১৭. উপ্পন্নত্তিকং

৭. পঞ্হাৰারো

১. পচ্চযানুলোমং

১. ৰিভঙ্গৰারো

হেতুপচ্চযো

১. উপ্পন্নো ধম্মো উপ্পন্নস্স ধম্মস্স হেতুপচ্চযেন পচ্চযো – উপ্পন্না হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. পটিসন্ধিক্খণে উপ্পন্না হেতূ সম্পযুত্তকানং খন্ধানং কটত্তা চ রূপানং হেতুপচ্চযেন পচ্চযো. (১)

আরম্মণপচ্চযো

২. উপ্পন্নো ধম্মো উপ্পন্নস্স ধম্মস্স আরম্মণপচ্চযেন পচ্চযো – উপ্পন্নং চক্খুং অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা…পে… উদ্ধচ্চং…পে… দোমনস্সং উপ্পজ্জতি. উপ্পন্নং সোতং… ঘানং… জিৰ্হং… কাযং… রূপে… সদ্দে… গন্ধে… রসে… ফোট্ঠব্বে… ৰত্থুং… উপ্পন্নে খন্ধে অনিচ্চতো দুক্খতো অনত্ততো ৰিপস্সতি…পে… দোমনস্সং উপ্পজ্জতি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স …পে… ফোট্ঠব্বাযতনং কাযৰিঞ্ঞাণস্স…পে… উপ্পন্না খন্ধা ইদ্ধিৰিধঞাণস্স আৰজ্জনায আরম্মণপচ্চযেন পচ্চযো. (১)

৩. অনুপ্পন্নো ধম্মো উপ্পন্নস্স ধম্মস্স আরম্মণপচ্চযেন পচ্চযো – অনুপ্পন্নে রূপে… সদ্দে… গন্ধে… রসে… ফোট্ঠব্বে… অনুপ্পন্নে খন্ধে অনিচ্চতো দুক্খতো অনত্ততো ৰিপস্সতি…পে… দোমনস্সং উপ্পজ্জতি. অনুপ্পন্না খন্ধা ইদ্ধিৰিধঞাণস্স, চেতোপরিযঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

৪. উপ্পাদী ধম্মো উপ্পন্নস্স ধম্মস্স আরম্মণপচ্চযেন পচ্চযো – উপ্পাদিং চক্খুং…পে… কাযং… রূপে… গন্ধে… রসে… ফোট্ঠব্বে… ৰত্থুং… উপ্পাদী খন্ধে অনিচ্চতো দুক্খতো অনত্ততো…পে… দোমনস্সং উপ্পজ্জতি. উপ্পাদী খন্ধা ইদ্ধিৰিধঞাণস্স, চেতোপরিযঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অধিপতিপচ্চযো

৫. উপ্পন্নো ধম্মো উপ্পন্নস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – উপ্পন্নং চক্খুং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. উপ্পন্নং সোতং… ঘানং… জিৰ্হং… কাযং… রূপে… সদ্দে… গন্ধে… রসে… ফোট্ঠব্বে… ৰত্থুং… উপ্পন্নে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি…পে…. সহজাতাধিপতি – উপ্পন্না অধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

অনুপ্পন্নো ধম্মো উপ্পন্নস্স ধম্মস্স অধিপতিপচ্চযেন পচ্চযো. আরম্মণাধিপতি – অনুপ্পন্নে রূপে… সদ্দে… গন্ধে… রসে… ফোট্ঠব্বে… অনুপ্পন্নে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (১)

উপ্পাদী ধম্মো উপ্পন্নস্স ধম্মস্স অধিপতিপচ্চযেন পচ্চযো. আরম্মণাধিপতি – উপ্পাদিং চক্খুং…পে… কাযং… রূপে…পে… ফোট্ঠব্বে… ৰত্থুং… উপ্পাদী খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (১)

