১. ৰিভঙ্গৰারো

হেতুপচ্চযো

৫১. উপাদিন্নুপাদানিযো ধম্মো উপাদিন্নুপাদানিযস্স ধম্মস্স হেতুপচ্চযেন পচ্চযো – উপাদিন্নুপাদানিযা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে উপাদিন্নুপাদানিযা হেতূ সম্পযুত্তকানং খন্ধানং কটত্তা চ রূপানং হেতুপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স হেতুপচ্চযেন পচ্চযো – উপাদিন্নুপাদানিযা হেতূ চিত্তসমুট্ঠানানং রূপানং হেতুপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স হেতুপচ্চযেন পচ্চযো – উপাদিন্নুপাদানিযা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স হেতুপচ্চযেন পচ্চযো – অনুপাদিন্নুপাদানিযা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স হেতুপচ্চযেন পচ্চযো – অনুপাদিন্নঅনুপাদানিযা হেতূ সম্পযুত্তকানং খন্ধানং হেতুপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স হেতুপচ্চযেন পচ্চযো – অনুপাদিন্নঅনুপাদানিযা হেতূ চিত্তসমুট্ঠানানং রূপানং হেতুপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স হেতুপচ্চযেন পচ্চযো – অনুপাদিন্নঅনুপাদানিযা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

আরম্মণপচ্চযো

৫২. উপাদিন্নুপাদানিযো ধম্মো উপাদিন্নুপাদানিযস্স ধম্মস্স আরম্মণপচ্চযেন পচ্চযো – সেক্খা ৰা পুথুজ্জনা ৰা চক্খুং অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি; তং আরব্ভ রাগো উপ্পজ্জতি…পে… দোমনস্সং উপ্পজ্জতি; কুসলাকুসলে নিরুদ্ধে ৰিপাকো তদারম্মণতা উপ্পজ্জতি. সোতং… ঘানং… জিৰ্হং… কাযং… উপাদিন্নুপাদানিযে রূপে… গন্ধে… রসে… ফোট্ঠব্বে… ৰত্থুং… উপাদিন্নুপাদানিযে খন্ধে অনিচ্চতো দুক্খতো অনত্ততো ৰিপ্পস্সন্তি, অস্সাদেন্তি অভিনন্দতি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. কুসলাকুসলে নিরুদ্ধে ৰিপাকো তদারম্মণতা উপ্পজ্জতি. উপাদিন্নুপাদানিযং রূপাযতনং চক্খুৰিঞ্ঞাণস্স…পে… উপাদিন্নুপাদানিযং গন্ধাযতনং… রসাযতনং… ফোট্ঠব্বাযতনং কাযৰিঞ্ঞাণস্স আরম্মণপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স আরম্মণপচ্চযেন পচ্চযো – চক্খুং অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. সোতং… ঘানং… জিৰ্হং… কাযং… উপাদিন্নুপাদানিযে রূপে… গন্ধে… রসে… ফোট্ঠব্বে… ৰত্থুং… উপাদিন্নুপাদানিযে খন্ধে অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. দিব্বেন চক্খুনা উপাদিন্নুপাদানিযং রূপং পস্সতি, চেতোপরিযঞাণেন উপাদিন্নুপাদানিযচিত্তসমঙ্গিস্স চিত্তং জানাতি. উপাদিন্নুপাদানিযা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স অনাগতংসঞাণস্স, আৰজ্জনায আরম্মণপচ্চযেন পচ্চযো. (২)

৫৩. অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স আরম্মণপচ্চযেন পচ্চযো – দানং দত্ৰা, সীলং সমাদিযিত্ৰা, উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা ৰুট্ঠহিত্ৰা ঝানং পচ্চৰেক্খতি, অরিযা গোত্রভুং পচ্চৰেক্খন্তি, ৰোদানং পচ্চৰেক্খন্তি, অরিযা পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি; অনুপাদিন্নুপাদানিযে রূপে… সদ্দে… গন্ধে… রসে… ফোট্ঠব্বে… অনুপাদিন্নুপাদানিযে খন্ধে অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. দিব্বেন চক্খুনা অনুপাদিন্নুপাদানিযং রূপং পস্সন্তি, দিব্বায সোতধাতুযা সদ্দং সুণন্তি, চেতোপরিযঞাণেন অনুপাদিন্নুপাদানিযচিত্তসমঙ্গিস্স চিত্তং জানন্তি. আকাসানঞ্চাযতনং ৰিঞ্ঞাণঞ্চাযতনস্স আরম্মণপচ্চযেন পচ্চযো. আকিঞ্চঞ্ঞাযতনং নেৰসঞ্ঞানাসঞ্ঞাযতনস্স আরম্মণপচ্চযেন পচ্চযো. অনুপাদিন্নুপাদানিযা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অনুপাদিন্নুপাদানিযো ধম্মো উপাদিন্নুপাদানিযস্স ধম্মস্স আরম্মণপচ্চযেন পচ্চযো – সেক্খা ৰা পুথুজ্জনা ৰা অনুপাদিন্নুপাদানিযে রূপে… সদ্দে… গন্ধে… রসে… ফোট্ঠব্বে… অনুপাদিন্নুপাদানিযে খন্ধে অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দতি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. কুসলাকুসলে নিরুদ্ধে ৰিপাকো তদারম্মণতা উপ্পজ্জতি. আকাসানঞ্চাযতনকুসলং ৰিঞ্ঞাণঞ্চাযতনৰিপাকস্স আরম্মণপচ্চযেন পচ্চযো. আকিঞ্চঞ্ঞাযতনকুসলং নেৰসঞ্ঞানাসঞ্ঞাযতনৰিপাকস্স আরম্মণপচ্চযেন পচ্চযো. অনুপাদিন্নুপাদানিযং রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স আরম্মণপচ্চযেন পচ্চযো. (২)

৫৪. অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স আরম্মণপচ্চযেন পচ্চযো – নিব্বানং মগ্গস্স, ফলস্স আরম্মণপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স আরম্মণপচ্চযেন পচ্চযো – অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, নিব্বানং পচ্চৰেক্খন্তি; নিব্বানং গোত্রভুস্স, ৰোদানস্স, আৰজ্জনায আরম্মণপচ্চযেন পচ্চযো. অরিযা চেতোপরিযঞাণেন অনুপাদিন্নঅনুপাদানিযচিত্তসমঙ্গিস্স চিত্তং জানন্তি; অনুপাদিন্নঅনুপাদানিযা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (২)

