১. ৰিভঙ্গৰারো

নহেতুপচ্চযো

৮. সুখায ৰেদনায সম্পযুত্তং ধম্মং পটিচ্চ সুখায ৰেদনায সম্পযুত্তো ধম্মো উপ্পজ্জতি নহেতুপচ্চযা – অহেতুকং সুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.

দুক্খায ৰেদনায সম্পযুত্তং ধম্মং পটিচ্চ দুক্খায ৰেদনায সম্পযুত্তো ধম্মো উপ্পজ্জতি নহেতুপচ্চযা – দুক্খসহগতং কাযৰিঞ্ঞাণসহগতং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.

অদুক্খমসুখায ৰেদনায সম্পযুত্তং ধম্মং পটিচ্চ অদুক্খমসুখায ৰেদনায সম্পযুত্তো ধম্মো উপ্পজ্জতি নহেতুপচ্চযা – অহেতুকং অদুক্খমসুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো; অহেতুকপটিসন্ধিক্খণে অদুক্খমসুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো; ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো.

নঅধিপতিপচ্চযো

৯. সুখায ৰেদনায সম্পযুত্তং ধম্মং পটিচ্চ সুখায ৰেদনায সম্পযুত্তো ধম্মো উপ্পজ্জতি নঅধিপতিপচ্চযা (নাধিপতি পরিপুণ্ণং পটিসন্ধিকং).

নপুরেজাতপচ্চযো

১০. সুখায ৰেদনায সম্পযুত্তং ধম্মং পটিচ্চ সুখায ৰেদনায সম্পযুত্তো ধম্মো উপ্পজ্জতি নপুরেজাতপচ্চযা – অরূপে সুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো; পটিসন্ধিক্খণে সুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.

অদুক্খমসুখায ৰেদনায সম্পযুত্তং ধম্মং পটিচ্চ অদুক্খমসুখায ৰেদনায সম্পযুত্তো ধম্মো উপ্পজ্জতি নপুরেজাতপচ্চযা – অরূপে অদুক্খমসুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো; পটিসন্ধিক্খণে অদুক্খমসুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.

নপচ্ছাজাত-নআসেৰনপচ্চযা

১১. সুখায ৰেদনায সম্পযুত্তং ধম্মং পটিচ্চ সুখায ৰেদনায সম্পযুত্তো ধম্মো উপ্পজ্জতি নপচ্ছাজাতপচ্চযা… নআসেৰনপচ্চযা (নপচ্ছাজাতম্পি নআসেৰনম্পি পরিপুণ্ণং পটিসন্ধিকং).

নকম্মপচ্চযো

১২. সুখায ৰেদনায সম্পযুত্তং ধম্মং পটিচ্চ সুখায ৰেদনায সম্পযুত্তো ধম্মো উপ্পজ্জতি নকম্মপচ্চযা – সুখায ৰেদনায সম্পযুত্তে খন্ধে পটিচ্চ সুখায ৰেদনায সম্পযুত্তা চেতনা.

দুক্খায ৰেদনায সম্পযুত্তং ধম্মং পটিচ্চ দুক্খায ৰেদনায সম্পযুত্তো ধম্মো উপ্পজ্জতি নকম্মপচ্চযা – দুক্খায ৰেদনায সম্পযুত্তে খন্ধে পটিচ্চ দুক্খায ৰেদনায সম্পযুত্তা চেতনা.

অদুক্খমসুখায ৰেদনায সম্পযুত্তং ধম্মং পটিচ্চ অদুক্খমসুখায ৰেদনায সম্পযুত্তো ধম্মো উপ্পজ্জতি নকম্মপচ্চযা – অদুক্খমসুখায ৰেদনায সম্পযুত্তে খন্ধে পটিচ্চ অদুক্খমসুখায ৰেদনায সম্পযুত্তা চেতনা.

নৰিপাক-নঝানপচ্চযা

১৩. সুখায ৰেদনায সম্পযুত্তং ধম্মং পটিচ্চ দুক্খায ৰেদনায সম্পযুত্তো ধম্মো উপ্পজ্জতি নৰিপাকপচ্চযা… নঝানপচ্চযা – সুখসহগতং কাযৰিঞ্ঞাণসহগতং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.

দুক্খায ৰেদনায সম্পযুত্তং ধম্মং পটিচ্চ দুক্খায ৰেদনায সম্পযুত্তো ধম্মো উপ্পজ্জতি নঝানপচ্চযা – দুক্খসহগতং কাযৰিঞ্ঞাণসহগতং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.

অদুক্খমসুখায ৰেদনায সম্পযুত্তং ধম্মং পটিচ্চ অদুক্খমসুখায ৰেদনায সম্পযুত্তো ধম্মো উপ্পজ্জতি নঝানপচ্চযা – চতুৰিঞ্ঞাণসহগতং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.

নমগ্গপচ্চযো

১৪. সুখায ৰেদনায সম্পযুত্তং ধম্মং পটিচ্চ সুখায ৰেদনায সম্পযুত্তো ধম্মো উপ্পজ্জতি নমগ্গপচ্চযা – অহেতুকং সুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.

দুক্খায ৰেদনায সম্পযুত্তং ধম্মং পটিচ্চ দুক্খায ৰেদনায সম্পযুত্তো ধম্মো উপ্পজ্জতি নমগ্গপচ্চযা – দুক্খসহগতং কাযৰিঞ্ঞাণসহগতং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.

অদুক্খমসুখায ৰেদনায সম্পযুত্তং ধম্মং পটিচ্চ অদুক্খমসুখায ৰেদনায সম্পযুত্তো ধম্মো উপ্পজ্জতি নমগ্গপচ্চযা – অহেতুকং অদুক্খমসুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো; অহেতুকপটিসন্ধিক্খণে অদুক্খমসুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.

নৰিপ্পযুত্তপচ্চযো

১৫. সুখায ৰেদনায সম্পযুত্তং ধম্মং পটিচ্চ সুখায ৰেদনায সম্পযুত্তো ধম্মো উপ্পজ্জতি নৰিপ্পযুত্তপচ্চযা – অরূপে সুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.

অদুক্খমসুখায ৰেদনায সম্পযুত্তং ধম্মং পটিচ্চ অদুক্খমসুখায ৰেদনায সম্পযুত্তো ধম্মো উপ্পজ্জতি নৰিপ্পযুত্তপচ্চযা – অরূপে অদুক্খমসুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.