সহজাতপচ্চযো

৬. উপ্পন্নো ধম্মো উপ্পন্নস্স ধম্মস্স সহজাতপচ্চযেন পচ্চযো – উপ্পন্নো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো. পটিসন্ধিক্খণে উপ্পন্নো একো খন্ধো তিণ্ণন্নং খন্ধানং কটত্তা চ রূপানং সহজাতপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং কটত্তা চ রূপানং সহজাতপচ্চযেন পচ্চযো. খন্ধা ৰত্থুস্স সহজাতপচ্চযেন পচ্চযো. ৰত্থু খন্ধানং সহজাতপচ্চযেন পচ্চযো. একং মহাভূতং তিণ্ণন্নং মহাভূতানং সহজাতপচ্চযেন পচ্চযো…পে… দ্ৰে মহাভূতা…পে… মহাভূতা চিত্তসমুট্ঠানানং রূপানং কটত্তারূপানং উপাদারূপানং সহজাতপচ্চযেন পচ্চযো. বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে… দ্ৰে মহাভূতা…পে… মহাভূতা কটত্তারূপানং উপাদারূপানং সহজাতপচ্চযেন পচ্চযো. (১)

অঞ্ঞমঞ্ঞপচ্চযো

৭. উপ্পন্নো ধম্মো উপ্পন্নস্স ধম্মস্স অঞ্ঞমঞ্ঞপচ্চযেন পচ্চযো – উপ্পন্নো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে উপ্পন্নো একো খন্ধো তিণ্ণন্নং খন্ধানং ৰত্থুস্স চ অঞ্ঞমঞ্ঞপচ্চযেন পচ্চযো. দ্ৰে খন্ধা…পে… খন্ধা ৰত্থুস্স অঞ্ঞমঞ্ঞপচ্চযেন পচ্চযো. ৰত্থু খন্ধানং অঞ্ঞমঞ্ঞপচ্চযেন পচ্চযো. একং মহাভূতং…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং তিণ্ণন্নং মহাভূতানং অঞ্ঞমঞ্ঞপচ্চযেন পচ্চযো…পে… দ্ৰে মহাভূতা…পে…. (১)

নিস্সযপচ্চযো

৮. উপ্পন্নো ধম্মো উপ্পন্নস্স ধম্মস্স নিস্সযপচ্চযেন পচ্চযো – উপ্পন্নো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং নিস্সযপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে…পে… খন্ধা ৰত্থুস্স…পে… ৰত্থু খন্ধানং…পে… একং মহাভূতং…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে… মহাভূতা চিত্তসমুট্ঠানানং রূপানং কটত্তারূপানং উপাদারূপানং চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু উপ্পন্নানং খন্ধানং নিস্সযপচ্চযেন পচ্চযো. (১)

উপনিস্সযপচ্চযো

৯. উপ্পন্নো ধম্মো উপ্পন্নস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে… পকতূপনিস্সযো – উপ্পন্নং উতুং উপনিস্সায ঝানং উপ্পাদেতি, ৰিপস্সনং…পে… মগ্গং…পে… অভিঞ্ঞং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. উপ্পন্নং ভোজনং…পে… সেনাসনং উপনিস্সায ঝানং উপ্পাদেতি ৰিপস্সনং…পে… মগ্গং…পে… অভিঞ্ঞং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. উপ্পন্নং উতু… ভোজনং… সেনাসনং উপ্পন্নায সদ্ধায…পে… পঞ্ঞায, কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

অনুপ্পন্নো ধম্মো উপ্পন্নস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে…. পকতূপনিস্সযো – অনুপ্পন্নং ৰণ্ণসম্পদং পত্থযমানো দানং দেতি, সীলং সমাদিযতি, উপোসথকম্মং করোতি. অনুপ্পন্নং সদ্দসম্পদং… গন্ধসম্পদং… রসসম্পদং… ফোট্ঠব্বসম্পদং… অনুপ্পন্নে খন্ধে পত্থযমানো দানং দেতি, সীলং সমাদিযতি, উপোসথকম্মং করোতি. অনুপ্পন্না ৰণ্ণসম্পদা…পে… অনুপ্পন্না খন্ধা উপ্পন্নায সদ্ধায…পে… পঞ্ঞায, কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

