্ধে পটিচ্চ বহিদ্ধারম্মণা চেতনা.

নৰিপাকপচ্চযাদি

৭. অজ্ঝত্তারম্মণং ধম্মং পটিচ্চ অজ্ঝত্তারম্মণো ধম্মো উপ্পজ্জতি নৰিপাকপচ্চযা (পটিসন্ধি নত্থি)… নঝানপচ্চযা…পে… পঞ্চৰিঞ্ঞাণসহগতং অজ্ঝত্তারম্মণং একং…পে…. (১)

বহিদ্ধারম্মণং ধম্মং পটিচ্চ বহিদ্ধারম্মণো ধম্মো উপ্পজ্জতি নঝানপচ্চযা – পঞ্চৰিঞ্ঞাণসহগতং বহিদ্ধারম্মণং একং খন্ধং পটিচ্চ তযো খন্ধা…পে… নমগ্গপচ্চযা (নহেতুসদিসো. মোহো নত্থি)… নৰিপ্পযুত্তপচ্চযা – অরূপে অজ্ঝত্তারম্মণং একং খন্ধং পটিচ্চ তযো খন্ধা…পে…. (১)

বহিদ্ধারম্মণং ধম্মং পটিচ্চ বহিদ্ধারম্মণো ধম্মো উপ্পজ্জতি নৰিপ্পযুত্তপচ্চযা – অরূপে বহিদ্ধারম্মণং একং খন্ধং পটিচ্চ তযো খন্ধা…পে…. (১)

২. পচ্চযপচ্চনীযং

২. সঙ্খ্যাৰারো

৮. নহেতুযা দ্ৰে, নঅধিপতিযা দ্ৰে, নপুরেজাতে দ্ৰে, নপচ্ছাজাতে দ্ৰে, নআসেৰনে নকম্মে নৰিপাকে নঝানে নমগ্গে নৰিপ্পযুত্তে দ্ৰে (এৰং গণেতব্বং).

পচ্চনীযং.

৩. পচ্চযানুলোমপচ্চনীযং

৯. হেতুপচ্চযা নঅধিপতিযা দ্ৰে…পে… নৰিপাকে দ্ৰে, নৰিপ্পযুত্তে দ্ৰে (এৰং গণেতব্বং).

অনুলোমপচ্চনীযং.

৪. পচ্চযপচ্চনীযানুলোমং

১০. নহেতুপচ্চযা আরম্মণে দ্ৰে, অনন্তরে দ্ৰে, সমনন্তরে দ্ৰে…পে… মগ্গে দ্ৰে…পে… অৰিগতে দ্ৰে (এৰং গণেতব্বং).

পচ্চনীযানুলোমং.

পটিচ্চৰারো.

২-৬. সহজাত-পচ্চয-নিস্সয-সংসট্ঠ-সম্পযুত্তৰারো

(সহজাতৰারোপি পচ্চযৰারোপি নিস্সযৰারোপি সংসট্ঠৰারোপি সম্পযুত্তৰারোপি পটিচ্চৰারসদিসা.)

৭. পঞ্হাৰারো

১. পচ্চযানুলোমং

১. ৰিভঙ্গৰারো

হেতুপচ্চযো

১১. অজ্ঝত্তারম্মণো ধম্মো অজ্ঝত্তারম্মণস্স ধম্মস্স হেতুপচ্চযেন পচ্চযো – অজ্ঝত্তারম্মণা হেতূ সম্পযুত্তকানং খন্ধানং হেতুপচ্চযেন পচ্চযো. পটিসন্ধিক্খণে অজ্ঝত্তারম্মণা হেতূ সম্পযুত্তকানং খন্ধানং হেতুপচ্চযেন পচ্চযো. (১)

বহিদ্ধারম্মণো ধম্মো বহিদ্ধারম্মণস্স ধম্মস্স হেতুপচ্চযেন পচ্চযো – বহিদ্ধারম্মণা হেতূ সম্পযুত্তকানং খন্ধানং…পে… পটিসন্ধিক্খণে…পে…. (১)