অধিপতিপচ্চযো

৫৫. উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স অধিপতিপচ্চযেন পচ্চযো. আরম্মণাধিপতি – চক্খুং গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সোতং… ঘানং… জিৰ্হং… কাযং… উপাদিন্নুপাদানিযে রূপে… গন্ধে… রসে… ফোট্ঠব্বে… ৰত্থুং… উপাদিন্নুপাদানিযে খন্ধে গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (১)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা, সীলং সমাদিযিত্ৰা, উপোসথকম্মং কত্ৰা তং গরুং কত্ৰা পচ্চৰেক্খতি, পুব্বে সুচিণ্ণানি গরুং কত্ৰা পচ্চৰেক্খতি; ঝানা ৰুট্ঠহিত্ৰা ঝানং গরুং কত্ৰা পচ্চৰেক্খতি; সেক্খা গোত্রভুং গরুং কত্ৰা পচ্চৰেক্খন্তি, ৰোদানং গরুং কত্ৰা পচ্চৰেক্খন্তি. অনুপাদিন্নুপাদানিযে রূপে… সদ্দে… গন্ধে… রসে… ফোট্ঠব্বে… অনুপাদিন্নুপাদানিযে খন্ধে গরুং কত্ৰা অস্সাদেন্তি অভিনন্দন্তি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – অনুপাদিন্নুপাদানিযাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – নিব্বানং মগ্গস্স ফলস্স অধিপতিপচ্চযেন পচ্চযো. সহজাতাধিপতি – অনুপাদিন্নঅনুপাদানিযাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, ফলং গরুং কত্ৰা পচ্চৰেক্খন্তি, নিব্বানং গরুং কত্ৰা পচ্চৰেক্খন্তি. নিব্বানং গোত্রভুস্স, ৰোদানস্স অধিপতিপচ্চযেন পচ্চযো. সহজাতাধিপতি – অনুপাদিন্নঅনুপাদানিযাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স অধিপতিপচ্চযেন পচ্চযো. সহজাতাধিপতি – অনুপাদিন্নঅনুপাদানিযাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

অনন্তরপচ্চযো

৫৬. উপাদিন্নুপাদানিযো ধম্মো উপাদিন্নুপাদানিযস্স ধম্মস্স অনন্তরপচ্চযেন পচ্চযো – পুরিমা পুরিমা উপাদিন্নুপাদানিযা খন্ধা পচ্ছিমানং পচ্ছিমানং উপাদিন্নুপাদানিযানং খন্ধানং অনন্তরপচ্চযেন পচ্চযো; পঞ্চৰিঞ্ঞাণং ৰিপাকমনোধাতুযা অনন্তরপচ্চযেন পচ্চযো; ৰিপাকমনোধাতু ৰিপাকমনোৰিঞ্ঞাণধাতুযা অনন্তরপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স অনন্তরপচ্চযেন পচ্চযো – ভৰঙ্গং আৰজ্জনায, ৰিপাকমনোৰিঞ্ঞাণধাতু কিরিযমনোৰিঞ্ঞাণধাতুযা অনন্তরপচ্চযেন পচ্চযো. (২)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স অনন্তরপচ্চযেন পচ্চযো – পুরিমা পুরিমা অনুপাদিন্নুপাদানিযা খন্ধা পচ্ছিমানং পচ্ছিমানং অনুপাদিন্নুপাদানিযানং খন্ধানং অনন্তরপচ্চযেন পচ্চযো; অনুলোমং গোত্রভুস্স… অনুলোমং ৰোদানস্স… আৰজ্জনা অনুপাদিন্নুপাদানিযানং খন্ধানং অনন্তরপচ্চযেন পচ্চযো. (১)

অনুপাদিন্নুপাদানিযো ধম্মো উপাদিন্নুপাদানিযস্স ধম্মস্স অনন্তরপচ্চযেন পচ্চযো – আৰজ্জনা পঞ্চন্নং ৰিঞ্ঞাণানং অনন্তরপচ্চযেন পচ্চযো; অনুপাদিন্নুপাদানিযা খন্ধা ৰুট্ঠানস্স অনন্তরপচ্চযেন পচ্চযো. (২)

অনুপাদিন্নুপাদানিযো ধম্মো অনুপাদিন্নঅনুপাদানিযস্স ধম্মস্স অনন্তরপচ্চযেন পচ্চযো – গোত্রভু মগ্গস্স… ৰোদানং মগ্গস্স… অনুলোমং ফলসমাপত্তিযা… নিরোধা ৰুট্ঠহন্তস্স… নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো. (৩)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স অনন্তরপচ্চযেন পচ্চযো – পুরিমা পুরিমা অনুপাদিন্নঅনুপাদানিযা খন্ধা পচ্ছিমানং পচ্ছিমানং অনুপাদিন্নঅনুপাদানিযানং খন্ধানং অনন্তরপচ্চযেন পচ্চযো. মগ্গো ফলস্স… ফলং ফলস্স অনন্তরপচ্চযেন পচ্চযো. (১)

অনুপাদিন্নঅনুপাদানিযো ধম্মো উপাদিন্নুপাদানিযস্স ধম্মস্স অনন্তরপচ্চযেন পচ্চযো – ফলং ৰুট্ঠানস্স অনন্তরপচ্চযেন পচ্চযো. (২)

সমনন্তরপচ্চযো

৫৭. উপাদিন্নুপাদানিযো ধম্মো উপাদিন্নুপাদানিযস্স ধম্মস্স সমনন্তরপচ্চযেন পচ্চযো (অনন্তরপচ্চযসদিসং).

সহজাতপচ্চযো

৫৮. উপাদিন্নুপাদানিযো ধম্মো উপাদিন্নুপাদানিযস্স ধম্মস্স সহজাতপচ্চযেন পচ্চযো – উপাদিন্নুপাদানিযো একো খন্ধো তিণ্ণন্নং খন্ধানং সহজাতপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং…পে… পটিসন্ধিক্খণে উপাদিন্নুপাদানিযো একো খন্ধো তিণ্ণন্নং খন্ধানং কটত্তা চ রূপানং সহজাতপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং কটত্তা চ রূপানং…পে… খন্ধা ৰত্থুস্স…পে… ৰত্থু খন্ধানং…পে… একং মহাভূতং তিণ্ণন্নং মহাভূতানং…পে… তযো মহাভূতা একস্স মহাভূতস্স …পে… দ্ৰে মহাভূতা দ্ৰিন্নং মহাভূতানং…পে… মহাভূতা কটত্তারূপানং উপাদারূপানং সহজাতপচ্চযেন পচ্চযো. অসঞ্ঞসত্তানং একং মহাভূতং…পে…. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স সহজাতপচ্চযেন পচ্চযো – উপাদিন্নুপাদানিযা খন্ধা চিত্তসমুট্ঠানানং রূপানং সহজাতপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স সহজাতপচ্চযেন পচ্চযো – উপাদিন্নুপাদানিযো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো. (৩)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স সহজাতপচ্চযেন পচ্চযো – অনুপাদিন্নুপাদানিযো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো. অনুপাদিন্নুপাদানিযং একং মহাভূতং…পে… মহাভূতা চিত্তসমুট্ঠানানং রূপানং …পে… বাহিরং… আহারসমুট্ঠানং… উতুসমুট্ঠানং একং মহাভূতং…পে… মহাভূতা উপাদারূপানং সহজাতপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স সহজাতপচ্চযেন পচ্চযো – অনুপাদিন্নঅনুপাদানিযো একো খন্ধো তিণ্ণন্নং খন্ধানং…পে… দ্ৰে খন্ধা দ্ৰিন্নং খন্ধানং সহজাতপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স সহজাতপচ্চযেন পচ্চযো – অনুপাদিন্নঅনুপাদানিযা খন্ধা চিত্তসমুট্ঠানানং রূপানং সহজাতপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স সহজাতপচ্চযেন পচ্চযো; অনুপাদিন্নঅনুপাদানিযো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো. (৩)

