১. ৰিভঙ্গৰারো

হেতুপচ্চযো

১. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি হেতুপচ্চযা – উপাদিন্নুপাদানিযং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা; পটিসন্ধিক্খণে উপাদিন্নুপাদানিযং একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে পটিচ্চ দ্ৰে খন্ধা কটত্তা চ রূপং; খন্ধে পটিচ্চ ৰত্থু, ৰত্থুং খন্ধা; উপাদিন্নুপাদানিযং একং মহাভূতং পটিচ্চ তযো মহাভূতা…পে… দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ কটত্তারূপং উপাদারূপং. (১)

উপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি হেতুপচ্চযা – উপাদিন্নুপাদানিযে খন্ধে পটিচ্চ চিত্তসমুট্ঠানং রূপং. (২)

উপাদিন্নুপাদানিযং ধম্মং পটিচ্চ উপাদিন্নুপাদানিযো চ অনুপাদিন্নুপাদানিযো চ ধম্মা উপ্পজ্জন্তি হেতুপচ্চযা – উপাদিন্নুপাদানিযং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. (৩)

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি হেতুপচ্চযা – অনুপাদিন্নুপাদানিযং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং; অনুপাদিন্নুপাদানিযং একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং রূপং উপাদারূপং. (১)

অনুপাদিন্নঅনুপাদানিযং ধম্মং পটিচ্চ অনুপাদিন্নঅনুপাদানিযো ধম্মো উপ্পজ্জতি হেতুপচ্চযা – অনুপাদিন্নঅনুপাদানিযং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

অনুপাদিন্নঅনুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি হেতুপচ্চযা – অনুপাদিন্নঅনুপাদানিযে খন্ধে পটিচ্চ চিত্তসমুট্ঠানং রূপং. (২)

অনুপাদিন্নঅনুপাদানিযং ধম্মং পটিচ্চ অনুপাদিন্নুপাদানিযো চ অনুপাদিন্নঅনুপাদানিযো চ ধম্মা উপ্পজ্জন্তি হেতুপচ্চযা – অনুপাদিন্নঅনুপাদানিযং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. (৩)

অনুপাদিন্নুপাদানিযঞ্চ অনুপাদিন্নঅনুপাদানিযঞ্চ ধম্মং পটিচ্চ অনুপাদিন্নুপাদানিযো ধম্মো উপ্পজ্জতি হেতুপচ্চযা – অনুপাদিন্নঅনুপাদানিযে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

উপাদিন্নুপাদানিযঞ্চ অনুপাদিন্নুপাদানিযঞ্চ ধম্মং পটিচ্চ অনুপাদিন্নুপাদানিযো ধম্মো উপ্পজ্জতি হেতুপচ্চযা – উপাদিন্নুপাদানিযে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

আরম্মণপচ্চযো

২. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি আরম্মণপচ্চযা – উপাদিন্নুপাদানিযং একং খন্ধং পটিচ্চ…পে… পটিসন্ধিক্খণে…পে….

অনুপাদিন্নুপাদানিযং ধম্মং পটিচ্চ…পে….

অনুপাদিন্নঅনুপাদানিযং ধম্মং পটিচ্চ…পে… আরম্মণপচ্চযা… তীণি.

অধিপতিপচ্চযো

৩. অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি অধিপতিপচ্চযা – অনুপাদিন্নুপাদানিযং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… একং মহাভূতং পটিচ্চ…পে… মহাভূতে পটিচ্চ চিত্তসমুট্ঠানং রূপং উপাদারূপং. (১)

অনুপাদিন্নঅনুপাদানিযং ধম্মং পটিচ্চ… তীণি.

অনুপাদিন্নুপাদানিযঞ্চ অনুপাদিন্নঅনুপাদানিযঞ্চ ধম্মং পটিচ্চ অনুপাদিন্নুপাদানিযো ধম্মো উপ্পজ্জতি অধিপতিপচ্চযা – অনুপাদিন্নঅনুপাদানিযে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

অনন্তরপচ্চযাদি

৪. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি অনন্তরপচ্চযা… সমনন্তরপচ্চযা… সহজাতপচ্চযা – উপাদিন্নুপাদানিযং একং খন্ধং পটিচ্চ…পে… পটিসন্ধিক্খণে…পে… একং মহাভূতং পটিচ্চ…পে… মহাভূতে পটিচ্চ কটত্তারূপং উপাদারূপং; অসঞ্ঞসত্তানং একং মহাভূতং পটিচ্চ…পে… মহাভূতে পটিচ্চ কটত্তারূপং উপাদারূপং.