আরম্মণপচ্চযো

১২. অজ্ঝত্তারম্মণো ধম্মো অজ্ঝত্তারম্মণস্স ধম্মস্স আরম্মণপচ্চযেন পচ্চযো – অজ্ঝত্তং ৰিঞ্ঞাণঞ্চাযতনং পচ্চৰেক্খতি, নেৰসঞ্ঞানাসঞ্ঞাযতনং পচ্চৰেক্খতি, অজ্ঝত্তারম্মণং অজ্ঝত্তং দিব্বং চক্খুং পচ্চৰেক্খতি, দিব্বং সোতধাতুং…পে… ইদ্ধিৰিধঞাণং…পে… পুব্বেনিৰাসানুস্সতিঞাণং…পে… যথাকম্মূপগঞাণং…পে… অনাগতংসঞাণং পচ্চৰেক্খতি. অরিযা অজ্ঝত্তারম্মণে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. অজ্ঝত্তারম্মণে অজ্ঝত্তে খন্ধে অনিচ্চতো…পে… ৰিপস্সতি, অস্সাদেতি অভিনন্দতি, তং আরব্ভ অজ্ঝত্তারম্মণো রাগো উপ্পজ্জতি…পে… দোমনস্সং উপ্পজ্জতি. অজ্ঝত্তারম্মণা অজ্ঝত্তা খন্ধা পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অজ্ঝত্তারম্মণো ধম্মো বহিদ্ধারম্মণস্স ধম্মস্স আরম্মণপচ্চযেন পচ্চযো – বহিদ্ধা ৰিঞ্ঞাণঞ্চাযতনং পচ্চৰেক্খতি, নেৰসঞ্ঞানাসঞ্ঞাযতনং পচ্চৰেক্খতি. অজ্ঝত্তারম্মণং বহিদ্ধা দিব্বং চক্খুং পচ্চৰেক্খতি, দিব্বং সোতধাতুং…পে… ইদ্ধিৰিধঞাণং…পে… পুব্বেনিৰাসানুস্সতিঞাণং…পে… যথাকম্মূপগঞাণং…পে… অনাগতংসঞাণং পচ্চৰেক্খতি, অজ্ঝত্তারম্মণে বহিদ্ধা খন্ধে অনিচ্চতো দুক্খতো অনত্ততো ৰিপস্সতি…পে… চেতোপরিযঞাণেন অজ্ঝত্তারম্মণবহিদ্ধাচিত্তসমঙ্গিস্স চিত্তং জানাতি, অজ্ঝত্তারম্মণা বহিদ্ধা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (২)

১৩. বহিদ্ধারম্মণো ধম্মো বহিদ্ধারম্মণস্স ধম্মস্স আরম্মণপচ্চযেন পচ্চযো – বহিদ্ধারম্মণং বহিদ্ধা দিব্বং চক্খুং পচ্চৰেক্খতি, দিব্বং সোতধাতুং পচ্চৰেক্খতি. ইদ্ধিৰিধঞাণং…পে… চেতোপরিযঞাণং…পে… পুব্বেনিৰাসানুস্সতিঞাণং…পে… যথাকম্মূপগঞাণং…পে… অনাগতংসঞাণং পচ্চৰেক্খতি. বহিদ্ধারম্মণে বহিদ্ধা খন্ধে অনিচ্চতো দুক্খতো অনত্ততো ৰিপস্সতি…পে… চেতোপরিযঞাণেন বহিদ্ধারম্মণবহিদ্ধাচিত্তসমঙ্গিস্স চিত্তং জানাতি. বহিদ্ধারম্মণা বহিদ্ধা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