অনুপাদিন্নুপাদানিযো চ অনুপাদিন্নঅনুপাদানিযো চ ধম্মা অনুপাদিন্নুপাদানিযস্স ধম্মস্স সহজাতপচ্চযেন পচ্চযো – অনুপাদিন্নঅনুপাদানিযা খন্ধা চ মহাভূতা চ চিত্তসমুট্ঠানানং রূপানং সহজাতপচ্চযেন পচ্চযো. (১)

উপাদিন্নুপাদানিযো চ অনুপাদিন্নুপাদানিযো চ ধম্মা অনুপাদিন্নুপাদানিযস্স ধম্মস্স সহজাতপচ্চযেন পচ্চযো – উপাদিন্নুপাদানিযা খন্ধা চ মহাভূতা চ চিত্তসমুট্ঠানানং রূপানং সহজাতপচ্চযেন পচ্চযো. (১)

অঞ্ঞমঞ্ঞপচ্চযো

৫৯. উপাদিন্নুপাদানিযো ধম্মো উপাদিন্নুপাদানিযস্স ধম্মস্স অঞ্ঞমঞ্ঞপচ্চযেন পচ্চযো – উপাদিন্নুপাদানিযো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং…পে… পটিসন্ধিক্খণে উপাদিন্নুপাদানিযো একো খন্ধো তিণ্ণন্নং খন্ধানং ৰত্থুস্স চ…পে… খন্ধা ৰত্থুস্স…পে… ৰত্থু খন্ধানং…পে… একং মহাভূতং তিণ্ণন্নং মহাভূতানং…পে… দ্ৰে মহাভূতা দ্ৰিন্নং মহাভূতানং…পে… অসঞ্ঞসত্তানং একং মহাভূতং…পে…. (১)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স অঞ্ঞমঞ্ঞপচ্চযেন পচ্চযো – অনুপাদিন্নুপাদানিযো একো খন্ধো তিণ্ণন্নং খন্ধানং…পে… দ্ৰে খন্ধা দ্ৰিন্নং খন্ধানং অঞ্ঞমঞ্ঞপচ্চযেন পচ্চযো. একং মহাভূতং…পে… বাহিরং… আহারসমুট্ঠানং… উতুসমুট্ঠানং একং মহাভূতং…পে…. (১)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স অঞ্ঞমঞ্ঞপচ্চযেন পচ্চযো – অনুপাদিন্নঅনুপাদানিযো একো খন্ধো তিণ্ণন্নং খন্ধানং…পে… দ্ৰে খন্ধা দ্ৰিন্নং খন্ধানং…পে…. (১)

নিস্সযপচ্চযো

৬০. উপাদিন্নুপাদানিযো ধম্মো উপাদিন্নুপাদানিযস্স ধম্মস্স নিস্সযপচ্চযেন পচ্চযো – উপাদিন্নুপাদানিযো একো খন্ধো তিণ্ণন্নং খন্ধানং নিস্সযপচ্চযেন পচ্চযো…পে… পটিসন্ধিক্খণে…পে… একং মহাভূতং…পে… অসঞ্ঞসত্তানং একং মহাভূতং…পে… চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু উপাদিন্নুপাদানিযানং খন্ধানং নিস্সযপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স নিস্সযপচ্চযেন পচ্চযো – উপাদিন্নুপাদানিযা খন্ধা চিত্তসমুট্ঠানানং রূপানং নিস্সযপচ্চযেন পচ্চযো. ৰত্থু অনুপাদিন্নুপাদানিযানং খন্ধানং নিস্সযপচ্চযেন পচ্চযো. (২)

উপাদিন্নুপাদানিযো ধম্মো অনুপাদিন্নঅনুপাদানিযস্স ধম্মস্স নিস্সযপচ্চযেন পচ্চযো – ৰত্থু অনুপাদিন্নঅনুপাদানিযানং খন্ধানং নিস্সযপচ্চযেন পচ্চযো. (৩)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স নিস্সযপচ্চযেন পচ্চযো – উপাদিন্নুপাদানিযো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং নিস্সযপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং নিস্সযপচ্চযেন পচ্চযো. (৪)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স… একা.

অনুপাদিন্নঅনুপাদানিযো ধম্মো… তীণি.

উপাদিন্নুপাদানিযো চ অনুপাদিন্নঅনুপাদানিযো চ ধম্মা অনুপাদিন্নঅনুপাদানিযস্স ধম্মস্স নিস্সযপচ্চযেন পচ্চযো – অনুপাদিন্নঅনুপাদানিযো একো খন্ধো চ ৰত্থু চ তিণ্ণন্নং খন্ধানং নিস্সযপচ্চযেন পচ্চযো…পে… দ্ৰে খন্ধা চ ৰত্থু চ দ্ৰিন্নং খন্ধানং নিস্সযপচ্চযেন পচ্চযো. (১)

অনুপাদিন্নুপাদানিযো চ অনুপাদিন্নঅনুপাদানিযো চ ধম্মা অনুপাদিন্নুপাদানিযস্স ধম্মস্স নিস্সযপচ্চযেন পচ্চযো – অনুপাদিন্নঅনুপাদানিযা খন্ধা চ মহাভূতা চ চিত্তসমুট্ঠানানং রূপানং নিস্সযপচ্চযেন পচ্চযো. (১)