উপ্পাদী ধম্মো উপ্পন্নস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে…. পকতূপনিস্সযো – উপ্পাদিং চক্খুসম্পদং পত্থযমানো দানং দেতি, সীলং সমাদিযতি, উপোসথকম্মং করোতি. উপ্পাদিং সোতসম্পদং…পে… কাযসম্পদং…পে… ৰণ্ণসম্পদং … গন্ধসম্পদং… রসসম্পদং… ফোট্ঠব্বসম্পদং… উপ্পাদী খন্ধে পত্থযমানো দানং দেতি, সীলং সমাদিযতি, উপোসথকম্মং করোতি. উপ্পাদী চক্খুসম্পদা…পে… কাযসম্পদা… ৰণ্ণসম্পদা…পে… ফোট্ঠব্বসম্পদা… উপ্পাদী খন্ধা উপ্পন্নায সদ্ধায…পে… পঞ্ঞায, কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

পুরেজাতপচ্চযো

১০. উপ্পন্নো ধম্মো উপ্পন্নস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি, তং আরব্ভ রাগো উপ্পজ্জতি…পে… দোমনস্সং উপ্পজ্জতি দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… ৰত্থু উপ্পন্নানং খন্ধানং পুরেজাতপচ্চযেন পচ্চযো. (১)

পচ্ছাজাতপচ্চযো

১১. উপ্পন্নো ধম্মো উপ্পন্নস্স ধম্মস্স পচ্ছাজাতপচ্চযেন পচ্চযো – পচ্ছাজাতা উপ্পন্না খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

কম্মপচ্চযো

১২. উপ্পন্নো ধম্মো উপ্পন্নস্স ধম্মস্স কম্মপচ্চযেন পচ্চযো – উপ্পন্না চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. পটিসন্ধিক্খণে উপ্পন্না চেতনা সম্পযুত্তকানং খন্ধানং কটত্তা চ রূপানং কম্মপচ্চযেন পচ্চযো. (১)

ৰিপাকপচ্চযো

১৩. উপ্পন্নো ধম্মো উপ্পন্নস্স ধম্মস্স ৰিপাকপচ্চযেন পচ্চযো – ৰিপাকো উপ্পন্নো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং ৰিপাকপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে উপ্পন্নো একো খন্ধো তিণ্ণন্নং খন্ধানং কটত্তা চ রূপানং…পে… দ্ৰে খন্ধা…পে… খন্ধা ৰত্থুস্স ৰিপাকপচ্চযেন পচ্চযো. (১)

আহারপচ্চযো

১৪. উপ্পন্নো ধম্মো উপ্পন্নস্স ধম্মস্স আহারপচ্চযেন পচ্চযো – উপ্পন্না আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো. পটিসন্ধিক্খণে…পে… কবল়ীকারো আহারো ইমস্স কাযস্স আহারপচ্চযেন পচ্চযো. (১)

ইন্দ্রিযপচ্চযো

১৫. উপ্পন্নো ধম্মো উপ্পন্নস্স ধম্মস্স ইন্দ্রিযপচ্চযেন পচ্চযো – উপ্পন্না ইন্দ্রিযা সম্পযুত্তকানং খন্ধানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো. পটিসন্ধিক্খণে…পে… চক্খুন্দ্রিযং চক্খুৰিঞ্ঞাণস্স…পে… কাযিন্দ্রিযং কাযৰিঞ্ঞাণস্স…পে… রূপজীৰিতিন্দ্রিযং কটত্তারূপানং ইন্দ্রিযপচ্চযেন পচ্চযো. (১)

ঝানপচ্চযাদি

১৬. উপ্পন্নো ধম্মো উপ্পন্নস্স ধম্মস্স ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো… ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – উপ্পন্না খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পটিসন্ধিক্খণে উপ্পন্না খন্ধা কটত্তারূপানং ৰিপ্পযুত্তপচ্চযেন পচ্চযো. খন্ধা ৰত্থুস্স, ৰত্থু খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স …পে… কাযাযতনং কাযৰিঞ্ঞাণস্স… ৰত্থু উপ্পন্নানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – উপ্পন্না খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

