১. ৰিভঙ্গৰারো

নহেতুপচ্চযো

১৩. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নহেতুপচ্চযা – অহেতুকং উপাদিন্নুপাদানিযং একং খন্ধং পটিচ্চ তযো খন্ধা, দ্ৰে খন্ধে পটিচ্চ দ্ৰে খন্ধা, অহেতুকপটিসন্ধিক্খণে উপাদিন্নুপাদানিযং একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে পটিচ্চ দ্ৰে খন্ধা কটত্তা চ রূপং; খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তারূপং উপাদারূপং; অসঞ্ঞসত্তানং একং মহাভূতং পটিচ্চ…পে… মহাভূতে পটিচ্চ কটত্তারূপং উপাদারূপং. (১)

উপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নহেতুপচ্চযা – অহেতুকে উপাদিন্নুপাদানিযে খন্ধে পটিচ্চ চিত্তসমুট্ঠানং রূপং. (২)

উপাদিন্নুপাদানিযং ধম্মং পটিচ্চ উপাদিন্নুপাদানিযো চ অনুপাদিন্নুপাদানিযো চ ধম্মা উপ্পজ্জন্তি নহেতুপচ্চযা – অহেতুকং উপাদিন্নুপাদানিযং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. (৩)

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নহেতুপচ্চযা – অহেতুকং অনুপাদিন্নুপাদানিযং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. অনুপাদিন্নুপাদানিযং একং মহাভূতং…পে… মহাভূতে পটিচ্চ চিত্তসমুট্ঠানং রূপং উপাদারূপং. বাহিরং… আহারসমুট্ঠানং… উতুসমুট্ঠানং একং মহাভূতং পটিচ্চ…পে… মহাভূতে পটিচ্চ উপাদারূপং. ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

উপাদিন্নুপাদানিযঞ্চ অনুপাদিন্নুপাদানিযঞ্চ ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নহেতুপচ্চযা – অহেতুকে উপাদিন্নুপাদানিযে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

নআরম্মণপচ্চযো

১৪. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নআরম্মণপচ্চযা – পটিসন্ধিক্খণে উপাদিন্নুপাদানিযে খন্ধে পটিচ্চ কটত্তারূপং, খন্ধে পটিচ্চ ৰত্থু, একং মহাভূতং পটিচ্চ…পে… অসঞ্ঞসত্তানং একং মহাভূতং পটিচ্চ…পে…. (১)

উপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নআরম্মণপচ্চযা – উপাদিন্নুপাদানিযে খন্ধে পটিচ্চ চিত্তসমুট্ঠানং রূপং. (২)

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নআরম্মণপচ্চযা – অনুপাদিন্নুপাদানিযে খন্ধে পটিচ্চ চিত্তসমুট্ঠানং রূপং, একং মহাভূতং পটিচ্চ …পে… বাহিরং… আহারসমুট্ঠানং… উতুসমুট্ঠানং একং মহাভূতং পটিচ্চ…পে…. (১)

অনুপাদিন্নঅনুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নআরম্মণপচ্চযা – অনুপাদিন্নঅনুপাদানিযে খন্ধে পটিচ্চ চিত্তসমুট্ঠানং রূপং. (১)

অনুপাদিন্নুপাদানিযঞ্চ অনুপাদিন্নঅনুপাদানিযঞ্চ ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নআরম্মণপচ্চযা – অনুপাদিন্নঅনুপাদানিযে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

উপাদিন্নুপাদানিযঞ্চ অনুপাদিন্নুপাদানিযঞ্চ ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নআরম্মণপচ্চযা – উপাদিন্নুপাদানিযে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

নঅধিপতিপচ্চযো

১৫. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নঅধিপতিপচ্চযা (পটিসন্ধি পরিপুণ্ণং)… তীণি.

অনুপাদিন্নুপাদানিযং ধম্মং পটিচ্চ… একা.

অনুপাদিন্নঅনুপাদানিযং ধম্মং পটিচ্চ অনুপাদিন্নঅনুপাদানিযো ধম্মো উপ্পজ্জতি নঅধিপতিপচ্চযা – অনুপাদিন্নঅনুপাদানিযে খন্ধে পটিচ্চ অনুপাদিন্নঅনুপাদানিযা অধিপতি. (১)

উপাদিন্নুপাদানিযঞ্চ অনুপাদিন্নুপাদানিযঞ্চ ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নঅধিপতিপচ্চযা – উপাদিন্নুপাদানিযে খন্ধে চ মহাভূতে চ পটিচ্চ চিত্তসমুট্ঠানং রূপং.

নঅনন্তরপচ্চযাদি

১৬. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নঅনন্তরপচ্চযা…পে… নসমনন্তরপচ্চযা…. নঅঞ্ঞমঞ্ঞপচ্চযা… নউপনিস্সযপচ্চযা… নপুরেজাতপচ্চযা… নপচ্ছাজাতপচ্চযা… নআসেৰনপচ্চযা…পে….