উপাদিন্নুপাদানিযো চ অনুপাদিন্নুপাদানিযো চ ধম্মা অনুপাদিন্নুপাদানিযস্স ধম্মস্স নিস্সযপচ্চযেন পচ্চযো – উপাদিন্নুপাদানিযা খন্ধা চ মহাভূতা চ চিত্তসমুট্ঠানানং রূপানং নিস্সযপচ্চযেন পচ্চযো. অনুপাদিন্নুপাদানিযো একো খন্ধো চ ৰত্থু চ তিণ্ণন্নং খন্ধানং নিস্সযপচ্চযেন পচ্চযো…পে… দ্ৰে খন্ধা চ ৰত্থু চ দ্ৰিন্নং খন্ধানং নিস্সযপচ্চযেন পচ্চযো. (১)

উপনিস্সযপচ্চযো

৬১. উপাদিন্নুপাদানিযো ধম্মো উপাদিন্নুপাদানিযস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. কাযিকং দুক্খং কাযিকস্স সুখস্স, কাযিকস্স দুক্খস্স…পে… উতু কাযিকস্স সুখস্স, কাযিকস্স দুক্খস্স…পে… ভোজনং কাযিকস্স সুখস্স, কাযিকস্স দুক্খস্স…পে… কাযিকং সুখং… কাযিকং দুক্খং… উতু… ভোজনং কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং উপনিস্সায দানং দেতি, সীলং সমাদিযতি, উপোসথকম্মং করোতি, ঝানং উপ্পাদেতি, ৰিপস্সনং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি, পাণং হনতি…পে… সঙ্ঘং ভিন্দতি. কাযিকং দুক্খং… উতুং… ভোজনং উপনিস্সায দানং দেতি…পে… সঙ্ঘং ভিন্দতি. কাযিকং সুখং… কাযিকং দুক্খং… উতু… ভোজনং অনুপাদিন্নুপাদানিযায সদ্ধায… সীলস্স… সুতস্স… চাগস্স… পঞ্ঞায… রাগস্স… দোসস্স… মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো. (২)

উপাদিন্নুপাদানিযো ধম্মো অনুপাদিন্নঅনুপাদানিযস্স ধম্মস্স উপনিস্সযপচ্চযেন পচ্চযো. পকতূপনিস্সযো – কাযিকং সুখং উপনিস্সায মগ্গং উপ্পাদেতি, ফলসমাপত্তিং সমাপজ্জতি. কাযিকং দুক্খং… উতুং… ভোজনং উপনিস্সায মগ্গং উপ্পাদেতি, ফলসমাপত্তিং সমাপজ্জতি. কাযিকং সুখং… কাযিকং দুক্খং… উতু… ভোজনং মগ্গস্স… ফলসমাপত্তিযা উপনিস্সযপচ্চযেন পচ্চযো. (৩)

৬২. অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – অনুপাদিন্নুপাদানিযং সদ্ধং উপনিস্সায দানং দেতি, সীলং সমাদিযতি, উপোসথকম্মং করোতি, ঝানং উপ্পাদেতি, ৰিপস্সনং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. অনুপাদিন্নুপাদানিযং সীলং… সুতং… চাগং… পঞ্ঞং… রাগং… দোসং… মোহং… মানং … দিট্ঠিং… পত্থনং… উতুং… ভোজনং… সেনাসনং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি, পাণং হনতি…পে… সঙ্ঘং ভিন্দতি. অনুপাদিন্নুপাদানিযা সদ্ধা… সীলং… সুতং… চাগো… পঞ্ঞা… রাগো… দোসো… মোহো… মানো… দিট্ঠি… পত্থনা… উতু… ভোজনং… সেনাসনং… অনুপাদিন্নুপাদানিযায সদ্ধায… সীলস্স… সুতস্স… চাগস্স… পঞ্ঞায… রাগস্স… দোসস্স… মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো. পঠমস্স ঝানস্স পরিকম্মং পঠমস্স ঝানস্স…পে… নেৰসঞ্ঞানাসঞ্ঞাযতনস্স পরিকম্মং নেৰসঞ্ঞানাসঞ্ঞাযতনস্স…পে… পঠমং ঝানং দুতিযস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… পাণাতিপাতো পাণাতিপাতস্স…পে… নিযতমিচ্ছাদিট্ঠি নিযতমিচ্ছাদিট্ঠিযা…পে…. (১)

অনুপাদিন্নুপাদানিযো ধম্মো উপাদিন্নুপাদানিযস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – অনুপাদিন্নুপাদানিযং সদ্ধং উপনিস্সায অত্তানং আতাপেতি পরিতাপেতি, পরিযিট্ঠিমূলকং দুক্খং পচ্চনুভোতি. অনুপাদিন্নুপাদানিযং সীলং …পে… সেনাসনং উপনিস্সায অত্তানং আতাপেতি পরিতাপেতি, পরিযিট্ঠিমূলকং দুক্খং পচ্চনুভোতি. অনুপাদিন্নুপাদানিযা সদ্ধা…পে… সেনাসনং কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. কুসলাকুসলং কম্মং ৰিপাকস্স উপনিস্সযপচ্চযেন পচ্চযো. (২)

অনুপাদিন্নুপাদানিযো ধম্মো অনুপাদিন্নঅনুপাদানিযস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – পঠমস্স মগ্গস্স পরিকম্মং পঠমস্স মগ্গস্স উপনিস্সযপচ্চযেন পচ্চযো. দুতিযস্স মগ্গস্স…পে… ততিযস্স মগ্গস্স…পে… চতুত্থস্স মগ্গস্স পরিকম্মং চতুত্থস্স মগ্গস্স উপনিস্সযপচ্চযেন পচ্চযো. (৩)

৬৩. অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – পঠমো মগ্গো দুতিযস্স মগ্গস্স উপনিস্সযপচ্চযেন পচ্চযো. দুতিযো মগ্গো ততিযস্স মগ্গস্স…পে… ততিযো মগ্গো চতুত্থস্স মগ্গস্স…পে… মগ্গো ফলসমাপত্তিযা উপনিস্সযপচ্চযেন পচ্চযো. (১)

অনুপাদিন্নঅনুপাদানিযো ধম্মো উপাদিন্নুপাদানিযস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – ফলসমাপত্তি কাযিকস্স সুখস্স উপনিস্সযপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূনিস্সযো…পে…. পকতূপনিস্সযো – অরিযা মগ্গং উপনিস্সায অনুপ্পন্নং সমাপত্তিং উপ্পাদেন্তি, উপ্পন্নং সমাপত্তিং সমাপজ্জন্তি, সঙ্খারে অনিচ্চতো দুক্খতো অনত্ততো ৰিপস্সন্তি. মগ্গো অরিযানং অত্থপ্পটিসম্ভিদায ধম্মপ্পটিসম্ভিদায নিরুত্তিপ্পটিসম্ভিদায পটিভানপ্পটিসম্ভিদায ঠানাঠানকোসল্লস্স উপনিস্সযপচ্চযেন পচ্চযো. (৩)