বহিদ্ধারম্মণো ধম্মো অজ্ঝত্তারম্মণস্স ধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা ৰুট্ঠহিত্ৰা ঝানং পচ্চৰেক্খতি. অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, বহিদ্ধারম্মণে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. বহিদ্ধারম্মণং অজ্ঝত্তং দিব্বং চক্খুং পচ্চৰেক্খতি, দিব্বং সোতধাতুং… ইদ্ধিৰিধঞাণং… চেতোপরিযঞাণং… পুব্বেনিৰাসানুস্সতিঞাণং… যথাকম্মূপগঞাণং… অনাগতংসঞাণং… বহিদ্ধারম্মণে অজ্ঝত্তে খন্ধে অনিচ্চতো…পে… ৰিপস্সতি, অস্সাদেতি অভিনন্দতি, তং আরব্ভ অজ্ঝত্তারম্মণো রাগো উপ্পজ্জতি…পে… দোমনস্সং উপ্পজ্জতি. বহিদ্ধারম্মণা অজ্ঝত্তা খন্ধা ইদ্ধিৰিধঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (২)

অধিপতিপচ্চযো

১৪. অজ্ঝত্তারম্মণো ধম্মো অজ্ঝত্তারম্মণস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অজ্ঝত্তং ৰিঞ্ঞাণঞ্চাযতনং গরুং কত্ৰা পচ্চৰেক্খতি, নেৰসঞ্ঞানাসঞ্ঞাযতনং গরুং কত্ৰা পচ্চৰেক্খতি. অজ্ঝত্তারম্মণং অজ্ঝত্তং দিব্বং চক্খুং গরুং কত্ৰা…পে… দিব্বং সোতধাতুং…পে… ইদ্ধিৰিধঞাণং… পুব্বেনিৰাসানুস্সতিঞাণং… যথাকম্মূপগঞাণং… অনাগতংসঞাণং গরুং কত্ৰা…পে… অজ্ঝত্তারম্মণে অজ্ঝত্তে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা অজ্ঝত্তারম্মণো রাগো উপ্পজ্জতি, দিট্ঠি উপ্পজ্জতি. সহজাতাধিপতি – অজ্ঝত্তারম্মণাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

১৫. বহিদ্ধারম্মণো ধম্মো বহিদ্ধারম্মণস্স ধম্মস্স অধিপতিপচ্চযেন পচ্চযো. সহজাতাধিপতি – বহিদ্ধারম্মণাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

বহিদ্ধারম্মণো ধম্মো অজ্ঝত্তারম্মণস্স ধম্মস্স অধিপতিপচ্চযেন পচ্চযো. আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা তং গরুং কত্ৰা পচ্চৰেক্খতি, পুব্বে সুচিণ্ণানি…পে… ঝানা ৰুট্ঠহিত্ৰা…পে… অরিযা মগ্গা ৰুট্ঠহিত্ৰা মগ্গং… ফলং গরুং কত্ৰা পচ্চৰেক্খন্তি. বহিদ্ধারম্মণং অজ্ঝত্তং দিব্বং চক্খুং গরুং কত্ৰা…পে… দিব্বং সোতধাতুং… ইদ্ধিৰিধঞাণং… চেতোপরিযঞাণং… পুব্বেনিৰাসানুস্সতিঞাণং… যথাকম্মূপগঞাণং… অনাগতংসঞাণং গরুং কত্ৰা পচ্চৰেক্খতি, বহিদ্ধারম্মণে অজ্ঝত্তে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা অজ্ঝত্তারম্মণো রাগো উপ্পজ্জতি, দিট্ঠি উপ্পজ্জতি. (২)

অনন্তরপচ্চযো

১৬. অজ্ঝত্তারম্মণো ধম্মো অজ্ঝত্তারম্মণস্স ধম্মস্স অনন্তরপচ্চযেন পচ্চযো – পুরিমা পুরিমা অজ্ঝত্তারম্মণা খন্ধা পচ্ছিমানং পচ্ছিমানং অজ্ঝত্তারম্মণানং খন্ধানং অনন্তরপচ্চযেন পচ্চযো. (১)