উপাদিন্নুপাদানিযং ধম্মং পটিচ্চ… তীণি.

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি সহজাতপচ্চযা – অনুপাদিন্নুপাদানিযং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং …পে… একং মহাভূতং পটিচ্চ…পে… মহাভূতে পটিচ্চ চিত্তসমুট্ঠানং রূপং উপাদারূপং. বাহিরং… আহারসমুট্ঠানং… উতুসমুট্ঠানং একং মহাভূতং পটিচ্চ…পে….

অনুপাদিন্নঅনুপাদানিযং ধম্মং পটিচ্চ… তীণি.

অনুপাদিন্নুপাদানিযঞ্চ অনুপাদিন্নঅনুপাদানিযঞ্চ ধম্মং পটিচ্চ…পে… অনুপাদিন্নুপাদানিযো…পে…. (১)

উপাদিন্নুপাদানিযঞ্চ অনুপাদিন্নুপাদানিযঞ্চ ধম্মং পটিচ্চ অনুপাদিন্নুপাদানিযো…পে…. (১)

অঞ্ঞমঞ্ঞপচ্চযো

৫. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি অঞ্ঞমঞ্ঞপচ্চযা – উপাদিন্নুপাদানিযং একং খন্ধং পটিচ্চ…পে… পটিসন্ধিক্খণে উপাদিন্নুপাদানিযং একং খন্ধং পটিচ্চ তযো খন্ধা ৰত্থু চ…পে… খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং পটিচ্চ…পে… দ্ৰে মহাভূতে পটিচ্চ দ্ৰে মহাভূতা; অসঞ্ঞসত্তানং একং মহাভূতং…পে…. (১)

অনুপাদিন্নুপাদানিযং ধম্মং পটিচ্চ…পে… বাহিরং… আহারসমুট্ঠানং… উতুসমুট্ঠানং…পে…. (১)

অনুপাদিন্নঅনুপাদানিযং ধম্মং পটিচ্চ…পে…. (১)

নিস্সয-উপনিস্সযপচ্চযা

৬. উপাদিন্নুপাদানিযং ধম্মং পটিচ্চ নিস্সযপচ্চযা… নৰ. উপনিস্সযপচ্চযা… তীণি.

পুরেজাতপচ্চযো

৭. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি পুরেজাতপচ্চযা… তীণি.

আসেৰনপচ্চযো

৮. অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি আসেৰনপচ্চযা – অনুপাদিন্নুপাদানিযং একং খন্ধং পটিচ্চ…পে…. (১)

অনুপাদিন্নঅনুপাদানিযং ধম্মং পটিচ্চ অনুপাদিন্নঅনুপাদানিযো ধম্মো উপ্পজ্জতি আসেৰনপচ্চযা – অনুপাদিন্নঅনুপাদানিযং একং খন্ধং পটিচ্চ…পে…. (১)

কম্মপচ্চযো

৯. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি কম্মপচ্চযা (হেতুপচ্চযসদিসা নৰ).

ৰিপাকপচ্চযো

১০. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি ৰিপাকপচ্চযা… তীণি.

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি ৰিপাকপচ্চযা – একং মহাভূতং পটিচ্চ…পে… মহাভূতে পটিচ্চ চিত্তসমুট্ঠানং রূপং উপাদারূপং.

অনুপাদিন্নঅনুপাদানিযং ধম্মং পটিচ্চ অনুপাদিন্নঅনুপাদানিযো ধম্মো উপ্পজ্জতি ৰিপাকপচ্চযা – ৰিপাকং অনুপাদিন্নঅনুপাদানিযং একং খন্ধং পটিচ্চ তযো খন্ধা…পে… নৰ.

আহারপচ্চযাদি

১১. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি আহারপচ্চযা…পে… ইন্দ্রিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৰিপ্পযুত্তপচ্চযা… অত্থিপচ্চযা… নত্থিপচ্চযা… ৰিগতপচ্চযা… অৰিগতপচ্চযা.

(যথা কুসলত্তিকস্স পটিচ্চৰারো সজ্ঝাযমগ্গেন ৰিত্থারিতো, এৰং ৰিত্থারেতব্বং.)