পুরেজাতপচ্চযো

৬৪. উপাদিন্নুপাদানিযো ধম্মো উপাদিন্নুপাদানিযস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – সেক্খা ৰা পুথুজ্জনা ৰা চক্খুং অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি; তং আরব্ভ রাগো উপ্পজ্জতি…পে… দোমনস্সং উপ্পজ্জতি; কুসলাকুসলে নিরুদ্ধে ৰিপাকো তদারম্মণতা উপ্পজ্জতি. সোতং… ঘানং… জিৰ্হং… কাযং… উপাদিন্নুপাদানিযে রূপে… গন্ধে… রসে… ফোট্ঠব্বে… ৰত্থুং অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. কুসলাকুসলে নিরুদ্ধে ৰিপাকো তদারম্মণতা উপ্পজ্জতি. উপাদিন্নুপাদানিযং রূপাযতনং চক্খুৰিঞ্ঞাণস্স…পে… উপাদিন্নুপাদানিযং গন্ধাযতনং… রসাযতনং… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু উপাদিন্নুপাদানিযানং খন্ধানং পুরেজাতপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. সোতং…পে… ৰত্থুং অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. দিব্বেন চক্খুনা উপাদিন্নুপাদানিযং রূপং পস্সন্তি. ৰত্থুপুরেজাতং – ৰত্থু অনুপাদিন্নুপাদানিযানং খন্ধানং পুরেজাতপচ্চযেন পচ্চযো. (২)

উপাদিন্নুপাদানিযো ধম্মো অনুপাদিন্নঅনুপাদানিযস্স ধম্মস্স পুরেজাতপচ্চযেন পচ্চযো. ৰত্থুপুরেজাতং – ৰত্থু অনুপাদিন্নঅনুপাদানিযানং খন্ধানং পুরেজাতপচ্চযেন পচ্চযো. (৩)

৬৫. অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স পুরেজাতপচ্চযেন পচ্চযো. আরম্মণপুরেজাতং – অনুপাদিন্নুপাদানিযে রূপে… সদ্দে… গন্ধে… রসে… ফোট্ঠব্বে অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি; তং আরব্ভ রাগো উপ্পজ্জতি …পে… দোমনস্সং উপ্পজ্জতি. দিব্বেন চক্খুনা অনুপাদিন্নুপাদানিযং রূপং পস্সতি, দিব্বায সোতধাতুযা সদ্দং সুণাতি. (১)

অনুপাদিন্নুপাদানিযো ধম্মো উপাদিন্নুপাদানিযস্স ধম্মস্স পুরেজাতপচ্চযেন পচ্চযো. আরম্মণপুরেজাতং – অনুপাদিন্নুপাদানিযে রূপে… সদ্দে… গন্ধে… রসে… ফোট্ঠব্বে অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. কুসলাকুসলে নিরুদ্ধে ৰিপাকো তদারম্মণতা উপ্পজ্জতি. অনুপাদিন্নুপাদানিযং রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. (২)

উপাদিন্নুপাদানিযো চ অনুপাদিন্নুপাদানিযো চ ধম্মা উপাদিন্নুপাদানিযস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. অনুপাদিন্নুপাদানিযং রূপাযতনঞ্চ চক্খাযতনঞ্চ চক্খুৰিঞ্ঞাণস্স পুরেজাতপচ্চযেন পচ্চযো…পে… অনুপাদিন্নুপাদানিযং ফোট্ঠব্বাযতনঞ্চ কাযাযতনঞ্চ কাযৰিঞ্ঞাণস্স পুরেজাতপচ্চযেন পচ্চযো. অনুপাদিন্নুপাদানিযং রূপাযতনঞ্চ ৰত্থু চ উপাদিন্নুপাদানিযানং খন্ধানং পুরেজাতপচ্চযেন পচ্চযো…পে… অনুপাদিন্নুপাদানিযং ফোট্ঠব্বাযতনঞ্চ ৰত্থু চ উপাদিন্নুপাদানিযানং খন্ধানং পুরেজাতপচ্চযেন পচ্চযো. (১)

উপাদিন্নুপাদানিযো চ অনুপাদিন্নুপাদানিযো চ ধম্মা অনুপাদিন্নুপাদানিযস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. অনুপাদিন্নুপাদানিযং রূপাযতনঞ্চ ৰত্থু চ অনুপাদিন্নুপাদানিযানং খন্ধানং পুরেজাতপচ্চযেন পচ্চযো…পে… অনুপাদিন্নুপাদানিযং ফোট্ঠব্বাযতনঞ্চ ৰত্থু চ অনুপাদিন্নুপাদানিযানং খন্ধানং পুরেজাতপচ্চযেন পচ্চযো. (২)

পচ্ছাজাতপচ্চযো

৬৬. উপাদিন্নুপাদানিযো ধম্মো উপাদিন্নুপাদানিযস্স ধম্মস্স পচ্ছাজাতপচ্চযেন পচ্চযো – পচ্ছাজাতা উপাদিন্নুপাদানিযা খন্ধা পুরেজাতস্স ইমস্স উপাদিন্নুপাদানিযস্স কাযস্স পচ্ছাজাতপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স পচ্ছাজাতপচ্চযেন পচ্চযো – পচ্ছাজাতা উপাদিন্নুপাদানিযা খন্ধা পুরেজাতস্স ইমস্স অনুপাদিন্নুপাদানিযস্স কাযস্স পচ্ছাজাতপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স পচ্ছাজাতপচ্চযেন পচ্চযো – পচ্ছাজাতা উপাদিন্নুপাদানিযা খন্ধা পুরেজাতস্স ইমস্স উপাদিন্নুপাদানিযস্স চ অনুপাদিন্নুপাদানিযস্স চ কাযস্স পচ্ছাজাতপচ্চযেন পচ্চযো. (৩)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনুপাদিন্নুপাদানিযা খন্ধা পুরেজাতস্স ইমস্স অনুপাদিন্নুপাদানিযস্স কাযস্স পচ্ছাজাতপচ্চযেন পচ্চযো. (১)

অনুপাদিন্নুপাদানিযো ধম্মো উপাদিন্নুপাদানিযস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনুপাদিন্নুপাদানিযা খন্ধা পুরেজাতস্স ইমস্স উপাদিন্নুপাদানিযস্স কাযস্স পচ্ছাজাতপচ্চযেন পচ্চযো. (২)

অনুপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স পচ্ছাজাতপচ্চযেন পচ্চযো – পচ্ছাজাতা অনুপাদিন্নুপাদানিযা খন্ধা পুরেজাতস্স ইমস্স উপাদিন্নুপাদানিযস্স চ অনুপাদিন্নুপাদানিযস্স চ কাযস্স পচ্ছাজাতপচ্চযেন পচ্চযো. (৩)

৬৭. অনুপাদিন্নঅনুপাদানিযো ধম্মো উপাদিন্নুপাদানিযস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনুপাদিন্নঅনুপাদানিযা খন্ধা পুরেজাতস্স ইমস্স উপাদিন্নুপাদানিযস্স কাযস্স পচ্ছাজাতপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনুপাদিন্নঅনুপাদানিযা খন্ধা পুরেজাতস্স ইমস্স অনুপাদিন্নুপাদানিযস্স কাযস্স পচ্ছাজাতপচ্চযেন পচ্চযো. (২)

অনুপাদিন্নঅনুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স পচ্ছাজাতপচ্চযেন পচ্চযো – পচ্ছাজাতা অনুপাদিন্নঅনুপাদানিযা খন্ধা পুরেজাতস্স ইমস্স উপাদিন্নুপাদানিযস্স চ অনুপাদিন্নুপাদানিযস্স চ কাযস্স পচ্ছাজাতপচ্চযেন পচ্চযো. (৩)

আসেৰনপচ্চযো

৬৮. অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স আসেৰনপচ্চযেন পচ্চযো – পুরিমা পুরিমা অনুপাদিন্নুপাদানিযা খন্ধা পচ্ছিমানং পচ্ছিমানং অনুপাদিন্নুপাদানিযানং খন্ধানং আসেৰনপচ্চযেন পচ্চযো. অনুলোমং গোত্রভুস্স… অনুলোমং ৰোদানস্স আসেৰনপচ্চযেন পচ্চযো. (১)

অনুপাদিন্নুপাদানিযো ধম্মো অনুপাদিন্নঅনুপাদানিযস্স ধম্মস্স আসেৰনপচ্চযেন পচ্চযো – গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো. (২)

কম্মপচ্চযো

৬৯. উপাদিন্নুপাদানিযো ধম্মো উপাদিন্নুপাদানিযস্স ধম্মস্স কম্মপচ্চযেন পচ্চযো – উপাদিন্নুপাদানিযা চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে উপাদিন্নুপাদানিযা চেতনা সম্পযুত্তকানং খন্ধানং কটত্তা চ রূপানং কম্মপচ্চযেন পচ্চযো. চেতনা ৰত্থুস্স কম্মপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স কম্মপচ্চযেন পচ্চযো – উপাদিন্নুপাদানিযা চেতনা চিত্তসমুট্ঠানানং রূপানং কম্মপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স কম্মপচ্চযেন পচ্চযো – উপাদিন্নুপাদানিযা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স কম্মপচ্চযেন পচ্চযো – অনুপাদিন্নুপাদানিযা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (১)

অনুপাদিন্নুপাদানিযো ধম্মো উপাদিন্নুপাদানিযস্স ধম্মস্স কম্মপচ্চযেন পচ্চযো – নানাক্খণিকা অনুপাদিন্নুপাদানিযা চেতনা ৰিপাকানং উপাদিন্নুপাদানিযানং খন্ধানং কটত্তা চ রূপানং কম্মপচ্চযেন পচ্চযো. (২)

৭০. অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অনুপাদিন্নঅনুপাদানিযা চেতনা সম্পযুত্তকানং খন্ধানং কম্মপচ্চযেন পচ্চযো. নানাক্খণিকা – অনুপাদিন্নঅনুপাদানিযা কুসলা চেতনা ৰিপাকানং অনুপাদিন্নঅনুপাদানিযানং খন্ধানং কম্মপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স কম্মপচ্চযেন পচ্চযো – অনুপাদিন্নঅনুপাদানিযা চেতনা চিত্তসমুট্ঠানানং রূপানং কম্মপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স কম্মপচ্চযেন পচ্চযো – অনুপাদিন্নঅনুপাদানিযা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

ৰিপাকপচ্চযো

৭১. উপাদিন্নুপাদানিযো ধম্মো উপাদিন্নুপাদানিযস্স ধম্মস্স ৰিপাকপচ্চযেন পচ্চযো – ৰিপাকো উপাদিন্নুপাদানিযো একো খন্ধো তিণ্ণন্নং খন্ধানং ৰিপাকপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং ৰিপাকপচ্চযেন পচ্চযো; পটিসন্ধিক্খণে ৰিপাকো উপাদিন্নুপাদানিযো একো খন্ধো তিণ্ণন্নং খন্ধানং কটত্তা চ রূপানং ৰিপাকপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং কটত্তা চ রূপানং ৰিপাকপচ্চযেন পচ্চযো. খন্ধা ৰত্থুস্স ৰিপাকপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স ৰিপাকপচ্চযেন পচ্চযো – ৰিপাকা উপাদিন্নুপাদানিযা খন্ধা চিত্তসমুট্ঠানানং রূপানং ৰিপাকপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স ৰিপাকপচ্চযেন পচ্চযো – ৰিপাকো উপাদিন্নুপাদানিযো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং ৰিপাকপচ্চযেন পচ্চযো …পে… দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং ৰিপাকপচ্চযেন পচ্চযো. (৩)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স ৰিপাকপচ্চযেন পচ্চযো – ৰিপাকো অনুপাদিন্নঅনুপাদানিযো একো খন্ধো তিণ্ণন্নং খন্ধানং ৰিপাকপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং ৰিপাকপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স ৰিপাকপচ্চযেন পচ্চযো – ৰিপাকা অনুপাদিন্নঅনুপাদানিযা খন্ধা চিত্তসমুট্ঠানানং রূপানং ৰিপাকপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স ৰিপাকপচ্চযেন পচ্চযো – ৰিপাকো অনুপাদিন্নঅনুপাদানিযো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং ৰিপাকপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং ৰিপাকপচ্চযেন পচ্চযো. (৩)