অজ্ঝত্তারম্মণো ধম্মো বহিদ্ধারম্মণস্স ধম্মস্স অনন্তরপচ্চযেন পচ্চযো – অজ্ঝত্তারম্মণং চুতিচিত্তং বহিদ্ধারম্মণস্স উপপত্তিচিত্তস্স অনন্তরপচ্চযেন পচ্চযো. অজ্ঝত্তারম্মণং ভৰঙ্গং বহিদ্ধারম্মণায আৰজ্জনায অনন্তরপচ্চযেন পচ্চযো. অজ্ঝত্তারম্মণা খন্ধা বহিদ্ধারম্মণস্স ৰুট্ঠানস্স অনন্তরপচ্চযেন পচ্চযো. অজ্ঝত্তারম্মণং অনুলোমং গোত্রভুস্স… অনুলোমং ৰোদানস্স… অনুলোমং ফলসমাপত্তিযা… নিরোধা ৰুট্ঠহন্তস্স… নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো. (২)

১৭. বহিদ্ধারম্মণো ধম্মো বহিদ্ধারম্মণস্স ধম্মস্স অনন্তরপচ্চযেন পচ্চযো – পুরিমা পুরিমা বহিদ্ধারম্মণা খন্ধা পচ্ছিমানং পচ্ছিমানং বহিদ্ধারম্মণানং খন্ধানং অনন্তরপচ্চযেন পচ্চযো. বহিদ্ধারম্মণং অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স… মগ্গো ফলস্স… ফলং ফলস্স… অনুলোমং ফলসমাপত্তিযা অনন্তরপচ্চযেন পচ্চযো. (১)

বহিদ্ধারম্মণো ধম্মো অজ্ঝত্তারম্মণস্স ধম্মস্স অনন্তরপচ্চযেন পচ্চযো – বহিদ্ধারম্মণং চুতিচিত্তং অজ্ঝত্তারম্মণস্স উপপত্তিচিত্তস্স অনন্তরপচ্চযেন পচ্চযো. বহিদ্ধারম্মণং ভৰঙ্গং অজ্ঝত্তারম্মণায আৰজ্জনায অনন্তরপচ্চযেন পচ্চযো. বহিদ্ধারম্মণা খন্ধা অজ্ঝত্তারম্মণস্স ৰুট্ঠানস্স অনন্তরপচ্চযেন পচ্চযো. (২)

সমনন্তরপচ্চযাদি

১৮. অজ্ঝত্তারম্মণো ধম্মো অজ্ঝত্তারম্মণস্স ধম্মস্স সমনন্তরপচ্চযেন পচ্চযো…পে… সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো.

উপনিস্সযপচ্চযো

১৯. অজ্ঝত্তারম্মণো ধম্মো অজ্ঝত্তারম্মণস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – অজ্ঝত্তারম্মণা অনিচ্চানুপস্সনা, দুক্খানুপস্সনা, অনত্তানুপস্সনা, অজ্ঝত্তারম্মণায অনিচ্চানুপস্সনায, দুক্খানুপস্সনায, অনত্তানুপস্সনায উপনিস্সযপচ্চযেন পচ্চযো. (১)

অজ্ঝত্তারম্মণো ধম্মো বহিদ্ধারম্মণস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – অজ্ঝত্তারম্মণা অনিচ্চানুপস্সনা, দুক্খানুপস্সনা, অনত্তানুপস্সনা বহিদ্ধারম্মণায অনিচ্চানুপস্সনায, দুক্খানুপস্সনায, অনত্তানুপস্সনায উপনিস্সযপচ্চযেন পচ্চযো. (২)

২০. বহিদ্ধারম্মণো ধম্মো বহিদ্ধারম্মণস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – বহিদ্ধারম্মণা অনিচ্চানুপস্সনা, দুক্খানুপস্সনা, অনত্তানুপস্সনা বহিদ্ধারম্মণায অনিচ্চানুপস্সনায, দুক্খানুপস্সনায, অনত্তানুপস্সনায উপনিস্সযপচ্চযেন পচ্চযো. (১)