অনুপাদিন্নঅনুপাদানিযং ধম্মং পটিচ্চ অনুপাদিন্নঅনুপাদানিযো ধম্মো উপ্পজ্জতি নআসেৰনপচ্চযা – ৰিপাকং অনুপাদিন্নঅনুপাদানিযং একং খন্ধং পটিচ্চ তযো খন্ধা (সংখিত্তং).

নকম্মপচ্চযো

১৭. অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নকম্মপচ্চযা – অনুপাদিন্নুপাদানিযে খন্ধে পটিচ্চ অনুপাদিন্নুপাদানিযা চেতনা. বাহিরং… আহারসমুট্ঠানং… উতুসমুট্ঠানং একং মহাভূতং পটিচ্চ…পে…. (১)

অনুপাদিন্নঅনুপাদানিযং ধম্মং পটিচ্চ অনুপাদিন্নঅনুপাদানিযো ধম্মো উপ্পজ্জতি নকম্মপচ্চযা – কুসলে অনুপাদিন্নঅনুপাদানিযে খন্ধে পটিচ্চ অনুপাদিন্নঅনুপাদানিযা চেতনা. (২)

নৰিপাকপচ্চযো

১৮. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নৰিপাকপচ্চযা – অসঞ্ঞসত্তানং একং মহাভূতং পটিচ্চ…পে… মহাভূতে পটিচ্চ কটত্তারূপং উপাদারূপং. (১)

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নৰিপাকপচ্চযা… একা.

অনুপাদিন্নঅনুপাদানিযং ধম্মং পটিচ্চ অনুপাদিন্নঅনুপাদানিযো ধম্মো উপ্পজ্জতি নৰিপাকপচ্চযা – কুসলং অনুপাদিন্নঅনুপাদানিযং একং খন্ধং পটিচ্চ তযো খন্ধা… তীণি.

অনুপাদিন্নুপাদানিযঞ্চ অনুপাদিন্নঅনুপাদানিযঞ্চ ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নৰিপাকপচ্চযা – কুসলে অনুপাদিন্নঅনুপাদানিযে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

নআহারপচ্চযো

১৯. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নআহারপচ্চযা – অসঞ্ঞসত্তানং একং মহাভূতং পটিচ্চ…পে…. (১)

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নআহারপচ্চযা – বাহিরং… উতুসমুট্ঠানং একং মহাভূতং পটিচ্চ…পে…. (১)

নইন্দ্রিযপচ্চযো

২০. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নইন্দ্রিযপচ্চযা – অসঞ্ঞসত্তানং মহাভূতে পটিচ্চ রূপজীৰিতিন্দ্রিযং. (১)

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নইন্দ্রিযপচ্চযা – বাহিরং… আহারসমুট্ঠানং… উতুসমুট্ঠানং একং মহাভূতং পটিচ্চ…পে…. (১)

নঝানপচ্চযো

২১. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নঝানপচ্চযা – পঞ্চৰিঞ্ঞাণসহগতং একং খন্ধং পটিচ্চ তযো খন্ধা…পে… অসঞ্ঞসত্তানং একং মহাভূতং পটিচ্চ …পে…. (১)

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নঝানপচ্চযা – বাহিরং… আহারসমুট্ঠানং… উতুসমুট্ঠানং একং মহাভূতং পটিচ্চ…পে…. (১)

নমগ্গপচ্চযো

২২. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নমগ্গপচ্চযা – অহেতুকং উপাদিন্নুপাদানিযং একং খন্ধং পটিচ্চ তযো খন্ধা… পঞ্চ.

নসম্পযুত্তপচ্চযো

২৩. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নসম্পযুত্তপচ্চযা (নআরম্মণপচ্চযসদিসং).

নৰিপ্পযুত্তপচ্চযো

২৪. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নৰিপ্পযুত্তপচ্চযা – অরূপে উপাদিন্নুপাদানিযং একং খন্ধং পটিচ্চ তযো খন্ধা…পে… অসঞ্ঞসত্তানং একং মহাভূতং পটিচ্চ…পে…. (১)

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নৰিপ্পযুত্তপচ্চযা – অরূপে অনুপাদিন্নুপাদানিযং একং খন্ধং পটিচ্চ তযোখন্ধা…পে… বাহিরং… আহারসমুট্ঠানং… উতুসমুট্ঠানং একং মহাভূতং পটিচ্চ…পে…. (১)

অনুপাদিন্নঅনুপাদানিযং ধম্মং পটিচ্চ অনুপাদিন্নঅনুপাদানিযো ধম্মো উপ্পজ্জতি নৰিপ্পযুত্তপচ্চযা – অরূপে অনুপাদিন্নঅনুপাদানিযং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

নোনত্থি-নোৰিগতপচ্চযা

২৫. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নোনত্থিপচ্চযা… নোৰিগতপচ্চযা.

(যথা কুসলত্তিকে পচ্চনীযৰারো ৰিত্থারিতো, এৰং ৰিত্থারেতব্বো.)