আহারপচ্চযো

৭২. উপাদিন্নুপাদানিযো ধম্মো উপাদিন্নুপাদানিযস্স ধম্মস্স আহারপচ্চযেন পচ্চযো – উপাদিন্নুপাদানিযা আহারা সম্পযুত্তকানং খন্ধানং আহারপচ্চযেন পচ্চযো; পটিসন্ধিক্খণে উপাদিন্নুপাদানিযা আহারা সম্পযুত্তকানং খন্ধানং কটত্তা চ রূপানং আহারপচ্চযেন পচ্চযো. উপাদিন্নুপাদানিযো কবল়ীকারো আহারো উপাদিন্নুপাদানিযস্স কাযস্স আহারপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স আহারপচ্চযেন পচ্চযো – উপাদিন্নুপাদানিযা আহারা চিত্তসমুট্ঠানানং রূপানং আহারপচ্চযেন পচ্চযো; উপাদিন্নুপাদানিযো কবল়ীকারো আহারো অনুপাদিন্নুপাদানিযস্স কাযস্স আহারপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স আহারপচ্চযেন পচ্চযো – উপাদিন্নুপাদানিযা আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো. উপাদিন্নুপাদানিযো কবল়ীকারো আহারো উপাদিন্নুপাদানিযস্স চ অনুপাদিন্নুপাদানিযস্স চ কাযস্স আহারপচ্চযেন পচ্চযো. (৩)

৭৩. অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স আহারপচ্চযেন পচ্চযো – অনুপাদিন্নুপাদানিযা আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো. অনুপাদিন্নুপাদানিযো কবল়ীকারো আহারো অনুপাদিন্নুপাদানিযস্স কাযস্স আহারপচ্চযেন পচ্চযো. (১)

অনুপাদিন্নুপাদানিযো ধম্মো উপাদিন্নুপাদানিযস্স ধম্মস্স আহারপচ্চযেন পচ্চযো – অনুপাদিন্নুপাদানিযো কবল়ীকারো আহারো উপাদিন্নুপাদানিযস্স কাযস্স আহারপচ্চযেন পচ্চযো. (২)

অনুপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স আহারপচ্চযেন পচ্চযো – অনুপাদিন্নুপাদানিযো কবল়ীকারো আহারো উপাদিন্নুপাদানিযস্স চ অনুপাদিন্নুপাদানিযস্স চ কাযস্স আহারপচ্চযেন পচ্চযো. (৩)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স আহারপচ্চযেন পচ্চযো – অনুপাদিন্নঅনুপাদানিযা আহারা সম্পযুত্তকানং খন্ধানং আহারপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স আহারপচ্চযেন পচ্চযো – অনুপাদিন্নঅনুপাদানিযা আহারা চিত্তসমুট্ঠানানং রূপানং আহারপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স আহারপচ্চযেন পচ্চযো – অনুপাদিন্নঅনুপাদানিযা আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো. (৩)

৭৪. উপাদিন্নুপাদানিযো চ অনুপাদিন্নুপাদানিযো চ ধম্মা উপাদিন্নুপাদানিযস্স ধম্মস্স আহারপচ্চযেন পচ্চযো – উপাদিন্নুপাদানিযো চ অনুপাদিন্নুপাদানিযো চ কবল়ীকারো আহারো উপাদিন্নুপাদানিযস্স কাযস্স আহারপচ্চযেন পচ্চযো. (১)

উপাদিন্নুপাদানিযো চ অনুপাদিন্নুপাদানিযো চ ধম্মা অনুপাদিন্নুপাদানিযস্স ধম্মস্স আহারপচ্চযেন পচ্চযো – উপাদিন্নুপাদানিযো চ অনুপাদিন্নুপাদানিযো চ কবল়ীকারো আহারো অনুপাদিন্নুপাদানিযস্স কাযস্স আহারপচ্চযেন পচ্চযো. (২)

উপাদিন্নুপাদানিযো চ অনুপাদিন্নুপাদানিযো চ ধম্মা উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স আহারপচ্চযেন পচ্চযো – উপাদিন্নুপাদানিযো চ অনুপাদিন্নুপাদানিযো চ কবল়ীকারো আহারো উপাদিন্নুপাদানিযস্স চ অনুপাদিন্নুপাদানিযস্স চ কাযস্স আহারপচ্চযেন পচ্চযো. (৩)

ইন্দ্রিযপচ্চযো

৭৫. উপাদিন্নুপাদানিযো ধম্মো উপাদিন্নুপাদানিযস্স ধম্মস্স ইন্দ্রিযপচ্চযেন পচ্চযো – উপাদিন্নুপাদানিযা ইন্দ্রিযা সম্পযুত্তকানং খন্ধানং ইন্দ্রিযপচ্চযেন পচ্চযো; পটিসন্ধিক্খণে উপাদিন্নুপাদানিযা ইন্দ্রিযা সম্পযুত্তকানং খন্ধানং কটত্তা চ রূপানং ইন্দ্রিযপচ্চযেন পচ্চযো. চক্খুন্দ্রিযং চক্খুৰিঞ্ঞাণস্স…পে… কাযিন্দ্রিযং কাযৰিঞ্ঞাণস্স…পে… রূপজীৰিতিন্দ্রিযং কটত্তারূপানং ইন্দ্রিযপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স ইন্দ্রিযপচ্চযেন পচ্চযো – উপাদিন্নুপাদানিযা ইন্দ্রিযা চিত্তসমুট্ঠানানং রূপানং ইন্দ্রিযপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স ইন্দ্রিযপচ্চযেন পচ্চযো – উপাদিন্নুপাদানিযা ইন্দ্রিযা সম্পযুত্তকানং খন্ধানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো. (৩)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স ইন্দ্রিযপচ্চযেন পচ্চযো – অনুপাদিন্নুপাদানিযা ইন্দ্রিযা সম্পযুত্তকানং খন্ধানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স ইন্দ্রিযপচ্চযেন পচ্চযো – অনুপাদিন্নঅনুপাদানিযা ইন্দ্রিযা সম্পযুত্তকানং খন্ধানং ইন্দ্রিযপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স ইন্দ্রিযপচ্চযেন পচ্চযো – অনুপাদিন্নঅনুপাদানিযা ইন্দ্রিযা চিত্তসমুট্ঠানানং রূপানং ইন্দ্রিযপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স ইন্দ্রিযপচ্চযেন পচ্চযো – অনুপাদিন্নঅনুপাদানিযা ইন্দ্রিযা সম্পযুত্তকানং খন্ধানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো. (৩)