বহিদ্ধারম্মণো ধম্মো অজ্ঝত্তারম্মণস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – বহিদ্ধারম্মণা অনিচ্চানুপস্সনা, দুক্খানুপস্সনা, অনত্তানুপস্সনা অজ্ঝত্তারম্মণায অনিচ্চানুপস্সনায, দুক্খানুপস্সনায, অনত্তানুপস্সনায উপনিস্সযপচ্চযেন পচ্চযো. (২)

আসেৰনপচ্চযো

২১. অজ্ঝত্তারম্মণো ধম্মো অজ্ঝত্তারম্মণস্স ধম্মস্স আসেৰনপচ্চযেন পচ্চযো – পুরিমা পুরিমা অজ্ঝত্তারম্মণা খন্ধা পচ্ছিমানং পচ্ছিমানং অজ্ঝত্তারম্মণানং খন্ধানং আসেৰনপচ্চযেন পচ্চযো. (১)

অজ্ঝত্তারম্মণো ধম্মো বহিদ্ধারম্মণস্স ধম্মস্স আসেৰনপচ্চযেন পচ্চযো – অজ্ঝত্তারম্মণং অনুলোমং গোত্রভুস্স, অনুলোমং ৰোদানস্স আসেৰনপচ্চযেন পচ্চযো. (২)

বহিদ্ধারম্মণো ধম্মো বহিদ্ধারম্মণস্স ধম্মস্স আসেৰনপচ্চযেন পচ্চযো – পুরিমা পুরিমা বহিদ্ধারম্মণা খন্ধা পচ্ছিমানং পচ্ছিমানং বহিদ্ধারম্মণানং খন্ধানং আসেৰনপচ্চযেন পচ্চযো. বহিদ্ধারম্মণং অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো. (১)

কম্মপচ্চযো

২২. অজ্ঝত্তারম্মণো ধম্মো অজ্ঝত্তারম্মণস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অজ্ঝত্তারম্মণা চেতনা সম্পযুত্তকানং খন্ধানং কম্মপচ্চযেন পচ্চযো. পটিসন্ধিক্খণে…পে…. নানাক্খণিকা – অজ্ঝত্তারম্মণা চেতনা ৰিপাকানং অজ্ঝত্তারম্মণানং খন্ধানং কম্মপচ্চযেন পচ্চযো. (১)

অজ্ঝত্তারম্মণো ধম্মো বহিদ্ধারম্মণস্স ধম্মস্স কম্মপচ্চযেন পচ্চযো. নানাক্খণিকা – অজ্ঝত্তারম্মণা চেতনা ৰিপাকানং বহিদ্ধারম্মণানং খন্ধানং কম্মপচ্চযেন পচ্চযো. (২)

বহিদ্ধারম্মণো ধম্মো বহিদ্ধারম্মণস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – বহিদ্ধারম্মণা চেতনা সম্পযুত্তকানং খন্ধানং কম্মপচ্চযেন পচ্চযো. পটিসন্ধিক্খণে…পে…. নানাক্খণিকা – বহিদ্ধারম্মণা চেতনা ৰিপাকানং বহিদ্ধারম্মণানং খন্ধানং কম্মপচ্চযেন পচ্চযো. (১)

বহিদ্ধারম্মণো ধম্মো অজ্ঝত্তারম্মণস্স ধম্মস্স কম্মপচ্চযেন পচ্চযো. নানাক্খণিকা – বহিদ্ধারম্মণা চেতনা ৰিপাকানং অজ্ঝত্তারম্মণানং খন্ধানং কম্মপচ্চযেন পচ্চযো. (২)