অত্থিপচ্চযো

১৭. উপ্পন্নো ধম্মো উপ্পন্নস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – উপ্পন্নো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে…পে… একং মহাভূতং…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে…. পুরেজাতং – চক্খুং অনিচ্চতো…পে… ৰত্থুং অনিচ্চতো…পে… দোমনস্সং উপ্পজ্জতি, দিব্বেন চক্খুনা রূপং পস্সতি, দিব্বায সোতুধাতুযা সদ্দং সুণাতি, রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স অত্থিপচ্চযেন পচ্চযো. চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু উপ্পন্নানং খন্ধানং অত্থিপচ্চযেন পচ্চযো. পচ্ছাজাতা – উপ্পন্না খন্ধা পুরেজাতস্স ইমস্স কাযস্স অত্থিপচ্চযেন পচ্চযো. কবল়ীকারো আহারো ইমস্স কাযস্স অত্থিপচ্চযেন পচ্চযো. রূপজীৰিতিন্দ্রিযং কটত্তারূপানং অত্থিপচ্চযেন পচ্চযো. (১)

অৰিগতপচ্চযো

১৮. উপ্পন্নো ধম্মো উপ্পন্নস্স ধম্মস্স অৰিগতপচ্চযেন পচ্চযো…পে….

১. পচ্চযানুলোমং

২. সঙ্খ্যাৰারো

১৯. হেতুযা একং, আরম্মণে তীণি, অধিপতিযা তীণি, সহজাতে একং, অঞ্ঞমঞ্ঞে একং, নিস্সযে একং, উপনিস্সযে তীণি, পুরেজাতে একং, পচ্ছাজাতে কম্মে ৰিপাকে আহারে ইন্দ্রিযে ঝানে মগ্গে সম্পযুত্তে ৰিপ্পযুত্তে অত্থিযা অৰিগতে একং (এৰং গণেতব্বং).

অনুলোমং.

পচ্চনীযুদ্ধারো

২০. উপ্পন্নো ধম্মো উপ্পন্নস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো… পচ্ছাজাতপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো. (১)

অনুপ্পন্নো ধম্মো উপ্পন্নস্স ধম্মস্স আরম্মণপচ্চযেন পচ্চযো, উপনিস্সযপচ্চযেন পচ্চযো. (১)

উপ্পাদী ধম্মো উপ্পন্নস্স ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো. (১)

২. পচ্চযপচ্চনীযং

২. সঙ্খ্যাৰারো

২১. নহেতুযা তীণি, নআরম্মণে তীণি, নঅধিপতিযা তীণি…পে… নৰিপ্পযুত্তে তীণি, নোঅত্থিযা দ্ৰে, নোনত্থিযা তীণি, নোৰিগতে তীণি, নোঅৰিগতে দ্ৰে (এৰং গণেতব্বং).

পচ্চনীযং.

৩. পচ্চযানুলোমপচ্চনীযং

২২. হেতুপচ্চযা নআরম্মণে একং…পে… নোনত্থিযা নোৰিগতে একং.

অনুলোমপচ্চনীযং.

৪. পচ্চনীযানুলোমং

২৩. নহেতুপচ্চযা আরম্মণে তীণি, অধিপতিযা তীণি, সহজাতে একং, অঞ্ঞমঞ্ঞে একং, নিস্সযে একং, উপনিস্সযে তীণি, পুরেজাতে একং, পচ্ছাজাতে একং, কম্মে ৰিপাকে আহারে ইন্দ্রিযে ঝানে মগ্গে সম্পযুত্তে ৰিপ্পযুত্তে অত্থিযা অৰিগতে একং.

পচ্চনীযানুলোমং.

উপ্পন্নত্তিকং নিট্ঠিতং.