ঝানপচ্চযো

৭৬. উপাদিন্নুপাদানিযো ধম্মো উপাদিন্নুপাদানিযস্স ধম্মস্স ঝানপচ্চযেন পচ্চযো – উপাদিন্নুপাদানিযানি ঝানঙ্গানি সম্পযুত্তকানং খন্ধানং ঝানপচ্চযেন পচ্চযো; পটিসন্ধিক্খণে উপাদিন্নুপাদানিযানি ঝানঙ্গানি সম্পযুত্তকানং খন্ধানং কটত্তা চ রূপানং ঝানপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স ঝানপচ্চযেন পচ্চযো – উপাদিন্নুপাদানিযানি ঝানঙ্গানি চিত্তসমুট্ঠানানং রূপানং ঝানপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স ঝানপচ্চযেন পচ্চযো – উপাদিন্নুপাদানিযানি ঝানঙ্গানি সম্পযুত্তকানং খন্ধানং চিত্তসমুট্ঠানানঞ্চ রূপানং ঝানপচ্চযেন পচ্চযো. (৩)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স ঝানপচ্চযেন পচ্চযো – অনুপাদিন্নুপাদানিযানি ঝানঙ্গানি সম্পযুত্তকানং খন্ধানং চিত্তসমুট্ঠানানঞ্চ রূপানং ঝানপচ্চযেন পচ্চযো. (১)

৭৭. অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স ঝানপচ্চযেন পচ্চযো – অনুপাদিন্নঅনুপাদানিযানি ঝানঙ্গানি সম্পযুত্তকানং খন্ধানং ঝানপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স ঝানপচ্চযেন পচ্চযো – অনুপাদিন্নঅনুপাদানিযানি ঝানঙ্গানি চিত্তসমুট্ঠানানং রূপানং ঝানপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স ঝানপচ্চযেন পচ্চযো – অনুপাদিন্নঅনুপাদানিযানি ঝানঙ্গানি সম্পযুত্তকানং খন্ধানং চিত্তসমুট্ঠানানঞ্চ রূপানং ঝানপচ্চযেন পচ্চযো. (৩)

মগ্গপচ্চযো

৭৮. উপাদিন্নুপাদানিযো ধম্মো উপাদিন্নুপাদানিযস্স ধম্মস্স মগ্গপচ্চযেন পচ্চযো – উপাদিন্নুপাদানিযানি মগ্গঙ্গানি সম্পযুত্তকানং খন্ধানং মগ্গপচ্চযেন পচ্চযো. পটিসন্ধিক্খণে…পে…. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স মগ্গপচ্চযেন পচ্চযো – উপাদিন্নুপাদানিযানি মগ্গঙ্গানি চিত্তসমুট্ঠানানং রূপানং মগ্গপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স মগ্গপচ্চযেন পচ্চযো – উপাদিন্নুপাদানিযানি মগ্গঙ্গানি সম্পযুত্তকানং খন্ধানং চিত্তসমুট্ঠানানঞ্চ রূপানং মগ্গপচ্চযেন পচ্চযো. (৩)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স মগ্গপচ্চযেন পচ্চযো – অনুপাদিন্নুপাদানিযানি মগ্গঙ্গানি সম্পযুত্তকানং খন্ধানং চিত্তসমুট্ঠানানঞ্চ রূপানং মগ্গপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স মগ্গপচ্চযেন পচ্চযো – অনুপাদিন্নঅনুপাদানিযানি মগ্গঙ্গানি সম্পযুত্তকানং খন্ধানং মগ্গপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স মগ্গপচ্চযেন পচ্চযো – অনুপাদিন্নঅনুপাদানিযানি মগ্গঙ্গানি চিত্তসমুট্ঠানানং রূপানং মগ্গপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স মগ্গপচ্চযেন পচ্চযো – অনুপাদিন্নঅনুপাদানিযানি মগ্গঙ্গানি সম্পযুত্তকানং খন্ধানং চিত্তসমুট্ঠানানঞ্চ রূপানং মগ্গপচ্চযেন পচ্চযো. (৩)

সম্পযুত্তপচ্চযো

৭৯. উপাদিন্নুপাদানিযো ধম্মো উপাদিন্নুপাদানিযস্স ধম্মস্স সম্পযুত্তপচ্চযেন পচ্চযো – উপাদিন্নুপাদানিযো একো খন্ধো তিণ্ণন্নং খন্ধানং সম্পযুত্তপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং…পে… পটিসন্ধিক্খণে…পে…. (১)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স সম্পযুত্তপচ্চযেন পচ্চযো – অনুপাদিন্নুপাদানিযো একো খন্ধো তিণ্ণন্নং খন্ধানং সম্পযুত্তপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং…পে…. (১)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স সম্পযুত্তপচ্চযেন পচ্চযো – অনুপাদিন্নঅনুপাদানিযো একো খন্ধো তিণ্ণন্নং খন্ধানং সম্পযুত্তপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং…পে…. (১)

ৰিপ্পযুত্তপচ্চযো

৮০. উপাদিন্নুপাদানিযো ধম্মো উপাদিন্নুপাদানিযস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – পটিসন্ধিক্খণে উপাদিন্নুপাদানিযা খন্ধা কটত্তারূপানং ৰিপ্পযুত্তপচ্চযেন পচ্চযো. খন্ধা ৰত্থুস্স ৰিপ্পযুত্তপচ্চযেন পচ্চযো. ৰত্থু খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স ৰিপ্পযুত্তপচ্চযেন পচ্চযো…পে… কাযাযতনং কাযৰিঞ্ঞাণস্স ৰিপ্পযুত্তপচ্চযেন পচ্চযো. ৰত্থু উপাদিন্নুপাদানিযানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – উপাদিন্নুপাদানিযা খন্ধা পুরেজাতস্স ইমস্স উপাদিন্নুপাদানিযস্স কাযস্স ৰিপ্পযুত্তপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – উপাদিন্নুপাদানিযা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পুরেজাতং – ৰত্থু অনুপাদিন্নুপাদানিযানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – উপাদিন্নুপাদানিযা খন্ধা পুরেজাতস্স ইমস্স অনুপাদিন্নুপাদানিযস্স কাযস্স ৰিপ্পযুত্তপচ্চযেন পচ্চযো. (২)

উপাদিন্নুপাদানিযো ধম্মো অনুপাদিন্নঅনুপাদানিযস্স ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু অনুপাদিন্নঅনুপাদানিযানং খন্ধানং ৰিপ্পযুত্তপচ্চযেন পচ্চযো. (৩)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স ৰিপ্পযুত্তপচ্চযেন পচ্চযো. পচ্ছাজাতা – উপাদিন্নুপাদানিযা খন্ধা পুরেজাতস্স ইমস্স উপাদিন্নুপাদানিযস্স চ অনুপাদিন্নুপাদানিযস্স চ কাযস্স ৰিপ্পযুত্তপচ্চযেন পচ্চযো. (৪)

৮১. অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অনুপাদিন্নুপাদানিযা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পচ্ছাজাতা – অনুপাদিন্নুপাদানিযা খন্ধা পুরেজাতস্স ইমস্স অনুপাদিন্নুপাদানিযস্স কাযস্স ৰিপ্পযুত্তপচ্চযেন পচ্চযো. (১)