ৰিপাকপচ্চযাদি

২৩. অজ্ঝত্তারম্মণো ধম্মো অজ্ঝত্তারম্মণস্স ধম্মস্স ৰিপাকপচ্চযেন পচ্চযো…পে… আহারপচ্চযেন পচ্চযো… ইন্দ্রিযপচ্চযেন পচ্চযো… ঝানপচ্চযেন পচ্চযো … মগ্গপচ্চযেন পচ্চযো… সম্পযুত্তপচ্চযেন পচ্চযো… অত্থিপচ্চযেন পচ্চযো… নত্থিপচ্চযেন পচ্চযো…ৰিগতপচ্চযেন পচ্চযো… অৰিগতপচ্চযেন পচ্চযো.

১. পচ্চযানুলোমং

২. সঙ্খ্যাৰারো

সুদ্ধং

২৪. হেতুযা দ্ৰে, আরম্মণে চত্তারি, অধিপতিযা তীণি, অনন্তরে চত্তারি, সমনন্তরে চত্তারি, সহজাতে দ্ৰে, অঞ্ঞমঞ্ঞে দ্ৰে, নিস্সযে দ্ৰে, উপনিস্সযে চত্তারি, আসেৰনে তীণি, কম্মে চত্তারি, ৰিপাকে দ্ৰে …পে… (সব্বত্থ দ্ৰে ), সম্পযুত্তে দ্ৰে, অত্থিযা দ্ৰে, নত্থিযা চত্তারি, ৰিগতে চত্তারি, অৰিগতে দ্ৰে (এৰং গণেতব্বং).

অনুলোমং.

পচ্চনীযুদ্ধারো

২৫. অজ্ঝত্তারম্মণো ধম্মো অজ্ঝত্তারম্মণস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো. (১)

অজ্ঝত্তারম্মণো ধম্মো বহিদ্ধারম্মণস্স ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো. (২)

বহিদ্ধারম্মণো ধম্মো বহিদ্ধারম্মণস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো. (১)

বহিদ্ধারম্মণো ধম্মো অজ্ঝত্তারম্মণস্স ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো. (২)

২. পচ্চযপচ্চনীযং

২. সঙ্খ্যাৰারো

২৬. নহেতুযা চত্তারি, নআরম্মণে চত্তারি, নঅধিপতিযা চত্তারি, নঅনন্তরে চত্তারি (সংখিত্তং, সব্বত্থ চত্তারি), নপুরেজাতে নপচ্ছাজাতে নআসেৰনে…পে… নৰিপ্পযুত্তে চত্তারি…পে… নোঅৰিগতে চত্তারি (এৰং গণেতব্বং).

পচ্চনীযং.

৩. পচ্চযানুলোমপচ্চনীযং

২৭. হেতুপচ্চযা নআরম্মণে দ্ৰে, নঅধিপতিযা দ্ৰে, নঅনন্তরে নসমনন্তরে নউপনিস্সযে নআসেৰনে নকম্মে…পে… নোনত্থিযা নোৰিগতে দ্ৰে (সব্বত্থ দ্ৰে. এৰং গণেতব্বং).

অনুলোমপচ্চনীযং.

৪. পচ্চযপচ্চনীযানুলোমং

২৮. নহেতুপচ্চযা আরম্মণে চত্তারি, অধিপতিযা তীণি, অনন্তরে চত্তারি, সমনন্তরে চত্তারি, সহজাতে অঞ্ঞমঞ্ঞে নিস্সযে দ্ৰে, উপনিস্সযে চত্তারি, আসেৰনে তীণি, কম্মে চত্তারি, ৰিপাকে দ্ৰে…পে… সম্পযুত্তে দ্ৰে, অত্থিযা দ্ৰে, নত্থিযা চত্তারি, ৰিগতে চত্তারি, অৰিগতে দ্ৰে (এৰং গণেতব্বং).

পচ্চনীযানুলোমং.

পঞ্হাৰারো.

অজ্ঝত্তারম্মণত্তিকং নিট্ঠিতং.